اخر اخبار المشطوبيين من الجيش بملف طبي

[TOHROU]

يا مراد ماتقلقش و الشدة في ربي و ما بقاش قد ما فات

[chamam]

والله يا طوهروا جبتها فالصواب
عندي تقريبا سنتين منين درت المشروع تاع اشواق فى حقول النفاق وهو كتاب عبارة عن قصص من حياتى الشخصية
باسلوب ملهمى مصطفى لطفى المنفلوطى مع تطرقى الى عدة اشياء منها العقلية الجزائرية وعقلية الرجلة للجزائري
والانحدار الخلقى من السب العلنى فى الطرقات وبعض المضاهر السلبية فى المجتمع وفى الاخير الرجوع الى الاسرة والمسجد
والان انا فى صدد البحت المعمق فى مؤسسة المسجد التى رايت ان الخلل فيها بسبب تكوين الائمة بسبب ضعف بعض الزوايا
المنتشرة عبر ارجاء الوطن والبعيدة عن الواقع مما يجعل المتخرج منها .................

[chamam]

levert17
يارزان رانى بردان علابالك ياخويا واش نحكيلك روح لقسم الخواطر وعمر راسك واعرة بزاف هادي وعندك برك تخمم فيها بزاف لقصيدة هادي هضرتها فى حدود الساعة الواحدة ليلا علابيها ليقراها محال يرقد ههههههههههه

[TOHROU]

نزيد نقلوك حاجة حتى أنا عندي مدة بديت نكتب في كتاب عن يومياتي لأني سوفريت بزاف في الجيش من الحقرة
بصح حبست على خاطر بزاف حوايج ما نقدرش نكتبهم

[chamam]

وين رحنوا يا جماعة ازرع ينبت
تعجبنى يا مراد انت بسيكاتر من لكبار وين رحت يا خويا

[chamam]

طوهرو كلشى عندو حدود ولكن اسلوب القصة تقدر تبلور اي قصة ادا كانت عندك موهبة

[moutise]

السلام عليكم واش حوالكم

[TOHROU]

ماهيش قصة يا شمام راهي حياتي ألي حطموها

[chamam]

وقيلة رانى نهضر وحدي اناية حتى قالوا الناس روحت وهدا مزال فلحكاية وتعرف واش غاضنى يخدعنى مراد وهو ماكل ملحى معايا ياربى خلى المشطوبين فلعلالى كيمة نجمة ضوايا .ويارب العالى شوف مع حوالهم وحوالى ويا علام الغيوب اجعل كل واحد فيهم منسوب وخاصة لى على امروا مغلوب من فضلك يامقلب القلوب .

[chamam]

moutise اهلا خويا مزال مرقتش ولا معندكش لمدرسة غدوة ههههههه متزعفش رانى نرحب بيك ونتمنى ادا كنت من هاد الفئة قبل كل شئ ربى يشفيك ومبعد ادا كان على الرزق دير التقة فى ربى هو وحدو رايح يعطيك .

[moutise]

شمام باغي نسقسيك واحد كان طالب صف ضابط وعندو 50/100غير منسوب كيفاش تكون لاباي نتاعو
هل يحسب له على اساس الاجر القاعدي نتاع صف ضابط ولا كيفاش جاوبنا ربي يخليك

[levert17]

تصبحون على خير يا جماعة الخير راني رايح نشوف خوتنا السورييين ألي هبلوا كيما الليبيين و داروا قاع الفيزات انتع الموت و رايحين يخربوا بلادهم كيما خربوها اللبيين و حشاهللهم سركوزي و قتلوا بعضاهم .و هذا الا على هذاك الكرسي انتع النار و اليوم كيما راكم تشوفوا في الاخبار البلاد الي تنوض فيها الفوضى متزيدش تتسقم و لا تشوف الهنى و احنا الحمد لله رانا هانيين و نطلبولهم الهنى انشاء الله و نوصيكم تهلاو في بلادكم هذه امكم عيشوا فيها بسلام و الرزاق الله مشي اللجنة .

[TOHROU]

تصبحوا على خير يا جماعة في الغد و ربي ينصر الحق

[chamam]

يا طوهرو واش هاد لكلام واش حياتى حطموها علاه لقاوك جتة ورموها راهوا كاين قانون مهوش مطبق ولا كاين قانون فاتوا الزمان حتى الارشيف تاعوا خشان وترتق وزيد بزيادة انت راك تكتب فى منتدى يعنى الحالة العقلية راهى لاباس يعنى مكانش فرق كبير بينك وبين الناس .

[chamam]

moutise
نوع المرض والخدمة شحال