كل ما يخص الكفالة العائلية-الرجاء التثبيت- - الصفحة 14

nabil ofc · 2013-09-28, 12:12

اقتباس:

المشاركة الأصلية كتبت بواسطة hichamejsk3

السلام عليكم و رحمة الله وبركاته

ان الحمد لله نحمده ونستعينه ونتستهديه ونعوذ بالله من شرور انفسنا ومن سيأت اعمالنا

نبدأ علي بركة الله

نظرا لكثرة الطلبات على كيفية الحصول علي اعفاء من الخدمة الوطنية ارتايت ان اضع هذا المضوع

لجميع اعضاء منتديات الجلفة

قبل كل شيء من لم يؤدي الفحص الانتقائي في عمر 19 عاما يفقد حقه في ايداع ملف الكفالة

علي مستوي مركز الخدمة الوطنية.

اذا لم تكن بعامل في القطاع العام او ليست مسجلا في الضمان الاجتماعي يمكنك ان تستخرج شهادة عامل يومي من البلدية مع احظار شاهدين

اولا استخراج شهادة الكفالة من المجلس الشعبي البلدي

ملف الكفالة:

1: طلب خطي.

2: شهادة ميلاد أصلية للمعني.

3: بطاقة شخصية للحالة المدنية للمعني.

4: شهادة الحالة العائلية للمعني إذا كان متزوج.

5: بطاقة الإقامة.

6: نسخة طبق الأصل لبطاقة التعريف الوطنية.

7:شهادة الحالة العائلية للأب.

8: مستخرج من الضرائب (الأب الأم والمعني).

9: شهادة مدرسية للإخوة المتمدرسين.

10: نسخة من الدبلوم أو آخر مستوي دراسي.

11: شهادة عمل للمعني (كشف الراتب او عامل يومي او نسخة من السجل التجاري..)

12: شهادة عدم العمل للام و الاب او كشف الراتب الشهري.

13: عقد الزواج للاخوة المتزوجين.

14: شهادة طبية او اي وثيقة تبين نسبة العجز للاب او الام(مرض مزمن ,مكفوف ,عملية جراحية ....)

-ملاحظة-ان وجدت اي شهادة طبية تثبت العجز للاخوة فهي مقبولة مثلا اعاقة حركية او ذهنية....

15 :كشف الراتب للاب من الصندوق الوطني للتقاعد بالنسبة للاولياء المتقاعدين.

طلب خطي

الاسم: يوم)شهر)سنة

اللقب: الي السيد: رئيس المجلــس

العنوان: الشعبي البلدي

الموضوع:طلب كفالة

لي عظيم الشرف ان اتقدم الي سيادتكم المحترمة رئيس المجلس الشعبي البلدي بطلبي هذا والمتمثل في استخراج شهادة الكفالة العائليةعلما انني من مواليد (....)ب(...)ونظرا للظروف الصعبة التي يعيشها الاب (وضعية الاب المرضية –المادية-الام اوالاخوةمع ذكر كل التفاصيل...)

وفي انتظار ردكم تقبلو فائق الاحترام والتقدير

الامضاء()

ملف الاعفاء:

1: طلب خطي.

2: شهادة ميلاد أصلية للمعني.

3:شهادة الكفالة نموذج ح م 7 صادر من المجلس الشعبي البلدي+نسخة طبق الأصل.

4: شهادتين عائليتين(2).

5: نسخة من الدبلوم أو آخر مستوى.

6: مستخرج من سجل الضرائب (الأب)

7:. بطاقة الاقامة.

8: نسخة من بطاقة التعريف الوطني.

9: بطاقة شخصية للحالة المدنية.

10: كشف الراتب للاب او شهادة عدم العمل للاولياء.

11: شهادة عمل للمعني او كشف الراتب.

12: شهادة طبية تبين نسبة العجزللاب او الام (مرض مزمن ,مكفوف ,عملية جراحية.....)

13: نسخة من وضعية الاخوة اتجاه الخدمة الوطنية(اداء*تاجيل*او شهادة احصاء للاخوة 18 عاما تستخرج من البلدية)

14: شهادة مدرسية للاخوة المتمدرسين.

15: عقد الزواج للاخوة و الاخوات المتزوجين.

16: شهادة طلاق او وفاة للاولياء في حالة الطلاق او الوفاة.

