الجزء163من كوزينة واش طيبتي اليوم ؟؟.؟؟؟.؟؟

[حياة نور الدين]

البنات تفضلوا فطوري طاجين الشوفلور



وهده وصفة الحخلقومة لام وليد واللي استعملتها الاخت ام جوجو

[omhadil]

[ام هدول]

بصحتكم لبنات واش تغديتو كل وحدة باسمها الله يبارك ما شاء الله
حقة زقزوقة العيش لي دارت يماك نعرفو بصح مانديرش فيه القديد امممممممممم بنين يهبل فكرتيني فيه كنت نحب ديما طيبهونا ميميتي

[RIMA.87]

السلام عليكم
مبارك عليك افتتاح الكوزينة الجديدة اختي ام اسلام ،و نقولك اني اول مرة نشارك في موضوع كوزينة واش طيبتي اليوم لكني اتتبع من بعيد و هذا لانشغالي.
المهم ربي يبارك في كل الاخوات المشاركات كل وحدة باسمها ماشاء الله عليكم و ربي يجعل كل ما تقدمونه في ميزان حسناتكم ،حقيقة استفدت كثييييير من عندكم ،ربي يحفظلكم كل اعزائكم و يبارك فيهم.
اليوم جبتلكم باروك الكوزينة المتواضع :
طبقت معجون التباسى للأخت حياة نورالدين جزاها الله خيرا و الحلوى الجافة دارتها اختي الصغرى من واحد الكتاب للحلويات.


تقبلو مروري معكم في هذا الموضوع المميز
اختكم في الله RIMA.87
سلااام

[انا هي رزيقة]

سلام لبنات راني وليت نطل شوية. حبيبتي حياتو لالا منسيتكش اختي مقبيل شفت غير الصفحة الاخيرة مكنتيش فيها حتى لدوك وين شفت مقارونتك الحمراء الجميلة يا مي يامي و داك الطبسي تع لفريز امممممم و االله بنته راهي في فمي رهيب
وشفت حلقومة ام جوجو الفحلة عيني عليك باردة هذ ليامات ام جوجو راكي طايحة تطبيقات في وصفات ام وليد لوكان تسمع بيك اكيد تطير بالفرحة بصح فعلا الحلقومة هايلة هايلة بصحتكم انتي و حياة
و شفت ثان اطايب جازيا و ام عبدو و ام هدول و و ام لجين و ام رويدة ياي على الاوبرا و ام هديل و مسلمة بالفطرة و ليزا العسل و ام برهوم و ام اسلام . ايه مشفتش ام رحاب الغالية عسا المانع خير ان شاء االله

[omjoujou]

سلام لبنات
صح غداكم كااااامل
زقزوقتي قتلتيني بطيابات تاع لميمة اممممممم ثم اممممممممم سورتو هذاك لعيش راهم الريوق يسيلوا ربي يحفظهالك ويطوللها في عمرها امانة بلغيها سلامي
جازية بصحتك الكيش انا ندي هذاك الصغير لانو لكبير قفزت بيه ام اسلام
ام اسلام بصحتك كلش وش حطيتيلنا انا سخفت على المسفوف اممممممم
ام هدول السلطة رووووعة بصحتكم
حيوتة حنونة بصحتك نتي تاني وش تغديتي على فكرة ماشي هذيك الحلقومة لي طبقتها راهي ام وليد دارت 2 انواع تاع الحلقومة وحدة بالنشاء لي حطيتيها ووحدة بالسكر انا جربت تاع السكر راهي موجودة في اليوتيوب
روضة على سلامتك حنونة طل القمر ايه انا استعملت جيلاتين نباتي تاع الغبرة والمنكه درت ذوق فراز وذوق برتقال

[انا هي رزيقة]

يا مامي على ام لجين حوست حوست حتى لقيتها ... يسلمو دوك اليدين على هذ التحفة تبان هايلة حبيبتي غير متبعديش على روحك العين ....خخخ ان شاء االله برك تكون عجبتكم و االله فرحتيني من قلبي كي درتيها و فعلا من يديك جات غير و جميلة جميلة يسلمو

[omjoujou]

المشاركة الأصلية كتبت بواسطة RIMA.87

السلام عليكم
مبارك عليك افتتاح الكوزينة الجديدة اختي ام اسلام ،و نقولك اني اول مرة نشارك في موضوع كوزينة واش طيبتي اليوم لكني اتتبع من بعيد و هذا لانشغالي.
المهم ربي يبارك في كل الاخوات المشاركات كل وحدة باسمها ماشاء الله عليكم و ربي يجعل كل ما تقدمونه في ميزان حسناتكم ،حقيقة استفدت كثييييير من عندكم ،ربي يحفظلكم كل اعزائكم و يبارك فيهم.
اليوم جبتلكم باروك الكوزينة المتواضع :
طبقت معجون التباسى للأخت حياة نورالدين جزاها الله خيرا و الحلوى الجافة دارتها اختي الصغرى من واحد الكتاب للحلويات.


