كوزينة واش طيبتي اليوم يا لالــة لحراير الجزء 117 تفضلـوا بالصحة والهناء عليكم - الصفحة 14

ام رشدى · 2015-02-13, 13:16

اختي زنوبا اعطيلي الوصفة قداش من مرة نسالكوما كنتيش توفي الاسئلةانتاوعي
لانو بنتي تاكل هد النوعيىة من الخبز تعيشى راني نستنا

ام رشدى · 2015-02-13, 13:19

اقتباس:

المشاركة الأصلية كتبت بواسطة دائمة الشكر

قاطو كيندر لطيري الجنة

يعطيييك الصحة اختي دائمة الحمدوهداك لمكربع ثاني نفسالقاطو

زينب 83 · 2015-02-13, 13:20

حبيبتي ماشفتش الأسئلة تاعك ، مرة اخرى اذا حبيبتي حاجة ابعثيلي على الخاص لانو ساعة على ساعة الواحد يولي بلا عينين
ههههههه
حبيبتي نرقد وليدي و نصلي و نحطلك الوصفة راهي ساهلة ماهلة

ام نهوله · 2015-02-13, 13:21

السلام عليكم لبنات و جمعه مباركه على الجميع
زينب واش راكي حبيبتي تقلقت على وليد خالتك ان شاء الله ربي يشفيه و يطمنكم عليه
نروح نراجع و نولي

قمر 77 · 2015-02-13, 13:27

وااااااع زينوبتي وش هذا رانا كيفكيف كي نقدعد مع المنتدى راح الاكل اليوم الحكومة فالدار هذا وين دخلت لوكان نديرها نتحاوز ههههههههههههههههه
حقا الخبز روعة
ام رشدي فطورنا كيفكيف البنات العشية راني خارجة درت كروكي استاذتي و نسيت باكي لوفور يعطيني العقل جا هابط نديه يديرو رايهم كيما تقول عجوزتي

عازفة الناي · 2015-02-13, 13:28

سلام لبنات
المنتدى واااااااااااااااااااااااااااااااااااع ماحبش يفتح لي
ليزا امممممممممممممممم الله يبارك
الامنيات ماشاء الله
دائمة الشكر 44444444444444444444444444
ليدي الادلان toooooooop
زينوبة باروك اممممممممممممممممم واممممممممممممممم والخبز هايل
اللي نسيتها تسمحلي

ام نهوله · 2015-02-13, 13:31

زينب اطباقك روعه و الخبز يهبل و الطبق المحروق ندير روحي ماشفتوشههههههه
ام هديل الكروكي خرجلك هايل يعطيك الصحه
ليزا بصحتكم البركوكس سوغتو ايلا كان حار مممممممممممممممم
ام تيم ليتارت تحفه 44444444444
الامنيات يعطيك الصحه على البريوش هايل

قمر 77 · 2015-02-13, 13:31

[SIZE="5"]هاهو المخلوق و هاهي البيتزا ختها ماصورتش اليوم[
/SIZE]

البات سلام نروح راني روطار سلمولي على الكل

زينب 83 · 2015-02-13, 13:38

ام نهولة شكرًا ليك و لكل وحدة دعات للبن خالتي ، راه يتعالج في المستشفى و للشفاء بيد رب العالمين ، وكيما قلت خالتي اي هدية يعطيهالي ربي الحمد لله لانو في كل الحالات كل حال المؤمن اكيد خير من الله

قمر ههههه ضحكتيني و الله ما كنت مع المنتدى كنت نفرز في la boite a pharmacie وخاطة لاكوكوت في البالكون ماشميتش الريحة ،

عازفة شكرًا ليك حبيبتي عينيك هوما الملاح و شكرًا مرة اخرى على الرسالة

ام نهوله · 2015-02-13, 13:43

الحمد لله على كل شيئ

أم تيم الله · 2015-02-13, 13:51

مساء النوار البنات و جمعة مباركة ان شاء الله

تفضلو مدو يديكم محاجب حارين و سخونين

بصحتككككككككم

ladymillion · 2015-02-13, 13:51

زينب واش تغديتو مالا كي حرقتي لغدا هههه المهم بصحتكم واش كليتو

ام نهولة التحلية فوووووووووووووور بصحتكم لحبيبة

عازفة القيتار مشكورة حبيبتي مام اطباقك يعجبوني بزاف صراحة يالفحلة

سلامي ليكن زينااااااااات بالبطبوطات بالسمينات بالرشيقات موااااح قمر ام رشدي ام تيم وكلمل لي نستها تسمحلي راني ننسى سامحوني

غدانا بربوشة مرق أحمر بالفول ولوبيا خضرا ودجاج ممممممم

omsalah · 2015-02-13, 14:05

السلام عليكم اختى زينب عودةموفقة والله احبك فى الله طهور انشاءالله لابن خالتك واقول لك وفق الله زوجك فى دينه وثبتنا الله واياه على ذلك

دائمة الشكر · 2015-02-13, 14:09

سلام عليكم لبنات اخت ام رشدي هذوك لمدورين الحشو بقالي زدتلوا قاطو بيمو ونواد كوكو ودرتوا دوائر ورمدتوا في نواد كوكو جا الذوق انتاعوا هايل

زينب 83 · 2015-02-13, 14:11

وصفة خبز القمح و النخالة

كيلتين فرينة و كيلة دقيق اسمر مخلط بالنخالة يعني ماشي مصفي الكيلة كاس كبير

كاس و نص حليب دافئ

مغرف سكر

مغرف و نص خميرة فورية

و مغرف صغيرة خميرة تاع القاطو

زوج مغارف زيت الزيتون او نص مغرفة زبدة

تحطي لحليب مع الخميرة و السكر حتى تطلع الخميرة مليح و تدير الفقاعات و مباعد حطي الدقيق و الفرينة بليهم و خلي يرتاحو شوي و مباعد اعجني مليح كيما المطلوع و في الاخير زيدي الزيت و الملح و الخميرة تاع القاطو و خلي لعجينة تطلع جي كيما عجينة المطلوع ، كي تطلع مليح هبطيها و اطرحيها على بلاطو مدهون و مرشوش عليه النخالة و من الفوق ادهنيها بالحليب و رشي النخالة و خليها تطلع و طيبيها في فور سخون ، اذا عندك المروحة شغليها و اذا ماعندكش ديري كاسرونة فيها الماء داخل الفور و خليها تتبخر و بصحتك