بيتك جنتك ورضاء ربك مبتغاك 2 - الصفحة 147

om anous · 2013-03-07, 17:15

اقتباس:

المشاركة الأصلية كتبت بواسطة abida

ما رايك في دواء مضاد للاكتئاب ام اعتمد على levothyrox فقط ؟....توحشت ضحكتي مع ولادي و زوجي

ربي يشفيك ان شاء الله

المغتربة التائهة · 2013-03-07, 17:28

لبنات بنتي عندي عام نقدر نعطيها الماكلة انتاعنا يعني فيها الفلفل الاسود والتوابل اللع اخليكم سامحوني انا ديمة انطل عليكم مي ماعلاباليش علاه مانقدرش نكتب مي وربي شاهد ابكيت معاكم وضحكت معاكم ودعيتلكم بالخير

om anous · 2013-03-07, 17:37

اقتباس:

المشاركة الأصلية كتبت بواسطة المغتربة التائهة

لبنات بنتي عندي عام نقدر نعطيها الماكلة انتاعنا يعني فيها الفلفل الاسود والتوابل اللع اخليكم سامحوني انا ديمة انطل عليكم مي ماعلاباليش علاه مانقدرش نكتب مي وربي شاهد ابكيت معاكم وضحكت معاكم ودعيتلكم بالخير

اهلا بيك اختي انا نظن بللي تقدري تعطيها من ماكلتكم ادا كنت ماطيبيش الحار بزاف يعني غير شوية توابل انا بنتي بديت نوكلها في ستة اشهر غير الماكلة تاع ليبيبي حتى السكر والملح ما عطيتهملاش ولكن بعد العام قاتلي الطبيبة تقدري تعطيها كل شي ابار الحار بزاف

dr.omahmed · 2013-03-07, 18:00

ما رايك في دواء مضاد للاكتئاب ام اعتمد على levothyrox فقط ؟....توحشت ضحكتي مع ولادي و زوجي
انا ننصحك تصبري مع دواك والدعاء و ان شاء الله ترجع ضحكتك وتملى دار بالفرح

dr.omahmed · 2013-03-07, 18:03

مديلها من ماكلتكم بلا حار ودسم بزاف وسكر بزاف

abida · 2013-03-07, 18:05

ان شاء الله يارب .....لا تنسوني انتن من خالص دعائكم

ام باديس · 2013-03-07, 18:20

اقتباس:

المشاركة الأصلية كتبت بواسطة om anous

السلام عليكم ورحمة الله وبركاته
ان شاء الله تكونو كامل بخير حبيت نجاوب على السؤال ونروح نبدا شغلي
انا كي كنت نقرا في الليسي جاي قدامو حمام وحد النهار كنت جايزة من تم لقيت عجوزة خارجة من الحمام وقعدت تشوف فيا ومن قاتلي يابنتي وين تسكني ؟ انا ماحبيتش نقوللها رحت وخليتها وهي كانت معاها طفلة رسلتها مورايا وتبعتني وعرفت دارنا ومن بعد جا باباه لبابا وقالو راهي ختي شافت بنتك بابا قالو الطفلة صغيرة وهاد العام تعقب الباك قالو ماعليش نحطو اليد برك وانا وليدي راه في الخارج مازال باش يجي قالو بابا لالا وممبعد انا اديت الباك وسجلت في الجامعة باش نقرا وهوما عاودو رجعو جات يماه وختو وقالو وليدنا جا وجا شافني وبابا سقسا عليه لقاه ناس ملاح وخاصة انو متدين امالا قالولي ما عندك ما اديري بالجامعة

الحمد لله درك عندي سبع سنين زواج وعندي انس و ياسمين ربي يخليهملي هوما وباباهم هادي هي قصة حياتي

ربي يخليكم لبعضكم بعض طول العمر

ام باديس · 2013-03-07, 18:29

اقتباس:

المشاركة الأصلية كتبت بواسطة dr.omahmed

مديلها من ماكلتكم بلا حار ودسم بزاف وسكر بزاف

اختي معليش نزيد نسقسيك رحت للطبيب اخرمرة قالي الا زاد مرض ديريلو لراديو اسمو togd هل هذا الراديو صعيب عليه وهو يرضع طبيعي وانا عندي فقر الدم هل تكون عندو الانيميا هو تاني

abida · 2013-03-07, 18:49

ام باديس ربي يشافيلك وليدك

ام باديس · 2013-03-07, 19:16

الله يسلمك اختي ويشفي جميع مرضى المسلمين يا رب

اقتباس:

المشاركة الأصلية كتبت بواسطة abida

ام باديس ربي يشافيلك وليدك

ام باديس · 2013-03-07, 19:18

دكتورة ام احمد اين انتي

ليلى القسنطينية · 2013-03-07, 20:06

مساء الخير و عيدكنّ سعيد يا حراير بلادي

ليلى القسنطينية · 2013-03-07, 20:14

تطبيقاتي لنهار اليوم الخميس
الجانب الديني مليح و راني حفظت خمس آيات من سورة الكهف
الجانب التنظيفي الدار مظيفة و الحمد لله كون يهنيني شوية برك ابني الصغير من الرّوي تاعو
الجانب التربوي تهنينا من الامتحانات راح هذاك الضغط
الجمالي عادي
الرياضة مانيش محتاجتها عندي جمال ربّاني ههههههه شوية كرش برك

ليلى القسنطينية · 2013-03-07, 20:22

يا بنات عندي فكرة مانعرف تعجبكم و لّا لا
فكرة السؤال مليحة و لكن الأسئلة الخاصة يا ريت نطرحوها في قسم المتزوجات يعني هذا القسم يطّلع عليه الجميع اناث و ذكور و حتى لي ماش مسجّلين يعني هذه حياتنا الخاصة نعرضوها ، و في قسم المتزوجات راح يطلع عليه غير النساء و المسجّلات في المنتدى برك
مثل سؤال كيف تعرفتي على زوجك ؟ كيفاه تفاهمتو ؟ متفاهمين و لاّ لا يعني هذا النوع من الأسئلة
و اذا راني غالطة قولولي ماتحشموش ههههههه

نافلة · 2013-03-07, 20:29

ليلى + فتيحة + ام احمد كيراكم
///
رالنسبة للجواب على سؤال الاخت خولة على علاقتي بزوجي الحمد لله متفاهمين
///
و بالنسبة للجواب على سؤال فتيحة قبل الزواج كنت نخدم كنترا و معايا صاحبتي كنت نروح معاها لدارهم خطرة على خطرة شافتني مرت خوها اللي هي بنت عم شيخي لي كنت حكيتلكم عليها كي ختمت القران قاتلها هذي صاحبتك و انا ما علاباليش راهو فلان يدور على وحدة بنت حلال باش يتزوج و كان النصيب و الحمد لله لقيتو انسان ملتزم و كيما كنت باغيتو
**اللهم احفظلي زوجي **