اقتباس:
المشاركة الأصلية كتبت بواسطة زهورالفل
شريت برتقال وليمون غسلتهم ونشفتهم ومن بعد حكمت 3حبات ليمون وحكيتهم يعني اخذت منهم الزاست ودرته في البلاستيك الغذائي على شكل كموسات صغار حوالي ملعقتين صغار وتاني البرتقال نفس الشي ومن بعد عصرت الحبات اللي بشرتهم تاع الليمون وعمرتهم في علبة مكعبات الثلج الخاصة بالمجمد وكي جمدو نحيتهم وغلقت عليهم في صاشي وخبيتهم وقطعت البرتقال والليمون دوائر او شرائح وحطيتها في طبق تجمد ومن بعد خبيتها تاني هي في صاشي دوائر البرتقال نحتاجوهم لتزيين سلاطة فواكه او طارت او كما انا نحضر بهم البسبوسة نحبها بذوق البرتقال نضع المبشور في العجينة تاعها والعصير نحضر به السيرو اللي نسقس بيه وتاني راح من بعد نقطع نصف دوائر وانا عملت تجربة من بعد ماجمدو نحيت وحدة وخليتها ديكونجلات وذقتها بقات هي هي من حيث الشكل والمذاق والان اترككم مع الصور واتمنى ان تفيدونا انتن ايضا بافكار اخرى
ها الكموسات تاع البرتقال والليمون.
.
. |
اقتباس:
المشاركة الأصلية كتبت بواسطة ام ظافر
اخواتي الي سالت على تجميد الفرولة والمشمش نعطيكم طريقتي وهي مجربة لعدة اعوام و هذه الطريقة تصلح للعصير او سلطة الفواكه او لتزيين الطرطات والله على ما اقول شهيد
تنظفي الفرولة تاعك عادي وتمسحيها جيدا كل حبة كاملة لوحدها ثم تضعيهم فوق بلا او سني ودخليهم للمجمد وبعد ما تجمد ضعيها في علب والغرض من وضعها فوق سني تجمد لوحدها حتى لما تجمعيها في العلب ما تلصقش وتحافظ على شكلها ولما تحبي تستعمليها تقدري تستعملي العدد الي تحبيه بدون ما يكون لاصق في بعضاه
ولكن تستعملي هذه الفرولة مباشرة من المجمد للطبق يعني ما تخليهاش تقعد حتى تذوب وتولي طرية يصعب عليك استخدامها في حين لما تكون باردة تقدري تقطعيها بالسكين
مثلا لما نوجد سلطة الفواكه اخر شيء نقطع حبات الفراز المجمد وهو في سائل السلطة راح يتجانس
اما المشمش اغسليه جيدا و انزعي النوى ومباشرة حطي مقدار رطل في كل كيس لا تغليه ولا تطيبيه وحطيه في المجمد
لما تحبي تستعمليه في سلطة الفواكه استعملي نفس طريقة الفراز اما اذا تحبي تستعمليه عصير اجبدي كيس واحد وحطيه في رطل ماء يغلي معاه مدة 15دقيقة ثم ارحيه وزيديلو السكر والماء حسب الذوق وكذلك علبة ياؤورت ذوق مشماش وحطيه يبرد مليح
رطل مشماش يعملي تقريبا 2لترات عصير
والله عندي الان في المجمد مشماش باقي من العام الي فات ولونو زاهي ونعمل بيه العصير احيانا او في السلطة او نزين بيه الترطات
ملاحظة
شيء مهم ما تكثريش من فتح المجمد لانو راح تفقد الفواكه لونها وممكن تسود مثل ما حدث مع امي اصبح مشماشها لونو برتقالي داكن يعني تفاعل مع الهواء وتاكسد لانها دار العائلة وكل واحد يفتح المجمد عكس مشماشي انا بقى برتقالي زاهي لاني يد واحدة في الدار ماشي بزاف
هذه 
 صورة مثلجات كنت عملتها بمشماش وفراز مجمد ولونهم يدل على ذلك |
اقتباس:
المشاركة الأصلية كتبت بواسطة رتاج علي
السلام عليكم، أختي mereyoucef اعتذر عن التأخير لم ادخل النت،اما عن طريقة حفظ المشمش فااكد لك انها طريقة ممتازة، وقد جربتها بنفسي و هي طريقة سهلة جدا، تنزعين النواة (العلفة) وتضعية في الكسكاس افور مدة 5 دقائق الى اكثر بقليل المهم يصبح طري، بيدك تعرفي،تخليه يبرد ثم ترحيه بالمولينكس أو رحاية اليد، انا درتوا بالمولينكس، كل 8 ملاعق ديريهم في صاشي، او علب بلاستيكية، و خبيهم والله ذوقها رائع خاصة في رمضان و منعش، الوصفة تقول 8 ملاعق لكل لترين ولكني درتو لكل لتر، ان شاء الله تكوني استفدتي، انا مزتلوش الليمون اذا تحبي زيديلوا و تصبحين على خير أخية.
|
اقتباس:
المشاركة الأصلية كتبت بواسطة barka61
مساء الخير انا نعطيك طريقتي الخاصة تحبي تنفذيها ولا ماتحبيش وهي جيبي1كغ نتاع برتقال طيبيه في الكوكوطة مع 3ل ماء لمدة نصف ساعة امبعد ما يطيب ارحيه بقشورو وتان ماتنسايس كتطيبيه كامل ما تنحيش القشور امبعد صفيه في قطعة شاش وكل مرة ديري شوية ماء حتان يصفى مليح ديريه في قرع ودسيه في الكونجيلاتور وكل ما تحوسي تشربي العصير زيديلو الماء و السكرو شوية اسيد ستريك
طريقة2
اذا حبيت يكون حبات اقسمي البرتقالة على2 وديريها في صاشيات كتسحقي غير اجبدي و اعصري
|
هذه الطرق تاع التجميد عجبتني
حتى نسيي تجميد الفراولة كي ترخس شوي لانها في هده المنطقة لي نسكن فيها راهي ادير 350 و قالولي تلحق لحتى 100 دينار أصحيح ذلك؟؟
و راني سييت طريقة بركة 61 في تجميد عصير البرتقال درت كيلو ور طل برتقال في 4 لتر تاع الماء
و تبعت نفس الخطوات، درتها في شاش بعدما رحيتها و عصرتها. جاتني شوية مر لكن لم أضف حمض الليمون
*** فهل لحمض الليمون اثير في طعم العصير
أرجو منك الجواب اختي بركة
( تقرير عن مشاركة سيئة )، و الموجودة أسفل كل مشاركة .
2013-05-02, 21:44
لنتشارك للتحضير بهدوء للشهر الفضيل
اختي فايزة كيفاش تجمدو القرنون و الفلفل تقلوه و لا تشووه ايهما الافضل للتجميد
العرض العادي
