دورة " اللَّهُم بلغنـــــا رمضان 1438 لا فاقدين و لا مفقودين - الصفحة 146

غزالة1 · 2017-07-26, 06:43

السلام عليكم
صباحكم جميل يا فراشات
ياريت الاخوات يفرحونا بنتائج اولادهم كلنا شوق لها
سلامي للجميع

ام متين · 2017-07-26, 09:20

صباحكم طيب مبارك
فرحة كبيرة لما نلقى فراشات مازالو يطلو على الصفحة ويستفسرو عن احوال اخواتهن ليكم وحشة يا غزالة والاخت كرونو ورندا
ربي يسمعنا باخبار طيبة عن البقية
يومكن موفق

arwa alaa · 2017-07-26, 14:18

اهلا بالفراشات واش راكم توحشتكم بزاف
وليد جهينة الحمد لله راهو جاب الباك ولعقوبة لوليداتكم ونسمعو خبار الخير على هبة الرحمان بنت ام تينة وبنت سمراء

رندة. · 2017-07-26, 19:39

مساء الخير
اهلا ام متين يتوحشك الخير ان شاء الله، انا ثاني توحشتكم كامل. تقريبا راني ندخل كل يوم للمنتدى باش نطمن عليكم نلقى الصفحة مهجورة. مانعرفش وش نكتب.
مبروووووك الف مبروووووك لابن جهينة النجاح في البكالوريا، شكرا اروى الاء على الخبر السعيد، وان شاء الله ربي يسمعنا بشائر أخرى على ام تينة وسمراء الدنيا.

غزالة1 · 2017-07-26, 22:29

السلام عليكم
مساء الانوار و المسرات على احلى فراشات
مبارك لك جهينة و لنا راهو وليدنا
لك وحشة اكبر شريكتي
كل الفراشات ربي يجمعنا في دورة اخرى ان شاء الله و يجمعنا على الخير دنيا و اخرة
قبل ان انسى اروئ ما اخبار صحتك ان شاء الله في تحسن
في انتظار باقي النتائج
على فكرة هناك موضوع وضعته الاخت سيرين تسال عن دورة جديدة و تخيلو من ردت حبيبة الحبوبة
سلامي للجميع دون استثناء

أريج13 · 2017-07-26, 22:36

السلام عليكن ...كيف احوالكن يا فراشات ...اشتقت لكن كثيرا
رندا . اروى الاء . غزالة .ام متين .و الاخت كرونو ...اتمنى ان تكن بخير
الف مبروووووووووووووك ....لابن الغالية جهينة و عقبى لمزيد من النجاحات
و ان شاء الله تاتي اخبار سعيدة عن ام تينة و سمراء الدنيا
ربي يوفق كل ابناءنا و بناتنا

ام متين · 2017-07-27, 09:12

يويووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووو
الف الف مبروك للغالية جهينة اليقيييين ووليدها وراه وليدنا حنا ثاني
يويووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووو
هذ التولويلة الثانية للفراشات الي راهم يداو يرجعو وحدة بوحدة ربي يدومها لمة
على سلامة الجميع

arwa alaa · 2017-07-28, 08:35

صباح الخير فراشات واش راكم
اهلا بالعزيزة غزالة يسقسي عليك الخير انا راني مليحة والحمد لله وانتي واش احوالك
اريج رندة وام متين واش احولكم مع العطلة كاش
تحواس

جهينة اليقين · 2017-07-28, 11:33

السلام عليكم فراشاتي الحبيبات والله فرحتوووووووووووووووووووووووني بزاف كي فرحتو معايا والله يجعل ايامكم كلها مسرات يا رب
ام متين يا لحبيبة شكرا على التولويلة راهي هزت كل ارجاء البيت لعقوبة لوليداتك
ما تتصوروش شحال تعبت نفسيا وتقلقت وقلقت ابني معايا كنا خايفين من التصحيح وراكو عارفين المشاكل الي صرات لكن الحمد لله وان شاء الله نسمعو بنجاح ابناء حبيباتنا الفراشات نتمنى يدخلو يطمنونا

