الجزء 170من واش طيبتي اليوم 💝 كوزينة المفاجآت والصحبة الطيبة 💝 - الصفحة 14

lyzzabel · 2016-10-04, 18:13

أهلااا بالملتحقاااات

حبيباتي ما نجمتش نكمل المرااجعة ناض حبووبي صفصووفي يؤبشنيي جا وقت حلييبه

شفت الروز تاع تووبتي الحبووبة فالإقتبااس ممممم و مممممم يشهييي يشهييييي تسلم ايديييك و ايديين اختك

نخليكم في لامان غاليااتي و مع السلاااامة

ام سهام 02 · 2016-10-04, 18:37

الف مبروك غالتي بيبا الكوزينة افتتاح جزء جديد من الكوزينة راني لبيت الطلب ودخلت ماشاء الله اطباقك تحفة وراقية يسلمو حبيبتي
اتفضلي باروكي المتواضع

جازيا ام البنات · 2016-10-04, 18:53

باسم الله ماشاء الله بيبا راكي قايمة بالكوزينة والنشاط راه في القمة ماشاء الله خمسه وخموس عليك حطيتي التطبيق والفحلات طبقو وجابوه واجد وانا زعما راني عاد نراجع في دروسي الحق راكم 444444444444 ماعندي مانقول
شفت رجوع الغالية دائمة الحمد وأنا من أشد المعجبات بيها نتمنى دائما تشارك معانا
ولي محالي كامل شي لي راجعت التحف الفنية تع العسلاية عملتيلي بلوكاج في الميموار قعدو غير اطباقك في الذاكرة المركزية ربي ينورك ويخليلك أبناءك ويفرحك بيهم
بيبه نوعدك أكيد بالتطبيق بصح حتى يجيبلي أبو البنات الفرينة خلاصتلي
فطوري تع اليوم كان شفلور
هدو خبيزات الشفلور بالفرماج

وهدي الصوص بالدجاج والحمص

ام سهام 02 · 2016-10-04, 19:03

حياة نور الدين · 2016-10-04, 19:05

ام الاء الرولي خرجلك تحفففة يعطيك الصحة وربي يخليك على كلامك وشهيتك في الجنة

فضيلة، ام البنين، بيبا تطكبيقاتكم رووووعة يعطيكم الصحة وامنتظروا تطبيقاتنا

رزيقة لهلاا اختي وربي يقدرك وشفتي الشح حنا نطبقوا بعد النصائح باش تخرج تهبل ههههه

ليزا اهلاا بالغالية وربي يحفظ صفصوف اللي مع مخلاش فيكم هههه ربي يحفظه واطباقك تحففففة رفقا بالقوارير حنونة مخليتبش بالالوان تع السلاطة والبركوكس والاسماك واااع تسلمي

ام برهوم كل عام والوالدة بخير وربي يطول عمرها ويعطيك الصحة كل يوم تتحخفينا وتبهرينا تسلمي

بيبا قولينلا واش هو التطبيق

ام سهام يا هلاااااا توحشناك ومرحبا بك وربي يخليك والدوارة تنطق بعطيك صحيحتك

نتمنى ما نسيت حتى واحدة هدا الرد كتبتوا 5 مرات خخخخخ

طالبة رياضيات · 2016-10-04, 22:19

جبتلكم عشانا
المنتدى اصبح قليلا مايفتح
لا نستطيع حتى الدخول
المهم عشانا روز

وهاذي القهوة تع العشية قتلكم ماقدرتش نحط التصاور

حياة نور الدين · 2016-10-04, 22:21

ياعبني على ام سهام والحلو هدا وين شفتوا روووووعة اطايبك انت وام برهوم وليزا وام يسرا وام ساجد عندهم لمسة خاصة يعطيك الصحة

حياة نور الدين · 2016-10-04, 22:24

ياعبني على ام سهام والحلو هدا وين شفتوا روووووعة اطايبك انت وام برهوم وليزا وام يسرا وام ساجد عندهم لمسة خاصة يعطيك الصحة

امينة اهلااا حبيبتي المنتدى هدا وين رضا علينا بصحتك الارز اليوم نفاهمنا انا وانت

حياة نور الدين · 2016-10-04, 22:29

عشايا ارز وصفة توبة يعطيك الصحة حبيبتي

وهدا الديسار حكايتوا حكاية هههه كان عندي عصير مانج درتوا يبرد شوية في الفريغو نسيتوا برد بزااااااف وراجلي جاب الفاكهة روطار وسخونة مالا مخمخت وقطعت الفاكهة ودرتلها العصير ورجعت معتدلة ههه وتنتكل وجات بنينة امنم

وهده وصفة الارز اللي حبت تحتفظ بها

حياة نور الدين · 2016-10-04, 22:44

اقتباس:

