الجزء 70 واش طيبتي اليوم سيدتي الفاضلة

[الأمنيات]

السلام عليكم كامل بلا ما ننسى اي وحده فحلات وشاطرات وطيبات رقم واحد
على مستوى الجلفة هههههههههههه
تبارك الله عليكم وعلى طيابكم
ايزابيل الديول كي يوجدوا حطي نشوفهم غيرتوني نظن نروح نخلطهم حتى انا
قلب اللوز راه يسخف اليدارتها ام اماني وادرارية يا سلام خلاص حلوا حوانيت في رمضان
استغفر الله واتوب اليه

[ام سهام 02]

تيراميسو لام اماني

[بريق الامل&]

[QUOTE=parfumdor1;1056194973]

المشاركة الأصلية كتبت بواسطة ghorba

اول صفح اعلنت بروقة الكوزينة الجاية لام محمد تاج
اختي منين كنت نكتب في الرد نتاعي كان على اساس اول رد في هذه الكوزينة وعلى خاطر المنتدى الغااااااالي ثقيييييل ماوصل الرد نتاعي غير كي بدت الصفحة الثانية لوكان شفت بللي بروقة مدت الكوزينة اكيييييد مش راح نقترح نفس الشيء ok

اقتراح في محله عطورة تحبي تدي الجزء الي بعد ام تاج لك دلك

[بريق الامل&]

المشاركة الأصلية كتبت بواسطة ام سهام 02

تيراميسو لام اماني

ما هذه التحف الفني تسلم الايادي

[بريق الامل&]

المشاركة الأصلية كتبت بواسطة الأمنيات

السلام عليكم كامل بلا ما ننسى اي وحده فحلات وشاطرات وطيبات رقم واحد
على مستوى الجلفة هههههههههههه
تبارك الله عليكم وعلى طيابكم
ايزابيل الديول كي يوجدوا حطي نشوفهم غيرتوني نظن نروح نخلطهم حتى انا
قلب اللوز راه يسخف اليدارتها ام اماني وادرارية يا سلام خلاص حلوا حوانيت في رمضان
استغفر الله واتوب اليه

وعليكم السلام امنياتي حتى انت شاطرة وفحلة تبارك الله على حسابهم محلات قلب اللوز يبلعو في رمضان ولا يدورها زلابية فقط فحلات الجلفة في كل ولاية من كل بستان زهرة رانا مسيطرين على الوضع خخخخخخخخخخ
لا لشراء قلب اللوز في رمضان طيبي في دارك يا مرا ههههههههههههه
اللهم بلغنا رمضان

[rosaa blanche]

برووقة مبروووك الكوزينة
كلما ندخل نجي نطلب والحمد لله ماترجعونيش بيديين فارغين الخيركاين واصحابو مايبخلوش ربي يفك عليكم كربكم يوم القيامة كيما راكم تفكوني كي نحصل
المرة هاذي عندي عرضة نهار لخميس لسلفتي غير وين زوجت حبيت نشاوركم حابة ندير رشتة خاطر سلفتي ماتعرفهاش مع العلم اني مانيش بروفبسيونال فيها خدمتها مرة جاتني روعة وحابة نعاودها مرة قبل لخميس واش قولتو نريسكي ولا لالا؟.

[lyzzabel]

المشاركة الأصلية كتبت بواسطة شاوية حرة 05

مساء الخيرات مبروك بروقة انشالله يرزقك ربي من ابواب الواسعة اسمحلي ما كانش باه نصور اما البنات ام يسرا ام طيري الجنة عطورة اليسون غربة ماما رياض ليدي راكم 4444444444444444444444 ولي نسيت اسمها تسمحلي اليزابيل قتلتني باالبان كيك اعطني الوصفة من فضلك اليوم نبات نحلم بيه هههههههههههههههههههههههه رياحين واش ريحت ندى شوية حبيت نسقسيك هذيك اللمة وين درتوها في باتنة ياخي رانا جيرانا علاه ما عرضتنيش بلاك راني جرتك وماعلبليش هههههههههههههههههههههههههه

الله يسلمك حبيبتي هذا من ذوقك و الوصفة تاع البان كيك هي
3 حبات بيض نضربهم مع 4 م ك سكر و فاني و نزيد عليهم نص كأس زيت و كأس حليب و نخلط مليح و من بعد 2 كيسان فرينة و باكي و نص خميرة الحلويات مغربلين مع بعض من قبل و الخليط يجي خفيف شوية مشي ثقيل كيما تاع الكيك ولا الموسكوتشو و نخليه يرتاح نصف ساعة و من بعد نبدأ نطيب في مقلاة anti adhésive و مين طابو لي بان كيك زينتهم بالعسل و نتيلا و البانان و الفراولة كيما فالصورة
ملاحظة انا ما نبغيهمش حلوين بزاف و نتي إذا بغيتي تزيدي شوية فالحلاوة ديري 5 م ك سكر



سبحان الله و بحمده عدد خلقه و رضى نفسه و زنة عرشه و مداد كلماته

[النرجووسة]

