الى ام اسيد1 وكل وحدة حاصلة واش الطيب - الصفحة 145

ام سوهيل · 2015-01-22, 10:58

اقتباس:

المشاركة الأصلية كتبت بواسطة أم الحبايب 26

اصباحنا واصبح الملك لله نشالله تكونو كامل بخير ام سوهيل عجبني طبق نتعك ممكن اطاريقة ا
ام حمزة واش رايحا طيبي ليوم انا مزلت نخمم الله يقدر الجميع

صباح الخير ام الحبايب انا اليوم درت لوبيا بيضاء

اليكي طريقة القرتان

اول حدي صدر الدجاج طيبيه في مرق بيصاء بلاحمص فقط بصل وزنجبيل مطحون وحرور ومرقي بي كاص وتصف ماء وضيفي رشة ملح وخليها طيب

وخدي حبات بطاطا حسب افراد العيلة قطعيهم مكعبات صغيرة وقليهم في الزيت خليهم يقطرو وخدي كمية تع جلبانة فوريها اوغليها حتى طيب وخلطيها مع البطاطا ومن بعد خدي صدر الدجاج يكون طاب قطعيه رقيق وخلطيه مع البطاطا والجلبانة والمرق الي طاب فيه الدجاج حضري بيه بشمال خفيفة شوية وكتنحي البشمال من النار ضيفيلها حبة بيض وحلطي كلش مع البطاطا وفرغيها في مول تع الفور ورشيها بي جبن مبشور من الفوق انا مكانش عندي جبن مبشور درت قطع صغير من الجبن العدي ودخليها الفور حتى تنشف وتتحمر من الفوق وبصحتك مصبق وادا حضرتيها قوليلي وش رائيك

على فكرة هدي طريقة امي ربي يحفضها ويشفيها امييييييييين

روح مراد · 2015-01-22, 11:02

صباح النور للجميع تحياتي الحارة لكن
أم منال و منير الله يبارك راكي تنوضي بكري بالصح باش تكملي شغالك لازم أولادك يكونو راقدين
نوضي قبل منهم أو رقديهوم و نوضي طيبي و حضري كل شيء و رجعي الرقدي حتى 6 و نوضي تلقاي كل شيء واجد طيبي قهوة و حضري أولادك و العشية كي تدخلي تلقاي العشاء طايب و الوقت تستغليه في المراجعة مع بنتك و القيام بالعمال الأخرى
ربي يوفقك
كامل النساء العاملات راهوم كيف كيف ما عندهمش الوقت

ام حمزة22 · 2015-01-22, 13:12

سلامي الحار للجميع
واش راكم لبنات ان شاء الله تكونو كامل بخير وعلى خير
ام هديل صيامك مقبول حبيبتي ربي يقدرك ومشكورة على التحلية راهي تشهي
ام هديل انا ديما مبكرة ما دخلتش للمنتدى برك باه نكمل عملي في ملكة الفنون هدا وين كملت اللمسات الاخيرة للوسادة المطروزة بالحاشية وصورتها وبعتها للمشرفة فيفي ربي يحفضها
ام هديل هدا وين قريت ان ولادك هاد العم يجوزو ربي ينجحهم اختي وربي معاك لحبيبتي انا نهار يجوزو ولادي الامتحانات تقولي انا راني نجوز في بلاصتهم ونهار النتائج ما نقلكش الضغط والاطراب لي نكون فيه تلقايني قبل النتائج كي ديك الجاجة لي تحوس على صغارها وخصوصا لم نسمع زغاريت حتى ولو كانت زغاريت الاعراس جيني الحمة ونبقى نترعد
ام هديل وقيلة ركبتلك الخلعة هههههههههه ولا يهمك حبيبتي راح نكونو معاك نشجعوك ونشجعو اولادك انا هاد العام ما عنديش لي يجوز راني مرتاحة نوعا ما
ام هديل ربي ينجحهم وتفرحي بيهم

ام سوهيل يعطيك الصحة على الطبق حتى انا عجبني راه يشهي

روح مراد واش راكي ان شاء الله تحزمتي باه تقابلي الضياف ربي يقدرك حنونة

ام حمزة22 · 2015-01-22, 13:17

ام الحبايب واش راكي اختي
انا اليوم طيبت تليتلي والصفحة نسيت وين هي نوعدكم نبرمج روحي ونحطلكم كل الصفحات ونصغر الصور بادن الله
هي فالحقيقة اليوم البرد نتاع عدس ولا لوبيا بصح اول امس طيبت عدس وولادي ما يحبوش بزاف الحساء باه ما يكرهوهمش نحاول نبعد ونطول باه نطيبلهم اللوبية او العدس اوحتى الشوربة

