كوزينة 113 كوزينة متعونا بابداعكم - الصفحة 14

2015-01-26, 08:22

السلام عليكم
اصبحنا واصبح الملك لله وحده لا شريك له واليه النشور
كوكا حبيبتي في ميزان حسناتك يااااااااااااااااااارب
ام ماجد منووووووووووووووووووووورة انت واطباقك ونشاطك ما شاء الله كلشي هااااااااااااااايل
دائمة الحمد استاذتنا الغالية اممممممممممممم على قهوتك الصباحية التي لا تقاوم تشهييييييي والفناها وخلاص هههه وربي يشافيك
مادامك هنا حنونة قوليلي كي درتي المحاجب اول الامس العجين عجنتيه على يبوسة يعني مزيدتلوش الماء خلاص نتمنى تكوني فهمتيني والله خرجولك روووووعة
عطر الله يعينك مع التسياااااااااااااااااااااق والبرد هههه وبصحتك العيش اممممممممممممممم
ام ياسين بصحتكم العيش تفاهمتو عليه ههههه وربي يخليلك اولادك ويخليك ليهم ياااااااااااااااارب
احلى صباح للمتواجدات ارزاق وام الهضاب وبصحتك اللوبيا اممممممممممممممممم

اليوم صايمة ولله الحمد ندير شربة ومطلوع ومعلبليش واش نزيد

ام الهضاب · 2015-01-26, 08:22

هاكم تفطروووو كنت مديتهم لزوجي لكن دورتهم لكم تستاهلوووو ههههه

assinet · 2015-01-26, 08:23

اقتباس:

المشاركة الأصلية كتبت بواسطة دائمة الحمد

اسينات انت هنا وانا نهدر وحدي لهيه
واش غداك

دائمة الحمد صباح الأنوار راني بلاقريب في حالة مازالني ما خممتش واش ندير بالاك نبقا تحت الزاورة و تبعثيلي لغداهههههههههه

عطرالذهب · 2015-01-26, 08:26

مياسم بصحتك الكسرة تشههههي
ام الهضاب يسلمو على الحلو ياحلو بالصح خبريني واش من ريجيم درتي والمدة اللي هبطتي فيها 13 كيلو الله لاتردهم هههههه

ام الهضاب · 2015-01-26, 08:27

صباح الخير اسينات
احشمي أمك راهي بايت من ضرستها مريضة ضرك انت الي اديري الغدا و تبعثيهولها هههههههه و اموااااح كبير لاسينات ربي يحفظها

دائمة الحمد · 2015-01-26, 08:27

اسينات لبشماقلحمر راهو مازال حي نوضي اعملي غداك
ام الهضاب تعيشي يالغالية
ام يسرى اهلا وسهلا حبيبتي بليتها يابسة وما طريتهاش اي تطرى شوي وحدها في الساشية بالصحح بسستها اقل شوي من الرخساس جت روعة

2015-01-26, 08:29

هههههههههههههههه خليو اسينات تدلل على ماماها العزيزة
مياسيم اممممممممممممممم عشاك هااااااااااااااااايل هااااايل ولا الكسرة اممممممممممممم تشهيييييييييييي
ام الهضاب سينية متولة ومكملة من مجاميعو يعطاك الصحة امممممممممممم
استغفر الله واتوب اليه

ام الهضاب · 2015-01-26, 08:29

عطووورة صباح الورد
درت رجيم السعرات الحرارية و في مدة 6 اشهر و كي رجعت للطبيب قالي القواطر راحووو و نحالي الدواء و الحمد لله كثيرا

assinet · 2015-01-26, 08:30

اقتباس:

المشاركة الأصلية كتبت بواسطة ام الهضاب

صباح الخير اسينات
احشمي أمك راهي بايت من ضرستها مريضة ضرك انت الي اديري الغدا و تبعثيهولها هههههههه و اموااااح كبير لاسينات ربي يحفظها

راني ندلل عليها هههههه
دائمة أني واقفة نجري كلش كلش ولا لبشمق لحمر

زينب 83 · 2015-01-26, 08:31

صباح الخيييير على الحلوات القمرات
رميم اروى الف مبروك افتتاح الكوزينة ربي يجعلها مليئة بالثلوج و الخيرات

صباح الخير ام ماجد نورتي الكوزينة و رديتي لها الروح ، و اطباقك امممممممممم و لا اروع ، و نتمنى ماكتكسريش غداً السينية الثالثة هههههههههه

صباح الخير دائمة الحمد و ربي يشفيك من ضرستك و الله صعاب الضروس

صباح الخير اسينات كيف الاحوال و شراهي البنبونة الصغيرة

عطر صباح الخير حبيبتي و ربي يعينك على التعب

صباح الخير ام الهضاب و مبروك الوزن الجديد ، شحال نفرح كي نلقى واحد تهنى من السمنة لشتى شوي و الله يربح صحتو يعطيك الصحة على الإرادة

ام ياسو منورة يا غالية و هديتك راهي وصلتني و لا أطيب شكرًا

صباح الخير kaouka و شكرًا على المعلومات القيمة

ليوم نهار التلباز لا ريجيم لا و آلو ههههههههههههه، انا ليوم صائمة و الحمد لله

حابة نجرب قلب اللوز تاعك دائمة الحمد هل من نصائح حبيبتي

دائمة الحمد · 2015-01-26, 08:33

ام الهضابالحمدلله
المعدة بيت الداء والحمية راس الدواء

عطرالذهب · 2015-01-26, 08:33

اقتباس:

المشاركة الأصلية كتبت بواسطة ام الهضاب

عطووورة صباح الورد
درت رجيم السعرات الحرارية و في مدة 6 اشهر و كي رجعت للطبيب قالي القواطر راحووو و نحالي الدواء و الحمد لله كثيرا

ماشاءالله والله يعطيك الصحة وزيد الحمد لله كي تهنيتي من لقواطر الصحة غالية
انا ثاني زعمى جربت ريجيم السعرات وماقدرتلوش سيغتو الصباح نموووووت بالشر مايلحق لغدا غير قريب ندوخ وليت بطلتو وضرك راني مانتعشاش وندير في السبور

assinet · 2015-01-26, 08:34

اقتباس:

المشاركة الأصلية كتبت بواسطة ام يسرا

هههههههههههههههه خليو اسينات تدلل على ماماها العزيزة
مياسيم اممممممممممممممم عشاك هااااااااااااااااايل هااااايل ولا الكسرة اممممممممممممم تشهيييييييييييي
ام الهضاب سينية متولة ومكملة من مجاميعو يعطاك الصحة امممممممممممم
استغفر الله واتوب اليه

صباح الفل أم يسرا شفت أنا ندلل عليها و هي تقلي نجيبلك البشمق

wahibaazel · 2015-01-26, 08:36

صباح الخير لكل الملتحقات، مع هذه الثلوج تحلى اللمة العائلية، اختي دائمة الحمد ربي يشفيك، أم الهضاب من فضلك استفسار كي عملت الريجيم راحولك القواتر، وياريت تشرحيلي هذا الريجيم يعني انا مانيش خشينة لاتاي تاع لجان في هههههههههه.

عطرالذهب · 2015-01-26, 08:36

زينوبة صباح الخير
لبنات راح نروح نبدا الماراطون ووين نلقى وقت نطل عليكم اتهلو في الكوزينة وسلمولي على اصحاب الاحلام اللزيزة اللي مازالو اخخخخخخخ فشششش