ان شاء الله اختي بريق الامل

وهده ميني بيتزا فطرت بيهم ودرت بسبوسة للقهوى ملحقتش نصور

[Aya69]

الله يبارك على كل شئ روعة ربي يدومها نعمة يا رب من فضلكم سالتكم وجاوبتونيش درك نزعف قلتكم تصلح لعجينة مورقة بزبدة عادية خطراش شفت وحدة دارتها بصح نسيت شكون هي راني نستنى جاوبوني من فضلكم

[ام ايمان 11]

المشاركة الأصلية كتبت بواسطة ladymillion

الله يعطيكم الصحة يالحراااااااااااااااااااير ماخليتو والو ماشااااااااااااء الله عليكم
ام ابراهيم الله يحفظلك أولادك ويعطيك الصحة على لي تارت يهبلو
ام اماني مازلت انا ماجربتوش هههههههه راني نتحلف فيه وكل مرة تزيد تشجعني وحدة فيكم ،، جاك روعة روعة الله يبارك
غربة ياالله على طيابك يسلم ايديك لحبيبة
اليشون يخي تعرفي رأي في اطباقك ممممممممممممممم ماعندي مانقول
ام ايمان بلاك انت أمي وانا لاخبر ههههههههههههههههههه البقلاوة أكثر من رائعة يعطيك الصحة
حبيباتي لي نسيتها تسمحلي

الله يدوم النعم علينا وعليكم

مرحبا حبيبتي لادي هدا وين يابنتي تفكرتيني هههههههه ، انتي الاروع و خلاص من اليوم راكي بنتي حنونة الله يدوم المحبة و الخيييييييييييييير .

[nabila222]

وووووووووووي واش هذا اخيرا كملت المراجعة ،بروقة والله راني شامة فيك ريحة فحولية ناس الجلفة وسارة وما جاورها صح ولا راني غالطة،المهم راني غايرة منكم ربي يزين سعدكم. اليسون والله راكي فور،المهم لبنات راني محتاجتكم دبرو عليا راني نافسة في دارنا وحابة نخدم قاطو كي نرجع لداري على بالكم الظياف ،واش تقترحو عليا نخدم حاجة بريزونتابل،وتحمر الوجه كل مرة يخطر في بالي حاجة ومن بعد نقول لالا ،والله حرت واش ندير أيا خمو معايا يا الشاطرات،،

[ام سهام 02]

اختي بريق الامل هذا من ذوقك شكرك على الترحيب .انا كنت نتبع غير من البعيد كنت نحشم اولادي هما لشجعوني باه نشارك معكم.
ربي يعطيك و يمنيك عزيزتي.

[أم سراج الدين]

السلام عليكم حراير

بصحتكم الخير و لخمير ربي يدم النعم

[أم ياسين الزهراء]

بروقة راهي قريب ادا كتبلي ربي في نص جوان هههههههههههههههههههههه ربي يفتحها عليك

روزا تقدري ديري الرشة نهار قبل هكى ماتريسكيش وبربي تجيك خير المرقى طيبيها نهار العرضة فهمتيني

اية حنونة خاطيني العجينة المورقة اسفة

قتلتونا بالفراز امممممممممممممممممممممم نموت عليه

عشايا بقلي لابيري من اصباح وراح نشوي الطحال والحمد لله

[lyzzabel]

وااااااو هذا وين كملت المراجعة الله يباااارك كل وحدة منكم فحلة و نص
ام أماني قلب اللوز خرجلك تححححفة تاكلوه بالصحة و الهنا و اطباقك راااااءعة طبعااا دوووون شك الله يعطيك الصحة حبيبتي
ليدي بصحتكم صابلي العسل خرجتيه روووووعة يعطيك الصحة و سلميلي على طوووومة علاااااش ماراهيش تبان انشالله تكون مليحة
ميمتي ام رحاب ربي يعاونك و طياباتك كلها تشهي ممممم
ام برهوووووم واااااو الكيكات رااااءعة تسلم الأيادي لي خدمتهم و مبروووووك لوليداتك و أختك و انشالله طولة العمر
أية ماشاء الله كل لي حطيتي يسخف بصحتك حبيبتي و اسمحيلي ما نقدرش نجاوبك على العجينة المورقة بالمارغرين
غربة دايما تتحفينا بأطباق و حلويات و وصفات راءعة ربي يحفظك
ام رياض الحنينة موااااااح على طيابك و على طيبة قلبك ربي يخليك لينا
ام سهااااام هبلتيني بالصور لي حطيتيهم وييييين كنتي خازنة هههه يعطيك الصحة حبيبتي و في انتظار المزيد
ام ساجد نرجووسة بروقة ام يس و كل الغاليات يعطيكم الصحة و لي نسيتها تسمحلي

راني عارفة القرعاجات راكم تقارعو فالديول للأسف الشديييييد ما نجحوليش جربت زوج حبات و حبست زعما درت الكوراج بأم برهوم مين شفتها دارتهم بالبانسو تاع السيليكون العجينة راهي قاعدة غدوة انشالله نزيد نجرب sinon ندير كيما ام ساجد و ندورها بان كيك

اللهم اني أعوذ بك من موت الفجاة و من عذاب القبر