ام حمزة22 · 2015-01-22, 13:28

ام منال ومنير واش راكي حبيبتي ربي معاك نصيحتي انك تحاولي تبرمجي روحك درك مادام ولتدك مازالهم صغار لان عند ما يكبرو شوية ويولو يقراو راح تصعب عليك المهمة مارانيش نخوف فيك حبيبتي لتكن انا راني قعدة فالبيت وما لحقتش بنتي صغيرة عندها 8 سنين ولازم نحضرلها كل دروسها والله ناخد عشية كاملة وانا نحضرلها ملي تخرج من المدرسة تشرب قهوتها وتحطلي كامل ادواتها واش قرات اليوم ونحضرلها دروس الغد وهاد العام راهي تدرس الفرنسية والله ما يكفيني الوقت باه نحضرلها كلش هي تكره وانت نتعب معاها
حبيبتي حاولي تنسقي بين العمل والبيت والاولاد ربي يقدرك ويعطيك القدرة وتصيبي حل لمشكلتك
امييييييييييييييييييييين

روح مراد · 2015-01-22, 14:31

شكرا أم حمزة راني تحزمت شوية
حضرت المقروط يبقالي العشية نشكلو و نحطو في الفرن برك
و ندير كعيكعات و غدوة صبح ندير كيك
الدار نقية نمسح برك بعد الفطور إنشاء الله نكمل بكري راني معولة النوض بكري باش نكمل الفطور و نمسح الدار من بعد يبقالي غير التحضيرات الصغار برك نتاع السلاطة و سنوية القهوة و القاطو هاذو نقدر نديرهوم ثم ثم

ام هاديل وياسين · 2015-01-22, 16:01

اقتباس:

المشاركة الأصلية كتبت بواسطة ام حمزة22

سلامي الحار للجميع
واش راكم لبنات ان شاء الله تكونو كامل بخير وعلى خير
ام هديل صيامك مقبول حبيبتي ربي يقدرك ومشكورة على التحلية راهي تشهي
ام هديل انا ديما مبكرة ما دخلتش للمنتدى برك باه نكمل عملي في ملكة الفنون هدا وين كملت اللمسات الاخيرة للوسادة المطروزة بالحاشية وصورتها وبعتها للمشرفة فيفي ربي يحفضها
ام هديل هدا وين قريت ان ولادك هاد العم يجوزو ربي ينجحهم اختي وربي معاك لحبيبتي انا نهار يجوزو ولادي الامتحانات تقولي انا راني نجوز في بلاصتهم ونهار النتائج ما نقلكش الضغط والاطراب لي نكون فيه تلقايني قبل النتائج كي ديك الجاجة لي تحوس على صغارها وخصوصا لم نسمع زغاريت حتى ولو كانت زغاريت الاعراس جيني الحمة ونبقى نترعد
ام هديل وقيلة ركبتلك الخلعة هههههههههه ولا يهمك حبيبتي راح نكونو معاك نشجعوك ونشجعو اولادك انا هاد العام ما عنديش لي يجوز راني مرتاحة نوعا ما
ام هديل ربي ينجحهم وتفرحي بيهم

ام سوهيل يعطيك الصحة على الطبق حتى انا عجبني راه يشهي

روح مراد واش راكي ان شاء الله تحزمتي باه تقابلي الضياف ربي يقدرك حنونة

اهلا ام حمزة الله يسلمك والله يتقبل منا ومنكم والعفو معليش نقدمولك احنا تاني ونريحوك شويةهههههه
وربي يبارك فيك بصحتك لعقوبة لتطبيق اخر ان شاء الله وعلى اولادي اللهم امين لولادك وكل المسلمين
شفتي تقولي احنا رنا رايحين نفوتو معاهم العام الي فات كي مجابش ولدي الباك كان رمضان
من قلكش شحال غاضتني وبكيت معرفتش هذاك اليوم كفاه فات عليا وقبل منسمع بنتيجة ولدي كنت ديجا نبكي
على بنت جارتي خسرت وامها ميتة مقدروش يسكتوها دخلت في حالة حتى طلعوها لسبيطار
الله يجعل هاذ العام ربي ينجح قاع الوليدات ونفرحو بيهم امين

