عصاة الخدمة الوطنية. و المحكمة العسكرية - الصفحة 141

abdou_inf · 2013-09-18, 16:57

السلام عليكم خاوتي
انا واحد من العصاة و راني حاب نروح للمحكمة العسكرية بالبليدة...الا اني حاب نفوت العامين و لا يمدولي الاعفاء و ما رانيش حاب يرجعوني و يعطولي سورسي...
واش رايكم ....نروح غدا الخميس و لا نخليها ليوم الأحد؟؟
كان عندي الاخ و هو الوحيد كان يفوت في لارمي لهذا انا ريحت في الدار و مبعد لقيت روحي عاصي....واش لازم ندي معايا وثائق؟؟؟
و اذا كاش ما فيها عقوبة ...ما هي اقصى عقوبة نقدر نتلقاها؟؟؟

شكرا لتجوابكم.....

عماد بوساحة · 2013-09-18, 16:59

بارك الله فيك خويا yacine bba34.والاستدعاء هدا نتاع سبتمبر نروح نهزو ولا لالا ؟ وادا كانت معاه الورقة البيضاء oa+or يعني نزيد نستنى عام....

saadc · 2013-09-19, 11:04

السلام عليكم ،أنا من مواليد 1985 أنهيت دراستي في2011 وعندي ديبلوم ماستر2 واليوم جاني استدعاء مرفوق بأمر بالإلتحاق، مع العلم عندي ملف طبي المتمثل في ضعف النظرللعينين معا(12/10)6/10في كل عين أود دفعه في المحكمة العسكرية....من فضلك أنتظر الرد

salim1512 · 2013-09-19, 12:15

خاوتي أنا جاتني لوردابال التالية في 22/03/2013
و يوم 17/09/2013 عيطلي صاحبي gendarm قالي ماراكش روشارشي
وقتاش يخرجلي البيي دروشارش

angel-med · 2013-09-19, 12:49

السلام عليكم
ربي يسهل ان شاء الله

libanarim · 2013-09-19, 13:57

اقتباس:

المشاركة الأصلية كتبت بواسطة abdou_inf

السلام عليكم خاوتي
انا واحد من العصاة و راني حاب نروح للمحكمة العسكرية بالبليدة...الا اني حاب نفوت العامين و لا يمدولي الاعفاء و ما رانيش حاب يرجعوني و يعطولي سورسي...
واش رايكم ....نروح غدا الخميس و لا نخليها ليوم الأحد؟؟
كان عندي الاخ و هو الوحيد كان يفوت في لارمي لهذا انا ريحت في الدار و مبعد لقيت روحي عاصي....واش لازم ندي معايا وثائق؟؟؟
و اذا كاش ما فيها عقوبة ...ما هي اقصى عقوبة نقدر نتلقاها؟؟؟

شكرا لتجوابكم.....

وعليكم السلام
من الأفضل تدي معاك ملف طبي أو كفالة وان شاء الله تتحصل على الاعفاء
كي تروح مادا بيك تحكيلنا واش صرا معاك، لأنو أنا تاني عاصي وحاب نروح ليهم بعد العيد مباشرة

abdeldjalil147 · 2013-09-19, 14:25

خاص بالمنتمون للناحية العسكرية 1 البليدة
الناس اللي راهم عصاة و حابين يتوجهوا للمحكمة العسكرية
و بالخصوص ذوي الملفاة الطبية
اللي ما عندوش ملق طبي صحيح خاص بالامراض المزمنة او عمليات جرايحة باينة ماكان لا يشقى
كاين بالزاف صحابي راهو بملفاة و حكموهم
اللي عندو ملف كفالة مضمونة العودة ان شاء الله
مجرد نصيحة

SDFGKE · 2013-09-19, 14:47

هل العاصي يستطيع ان يشتري العفو ام لا

Yacine BBA34 · 2013-09-19, 14:56

اقتباس:

المشاركة الأصلية كتبت بواسطة saadc

السلام عليكم ،أنا من مواليد 1985 أنهيت دراستي في2011 وعندي ديبلوم ماستر2 واليوم جاني استدعاء مرفوق بأمر بالإلتحاق، مع العلم عندي ملف طبي المتمثل في ضعف النظرللعينين معا(12/10)6/10في كل عين أود دفعه في المحكمة العسكرية....من فضلك أنتظر الرد

الاخ ساعد ننصحك ادفع الملف الطبي في مركز الخدمة أولا وشوف واش يقولولك وادا مقبلوهش أدفعوا في المحكمة يحكموه ويعطيوك رسالة للمستشفى العسكري دير كونتر فيزيت عند ophtalmologue ويزيدوك استدعاء للمحكمة بعد شهرين تولي ليهم تشوف واش قال الطبيب و ان شاء الله الاعفاء

Yacine BBA34 · 2013-09-19, 15:02

اقتباس:

المشاركة الأصلية كتبت بواسطة sdfgke

هل العاصي يستطيع ان يشتري العفو ام لا

أكيد نتا ومعارفك ادا عندك معريفة مع الوكيل العسكري وجماعتو وادا شريتها قولنا كيفاش درت مدابيك رانا قاع باغيين نحلو هدا المشكل ونتهناو وان شاء الله الاعفاء

