|
|
|
|||||||
| الجلفة للمواضيع العامّة لجميع المواضيع التي ليس لها قسم مخصص في المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
تذكر معنا ايام زمان ايام الطفولة البريئة .
 |
|
|
أدوات الموضوع | انواع عرض الموضوع |
2009-05-21, 14:02
|
رقم المشاركة : 196 | ||||
|
موضوع يستحق أن يبعث و يعاد إظهاره
|
||||
|
|
2009-05-21, 14:30
|
رقم المشاركة : 197 | |||
|
في الحقيقة انا لا ازال في مرحلة الطفولة |
|||
|
|
|
2009-11-24, 15:49
|
رقم المشاركة : 199 | |||
|
السلام عليكم ورحمة الله وبركاته |
|||
|
|
|
2009-12-17, 14:09
|
رقم المشاركة : 200 | |||
|
ههههههههههههههههههه موضوعي المفضل بلا منــــــــــــــازع ، شفت سعيد أنا مع الإمتحنات وانا راني نعاود فالموضوع صفحة ب صفحة والله درت فينا حالة تعرف كي كنت نقرا فالمتوسطـ كانت تقعد فوق الطاولة تاعنا طفلة وكانت دايما كي نصاوب روحي ونمشط شعري تجي تجبدني منو فنص الحصة الأستاذة متشوفهاش وأنا نحس بيها ونكذب روحي بعد وحد المرة تفاهمت مع سلمى الطفلة اللي كانت تقعد معايا قلتلها روح قولها باباك ضربتو طومبيل ومحبوش يهدرولك والناس كامل أي تحكي عليه قالو اللي ضربو دارها بالعاني وكي نجي أنا خليني نكمل ،، قالك امالا دارتها سلمى ودارتها منها صح ومن بعد جيت أنا وليت نتهاوش مع سلمى قلتلها لاه قلتلها لو كان حبو يهدرولها لوكان هدرولها فالدار وشفت معاها قلتلها إذا تروح للدار تاعكم روح على روحك واحد ميقولك لاه أصلا كامل علابالهم ويتبدل وجه الطفلهـ ......وتطلق بالمحفظة بكل شي في ديها وتطير للدار ههههههههههههههههههههههه وإستنينا 5د كي شفناها خارجة من المدرسة تاع الصح راحت سلمى تجري وراها أنا نقولها أقعد كي تلقى باباها فالدار آي ترجع وهي تقولي وإذا وصلت آي خلات ههههههههههههههههههه وكي جات الأستاذة ، سقساتنا حكيتلها كل شي وأنا ميتة بالضحك مفهمت مني والو قلتلها كي يجيو يحكيولك هههههههههههههههه بصح درت بالضحك هذاك النهار يعني ضحك ميتعاودش تاع الصح
|
|||
|
|
|
2009-12-17, 14:19
|
رقم المشاركة : 201 | ||||
|
اقتباس:
أحوجي يانا على لهبااااااااااااال
مسكينة ذيك الطفلة لو أنا منها راني نتفتلك شعرك  |
||||
|
|
|
2009-12-17, 14:42
|
رقم المشاركة : 202 | |||
|
أممــ ,,,, سخفتوني حتى أنا درك نشارككم درك نحكيلكم على اخر طوايشي ولي درتها الأسبوع الفارط بصح بلا مانوصي عندكم تبيعو بيا ونحصل شوفو حنا عندنا استاذة الإجتماعيات الشر يخرج من عينيها واحد ما يحبها ملي تدخل وهي حيوانات و...و...و..و المهم فكرنا ننتاقمو منها كل مرة يخرجلنا واحد بخطة ما تعجبنا .....ما لا أنا الغدوة رحت ليهم قلت نتمسخر معاهم قتلهم نبعثو طفل يروح يجيبلنا فيران ومن بعد نحكمو حنا لبنات نقلبو القسم رأس على عقب وكي تجي تاع الإجتماعيات تدخلنا نقعدو نعدلو في القسم يعقب نص الوقت ومن بعد كي نكملو نرميولها فيران وهكذا يخلاصو زوج سوايع بلا سبان ما نجيب خبر كامل وافقوني وقاللنا واحد أنا نجيب الفيران بصح بشرط لازم كامل تجيبولي لغدا لخاطر مراح نروح كامل وافقنا وكي روحنا على 11 هو راح يصايد الفيران وحنا لبنات قلبنا القسم وكي جينا على 1:30 جبنالو الغداء تغدا ورالنا الفيران يا لميما قلبك يحبس منهم ومن بعد دخلتنا تاع الاجتماعيات تشوكات من حالت القسم قالتلنا شكون دارلو هكا قلنالها تاع السنة1 ( مساكن كلش نلصقوه فيهم ) قاتلنا علاش قلنالها كي عيطنا عليهم وقلنالهم ماتزيدو تفزدو القسم دارولو هكذا قمار فينا ( الكذب حابس