ام حمزة22 · 2015-01-22, 16:46

اقتباس:

المشاركة الأصلية كتبت بواسطة روح مراد

شكرا أم حمزة راني تحزمت شوية
حضرت المقروط يبقالي العشية نشكلو و نحطو في الفرن برك
و ندير كعيكعات و غدوة صبح ندير كيك
الدار نقية نمسح برك بعد الفطور إنشاء الله نكمل بكري راني معولة النوض بكري باش نكمل الفطور و نمسح الدار من بعد يبقالي غير التحضيرات الصغار برك نتاع السلاطة و سنوية القهوة و القاطو هاذو نقدر نديرهوم ثم ثم

باسم الله ماشاء الله عليك مرة ونص ربي يحفضك ويخليلك صحتك

اقتباس:

المشاركة الأصلية كتبت بواسطة om hadil

اهلا ام حمزة الله يسلمك والله يتقبل منا ومنكم والعفو معليش نقدمولك احنا تاني ونريحوك شويةهههههه
وربي يبارك فيك بصحتك لعقوبة لتطبيق اخر ان شاء الله وعلى اولادي اللهم امين لولادك وكل المسلمين
شفتي تقولي احنا رنا رايحين نفوتو معاهم العام الي فات كي مجابش ولدي الباك كان رمضان
من قلكش شحال غاضتني وبكيت معرفتش هذاك اليوم كفاه فات عليا وقبل منسمع بنتيجة ولدي كنت ديجا نبكي
على بنت جارتي خسرت وامها ميتة مقدروش يسكتوها دخلت في حالة حتى طلعوها لسبيطار
الله يجعل هاذ العام ربي ينجح قاع الوليدات ونفرحو بيهم امين

ام هديل والله بكيت كي قريت هاد الرد
ربي ينجح جميع وليدات المؤمنين

ام هاديل وياسين · 2015-01-22, 16:54

اسمحيلي معاش الي يبكيك بصح حتى انا كيفك
شحال يغيضوني ليتاما نحس بيهم بزاف

صدفات · 2015-01-22, 16:58

مساء الخير حبيباتي
اليوم راه الثلج مفرش ما خرجتش طلبت من النافذة فقط منها
درت العدس تفكرت البركوكس بالحارأم حمزة تعرف تخدمه
بصح ماعنديش يا حصراه على زمان كانوا امهاتنا يفتلوه رواه
احنا نجيب غير الواجد
روح مراد حبيبتي كي تكملي مع ضيافك حطيلي طريقتك في صنع المقروض
لأنه انا نعرف لي يقلوه و ما لازمش مع الرجيم نأكل المقلي
حبيبتي أم حمزة كي حطوا الوسادة لي خدمتيها حطي الرابط باه نشوفها ياخي قتلك انا
نشجعك بزاف
غزالتي أين أنت
أم سوهيل ما تخافيش على وليدك هدريه و كثري الدعاء
ام هديل ربي ينجح وليداتك
تحياتي للجميع

hayette82 · 2015-01-22, 17:07

لنا تاني اليوم درت لوبيا وخبز فيسال

hayette82 · 2015-01-22, 17:08

والعشاء هنديير طاجين الزيتون تاع ام رامي الله يحفضها

ام حمزة22 · 2015-01-22, 17:34

اهلين صدفات واش راكي صح منضر الثلج راه يهبل والله حطتلنا الاخت كيكا فيقسم الاعمال الفنية ربي يحفضها صورة الثلج من عندهم والله تهبل داك المنضر روعة
اما عن البركوكس كيما قلتي ياحصراه على بكري درك رانا ناكلو غير الواجد ونفولو الوقت ماكاش وما لحقناش
والوسادة ان شاء الله فالغد يحطوها ونبعتلك الرابط

ام حمزة22 · 2015-01-22, 17:35

اهلين حيات واش راكي بصحتكم الماكولات

ام الخير 05 · 2015-01-22, 17:50

lمساء الخير ام حمزة وكل الاخوات انا اليوم درت لوبيا حارة هزيت الرجيم وخرجتو برة قتلني الجوع ونزيد نشوف طيابكم نزيد نجوع كثر تحاتي ليكم جميعا