الدرس السادس الفتلة بالمشينة

[ام رشدى]

[ام رشدى]

مساء الخير عليكم وين راكم ياحراير انشاء الله تكونو بخير اختي لخروبية راني زدت حطيت تطبيق اخر شوفي لعوينات والرشمة راني مزجت بين الرشمات الي حطيتيلنا واللواي راني عقبت عليه هو ايضا لعوينات وراني نستنى في التصحيح ومع الوقت اكيد نتحسن بفضل المساعدة انتاعك وممكن كانش رشمات اخرى عندك توريهملنا او ترسميهملنا لاني ماعنديش فكرة على رشمات الفتلة وسامحينا على تعبك وبارك الله فيكي

[hope of life]

السلام عليكم ...اختي ام رشدي...تطبيقك44444444 الله يبارك...وقيلا تكربي فالطونوبيل...وتبقاي تسناي فينا...هبلاكي تهربي...نرحو مع بعضانا خير

[ام رشدى]

اختي hop of life شكرا على ردك وانشاء الله نروحو للعرس في محفل احسن وتتراسنا اختي لخروبية ياخاه مالين العرس يطيحو سكتة قلبية هههههههههههعلى فكرة نروحو نمشيو ماشي في الطونوبيل

[الخروبية]

السلام عليكم
صباحكم فل وياسمين ياغالين على قلبي يضهرلى العرس
يجى عرس وعليه لكلام والبارود وزيد علاه احنا شوية
منهو لى زينا ولا قدنا ياخا والله بكل عدرات ربي يسترنا من العين
حتى ام رشدى والله اقل حاجا نقولها عليك مبدعة ومولتيش تحتاجى تصحيح
تحتاجى راى برك متال الوردة لحبيتى تخدميها على 2خيوط رلا كيما حبيتى هدا مكان
ختى ام رشدى درك رانى نتمنى نشوف حاجا مخدومة من يديك الحلوين تلبسيها بصحة
رانى نسنى انا والاخوات
تحية من الخروبية للجميع

[fatima touta]

ya oukhti lkhroubia rani haba nat3alem rabi yjawik nchallah lakan takadri taba3tili ,message en urgence s v p

[الخروبية]

السلام عليكم صباح الخير ختى fatima toutaسامحينى منقدرش نبعتلك مازلت نقدرشن نبعت للاعضاء بصح
شوفى فى بداية الصفحة منين المواضيع المثبة الاستاذة كرونو الله يارك فيها حطت الموضوع هكا ميروحش وتستفيدو من و الموضوع
بعنوان كل الدروس الفتلة بالمشينة مع الخروبية تم تلقاي من ا حتى الياء وتلقاى بصور وبالفيديو نتمنى تجربى وتنجحى وتروحى معانا للعرس ايا صحة
تحية من الخروبية للجميع

[fatima touta]

barak llahou fiki ya oukhti

[ام رشدى]

اختي لخروبية اي وردة نقدر اندير فيها زوج خيوط ولا كاين فقطانواع وادا تقدري تفيديني بكانش رشمات اخرين حتى نخرج ونشري مجلات خاصين بالرشماتوهدا الشيء الي وصلتلو من فضل ربي ومن فضلك انتي سيدتي واختي لخروبية والله ينورلك طريقك ويسرلك كل امورك ياخي مازلتي تزيدي تورلينا الفتلة ماشي هدي هي النهاية

[الخروبية]

السلام عليكم
ختى ام رشدى الفحلة كى مكانش نوع معين هدا اختيارى جربي وشوفى ويناه لى تعجبك
انا يهمنى تتعلمى كلش هدا مكان اماالرشمات والله معنديش كى كنت نخدم كانو عندى بزاف
وكى حبست مديتهم ليخدمو الفتلة ونمدلك اقتراح انا جربتو حاولى ترشمى من راسك ريحا تكتاشفى
فيك ابداع وحد اخر والله مابخلتكش هادو الى عندى وشوفى الموضيع تاعى لى من قبل بلاك تقدرى تخرجى منهم
اما الفتلة هكا خلاص الحمد لله كملت وقدرنى ربي وصلتلكم الشى لى لازم يوصل
الابداع يجى من بعد لاقدرنى الله نعمل معاكم ورشات كيفاه نفصلو الكراكو والقفطان والجابادور وكل الباس التقليدى
منى لهداك الوقتشوفى تصاور هادو

[الخروبية]

السلام عليكم لبنات لكان مبنوش الصور حتى لمبعد نعاود نحطهم راهم فراش تاع عروسة
انى قلتلكم الابداع يجى من بعد تحية من الخروبية للجميع سلام ياكرام

[بنت الطيب]

روعة تطبيقة أم رشدي يعطيك الصحة

[ام رشدى]

اختي لخروبية شكرا ليك على مجهودك فقط لو توريلي هداك اللواي كيفاه نبداه يعني راني نشوف الخيط على زوج وماش كامل على المودال ماش خادما لوايا وحدى برك ومدخلا الخيط للداخل راني حاولت بصح مافهمتش اللواي الي مدشى فى البوندا لعريضة مادا بك ورقة وستيلو وتفهميني من فضلك ومانيش تاركتك يا لوكان نعود نوقف لقنادر فرقاني غير وراك وراك هههههههههه

[ام رشدى]

شكرا عزيزتي بنت الطيب حتى انتي ماعندي مانقول الله يبارك

[ترانيم مطر]

لكل من تدخل هنا اختنا الخروبيه راهى فى المستشفى ادعوا لها