***الجزء 154من واش طيبتي اليوم تفضلوا مرحبة بيكم*** - الصفحة 14

شمس الملوك · 2015-11-23, 19:31

السلام عليكم هذا وين د خلت لقيت كوزينة جديدة مبروك ام حمزة افتتاح الكوزينة وعودة ميمونة

هذ و كنت حطيتهم في كوزينة عطر البا رح حتى نزيد نحط خرين

قراتان الكرمب بطريقة ام اماني

لوبيا بالكرعين

إضغط هنا لرؤية الصورة بحجمها الطبيعي.

رشتة

إضغط هنا لرؤية الصورة بحجمها الطبيعي.

قراتان بطاطا بالفلفل والطماطم والدجاج

إضغط هنا لرؤية الصورة بحجمها الطبيعي.

ام سهام 02 · 2015-11-23, 19:43

تارت الفلان

2بيض و 4 مك سكر و4مك زيت و 7 مك حليب دافي و 4مك فرينة و 4 مك كبار ميزينة و رشة ملح و فانيلا و باكي خميرة كيميائية

نضرب البيض جيدا مع السكر نضيف الزيت سرسوب كما المايزناز حتي يبياض ثم الحليب و الاخير الفرينة و الميزينة و الفانيلا و الملح و الفانيلا ة الخمير الكيميائية مخلطين مع بعض و مغربلين و الخلط يكون مالفوق للتحت و نفرغ الخليط في سنيوة مدهونة و الى الفرن

كيطيب و يبرد نشربو بسيرو عبارة عن فنجان سكر بزوج فناجن ماء يغلو 5 دقائق نطفي و نضيف فانيلا او عطر الكرامال

الطبقة الثانية 1 لتر حليب وعلبة فلان تع 100غ و3مك ميزينة الكل في كسرونة فوق النار حتى تعقد نفرغو مباشرة فوق البيسكوي و نسوي امليح و نخبط البلاطو باه ايجي كامل نيفو

التزيين ديكوجال كرمال و نحطو في الثلاجة حتى يبرد يتقطع و يقدم

و بالف صحة و هناء

أم ماجد · 2015-11-23, 19:43

السلام عليكم[IMG]https://up.1sw1r.com/upfiles2/xrl98546.jpg[/I
الف الفمبروك الكوزينة ام حمزة نتمنى الكوزينة تعرفنا على بعضانا وتقاربو اكثر اختي
جبتلك الباروك طياباتي اليومين اللي فاتو

هنا خبيت لوبي ماشطو على طريقة دائمة الحمد

وهنا قاطو عجايزي خخخخخخخ

وعشانا اليوم امممممممممممم مقرونة مع كسرة سخونة من الطاجين

وروزا ايضا تقولي لازم تبعثي باروكي خخخخخخ طياباتها راهي تشكر في روحها خخخخخخخخخخخ

وتقول امممممممم بنان انا مادقتش خخخخخخخخخخخ

الميرانغ قاتلكم وصفة صديقتي سماح الجميلة والكرنب للغائبة السعيدة بربها سارة تحياتي ليها وخبز الفيسال وصفة باتيا المهم ربي يجازيهم وخلاوها تحمر وجهها قدام زوجها واهله

ام انس من فضلك طمنينا حبيبتي رانا متحيرين عليك بزافففففففففففف

لبنات واش قررتم تطبقو راني معاكم طبعا ام حمزة لك الخط انت اللي تقرري باه منضيعوش الوقت
نروح نراجع

sofia dj · 2015-11-23, 19:53

اسمهان اسمحيلي اسمحيلي حنونة شقيتك معايا راكم تتخلطولي فالاسماء بصح هادي كامل و نقول عليها لالا راهي رايحة تنطق الله يبارك ليا الشرف اني نطبق وصفاتك
عجبتني و قلت نقولك عليها و كي كملت المراجعة نسيت ربي يحفظك و يعطيك ما تتمناي

omjoujou · 2015-11-23, 20:01

ام ريمة تسلميلي يا غالية
سلمى عزيزتي مرحبا بيك وربي يخليك على كلامك الطيب قوليلي وش يديرو التوام كبارو شوي؟؟؟؟بوسيهوملي
صوفيا وصلاتك رسالتي ولا لالا؟؟؟

