اقتباس:
المشاركة الأصلية كتبت بواسطة ام حمزة22
ربي يحفضك ويخليك اختي سطايفية ويقدرك على اعمالك الداخلية والخارحية واكيد بلا ما نفرطوا فالقيام وقراءة القران ربي يتقبل منا ومنكم صالح الاعمال
تهلاي في صحتي اختي سطايفية راه الصحة ما تتعوضش
تحياتي الخالسة لبك ولكل الاخوات ااكرام
|
الله يسلمك ام حمزه حبيبتي بارك الله فيك
اقتباس:
المشاركة الأصلية كتبت بواسطة souheila dz
صح فطوركم لبنات
اخت ام حمزة ألف مبروك على وليدك انا تاني بنتي نجحت ودات الباك الحمد لله ولكن للأسف بزاف صحاباتها ما داوش لفرحة ماكملتش
الحمد لله وربي يعوض عليهم اخت بوليما والاخت ناصر 74 ماتتقلقوش ربي يجيب الخير وان شاء الله يعاودو وينجحو العام الجاي
اختي سطايفية بسيف ماخلصت وعجبتني جات سامبل وباهية بصح الطابليت نتاعي ماتصورش مليح اسفة هات برك يبانو الصور
هدا الامام
وهدا الظهر
 |
الف مبروك نجاح بنيتك لعقوبه لاليسونس يعطيك الصحه خرجت تهبل. الله يبارك
اقتباس:
المشاركة الأصلية كتبت بواسطة maria dadi
صباح الخير عليكم
الف مبروك لام حمزة وسهيلة ان شاء الله تشوفوهم في اعلى المراتب لعقوبة لابني ان شاء الله
بصحتك اختي سهيلة ملبوس الهنا ان شاء الله
سطوفة راني كملت العباية ودرتها بشي لي قدرت عليه خفيفة وضريفة وهاذي اول مرة ندير القلب
ونخيط عباية ان شاء الله تعجبك وراني مبتدئة في الخياطة
|
انا تعجبني كي خدمتيها بيدك و تحديتي كامل الظروف ماريا
اقتباس:
المشاركة الأصلية كتبت بواسطة souheila dz
يبارك فيك ماريا ربي يهنيك ويفرحك بوليدك يارب
|
اميين
اقتباس:
المشاركة الأصلية كتبت بواسطة ام حمزة22
السلام عليكم
صح فطوركم
مثل ما وعدتكم اليوم كملت حوايجي و قعدت غير نشوف فيهم وندعي لاختي سطايفية لانها هي اادافع الاول لي خلاني نخيط بعد ما زارني الفشل وتفنيين
قدرت نكسر حاجز التفنيين وخديت قماشاتي لي كنت شريتهم قبل رمضان وتكلت على ربي سبحانه وتعالى
والاول خيطت جبة نتاع الدار ولي درتلها قالون زيقزاق والمودال يشبه لي حطاتو الاخت مريا حفضها الله
اما الربة كان عندي قماش قلت نخيط للاعراس بصح كي جات مناسبة العيد وشغت الورسة قلت هادي فرصتي وندير الكوراج ونخيطها
اما العباية عندي بزاف ملي شريت القماش وما جاتني حتى فكرة غير البارح برك جاتني الغكرة واستعملت قماش العبايات واستعملت خمار كنت شريتو للعيد ومثل ما راكم تشوفو فالصور الخمار شبحت بيه العباية وزدت قالون ومع العباية زدت استعملت خمار اسود كان عندي وشبحتو بالطرف لي قعدلي من الخمار الورد ي وزدت خيطت بوندو باه يحكملي شعري كي نديير الخمار
ان شاء الله يعجبوكم المودالات
واشكر مرة تانية الاخت سطايفية على هاد الورشة ربي يحفضك ويخليك ويعطيك ما تتمناي
تحياتي للجميع
صح سحوركم |
الله يسلمك يعطيك الف عافيه ام حمزه خرجو تحفه الله يبارك انا فرحت بزااف بيكم و طلعتولي المورال
اقتباس:
المشاركة الأصلية كتبت بواسطة amel...
مساء الخير عليكم ... ان شاء الله راكم لاباس و الصحة بخير
انا اليوم دخت مع الجبة تع ماما و مع الخجمة تع الدار ... المهم مبقاليش بزاف و غدون ان شاء الله نكمل
و لي كملو يعطيكم الصحة ماشاء الله ... ملبوس الهناء
لي نجحو اولادهم مبروك عليهم و للي منجحوش ان شاء الله العام الجاي ... المهم الكوراج و الباك مش هم نهاية العالم انا كي نتفكر التعب نتاعي في الباك و في 5 سنين تع
الجامعة قلبي يتزعزع على لي راهم فرحانين بالباك و معلابالهمش وش كاين من بعد ... بصح ان شاء الله تكون العقوبة زينة و باهية لكل واحد و لي تغبن في حاجة ان شاء
الله يعوضو ربي ماخير
صح صحوركم
|
ربي يقدرك حبيبتي
اقتباس:
المشاركة الأصلية كتبت بواسطة ام الخير 05
تلبسي بالصحة والهناء ربي يسلم يديك
|
الله يسلمك زيدي شوفي تاع لبنات يستاهلو التشجيع هوما ثاني
اقتباس:
المشاركة الأصلية كتبت بواسطة صدفات
بصحتك أم حمزة كل شيء شباب ربي يحفظك من العين
|
اللهم امين شكرا على المرور و التشجيع رغم انو حصري لام حمزه هههه
اقتباس:
المشاركة الأصلية كتبت بواسطة amel...
