الجزء 164 من كوزينة واش طيبتي اليوم (لمة الاحباب) - الصفحة 14

اريج 07 · 2016-05-06, 14:25

https://www.djelfa.info/vb/showthread.php?t=1706044
ام هدول تفضلي هنا

ام هدول · 2016-05-06, 14:32

اقتباس:

المشاركة الأصلية كتبت بواسطة جازيا ام البنات

صباح الانوارالبارح جاو صحاب راجلي عملنالهم قهوة عملت قاطو الحلزون+كرواصون+ملفاي+معجون التفاح مع زبدة حرة +قهوة +اتاي+عصير فواكه والصورة الاخيرة عشاتي انا وبنياتي

يعطيك الصحة على القهوة واش حطيتي معاها ماشاء الله عليك كلش فووور
بصحتهم بنياتك لعشا على فكرة حتى انا ام ل4بنات ربي يحفضهم لينا

اريج 07 · 2016-05-06, 14:36

صحى فطوركم حبايبي
كلشي يشهي ام جوجو بصحتك الطعام
رزيقة امممممم شهيتيني بالحميص
ام رحاب وينهم المحاجب
ام لجين ربي ينجحلك وليدك ام محمد وسيم التارت تشهي
اميمة العربية و مسلمة بالفطرة و رنيم الامل مساء الخير
طاطاتي وينك راكي جاية ولا نوووو طولتي
هذا فطورنا و الحمد لله تغديت مع بنات عمي ودوكا رانا رايحين نحوسو مع باباتي و ماماتي ربي يخليهمنا تاج على روسنا

ام هدول · 2016-05-06, 14:55

اقتباس:

المشاركة الأصلية كتبت بواسطة رزيقة16

صباحكم سعيد لبنات و جمعة مباركة للجميع الاخت رنيم الحياة حبيت نقولها با التوفيق نشالله ربي ينجحك

نهرك زين رزيقة ان شالله ربي ينجح وليداتنا في لامتحانات

اقتباس:

المشاركة الأصلية كتبت بواسطة omjoujou

تفضلوا حبيباتي معايا مدوا يدكم

ام جوجو امممممممممممممممممممم الطبق يشهي فعلا ...يعطيك الصحة

ام هدول · 2016-05-06, 15:16

اقتباس:

المشاركة الأصلية كتبت بواسطة أم محمد تاج

صباحووووو غالياتي
يعطيكم الصحة على الروائع تبارك الله حبيباتي
مريوووومة صح سماح منعتي من التقطاش والعظان هههههه تؤبشيني حبيبة الطاطا وربي يدوم محبتكم ولمتكم زيدوني معاكم غير ناكل مانشوشش هههههه والطياب ماعندي مانقول رووعة تبارك الله من الحصوة التقليدي للسيوندويتش للتارت رووووعة ماشاء الله
ام كاميليا جازية ام الجووج غاليتي ام رحاب ام اسلام ام عبدوو ولبنات كامل كامل ربي يدوم عليكم النعم يارب
مادرتش لغدا شكووون تغديني?? الظاهرة نروح نضرب المحجووبة عند الغالية ونتقهوى عند جازية حطة القهوة حطة يعطيك الصحة ونسهر عند مريووومة تقلشني شوي ههههههه

ام محمد تاج رانا نسناو في المحجوبة للغالية ام رحاب حتى حبيت نتغدى عندها
ونروح معك نتقهوة عند جازية ...ما شاء الله

اقتباس:

المشاركة الأصلية كتبت بواسطة رزيقة16

فطوركم با الصحة و لهنا

غداك رووعة رووعة يعطيك الصحة نكمل نتغدى عند ك

ام هدول · 2016-05-06, 15:24

اقتباس:

المشاركة الأصلية كتبت بواسطة أم لجين هيثم

السلام عليكم
صح غداكم
الله الله عليكم كلشي حطيتوه روعة تسلم يديكم ام كاميليا ام هدول ام اسلام ام رحاب ريتاج فاضيلة حياة نور الدين ام جوجو رزيقة 16 كامل يعطيكم الصحة
اليوم غدايا بربوشة ككل جمعة ام هدول مصورتش بصح راهي فوطو كوبي على هاذي

ام هدول اسمحيلي منيش نشارك في كوزينتك راني مع بني نهار الاحد الاختبارات ادعيولو ربي يوفقو راني ميتة بالخلعة عندو شهادة التعليم الابتدائي بدا العد التنازلي اول مرة واحد من اولادي رايح يعقب الشهادة هو لكبير ربي يوفقو ويوفق جميع اولادكم الممتحنين ولي عندهم شهادات ربي ينجحهم