عندنا ) ومن بعد قاتلنا أعدلو وراحت للمدير تشكي وراهو لتاع السنة الأولى مساكن ناضو يبكو ويحلفو بلي مدارو والو جاو لينا قلنلهم يكذبو صدقونا ( طبعا زعما حنا العاقلين ) ومن بعد كملنا عدلناه جات قعدت بدات تشرح في الدرس لحقت 2:30 رن الجرس واطلقنا الفيران وأنا نسيت بلي راح يرموهم في ذاك الوقت القسم كامل طلعو رجليهم غير أنا ويعقبو عليا يا ماما ونهز ذيك العيطة من الخوف طلعت فوق الطاولة وتاع الإجتماعيات حارت ومن بعد شافت الفيران رجعت تعيط معايا وبداو الذكور والبنات تاع قسمنا يعيطو ويضحكو عليا وعلى الأستاذة أنا رجعت نبكي قلتلهم نروح وتاع الإجتمعيات : عيطو للمدير عيدو للعساس آآآآآآآآآ منظر يقتل بالضحك دخلت المقتاصدة وشافت الفار ورجعت تعيط معانا ومن بعد كامل طلعنا فوق طاويلات أنا وليت نطيت للمكتب والأستاذة محظنتني ( تحبني بزاااااااااف) ومن بعد جا المراقب قاعد يجري وراهم مسكين رجع يكفر بالإنجليزية لقا 4 فيران ولا جمعهم معاه لي جابهم و من بعد كانو راح يسقسو منين جاو كي شافوني نبكي والقسم كامل يعيط قالو بلي دخلو من برة وكي خرجنا قعدو يتمسخرو بيا وأنا رجعت نهاوش فيهم قتلهم علاش ماقلتوليش بلي راح تطلقوهم قالولي انت لي حددتي الوقت وقعدت غير نبكي غاظتني روحي ياااااااسر  وفعلا من حفر لأخيه حفرة وقعا فيها |
|||
|
|
|
2009-12-17, 18:15
|
رقم المشاركة : 203 | ||||
|
اقتباس:
ههههههه
....خلعتي الطفلة المسكينة ...هي ماتت با الخلعة وانتي متي با الضحك  وحاجة واضحة ان هذى الطفلة المسكينة مراحش تعاود تجبد اي وحدة من شعرها ..  ربي يحفضك اختي سالي مرورك اسعدني كثيرا والحكاية نتاعك كانت متعة ومسلية كثيرا وكل متتفكرى احكاية انتي او اي عضو احكوهالنا علي الاقل نضحكو معاكم شويا  ملاحظة : احذرو التقليد.... |
||||
|
|
|
2009-12-17, 18:27
|
رقم المشاركة : 204 | ||||
|
اقتباس:
هههههههههههه
مكانش علي بالي بلي تخافي من الفران... ومليح لانك استفدتي حكمة في الاخير ههههههه مشاغبة |
||||
|
|
|
2009-12-18, 14:03
|
رقم المشاركة : 205 | ||||
|
اقتباس:
مازالهي عندكم الخزانـــة والله غير هايلة كامل القصص ..... بارك الله فيك أخي ... موضوعك جد شيق |
||||
|
|
|
2009-12-18, 14:21
|
رقم المشاركة : 206 | |||
|
السلام عليكم |
|||
|
|
|
2009-12-18, 19:24
|
رقم المشاركة : 207 | ||||
|
اقتباس:
شكرا لكي اختي ترانيم بصح حكايتك مشفتهاش...
تفكرينا حكاية وحكيهالنا..رانا نستناو...بسرعة...بلاك طولي ههههه |
||||
|
|
|
2009-12-18, 19:37
|
رقم المشاركة : 208 | |||
|
انا راني في اولى ثانوي يعني هادا عام الطوايش بسح واش فات كاااااااااااامل طوايش ههه |
|||
|
|
|
2009-12-18, 19:56
|
رقم المشاركة : 209 | ||||
|
اقتباس:
ههههههه
فكرتيني مرة انا رحت مع بابا للمرشي باش يقضي يجيب المصروف للدار وكي كان هو يشرى انا بعدت عليه شويا وهو مكانش في عقلو شرى ومبعد راح وانا رحت لراجل اخر لابس كما بابا رحت طول نتبع فيه..ومبعد قتلو بابا..!! شاف فيا متت بي الخلعة لقيتو راجل وخدخر ومبعد بقا يدرو معايا في المرشي حتي لقيت بابا الحقيقي وكملي وحدك ..ههههه المهم ربي يحفضك ختي ...مرورك اسعدني كثيرا..وفي انتضار بقية حكايتك... |
||||
|
|
|
2009-12-18, 19:59
|
رقم المشاركة : 210 | ||||
|
اقتباس:
عندك غير حكاية وحدة في صغرك !! ...يليق تجبدلنا حكاية ...ليدخل لهذا الموضوع لازم يحكي
راني نستنا في حكايتك بفارغ الصبر  |
||||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
