الى ام اسيد1 وكل وحدة حاصلة واش الطيب

[ام حمزة22]

المشاركة الأصلية كتبت بواسطة غزالة الصّحراء

أختي أم حمزة فرحتك هي فرحتي. وأنا أكثير فرحانة بردّك. كالعادة لاتبخلي أبدا بتوضيح الأمور بردودك المتواضعة. ربّي ايخليك لينا ويحفظك ويسترك ياأروع عسل . .
بالمناسبة بما أنّ قسم الأعمال الفنيّة أعجبني. شدّ انتباهي عجينة السيراميك. وحبيت نخدمها. بصح عندي سؤال من فضلك جاوبيني عليه. هو: واش نعني بغراء الزجاج. وهل هذه العجينة أعملتي بها كاش حاجة. أتشد في الكأس إذا أغسلتو بالماء؟؟

شكرا ليك غزالتي على الدعاء لك بالمثل
شوفي واش خدمت بعجينة السيراميك


اما عن غراء الزجاج يجي ترونسبارو كي تروحي لمحل الطلاء يوريهالك وكاين غراء ابيض للخشب هداء نخدمو بيه العجينة
غزالة لوكان تشوفي ملمس ديك العجينة تقولي نقعد غير نلعب بيها هههههههه
اما غسل الفزات يكون عادي مثل الفازات لي نشروهم الا ادا كان الغراء بيريمي راه ما يلسقش مليج

المشاركة الأصلية كتبت بواسطة ***سلمى ***

مساء الانوار اخواتي

اهلين سالمة واش راكي ان شاء الله ريحتي شوية

المشاركة الأصلية كتبت بواسطة ام اسيد1

السلام عليكم ورحمة الله و بركاته مرحبا اختي سلمى مساء الفل و الخيرات

وعليكم السلام ورحمة الله تعالى وبركاته واش راكي ام اسيد واش راهم اولادك

المشاركة الأصلية كتبت بواسطة صدفات

مساء الخير يا بنات
راني رجعت خفاشة ندخل المنتدى غير من الليل لليل ما رانيش نلقى الوقت
في النهار أم حمزة عندك الحق راهم العائلة كلها معايا رجيم درت لهم شرط لي يحب حاجة
يجيبلي نقطة مفرحة الله يستر راهم بدأو الفروض يا رب ينجح كامل وليداتنا.

المشاركة الأصلية كتبت بواسطة صدفات

لبنات مبروك للفريق الوطني ربحت الجزائر 3 أهداف ولادي خلاص راهم يرقصوا ما أحلى الفوز

اهلين صدفات واش راكي ربي ينجح اولادك واولاد الجميع وربي يدوم الافراح ويخلينا دايما في اعلى المراتب
آمييييييييييييييييين

[ام حمزة22]

لبنات انا اليوم طيبت العدس
سامحوني لبنات على طبق البارح تبلوكات البارح التبلات وما قدرتش نفاسي الصورة لي خرجت الدوبل وما عرفتش كيفاه باقي الصور تسوبريماو
نوعدكم نعاود الطبق ونحطلكم الصور من جديد حتى زوجي قالي ماشبعتوش عاوديه


روح مراد وين الغيبة ان شاء الله المانع خير

[hayette82]

صباح الخير ام حمزة وكل العضوات

[روح مراد]

صباح الخير أخواتي
و الله البارح كنت شوية مشغولة و مشوشة ذهنيا
كانت عندي خدمة كبيرة لازم نكملها
و كنت رايحة نزور جدتي كانت شوية عيانة (الكبر) يعني ما رانيش نلقا الوقت الكافي فالدار و في الخدمة
في الدار ما نحبش ندير النت غير باش ما نقعدش و نهمل شغلي عندي 4 ساعات في الدار كل عشية ماذابيا ندير فيهوم شغلي
و لوستي جاية الجمعة مع أولادها و راجلها للفطور لازم نحضرلها أدعو برك ما يباتوش
يعطيك الصحة أم حمزة اشغالك هايلين
تحياتي لجميع الأخوات

[*أم جابر*]

السلام عليكم و رحمة الله و بركاته
اسال الله ان تكونوا كامل بخير انا اليوم طيبت عش الزاوش تع ام حمزة ولا قدرت امبعد نحط الصور

[منال ومنير]

مساء الخير وشراكم توحشتكم بزاف كانت عندي شوية خدمة
مع البيت و اولاد و الحمل راني نعية ادعولي نسلك

[hayette82]

ربي يكون في عونك انا عقبت رمضان بالحمل

[روح مراد]

ربي معاك و ربي يعطيك وقفة ساهلة انشاء الله

[منال ومنير]

مساء الخير روح مراد وشراك قليلي كيفاه ركي توفق بين البيت و العمل و الاولاد ونهار

[منال ومنير]

يعطيك الصحة حياة وشراكي دروك زيتي ولا مزال

[منال ومنير]

مساء الخير ام لسيد انشاء الله تكونو بخير

[بيلسان91]

مساء الخير ام حمزة اليوم درت تحلية بالليمون لقيت الوصفة فكتاب الطبخ القسنطيني
المهم هي نعتت كفاش تندار التحلية بصح التزيين قالت برك طلعي بياض البيض على شكل تلجي ومننعتتش كفاش يطلع
حوست فقوقل لقيت ديري بياض البيض مع سكر وطلعيه
درت كما قالو فقوقل وطلعتو بالباتور ختار شوية بصح مولاش على شكل تلجي
كفاااش الحل