17: بطاقة التأجيل ان وجدت .

ملاحظة هــــــامة:

-الدفتر العائلي اجباري عند تقديم الطلب

-بعض الملفات قد لاتحتوي جميع هذه الاوراق

-لمن لديه اي استفسار انا في الخدمة

-لمن لم يؤدي الفحص الطبي فقط في المحكمة

العسكرية او في الثكنة سينظر في ملفه

ولا يقبل في مركز التجنيد

نموذج لشهادة الكفالة:

ارجو التوضيح من الاخوة الكرام هنا كاتبين بطاقة الاقامة وطلب ملف الكفاله لي جبتو من على مستوى الدرك كاتبين شهادة اقامة فمن منهما الاصح

nabil ofc · 2013-09-28, 12:18

السلام عليكم يا اخي ملف الكفاله تع البلدية معقد عكس ما عطاوني انا المهم الاسئلة هي
1 انا الان عندي الاستدعاء الثان مع الامر اكيد ميقبلهش فالثكنة لازم نرسل ملفي للعاصمة وهوما يقولو لثكنة شدوه او لا؟
2 وهذا الاهم انا جتزت الفحص الطبي لكن التاجيلات معنديش هل يقبلوه
3 من اين اتحصل على شهادة الانفصال تع الاخ المتزوج
4عندي اخي معفى لسبب طبي هل ادعم ملفي باوراق تثبت ذلك او اكتفي بطاقته لي مكتوب فيها معفى بسبب طبي ميقدرش يشتغل

bilel_bob2 · 2013-09-28, 13:32

شهادة العمل كيفاه نجيبها وانا ماعندي لا سيرونس ولا حتى كاغط
كيفاه حتى يقبلوها في ملف الكفالة عند البلدية و في الناحية العسكرية

nabil ofc · 2013-09-28, 13:43

منتدى الجلفة وقيل يفتح على 14h

libanarim · 2013-09-28, 13:55

اقتباس:

المشاركة الأصلية كتبت بواسطة nabil ofc

السلام عليكم يا اخي ملف الكفاله تع البلدية معقد عكس ما عطاوني انا المهم الاسئلة هي
1 انا الان عندي الاستدعاء الثان مع الامر اكيد ميقبلهش فالثكنة لازم نرسل ملفي للعاصمة وهوما يقولو لثكنة شدوه او لا؟
2 وهذا الاهم انا جتزت الفحص الطبي لكن التاجيلات معنديش هل يقبلوه
3 من اين اتحصل على شهادة الانفصال تع الاخ المتزوج
4عندي اخي معفى لسبب طبي هل ادعم ملفي باوراق تثبت ذلك او اكتفي بطاقته لي مكتوب فيها معفى بسبب طبي ميقدرش يشتغل

وعليكم السلام
1-انا الان عندي الاستدعاء الثان مع الامر اكيد ميقبلهش فالثكنة لازم نرسل ملفي للعاصمة وهوما يقولو لثكنة شدوه او لا؟
ادا كان جاك أمر بالالتحاق، تقدر تروح للثكنة وتم تدفعوا وأنا ما ننصحكش بيهاا لأنوا رايح تبقى مدة باش تخرج، أو تنتظر حتى تولي عاصي وتروح للمحمة العسكرية
2- وهذا الاهم انا جتزت الفحص الطبي لكن التاجيلات معنديش هل يقبلوه
على حسب علمي، لازم يكون عندك تأجيل باش تقدر تدفع ملف الكفالة في مكتب التجنيد
روح لمكتب التجنيد وسقسي أحسن
-3 من اين اتحصل على شهادة الانفصال تع الاخ المتزوج
شهادة الانفصال تستخرجها من البلدية، كل بلدية وكيفاش تخدم، المهم ما تنساش تدي معاك زوج شهود
4-عندي اخي معفى لسبب طبي هل ادعم ملفي باوراق تثبت ذلك او اكتفي بطاقته لي مكتوب فيها معفى بسبب طبي ميقدرش يشتغل
ملف الكفالة مطلوب فيه تسوية وضعية الأخوة اتجاه الخدمة العسكرية، ادا كان ضمن المكفولين، يعني أنت الكفيل به، أدرج أوراق أخيك في الملف دون نسيان بطاقة الاعفاء نتاعو بطبيعة الحال ، وادا كان منفصل عن العائلة ، اكتفي ببطاقة الاعفاء وشهادة الانفصال
ان شاء الله نكون أفدتك
ربي يفرج علينا وعليك