و اخيرا كملت ... ان شاء الله منبعد نحط الصور
العقوبة للي مزالو
يعطيك الصحة يا العمرية الجبب خرجو يسخفو ... ربي يبارك فيك
|
اقتباس:
المشاركة الأصلية كتبت بواسطة amel...
مساء الخير عليكم ... تبانلي وحدة فيكم ماطلت ... راني جيت و جبت الجبب لي خيطت
هادي تع ماما ربي يعزهالي ان شاء الله
وش رايكم |
اقتباس:
المشاركة الأصلية كتبت بواسطة amel...
وهادي تع اختي ... انا حبيت الدرابي كيما تع البيرون و كي فهمت كيفاه نديرو لقيت القماش ميكفيش
المهم دبرت راسي و خرجت هاد الانجاز
 |
اقتباس:
المشاركة الأصلية كتبت بواسطة amel...
وهادو تاني ... من الفرحة بزاف عشيت نصور و نعاود
وش رايكم ... و بصراحة |
اقتباس:
المشاركة الأصلية كتبت بواسطة amel...
انا و الله راني فرحانة تع الصح كي قدرت نهز هاد الحرفة و في مدة قصيرة ... تع الصح لي يحب و يعول على حاجة ربي رايح يعينو و يكون معاه
جميع واحد عاوني نقولو يعطيك الصحة ... خاصة العمرية نتاعنا .. نقولك الحمد لله لي قدرت نحمرلك و جهك هاد المرة ماشي كيما في ورشت الجيب و النويزات و الله كنت
حابة نكون معاك بصح الظروف قهرتني ربي يبارك فيك و يجازيك كل خير ان شاء الله
ان شاء الله نكون فرحتك و نكون عند حسن ضنك
الف شكر ملغري ضهري راهو يوجع فيا من المشينة هههه
صح فطوركم ... و محتاجة تقييمكم باه نكمل
ربي يدوم لمتنا في كل حاجة فيها خير ان شاء الله ... و الحاجة لي مليحة بزاف كي قدرت نفرح ماما و اختي
راهي هادي هي الجبة التانية لي نخيط لماما و خيطت تاني وحدة ليا ان شاء الله نصورهم و نوريهملكم
سلاااااااااااااااااااااااااام
|
اووو ماشاء الله امال يعطيك الصحه. كنت مريضه كي شفت اعمالكم رتحت و فرحت من قلبي بارك الله فيكم خواتاتي
اقتباس:
المشاركة الأصلية كتبت بواسطة حورية38
صح فطوركم لبنات
الف مبروك نجاحات اولادكم
مبروك عليك البدعيات امولة راكي 44444444444444444444والعقوبة للبقية ان شاء الله
والشكر الكتير للسطايفية دايما في القمة ربي يباركلها
|
شكرا حوريه الوفيه بارك الله فيك خيتي
اقتباس:
المشاركة الأصلية كتبت بواسطة أنواار الإيماان
صح فطوركم اخواتي وربي يتقبل يارب
اخواتي ام حمزة وسهيلة وامل يعطيكم الصحة ماشاء الله ماشاء الله ماشاء الله
راني خلصت لعباية الف شكر للاخت سطايفية على كل شيئ
للغد ان شاء الله نحط الصورة
|
ان شاء الله رانا في الانتظاار
اقتباس:
المشاركة الأصلية كتبت بواسطة oum fadoua
السلام عليكم
مشاء عليك ام حمزة لله لله عليك تلبسيهم بالصحة و الهنى
ررررررررررررررررررررررررررررروعة
|
شكرا على المرور و التشجيع
اقتباس:
المشاركة الأصلية كتبت بواسطة نور الإسلام26
سلام عليكم
اختي الله براك تلبسيهم بصحتك
روعة مشاء الله صح فطوركم
|
هههه و ينا اخت قصدك عليها
اقتباس:
المشاركة الأصلية كتبت بواسطة maria dadi
مساء الخير عليكم لبنات واش راكم
سطوفة عندي يومين وانا نجرب نحط صورة العباية بصح النت زي الزفت
ان شاء الله اليوم تخرج وصح فطوركم
|
معليش زيدي جربي ختي راني نستنا
( تقرير عن مشاركة سيئة )، و الموجودة أسفل كل مشاركة .
2015-07-13, 19:42
العرض العادي