بصحتك غداك ام لجين ....بنك ربي ينجحو ماتخلعي ما والو بالعكس كوني شجاعة باش ماتنقليش الخلعة للوليد الامتحان راهو ساهل لي يكون مراجع مليح ربي ينجحو ان شالله ..هو ووليداتنا كامل خاصة لي رايحين يفوتو البيام والباك والسانك يام

اقتباس:

المشاركة الأصلية كتبت بواسطة أم محمد وسيم

هي في خاطر حبيبتي ام هدول في انتظار كاش مانطيب شكون تعرف تاع واش هذي الكيكةةةةة

ام محمد وسيم جابك ربي كنت ننتضر فيك وبتحلياتك نعرفك فحلة وتجيبي غير الحاجة فورررشكرا ...شكرا حبيبيت ..بارك الله فيك
الكيكة ...نضن كيكة لكريمة تهبل تهبل

@رنيم الأمل في الحياة@ · 2016-05-06, 15:34

تحلية بسيطة من مطبخي
شكولاطة محشية بالفراولة
url=https://up./][/url]

ام هدول · 2016-05-06, 15:35

ام لجين يعطيك الصحة على االقاطووالكيكات لي حطيتي...كلش رروووعة ...
رتاج بصتكم الطعا والخرجة مع بنات عمك ربي يبارك فيهم وفي مامات باباتك ربي يخليهملك
بالنسبة للراببط لي عطيتني ..نعرفف نحمل الصور المركز لي ماحبش يحملهم من بعد نحاوال مرة ثانية انشاء الله شكرا حبيبتي
حيوتة وينوغداك اليوم ......راني نسنى....ولا بخلتينا فيه...ههههههه

ام هدول · 2016-05-06, 15:53

بالسيف حملت صور غدايا اتفضلو مشكورين

أ م ساجد وسيم · 2016-05-06, 15:54

الف مبروك لكوزينة جديدة ام هدول ونشكر لبنات على ابداعاتهم ومشاركتنا للفن لي يحطوه من يديهم...ربي يباك و يزيد..
هذا باروك صغير من عندي
مقبلة بكريمة الجبن هي تجي في مول سليكون انا مكانش عندي هذاك لمول درتهم في ليمول هذو...

كيكة بسيطة..

مقبلة البطاطا ودجاج والفرماج..

وهذا تليتلي...

أم محمد وسيم · 2016-05-06, 16:12

ام ساجد وسيم طيابك هايل الا تقدري اعطيني وصفة المقبلة
ام هدول التارت مشرية جابها زوجي الصباح معنديش الوقت باه نديرها الله غالب لكن انتظري مني الباروك ان شاء الله

أ م ساجد وسيم · 2016-05-06, 16:19

الله يسلمك حنونة اصبري درك نحطهالك...

أ م ساجد وسيم · 2016-05-06, 16:28

هاذ لكمية تخرجلك 12 حبة
درت بيضةوحدة خرجتلي 12 حبة
بيضة مفصولة
ربع مغرف طماطم عبري بلمغرفة تاع لماكلة بصح ماتعمريش ربع مليح فهمتيني
ربع كاس ماء
42 غ زبدة
مغرف ك فرينة
ربع مغرف نشاء
طلعي لبياض وحده كي ثلج تخلطي كل المقادير من بعد ضيفي بياض البيض لي طلعتيه خلطي كلش وديريهم في مول سيليكون لي عندك المهم يكون فيه فراغ من داخل باش ديري كريمة الجبن هذي كشغل جينواز صالي
كريمة الجبن طلعي زوج كيري مع مغرف كبيرة فرماج شاف
وعمريهم من داخل بلابوش ادوي وزيني بزيتون وكورنيشون وخيار او سلاطة
تقدري ديريها في مول مرب او مستطيل وديريها كشغل رولي

و خلاص
و تاكلي بالصحة و الهناء يا ربي

رزيقة16 · 2016-05-06, 16:29

اقتباس:

المشاركة الأصلية كتبت بواسطة @رنيم الأمل في الحياة@

تحلية بسيطة من مطبخي
شكولاطة محشية بالغرامة
url=https://up./]

[/url]

واو تشهي حنونة با التوفيق نشالله نهار الاحد bac blanc راكي مراجعة b1

ام هدول · 2016-05-06, 16:40

تابع للغدايا .....شنشفني مركز التحميل وعععععععععععععععععععععععععع