رفيق اللغة · 2013-09-28, 14:31

اهلا خويا لا باس...
حبيبت نسقسيك خويا انا بعثولي نمشي في 22 مارس لي فات بصح انا مرحتش في 22 درت شوي روتار رحت في 7 افريل و كي لحقت للثكنة في الاغواط قالولي بلي راهي كومبلي معمرة المهم كاشاولي في الاستدعاء و كتبولب فرد التحق بعد اقفال عملية التجنيد...روحت للدار و رحت للمركز تاعنا في سطيف قالولي لاه درت روتار قلتلهم بلي الوالد كان مريض...و في اوت رحت نسقسي قالولي راك عاصي و عطاوني بريا للمحكمة العسكرية...ذك كيفاه الحل خويا لعزيز...

هيا خاوتنا لي يعرف حاجة يفيدنا بيها بارك الله فيكم...

Tarek Azzam · 2013-09-28, 14:53

السلام عليكم
اخوتي اهل الاختصاص لدي سؤالين ارجوا ان اجد الاجابة عندكم
في مارس الي فات جاني الاستدعاء للخدمة الوطنية فذهبت وديت ملف طبي اعطاوني تاجيل 6 اشهر قلت معليش ..وفي هاد الشهر تاني جاني الاستدعاء رحت لنفس الثكنة اعطاوني تاجيل لمدة 6 اشهر للمرة الثانية على التوالي ...سؤالي هل بامكاني ان اضع ملف كفالة في مركز الخدمة الوطنية في مدة هذا التاجيل اعني في هاد الاشهر الست ؟
سؤالي الثاني هو هل صحيح ان كان لك اخ في الجيش الوطني الشعبي (يعني مقاجي ) هل صحيح انه تاخذ الاعفاء مباشرة ؟
انا في انتظار الاجابة ارجو الرد

nabil ofc · 2013-09-28, 15:58

شكرا علاجوبة

nabil ofc · 2013-09-28, 16:01

اقتباس:

المشاركة الأصلية كتبت بواسطة رفيق اللغة

اهلا خويا لا باس...
حبيبت نسقسيك خويا انا بعثولي نمشي في 22 مارس لي فات بصح انا مرحتش في 22 درت شوي روتار رحت في 7 افريل و كي لحقت للثكنة في الاغواط قالولي بلي راهي كومبلي معمرة المهم كاشاولي في الاستدعاء و كتبولب فرد التحق بعد اقفال عملية التجنيد...روحت للدار و رحت للمركز تاعنا في سطيف قالولي لاه درت روتار قلتلهم بلي الوالد كان مريض...و في اوت رحت نسقسي قالولي راك عاصي و عطاوني بريا للمحكمة العسكرية...ذك كيفاه الحل خويا لعزيز...

هيا خاوتنا لي يعرف حاجة يفيدنا بيها بارك الله فيكم...

رانا كامل حاصلين في هذي المحكمة انا جاني استدعاء ثاني قالولي منشدوش عليك الملف وقالولي اصبر تولي عاصي ودي ملفك للمحكمة كما قالولك لكن دير فبالك تشارع يا يدوك اذا معندكش ملف ولى تروح من ثم تجوزهم

nabil ofc · 2013-09-28, 16:04

اقتباس:

المشاركة الأصلية كتبت بواسطة libanarim

وعليكم السلام
1-انا الان عندي الاستدعاء الثان مع الامر اكيد ميقبلهش فالثكنة لازم نرسل ملفي للعاصمة وهوما يقولو لثكنة شدوه او لا؟
ادا كان جاك أمر بالالتحاق، تقدر تروح للثكنة وتم تدفعوا وأنا ما ننصحكش بيهاا لأنوا رايح تبقى مدة باش تخرج، أو تنتظر حتى تولي عاصي وتروح للمحمة العسكرية
2- وهذا الاهم انا جتزت الفحص الطبي لكن التاجيلات معنديش هل يقبلوه
على حسب علمي، لازم يكون عندك تأجيل باش تقدر تدفع ملف الكفالة في مكتب التجنيد
روح لمكتب التجنيد وسقسي أحسن
-3 من اين اتحصل على شهادة الانفصال تع الاخ المتزوج
شهادة الانفصال تستخرجها من البلدية، كل بلدية وكيفاش تخدم، المهم ما تنساش تدي معاك زوج شهود
4-عندي اخي معفى لسبب طبي هل ادعم ملفي باوراق تثبت ذلك او اكتفي بطاقته لي مكتوب فيها معفى بسبب طبي ميقدرش يشتغل
ملف الكفالة مطلوب فيه تسوية وضعية الأخوة اتجاه الخدمة العسكرية، ادا كان ضمن المكفولين، يعني أنت الكفيل به، أدرج أوراق أخيك في الملف دون نسيان بطاقة الاعفاء نتاعو بطبيعة الحال ، وادا كان منفصل عن العائلة ، اكتفي ببطاقة الاعفاء وشهادة الانفصال
ان شاء الله نكون أفدتك
ربي يفرج علينا وعليك

لكن فالمحكمة نقدر ندخل منخرجش وانا دارنا مكانش لي يخدم عليهم نخاف يرفدوني من ثم هل هذا صحيح

صالح مباركي · 2013-09-28, 17:00

هل يجب أن تكون شهادة العجز لأحد الوالدين أو لكليهما
وإن لم تستطع استخراجها
هل يقبل منك الملف
جزاكم الله خيرا

nabil ofc · 2013-09-28, 20:00

ارجو من صاحب القسم والمشرف عليه ومن اهل الخبرة يساعدونا
فالبداية كنو يقولونا بل لي وصلو امر الالتحاق يقدر يبعث الملف للجزائر وعطاونا العنوان وكي رانا نديرو فالملف وحبينا نتاكدو قالك لالا حتى وان بعثتو للمديرية تع الجزائر راح تبعثك للمحكمة العسكرية مشي لمكتب التجنيد يا اخي هذه المعلومة تع ارسال الملف للمديرية قالونا عليها عندها اقل من شهر وضك قالك لالا
السؤال وجاوبونا بصدق وبكل صراحة هل من الممكن نرسل الملف للمديرية تع العاصمة وهوما يحيلونا على مكتب التجنيد لوضع الملف
او ننتظر حتى نصير عصاة ونروحو برجلينا ليهم ارجو ارجو من اصحاب الخبرة يجاوبونا شكرا

libanarim · 2013-09-28, 20:06

اقتباس:

المشاركة الأصلية كتبت بواسطة nabil ofc

لكن فالمحكمة نقدر ندخل منخرجش وانا دارنا مكانش لي يخدم عليهم نخاف يرفدوني من ثم هل هذا صحيح

ادا كان ملفك كامل وصحيح، رايحين يحكموه عليك
كاين ناس تاني رفدوهم
يعني أنت وملفك

libanarim · 2013-09-28, 20:11

اقتباس:

المشاركة الأصلية كتبت بواسطة صالح مباركي

هل يجب أن تكون شهادة العجز لأحد الوالدين أو لكليهما
وإن لم تستطع استخراجها
هل يقبل منك الملف
جزاكم الله خيرا

ادا كان والديك أحدهما أو كلاهما مريض أو عاجز عن العمل، روح للطبيب لي عالج فيهم واطلب منو شهادة طبية تثبت دلك، هده الشهادات رايح تزيد من حظوظك
أما ادا كانوا ماشي مراض، ما تقدرش تخرجها الا بمعريفة عند الطبيب

Tarek Azzam · 2013-09-28, 21:18

السلام عليكم
اخوتي اهل الاختصاص لدي سؤالين ارجوا ان اجد الاجابة عندكم
في مارس الي فات جاني الاستدعاء للخدمة الوطنية فذهبت وديت ملف طبي اعطاوني تاجيل 6 اشهر قلت معليش ..وفي هاد الشهر تاني جاني الاستدعاء رحت لنفس الثكنة اعطاوني تاجيل لمدة 6 اشهر للمرة الثانية على التوالي ...سؤالي هل بامكاني ان اضع ملف كفالة في مركز الخدمة الوطنية في مدة هذا التاجيل اعني في هاد الاشهر الست ؟
سؤالي الثاني هو هل صحيح ان كان لك اخ في الجيش الوطني الشعبي (يعني مقاجي ) هل صحيح انه تاخذ الاعفاء مباشرة ؟
انا في انتظار الاجابة ارجو الرد