مــــجلس **جوهرة رمضان**...حاص بقسم التدابير المنزلية - الصفحة 14

سمراء الدنيا · 2014-07-12, 09:37

يا ريت يا نبض كي تدخلي تعطيني وصفة التحلية و الكيش
و احكيلي عن خطوات الخياطة ............. و عن الضغط للي عشتي فيه

نبض الفؤاد · 2014-07-12, 10:16

صباح الخيرعليكم....ياأختي وش نقولك نبدا بالضغط...وممبعد نحط الوصفات
شريت القماش قلت بيزو بيزو رخيص على نتاع الملايات الاندنوسي....لانه الملاية ماعندي حاجة بيها.....حتى بنتي قالت لي ما نلبسهاش.....
أيا كي بديت نفكر في الموديل....جاتني أخبار وفاة الجدة وفي نفس اليوم توفات مرت عمي.....انا لله وانا اليه راجعون.....ايا شوفي السفر والتعب والصيام...وكي رجعت لداري لقيت الرسايل من عندك ومنعند الغالية جوري....قلت في نفسي والله ما نخذلهم على الاقل نشارك وماكانش كيفاه جوري تقسم روحها مع مرض بنيتها.....خدمت في نهار باين العمل بسيط واللي هبلني البيزو يتكسل وليت نخيط ونفدق....خفت الوقت يروح قبل ما نبعث العمل الازرار راهم يسمعو فيك ....امالا اهتديت لوضع الربطة على الاقل توحي أكثر انه ياباني......
ان شاء الله نعوضه المرة القادمة.......

ام حمزة22 · 2014-07-12, 12:10

سلام
ان لله وان اليه راجعون
يعطيك الصحة نبض بينتي بلى راكي قد التحدي واكتر وقدرتي تتخطاي الصعوبات بارك الله فيك بالتوفيق في التحدي القادم

fifiarch · 2014-07-12, 13:36

دعاء اليوم الرابع عشر

اَللّهُمَّ لاتُؤاخِذْني فيهِ بالْعَثَراتِ ، وَ اَقِلْني فيهِ مِنَ الْخَطايا وَ الْهَفَواتِ ، وَ لا تَجْعَلْني فيهِ غَرَضاً لِلْبَلايا وَ الأفاتِ بِعزَّتِكَ ياعِزَّ المُسْلمينَ .

أم ضياء عبد الرحيم · 2014-07-12, 22:51

اقتباس:

المشاركة الأصلية كتبت بواسطة نبض الفؤاد

صباح الخيرعليكم....ياأختي وش نقولك نبدا بالضغط...وممبعد نحط الوصفات
شريت القماش قلت بيزو بيزو رخيص على نتاع الملايات الاندنوسي....لانه الملاية ماعندي حاجة بيها.....حتى بنتي قالت لي ما نلبسهاش.....
أيا كي بديت نفكر في الموديل....جاتني أخبار وفاة الجدة وفي نفس اليوم توفات مرت عمي.....انا لله وانا اليه راجعون.....ايا شوفي السفر والتعب والصيام...وكي رجعت لداري لقيت الرسايل من عندك ومنعند الغالية جوري....قلت في نفسي والله ما نخذلهم على الاقل نشارك وماكانش كيفاه جوري تقسم روحها مع مرض بنيتها.....خدمت في نهار باين العمل بسيط واللي هبلني البيزو يتكسل وليت نخيط ونفدق....خفت الوقت يروح قبل ما نبعث العمل الازرار راهم يسمعو فيك ....امالا اهتديت لوضع الربطة على الاقل توحي أكثر انه ياباني......
ان شاء الله نعوضه المرة القادمة.......

اختي نبض قلبي معاك ان لله و ان اليه راجعون ربي يجعل مثواهم الجنة يا رب
ما تقلقيش روحك المهم كي يكون العبد لباس هذا هو الاهم

أم ضياء عبد الرحيم · 2014-07-12, 22:53

صح فطوركم ان شاء الله تكونوا لباس بالتوفيق التحدي المقبل

نبض الفؤاد · 2014-07-12, 22:58

صحا فطورك جيادا ....شكرا على تعاطفك معي....واش كاش جديد؟؟؟؟

أم ضياء عبد الرحيم · 2014-07-12, 23:14

ولاو نبض رانا خواتات و لي يضرك يضرنا كامل
لا جديد الدعوة كالم ما نعرف وين راحوا كون غير حطولنا التحدي الثالث

أم ضياء عبد الرحيم · 2014-07-12, 23:28

بنات نقولكم تصبحوا بخير عذا ان شاء الله

ام كوكو · 2014-07-12, 23:41

صح فطوركم البنات

stayfiya · 2014-07-13, 00:11

صح فطوركم جوري نبضوو يعطيكم الصحه ان شاء الله تنضم ليكم وحده باش تنقص عليكم التعب شوي بالتوفيييق ليكم و لينا ان شاء الله

سمراء الدنيا · 2014-07-13, 01:57

السلام عليكم
تم طرح التحدي الثالث في انتظار التحاق الاخ عمر لطرح تحدي الخياطة
و نبشركم بانو فيفي رايحة تبعث الدعم من عندها ............. عن قريب وصول عضوة لتنظم الى فريق التدابير المنزلية

https://www.djelfa.info/vb/showthread.php?t=1627661

نبض الفؤاد · 2014-07-13, 10:30

صباح الخير سمورة....بايتة قاعدة على حساب الشوفة؟؟؟
يبشرك بالخير....التحدي الثالث بانلي شارجي بلا خياطة....الله يقدرنا.....يعني رانا كل يوم نطيبو ....بصح....
سطايفية يطل عليك الخير.....ان شاء الله

جوري ياجوري .....وين راكي حبيبتي......؟؟؟.....

نبض الفؤاد · 2014-07-13, 10:42

نبض الفؤاد · 2014-07-13, 11:44

ما عليه راني ندور هنا وحدي....
ايا سمراء الدنيا طلبتي مني الوصفات...ونظن تعرفيها....بصح ماعليش...طلبك أمر.....هه
نبداو بالكيش....العجينة
الحشو: صدر جاج طايب ومفتت ومقلي في زبدة وتوابل...هذا سر البنة....ذبلت البصل وممبعد نضيف الجزر مكرفج والقرعة مكرفجة
تابل ملح وفلفل اسود...وزنجبيل وطماطم نفرغهم فوق العجينةوفوق الجاجوتفرغي فوقهم البيض مع الكريمة ونسكرفجو فوقهم شوي جبن..او تخلطي قطع الجبن مع المزيج كيما درت انا....وطبعا الى الفرن
والديسير كان كريمة الشوكولا....لي ليجوا أو شوكولا