أم شيماءْ · 2015-11-23, 20:04

ام انوس طلي علينا وطمنينا

Omrihem · 2015-11-23, 20:05

مساء الأنوار عليكن حبيباتي الله يبارك راكم مزهيين الكوزينة
الاخت سرور كانت سالت على لاموس الشوكولا ايه اختي راهي تتباع في باكيات تخلي مع حليب بالباتور توليلك كريمة اذا قدرت نحطلك صورتها

أم ريمة* · 2015-11-23, 20:09

شمس الملوك اطباقك تشهى بصحتكم
ام سهام ربى يشفيك اختى الصغرى عاجلا غير اجلا امين وربى يجازيك على الوصفة ويجعلها فى ميزان حسناتك امين
ام ماجد واش هذا الروائع لى حطيتهم مممممم وخاصة الكسرة السخونة مع كاس لبن مممممممممم ويعطيها الصحة روزا اطبقاها تحف اكيد مادمتى انتى لى ربيتيها ربى يبارلك فيهم وفى صحتك امين

sofia dj · 2015-11-23, 20:22

السلام عليكم
اسمحيلي ام جوجو تعبتك معايا ربي يحفظك و يعطيك ما تتمناي راهي وصلتني بارك الله فيك
اسمهان اعتذر مرة اخرئ بصح الوصفة مافيهاش خميرة الخبز كيفاش تخمر و نزيد نخليها تخمر بعد التشكيل

ام حمزة22 · 2015-11-23, 20:27

السلام عليكم
واش راكم لبنات ان شاء الله تكونوا كامل واهلكم بالف خير

ما زال ماراجعتش واش فاتني من صفحات بسم الله ماشاء الله عليكم راكم منورين ومزهيين الكوزينة ربي يدوم النعم ويدوم اللمة

ام ماجد اهلا وسهلة بيك حبيبتي نورتي ويعطيك الصحة على الاطباق ماشاء الله عليك
اما التطبيق اقتارحو اي وصفة تعجبكم وراني معاكم حتى انا وادا شفنا اقتراح متفاهمين عليه 2 او 3 نطبقوه واش رايكم لبنات

سرور2 · 2015-11-23, 20:31

ياريت تكون حوايج سهلة ومهيش مكلفةباش كام لنقدرونطبقوها

Oum yousra · 2015-11-23, 20:41

مساء الخير و صح عشاكم و كلشي حطيتوه اممممممممم يشهي يسلمو حبايبي و يعطيكم الصحة و ربي يحفظكم

ام لجين و فيصل · 2015-11-23, 20:41

اقتباس:

المشاركة الأصلية كتبت بواسطة omjoujou

ام ريمة تسلميلي يا غالية
سلمى عزيزتي مرحبا بيك وربي يخليك على كلامك الطيب قوليلي وش يديرو التوام كبارو شوي؟؟؟؟بوسيهوملي
صوفيا وصلاتك رسالتي ولا لالا؟؟؟

السلام عليكم و صحا عشاواتكم من فصلك ام جوجو ممكن تعطيني رابط كيكة الليمون اللي درتيها غير كيما؟؟؟؟
مشكورة اختي مسبقا

Omrihem · 2015-11-23, 20:43

ام ريمة طل علينا القمر وتارت تهبل ومتحوفة
ام الجود يعطيك الصحة و قولي لروزا تسلم الايادي يا سلام فحلة بنت فحلة طبعا
ام سهام توحشناك وتوحشنا طيابك يعطيك الصحة

أم أماني وعبدو · 2015-11-23, 20:47

مساء النور صح عشاكم كاملين
يعطيكم الصحة على الخير اللي حطيتوه راني دخلت طول للصفحة الاخيرة
ام ماجد طيابك روعة يعطيك الصحة
سرور لاموس تتباع واجدة في باطة انت تخلطيها وتديريها تبرد وراهي تتباع عند نفس السوبيرات اللي قتلك عليها هديك الخطرة
ام حمزة وقيل ما عجبكش باروكي ؟
اليوم جربت العجينة السحرية انتاع ام اماني ربي يحفظها وخدمت بيها لبريوش جاتني روعة ممبعد نحط الصور