~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام صفصف]

وايضا اعرف حالتين كلاهما عانت وبعد العملية والعلاج كلاهما انجبت طفلا اخر وهي تعيش حياة طبيعية
والامثلة تملا المواقع فقط الرغبة بالشفاء واليقين بالله يااختي

[غزالة1]

السلام عليكم
اللهم اشفي ام اختنا ام ابراهيم
اختي لا تسالي ان كانت هناك حالات شفاء و ان شكك الاطباء في شفاء انسان فهذا لا يعني صحة قولهم فهم سبب فقط فكل انسان سيقضي عمره المقرر له
نسال الله الشافي ان يشفيها لكم و ان يعطيكم القوة حتى تكونو عونا لها بالدعاء و الصدقة كما قالت اختي ام صفصف

[حياتي كلها امل]

السلام عليكم اختى ام هارون اكثري من الدعاء والاستغفار وربي يفرج .
ام ابراهيم عليك باالدعاء خاصة في ثلث الليل الاخير واكثري من الاستغفار والصدقة ونحن بدورنا سندعو لها بالشفاء .
اللهم اشفي جميع مرضانا ومرضى المسلمين امين امين

[حياتي كلها امل]

انا اليوم اخذت ابني للمستشفى قالولي راهو مليح الحمد لله وقالتلي الطبيبةعلى اسبوعين او ثلاثة نحولو لبروش وعطاتني موعد الاسبوع القادم .
وصلت على 11سا للدار سخنت الفطور فطرو الاولاد والزوج ثم درت الملابس يتغسلو ونشرتهم صليت الظهر رقدت بنتي وتكيت شويا عييت ومبعد بدا وليدي يبكي قالي يدي راهي دغدغ فيا والله مافهمتش علاه نقولو توجعك يقولي لالا ومبعد حبست شويا نضت للفريجيدان غسلتها غير الله الله وغسلت المواعن ورجعت كل شيء لبلاصتو وضرك شويا ندير العشاء

[نسمة صبح]

سلام حبيباتي

حابة نسقسيكم على ماء ورد واش موالفين تشريو..حطت سمراء من قبل نايت بصح ملقيتوش..لقيت واحد اسمو نسيم..يعني حابة واحد اللي يتشرب مش للاستعمال الخارجي فقط

[loudjaine]

المشاركة الأصلية كتبت بواسطة غزالة1

تذكرت اختي لجين وسعي خاطرك على قد ما تقدري حتى ما تاثريش على صحتك sinon البسي لبسة الماصو و بداي ههههه راني نمزح معاك اختي ما تركزيش على هاذ المشكل و اعطي لنفسك المجال تقومي بكل الاعمال التي لا تتعلق بالمنزل
سلام

اليوم خدمت نهار كامل كي خرجت على 6 ديت لولاد يلعبو برا ما دخلناش حتى اذن المغرب و المشكل ما جاش الماسو اليوم .....بعثلي ولدو لفارماسي صباح شرا دوا يسما دا مرتو للطبيب .....ربي فرج انا غلى الدمار ما فرزت والو طيبت لعشا و خلاص

[ام صفصف]

صباحكم سعيد يا اغلى فراشات

[omelbanin]

السلام عليكم ،جمعة مباركة ،اللهم صل وسلم على الحبيب المصطفى وعلى اله وصحبه اجمعين.

[arwa alaa]

صباح الخير عليكم
جمعة مباركة
راهو قرب رمضان

[arwa alaa]

ام خليل ربي يشفي الوالدة ويعافيها

[حياتي كلها امل]

السلام عليكم صباحكم سعيد وجمعة مباركة على الجميع وشراكي ام هارون وانت يااروى يارب تكونو بخير انتم وكل الفرشات

[روضة 88]

صباح الخير عليكم فراشات المنتدى

صباح الهمة والنشاط

صباح الامل والتفاؤل .

اليوم راه عندي اعماااااااال علابالي منلحقش نديرهم كامل.

وانتوما،وش من اعمال بقاولكم ديروهم اليوم.

[غزالة1]

السلام عليكم
جمعة مباركة للجميع
اللهم اعنا على ذكرك و شكرك و حسن عبادتك

[فراشات العمر]

السلام عليكم
كيكم انسات اخر زمان ههههه وحد الكشرودات علاه هدرتو من ورايا يخي قلتلكم غير شوية ساعتين ونا نقرى في الردود لكان نحكمكم مقطشكم ونحيلكم لبراوش
البارح وين سلكنا النت
ام هاجرة على سلامة وليدك سايسيه برك كي يبدا يبرا يولي يدغدغ كثير كثير حاولي تهدئيه وبدليلو الهدرة يعني سهيه
حبيبة مبروك المنزل الاصلي لعقوبة ليا كرهت
ام صابرين ما سألتيش عليا عندك وحدة
ام اللبان وام راضية وكل من سقسات عليا شكرا لكن جزيلا
غزالة مرضك يحب الستحفيظ وتبراي ان شاء الله وتولي تتبرعي بالدم
نتمنى تكونو كامل بخير والف خير
راني مع جلابة نخيط فيها مرتين وانا نعاود ماعرفتش وين الخلل واقلا نلبسها وخلاص

[حياتي كلها امل]

على سلامتك يا ام لينا وشراكي توحشناك وبلاصتك خصت .
انا اليوم بعد ماصليت الفجر وليت رقدت ونضت على السابعة ونصف طيبت الحليب وناض وليدى وبنتي الصغيرة شربو الحليب انا غسلت المواعن وخملت الصالو زوجي عندو خدمة بزاف كل عام يصرالو حكا قبل من رمضان يعني راح يخدم والاولاد داهم عمهم في الطنوبيل وانا خملت الغرفة ورحت عقبت خفافي على الكوزينا غسلتها ذيك الخطرا ومسحت كامل الغبرة تاع البيوت وسيقت الدنيا كامل وعقبت على الفايونس تاع الكولوار ثم طيبت الفطور ودخلت دوشت جاو الاولاد مع باباهم حطيت الفطور رقدت بنتي صليت ثم عملت لبات فويتي خبيتها في المجمد وطيبتلهم الحليب وبنتي راهي تغسل في المواعن اذا قدرت مور العصر نخرج مع زوجي نشرو شويا مواعن خصونا .