المشاركة الأصلية كتبت بواسطة جازيا ام البنات

باسم الله ماشاء الله بيبا راكي قايمة بالكوزينة والنشاط راه في القمة ماشاء الله خمسه وخموس عليك حطيتي التطبيق والفحلات طبقو وجابوه واجد وانا زعما راني عاد نراجع في دروسي الحق راكم 444444444444 ماعندي مانقول

شفت رجوع الغالية دائمة الحمد وأنا من أشد المعجبات بيها نتمنى دائما تشارك معانا
ولي محالي كامل شي لي راجعت التحف الفنية تع العسلاية عملتيلي بلوكاج في الميموار قعدو غير اطباقك في الذاكرة المركزية ربي ينورك ويخليلك أبناءك ويفرحك بيهم
بيبه نوعدك أكيد بالتطبيق بصح حتى يجيبلي أبو البنات الفرينة خلاصتلي

فطوري تع اليوم كان شفلور
هدو خبيزات الشفلور بالفرماج

وهدي الصوص بالدجاج والحمص

جازية يعطيك الصحة وكلشي يشهي حنونة تسلمي

فاتي 05 · 2016-10-04, 22:46

مساء الخير على الجميع وصح عشاكم جميعا
شكراااا جزيلا للي علقو على اطباقي الله يبارك على جميع الاخوات
فضيلة ،ام البنين، بيبا ، اطباقكم هايلة بصحتكم ،ام ابراهيم كل عام والوالدة بخير حنونة الباتيسري روووعة
الصفحة البيضاء هذا من ذوقك حبيبتي ، رزيقة شكرا حبيبتي على كل كلمة.
عشانا اليوم بحضور اختي و وليداتها الغاليين لحم مفور بالياغورت الطبيعي في الكياس الشواء على طريقة ام ساجد و كان طري زبدة يعطيها الصحة على الوصفة و العايلة كامل عجبها و مشبعوش منو ارفقناه باللوبيا مانشطو و بطاطا مقلية و سلطة و مطلوع و ديسير هيا تفضلوا معانا راكم ماتحتاجوش عرضة.

و انشاء الله غدوا اذا حيانا ربي نطبق خبز الدار تاع بيبا

تصبحوا بخير

chez biba · 2016-10-04, 23:58

يا الف اهلًا ومرحبا بغاليتي ام سهام
الله يبارك شفتو كيفاش تلمو لحباب
باروكك ما عندي ما نقول فيه ما عنديش منين نبدأ والله حشمتوني وفضلتو عليا بكرمك ربي يزيدكم ويوسع رزقكم .. كي العادة كلش هايل من يديك اطايب الله يبارك ربي يسلم يديك ويحفظك

جازيا ربي يخليك حبيبة وبصحتكم خبيزات الشوفلور باين بنان .. راني نستنى مالا تشرف الفرينة وتشاركينا هههههه شرف ليا والله أنكم تكونو حاضرين ربي يدومها

فاتي ما شاء الله على هذاك الصحن جد مغري بصحتكم وعشاك يشبه لعشايا نحملو ونحطو ان شاء الله

حياة الله يبارك تطبيق سريع باين لوحم داير حالة ربي يعينك حبيبة وبصحتكم الروز وسلطة الفواكه المبتكرة ههههه
حقا راني حطيت في الصحة لي قبل التطبيق تاع غدوا ان شاء الله مع الوصفات المصورة راح يكون خبز الدار

امينة يعطيك الصحة وبصحتكم الروز حبوبة

chez biba · 2016-10-05, 00:17

عشانا والحمد لله هذا وين قدرت نحطو
بسم الله

fadila34 · 2016-10-05, 08:05

صباح الخير عليكم كامل وبارك الله فيكم على الخير لي حطتيوه ماشاء الله
اتفظلو تتقهواو منعرفش نهز من عمي قوقل املا جبت من ارشيفي هههههه
https://e./p_27884kk0.jpg
https://f./p_278cg1o1.jpg
https://a./p_2784d992.jpg

ام هدول · 2016-10-05, 08:05

[b]صباح الخير عليكم ..البارح ماقدرتش ندخل خلاص للمتدى وكي ندخل بعد محولات الردودماتفوتش مانعرف واش بيه ...ربي يهيديه
والله روائع من يديكم امن ابراهيم وام سهام ...ليزا ......فاتي ..حيوتة ....بيبة جازية ..بحورة ...امينة ..الكل ماشاء الله عليكم ..وتطبقاتكم هايلة فضيلة ..ام الاء ..ام البنين ..فيي انتضار تطبيقاتنا طبعا ....../ بيبة اصبري عليابرك حتى تجيني الفرينة .وووو...اب هدول مرات يتماطل في الطلبات ..لانو رايحة نطبق وصفاتك بكل سروو اكيد النتيجة مضمونة