الجزء 30من واش طيبتي اليوم؟؟للفحلات تاع المنتدى - الصفحة 14

عطرالذهب · 2013-10-02, 10:51

صباح الخير ام ماجد هاذاك ياخي رفيس الرنة علمتهولي مرت خويا قسنطينية يهبببببببل وما شاء الله على التزيين نتاعك وثاني باش نلوم عليك وعلاش وعلاش تسخفي فينا نهار كرعين ونهار كبدة ونهار الدماغ والكرشة جاب ربي العيد قرب على الاقل ننحو السخفة بصحتكم ويا سعد اولادك بيك

إلهام07 · 2013-10-02, 10:52

أم ماجد أشربي شوية قارص علاه قلبك يوجع واش كليتي من ورايا فضحتي روحك
حقة الطماطم كي تصبريها 10كغ ترجع غير شوية بصح مركزة يعني ماتديش البلاصة حتى لو تصبري 50كغ هههههههه
شوفي منين تعلمتها :

هذا المنتدى مسجلة فيه عامين قبل الجلفة

أم ماجد · 2013-10-02, 10:53

شكرا طومة وعطر حبيباتي نحب نوع في الاكل فقط ولو اقتصادي هههههههه
الهام والله ماكليت والو ومافطرتش ممكن جعت ههههههههههه

إلهام07 · 2013-10-02, 10:54

هيه طمطومة تشبه في بيتزا الباذنجان كنت نديرها وحد الوقت يموتو عليها بصح هذي راهي تشبه غير في الشكل بصح البنة مختلفة خفيييييييييييفة على البيتزا وبنينة ممممممممممممم
وعجبتني اقتصادية قلت نفيد بيها الأخوات اللي راهم يزيرو في الميزانية هههههههههههههه

الأمنيات · 2013-10-02, 11:05

الاخت الي سالتني على الطابع تاع الغربية هاني صورته لك
راها ام ماجد عندها تاني حطاته مره

*أم كوثر* · 2013-10-02, 11:13

سلااام
الامنيات راني درت بركوكس مممممممممممممممم مابدلتش من بعد نحطو

اقتباس:

المشاركة الأصلية كتبت بواسطة ilbeldelmondo

صباحو لاجمل فحلات في الجزائر
ليدي تحضر حمص ام كوثر

أمي في السوق
اخي في العمل
و انا وحدي العب

ههههههههههه وحدك يا طومة بصحتك اللعب
فكرتيني في
بابا في البستان
ماما في السوق

اقتباس:

المشاركة الأصلية كتبت بواسطة إلهام07

أنا ناس ملاح غضتوني هاكو تشوفو واش لبزت بصح هذي غير الحلقة الأولى برك :

البارح العشية ماقدرتش ندخل للمنتدى وليت رحت لعمي قوقل هزيت وصفة نتاع الزهر نتاع فوكاتشيا وطبقتها للعشاء
طبعا الفوكاتشيا راهي خبز خوكم رجعها "فطيرة " يعني وجبة رئيسية ماشي خبز
راهي اقتصادية وخفيفة تهبل والله ماتو عليه وتفاجأت مابانش خلاص فيه ريحة زيت الزيتون وعجبهم بزاف بزاف قالولي خير من البيتزا واي واي واي راحية ندير بيه حالة

شوفو درت الخبز عادي بصح حاولت نديرو رقيق مع ذلك طلع بزاف وجا خفيف ريشة مع أنو مافيهش بيكاربونات غير خميرة الخبز ودرت شوية نتاع صوص طومات دهنت بيها وجه الخبزة وكنت قليت باذنجان شرائح حطيتو من فوق ( لازم يكون هبي ماشي محمر باش مايتحرقش ) ودرت من فوق زعيترة ويزت زيتون وقطع جبن كامومبير وزيتون أخصر شرائح وزيتون اسود طبعا كل شيء لازم تغرسيه في العجين
طبعا عاودت خمرتها قبل الطياب وسخنت الفرن مليح ودخلتها للفرن
ونقوللكم عفسة مليحة طيبو بيها الفوكاتشيا وكل أنواع الخبز : ديرو ماعون فيه شوية ماء يغلي تحطوه في الرف السفلي نتاع الفرن باش البخار يساعد العجين ينتفخ أكثر تخليوه غير 15د الأولى نتاع الخبز ومن بعد تنحيوه