[غزالة الصّحراء]

المشاركة الأصلية كتبت بواسطة ام حمزة22

شكرا ليك غزالتي على الدعاء لك بالمثل
شوفي واش خدمت بعجينة السيراميك


اما عن غراء الزجاج يجي ترونسبارو كي تروحي لمحل الطلاء يوريهالك وكاين غراء ابيض للخشب هداء نخدمو بيه العجينة
غزالة لوكان تشوفي ملمس ديك العجينة تقولي نقعد غير نلعب بيها هههههههه
اما غسل الفزات يكون عادي مثل الفازات لي نشروهم الا ادا كان الغراء بيريمي راه ما يلسقش مليج

اهلين سالمة واش راكي ان شاء الله ريحتي شوية

وعليكم السلام ورحمة الله تعالى وبركاته واش راكي ام اسيد واش راهم اولادك




اهلين صدفات واش راكي ربي ينجح اولادك واولاد الجميع وربي يدوم الافراح ويخلينا دايما في اعلى المراتب
آمييييييييييييييييين

ماشاء الرحمان اللّه ايبارك. وخمس واخموس عليك. روعة. واللّه اتصدقي ولا لال غير عينيا أتدمعوا . مانعرف وعلاش. !!!!!!!!
روعة روعة روعة مابعدها من روعة. بالنسبة لغراء الخشب نعرفو بصّح غراء الزجاح مانعرفوش. راني أنوصي أولادي بسلامتهم لما يرجعوا من الجامعة . ونخدم كاش حاجة. مازال مافكّرتش. أنا شخصيا أنميل بزاف للأشغال الفنيّة بصّح اللّه غالب ماعنديش بزاف الوقت. ورغم ذلك رايح نعمل المستحيل باش أنوفّق في تنظيم الوقت ونعمل كاش فازة.. ويعطيك الصحّة على ردّك واللّه راكي بزاف أشجعيني ودائما للأحسن اللّه ايطوّل في عمرك ويحفظك للعائلة أنتاعك ولينا ثاني باش نستفادوا من خبراتك وتجاربك الموفّقة. بصحّ حبيت أنسقسيك. هذيك الكؤوس ألي باللّون الوردي ثاني بعجينة السيراميك؟ظ

[غزالة الصّحراء]

المشاركة الأصلية كتبت بواسطة بيلسان91

مساء الخير ام حمزة اليوم درت تحلية بالليمون لقيت الوصفة فكتاب الطبخ القسنطيني
المهم هي نعتت كفاش تندار التحلية بصح التزيين قالت برك طلعي بياض البيض على شكل تلجي ومننعتتش كفاش يطلع
حوست فقوقل لقيت ديري بياض البيض مع سكر وطلعيه
درت كما قالو فقوقل وطلعتو بالباتور ختار شوية بصح مولاش على شكل تلجي
كفاااش الحل

أهلين بيك أختي بيلسان91 ياربّ أتكوني بخير انت وعائلتك. حبيت أنجابوبك فيما يخص الطريقة الي اتطلعي بيها البياض.
أولا لازم الخلاط ايكون ماركة أمليحة. ديري البياض في الصّحن ألي تعملي فيه الحلويات. اضيفي له قليلا من الملح. في أغلب الحالات أنا أستغني عن الملح . أنخلط بدون توقّف حتى أنشوف البياض بدأ يتكاثف مالازمش أنخليه كالماء. . شوفي حنونة يبدا يطلع كيما الأومو لما أنديروا الماءهههههههههههه على هاذي التّجربة لما كنّا أصغار أنحبو نعملوا الأومو في قارورة وناخذوا أنبوب وندخلوه الدّاخل ونعملوا بالونات. يحسراه على هذاك الزّمان !!!!!!!!!!!!بما أنّه للتزيّن أكيد لازم أتزيديلو السّكر. قولي أوّلا كيفاش كتبت صاحبة الكتاب. يعني البياض بالسّكر أو بدونه.؟ باش أنوضّح لك أكثر.

[غزالة الصّحراء]

حبوباتي غالياتي لو ماندخلش لهاذي الصّفحة نتقلّق. وحتى وانا في الخدمة أنفكر فيها . ونقول غير مع نفسي يادرا واش رايح نلقا فيها اليوم. واش هو الجديد ألي جابتو الأخت أم حمزة. اللّه ايجازيها كلّ خير وايجازي كلّ وحدة تنتمي إلى هذه الصّفحة بدّون استثناء. ياربّ الكلّ ايكون في عافيّة وصحّة .
أختي صدفات أنا أوليدي الصّغير لمّا راح للجامعة أطلب من أبيو ايسجّلو المباراة. واتصوّري ماناضش كامل من بلاصصتو. قلت لو غير الخير. قال لازم انسجلّ لوليدي المباراة. واللّه غير راجلي كان مايحبّش كرّة القدم بصّح اوليدي بسلامتو خلاه ايحبّها. لوكان اتشوفي لمّا لعبت الجزائر مع مصّر بكانا كامل. لمّا خسرت.ولّا غير ايعلّق على هاذيك المباراة . ويقول ظلمونا. ماعرفتش واش أندير نبكي ولا نضحك. بصّح عندو الحق. تحيا الفريق الوطني أينما تواجد ومع من أجرى المقابلة.