Yacine BBA34 · 2013-09-19, 15:05

اقتباس:

المشاركة الأصلية كتبت بواسطة salim1512

خاوتي أنا جاتني لوردابال التالية في 22/03/2013
و يوم 17/09/2013 عيطلي صاحبي gendarm قالي ماراكش روشارشي
وقتاش يخرجلي البيي دروشارش

بعد عام كامل أي في 22/03/2014 كييخرج وتولي روشارش قولنا واش رايح تفعل وبالتوفيق

libanarim · 2013-09-19, 15:11

اقتباس:

المشاركة الأصلية كتبت بواسطة abdeldjalil147

خاص بالمنتمون للناحية العسكرية 1 البليدة
الناس اللي راهم عصاة و حابين يتوجهوا للمحكمة العسكرية
و بالخصوص ذوي الملفاة الطبية
اللي ما عندوش ملق طبي صحيح خاص بالامراض المزمنة او عمليات جرايحة باينة ماكان لا يشقى
كاين بالزاف صحابي راهو بملفاة و حكموهم
اللي عندو ملف كفالة مضمونة العودة ان شاء الله
مجرد نصيحة

الله يبارك فيك يا عبد الجليل وربي يجازيك
واش المقصود بملف كفالة مضمونة لأنو راني حاب نروح ليهم بعد العيد مباشرة بملف كفالة

Yacine BBA34 · 2013-09-19, 15:14

اقتباس:

المشاركة الأصلية كتبت بواسطة azzoun abdelouahab

1- يا أخي ufc ماشي مقبولة .
2- أنتت يا أخي راك في la bonne voie donc ton casse pas la teteبإذن الله تفريها.

بارك الله فيك شكرا . صحيح رحت اليوم لمركز الخدمة وديتلهم شهادة تسجيل في ufc قالي علاه انت حياتك كامل تديها قراية ولا هههه .وسبب عدم القبول لانها تحت مستوى الديبلوم اتاعي لازم تكون فوق المستوى المكتسب حاليا وقالي لازم تولي للمحكمة العسكرية وجيبنا ورقة من تم باش نعطيولك سورسي في لنتظار صدور الحكم من المحكمة 30/10/2013

Yacine BBA34 · 2013-09-19, 15:21

السلام عليكم يا أعضاء المنتدى

أريد ردا على مشكلتي من فضلكم خا صة الاخوة الذين لهم تجربة سابقة ومماثلة لحاتي
انا كنت نقرا في معهد متخصص في التكوبن المهني لمدة عامين ونصف و في تلك الفترة كان عندي سورسي عامين ونصف يعني مسوي الوضعية منبعد كيكملت رحت لسطيف ديتلهم ديبلوم زادولي سورسي تاع 3اشهر 2مرات منبعد درت كونكور تاع شبه الطبي ونجحت وبديت نقرا وفي العام الاول بعد ما انتهت صلاحية السورسي الاخير في 14/03/2012. جاتني اوردردابال في 15/03/2012 وهي الاولى انا ستهزيت مديتلهمش شهادة مدرسية في داك الوقت والان كيكملت قرايتي غيطولي باش نخدم في المستشفى نمضي محضر التنصيب ممرض بصح دومونداولي تسوية وضعية كيرحت لسطيف ديتلهم اوردردابال قالولي راك عاصي وعطاولي رسالة للمحكمة العسكرية قسنطينة كيرحت للمحكمة ديتلهم ملف طبي حكموه عليا وعطاوني رسالة باش نروح بيها للمستشفى العسكري قسنطينة. فوتت فحص عند طبيب "خبرة طبية"وقالي راك كيتولي للمحكمة يقولولك تفوت الخدمة الوطنية ولا تعفىا وراني مولي للمحكمة في 30/10/2013 والسؤال مادا سيحصل بعد العودة للمحكمة ؟ هل اداقال الطبيب مقبول نشارع ويدوني منتم ولا تخفض الرتبة ولا كيفاش الاجراءات اللي يديروها ؟وفي حالة قال الطبيب غير مقبول باينة يعطولي اعفاء نورمالمو وهل نقدر نولي ليهم قبل 30/10/2013 لاني في امس الحاجة لتسوية الوضعية للامضاء على محضر التنصيب. جاوبوني من فضلكم يا أهل الخبرة ةالتجربة السابقة والله غير راني محير تاع الصح . وفي انتظار ردودكم تقبلوا مني أسمى عبارات التقدير والاحترام

وشكرا

abdeldjalil147 · 2013-09-19, 17:14

[QUOTE=libanarim;1054400122]

الله يبارك فيك يا عبد الجليل وربي يجازيك
واش المقصود بملف كفالة مضمونة لأنو راني حاب نروح ليهم بعد العيد مباشرة بملف كفالة

[/QUOT

السلام اخي
يعني اذا كان عندك ملف كفالة يكون عندك حظوظ اكبر
لانه 70 بالمئة من الملفاة الطبية مرفوضة في المحكمة خاصة البليدة
و اذا كان الملفة كفالة ان شاء مقبول بحظوظ اوفر
بالتوفيق للجيمع