تقبلو مروري معكم في هذا الموضوع المميز
اختكم في الله RIMA.87
سلااام

مراااحب اختي ريما معانا ان شاء الله تفيدي وتستفيدي
يعطيك الصحة على معجون التباسى والحلوى الجافة

[انا هي رزيقة]

المشاركة الأصلية كتبت بواسطة روضة 88

ام اسلام الف الف مبروك عليك الجزء الجديد انتاع الكوزينة ان شاء الله تكون مليئة بالخيرات والاطباق المتنوعة

لذلك نقترح عليك بعد اذنك تقتارحي تطبيقات يطبقوها العضوات لتنشيط الكوزينة ولما لا نرى تحضيراتكم لشهر رمضان الكريم اللهم بلغنا .


انا على نفسي طبقت الامس تحلية الموز والكراميل لام وليد ونظن ام ثازيري مدايرتها موضوع راه رووووووووووووووووووووووعة وبنة سيرتو لما تبرد مليييييييييييح ولا تبات تليق لرمضان .

زقزوقة سلام خص نص ليك .

باقي العضوات ماشاء الله على طيابكم ابدعتوا بارك الله فيكم ربي ينجح وليداتكم ويعطيكم ما تتمناو

الفين مراحب بروضة الغالية واالله ليك وحشة حبيبتي ان شاء االله تكوني بالف خير مواحة كبيرة لوائل يكون يجري دورك....خخخخخ و سلميلي على حبيبة الكل ام ماجد

[روضة 88]

تسلمي زقزوقة وائل راه يجري و طوايشييييييي ملحقتش معاه .

بصحتك القعدة عند لميمة والاكل الطيب من ايديها ربي يحفظهالك

كاش،تفاح ولا والو .

[انا هي رزيقة]

المشاركة الأصلية كتبت بواسطة ام هدول

بصحتكم لبنات واش تغديتو كل وحدة باسمها الله يبارك ما شاء الله
حقة زقزوقة العيش لي دارت يماك نعرفو بصح مانديرش فيه القديد امممممممممم بنين يهبل فكرتيني فيه كنت نحب ديما طيبهونا ميميتي

يا عمري على ام هدول فرحتيني كي عرفتيه حنا ثان يما طيبو بلا قديد كي ميكونش متوفر. ربي يحفظلك ميمتك يا رب و قوليلها تطيبولكم بالقديد يجي اممم تع الصح
اختي جازيا هو ميجيش ناشف تماما. شوفي اختي يما دير في قدرة لاصوص كيما شغل رايحة تطيب طعام دير فيها قديد بعد متخليه في ماء طول الليل ثم طيبو وحدو باه يتنحالو الملح ثم ترميه في القدرة مع بصل و لوبيا مشمخة و حمص مشمخ و اي بقول جافة متوفرة مع ملح مع راس الحانوت و قصبر و فلفل عكري . و تخليهم يطيبو مليح ثم تضيف في ذيك الصوص بطاطا على حساب الذوق . انا شخصيا نحبها تكون بزاف تمد طراوة للبركوكس و هنا اختي رمات حبة زروديا بالتخبية على ماما هما مايضيفوهاش في الاصل بصح اختي قالتلك نمودرنيزيو . ......خخخ من جهة اخرى تفوري البركوكس عدة مرات حتى تطيب تماما ثم ترمي فوقها ديك الصوص و تخلطي كيما المقفول و زيدي زيت زيتون بسخاء .

[أم سدرة]

مساء الخير عليكم يااااي وشحال راكم تجريو ماشاء الله عليكم جبتلكم غدايا بعدما طاب هادا وين قدرت نحطو
[IMG][/IMG]

[أم سدرة]

زقزوقة حبيبتي السلمون روعة بنين ويذوب فالفم غير اشري وماتخافيش
لبنات كاااااااااااامل صح غداكم كل وحدة باسمها

[انا هي رزيقة]

المشاركة الأصلية كتبت بواسطة روضة 88

تسلمي زقزوقة وائل راه يجري و طوايشييييييي ملحقتش معاه .

بصحتك القعدة عند لميمة والاكل الطيب من ايديها ربي يحفظهالك

كاش،تفاح ولا والو .

ربي يحفظلك وائل حبيبتي و راني تهنيت من التفاح هذ ليامات اكيد كي نولي لداري نطيب لازم .....خخخخخ
اختي ام جوجو تسلميلي على كلامك الزين يا طيبة و سلامك اكيد واصل
اختي ريما تسلميلي على داك الحلو يا حلو
دوك نخليكم لبنات تهلاو في ارواحتيكم

[انا هي رزيقة]

المشاركة الأصلية كتبت بواسطة أم سدرة

مساء الخير عليكم يااااي وشحال راكم تجريو ماشاء الله عليكم جبتلكم غدايا بعدما طاب هادا وين قدرت نحطو
[img][/img]

اممم تسلميلي ام سدرة مزية وصل السلمون قبل منروح غداك مشهي موت حبيبتي مطرح مايسري يمري و بما انك شجعتيني اكيد رايحة نشريه باذن االله