رندة. · 2017-07-28, 14:15

السلام عليكم ورحمة الله وبركاته
جمعة مباركة لكل الفراشات
ألف مبروك النجاح في البكالوريا لابنك يا جهينة لعقوبة لنجاحات أخرى ان شاء الله.
ورانا مازال نستناو في بقية الفراشات يطمنونا على نتائج أبنائهم.
اهلا وسهلا ام متين واريج وغزالة واروى، يسقسي عليكم الخير، مازال رانا في الدار يا اروى لا تحواس لا والو حاليا. رانا مع الي نجحو الباك نباركولهم وزيدي الفترة هاذي كثرت الاعراس يكمل واحد يبدأ الاخر..
ربي يحفظكم كامل ويهنيكم.

rowaida18 · 2017-07-29, 14:00

السلام عليكم ورحمة الله وبركاته
سلامي لكل الفراشات الحاضرات و الغائبات
الف مبروووووك لابن جهينة النجاح في البكالوريا ة ان شاء الله نسمعو اخبار سارة عن ابنة
ام تينة و سمراء الدنيا...............هذي غيبة و ما سمعنا عليكم حتى خبر

arwa alaa · 2017-07-31, 10:47

صباح الخير فراشات

ام شمسو محمد · 2017-08-01, 14:21

السلام عليكم ....كيف الحال كل الفرااااشاااات الغاااالياااات

اولا مبروووووووووووك حبيبتنا الغالية جهينة نجاح ابنها الباكالوريا ...ان شاء الله تشوفو في اعلى المراتب يارب

و اسال الله العظيم انو بنات حبيباتنا ام تينة و سمراء الدنيا يكونو نجحو ايضا و كل اللي ولادها متمدرسين و يفوتو الامتحانات ..

و التحية موصولة للغاليات رندا و ام متين و اروى و الفجر القادم و رويدا و استاذتنا الحبيبة اريج ...و العائدة حمدا حبيبتنا غزالة

و السلام كل السلام للفرااااشاااات الغائبات ...الحاضرات حتما في قلوبنا ...

الفجر القادم · 2017-08-10, 05:51

اصبحنا و اصبح الملك لله و الحمد لله لا شريك له لا اله الا هو و اليه النشور
اصبحنا على فطرة الاسلام و كلمة الاخلاص و على دين نبيينا محمد صلى الله عليه و سلم و على ملة ابينا ابراهيم حنيفا مسلما و ما كان من المشركين.
الللهم اني اصبحت منك في نعمة و عافية و ستر فاتم علي نعمتك و عافيتك و سترك في الدنيا و الاخرة.
اللهم ما اصبح بي من نعمة او باحد من خلقك فمنك وحدك لا شريك لك فلك الحمد و لك الشكر.
يا ربي لك الحمد كما ينبغي لجلال وجهك و عظيم سلطانك.
رضيت بالله ربا و بالاسلام دينا و بسيدنا محمد صلى الله عليه و سلم نبيا و رسولا.

الفجر القادم · 2017-08-10, 06:08

صباح النور و الهدى و البركات،لكل الفراشات الحبيبات الحاضرات و الغائبات.
شكرا حبيبتي ام متين ،ام شمسو و الله عندكم مكان في قلوبنا و دائما حاضرات فيه، و جميع الفراشات اللواتي معنا ربي يجمعنا اخوانا على سرر متقابلين. امين.
الف الف الف مبروك جهينة لابنك و عقبة لحاجة اخرى ان شاء الله.
ان شاء الله تبلغنا ام تينة و سمراء الاخبار السارة.
حنا راحنا مع تحضيرات وداع الحجاج لي راح يمشيو يوم الاثنين المقبل،انشاء الله يمشيو بخير و يجيو بالف خير.
لا تنسونا حبيباتي من خالص دعائكن و سلامي للجميع من الاىف الى الياء.
احبكن في الله.