هنا بعد مازينتها و قبل لاتخمر :

كي طابت من تحت زدت جبدتها رابيت عليها شوية شيدار من فوق وحمرتها من فوق

:

انا درت غير حبة وحدة باذنجان بانتلي بزاف بصح ظهرتلي من بعد قليل المرة الجاية ندير 2 حبات

أنتوما ديرو واش تحبو أنا رايحة اليوم إذا ماتبدلش البرامج نديرها بالاسكالوب والشامبينيون وشرائح البصل والجبن جي

أنتوما ديرو أي حاجة تحبو والله فكرة هايلة غير شوية تزيين من فوق وخلاص

راهي اقتصادية وساهلة ماهلة

مازالت حاجة أخرى جربتها واليوم نطيبها وإذا جات مليحة نقوللكم عليها

الهام يادرى ميزانك شحال من هد المعجنات
انت ومصلح
وام نجمو
وام ابراهيم
وام انس نتخيلكم براميل ههههههههه
عموما راها تشهي بصحتكم

الأمنيات · 2013-10-02, 11:15

ام كوثر مصحتك البركوكس واش درتيه حار اممممممممممممممممممممم

ilbeldelmondo · 2013-10-02, 11:17

لبنات بصحتكم الغداء و وجدو رواحكم للصيام انا نروح نجبد واحد قطيفة اذا تخطيطها لي المشينة نديرها فستان للعيد سلام

أم ماجد · 2013-10-02, 11:22

لبنات تغديت العدس والله طحت فيه عمياء كنت جيعانة ومانيش فايقة ماقدرتش ننهض من الكرسي هههههههه
الهام تطفرت فيك والله غير تندمي عدس ام ماجد احسن من سكالوب طباخكم هههههه

ladymillion · 2013-10-02, 11:27

صباحو يالفحلات انا كملت غدايا حمص الحبيبة ام كوثر كي توصل 12 نحط الغداء ونصور طببببببببببببببببعا والحكومة تقلق كي نكون نصور هههههههههه

ام ماجد بصحتك الغداء نحب العدس ممممممممممممم خاصة بالهريسة والمطلوع
الهام هايلة الفوكاشيا ولا واش سميتيها والله شهيتيني وانا كي البقرة المهم بصحتكم كاااااااااامل

طومة راهي تخيط وماحبتش تمشيلها القطيفة في المشينة

*أم كوثر* · 2013-10-02, 11:27

ام ماجد بصحتك العدس حتى انا نمووووت عليه لكن ابو كوثر كي يسمع اسمو برك يشنف
الامنيات اااايه بنييين وحار وكترتلو التوم مممممممممممممم فرصة مدامني وحدي ههههههههههه
طومة يظهرلي مازال الحال على القطيفة
عنا الصيف راه رجع
بصحتكم الحمص

*أم كوثر* · 2013-10-02, 11:29

انا وجدت اللوازم ورح نبدى ندير بريوش الحليب تع الغاليو ام انوس لخر لقيت الخميرة خلاصت
راني نستنى في شكون ينقدني

touta2010 · 2013-10-02, 11:30

الهام اختاري عدس ام ماجد ولا اسكالوب الطباخ؟

touta2010 · 2013-10-02, 11:34

اقتباس:

المشاركة الأصلية كتبت بواسطة *أم كوثر*

انا وجدت اللوازم ورح نبدى ندير بريوش الحليب تع الغاليو ام انوس لخر لقيت الخميرة خلاصت
راني نستنى في شكون ينقدني

هاكي ورجعيهالي ok

oum ibrahim · 2013-10-02, 11:36

بصحتكم يا الفحلات الشاطرات الهام بركاي ما تسخفي فيا وااااااااااع راهي حاكمتني الحمى نتاع الفوكاشيا بصح ماعرفتش وقتاش نديرها
ام كوثر امممممممممممممممم يا عيني على البركوكس ضربتني الريحة هنا ابعثيلي صحن هههه و نقولك و الله ماني برميل يعني نص نص قد الغزال هههههه على قولة ام محمد و على فكرة انا ابو ابراهيم كي يسمع سيرة اللوبيا يشنف ههههههههه
اييييمان ماتنسايش صحن نتاع حمص لاختك راهي قتلتها السخفة هههههههبصحتكم مسبقا