المدرسة التطبيقية للهندسة بجاية دفعة جانفي 2016

[sam pikso]

المشاركة الأصلية كتبت بواسطة mrblaugrana05

أنا كنت تما دفعة سبتمبر 2015 (لي قبل هذي) البورتابل ممنوع و التفتيش فيه و عليه كاين لي يلعبها مزير و كاين لي ما علابالوش بيها طابت ولا تحرقت , ادي معاك 2 تيليفونات سامبل و يكونو "نفس النوع = نفس الشارجور" اللول ديكلاريه والثاني ماسكيه ف ديك لبلاصة بلا ما تتوسوس فالتفتيش خخخخ , أما فيما يخص الماكلة ادي عادي ما يكسرولكش راسك بالتوفيق خاوتي

مشكور اخي وان شاء الله مزيد من المعلومات علا العدد لي التحق

[Yacine F]

ياااا جماعة الخير شكون لي مسهل غدوة

['مــــــــــــرجان نينو']

ههههههه لازم نكثرووووووووو من التمر .

ربي يسهلنا جميعا ان شاء الله .

[boubedz]

أجابكم الأخ فوق بخصوص الهاتف و الأكل

إدا أردت إدخال الهاتف ضعه في الملابس الداخلية

[kamel alge]

غدوة ان شاء الله نكونو ثما

[aristo16]

خاوتي الاستدعاء مكتوب فيه تاريخ الالتحاق 15 و انا راني معول 20 جانفي نروح هل هو امر عادي ولا فيها عقوبات؟؟؟

[Yacine F]

khawti li 3andou kach ma3louma 3la tirg lakan meftouha wel msakra y9olena allah yahfedkm

[MrBlaugrana05]

المشاركة الأصلية كتبت بواسطة aristo16

خاوتي الاستدعاء مكتوب فيه تاريخ الالتحاق 15 و انا راني معول 20 جانفي نروح هل هو امر عادي ولا فيها عقوبات؟؟؟

أنا استدعاء جاني 15 دفعة سبتمبر مشيت لو 28 :d عادي جدن ما فيها حتا عقوبة خخخخخ عجبتني عقوبة هدي

[du25]

غدوة ان شاء الله رايحين ان شاء الله ربي يسهلنا و يجيب الخير

[ClaviesT]

السلام عليكم / بالنسبة لعدد الملتحقين فهو كبير و الغالبية من أصحاب الملفات و المعريفة بين قوسين و يخص فقط المتطوعين حسب صديق لي.. لكن الهاتف مقفل حاليا هو قالنا وصل و قعد قدام التكنة يشوف قالنا تلافيت بزاف ناس داخلين و قعد 30 د و دخل قالنا كشما يكون نعيط يظهرلي نحاولو الهاتف و نعرفو شوية مخواف ما شكيتش دخل معاه زوج المهم ادا قدرنا نتواصلو معاه نحطو هنا كلش أما بالنسبة لي فأنا ان شاء الله الثلاثاء أو الأربعاء 20 ان شاء الله نكون لتم ولي عندو معلومة على التحويل يفيدنا لأنو عدد الاستدعاءات لبجاية خيالي هده المرة يفوق 3000 استدعاء و يروحو أكثر من 2000 معناه ادا ماكانش العدد في باقي التكنات أكيد يحولولهم دفعات من بجاية

[boubedz]

السلام عليكم

أخر المعلومات عدد الملتحقين حوالى 100 شخص

الهاتف ممنوع و يجري البحث عنه بشدة خدوا إحتيطاتكم

[AEK17]

سلام انا عندي استدعاء المدرسة العسكرية للنقل انا عملت الاسبوع الماضي عملية جراحية على مستوى اليد وعملولي مثببتات عندي امل في الاعفاء متى تنصحوني روح مع العلم عندي استدعاء اليوم

[sam pikso]

سلام عليكم خاوتي الصفحة ماتت ف بالي كل الناس دخلت للثكنة اي جديد اي معلومات ان شاء الله تتوفر من جميع الاعضاء

[sam pikso]

جماعة حاب نسقسيكم لي رايح من سطيف لبجاية
لما يلحق وين لازم ينزل بالضبط المحطة موجودة وسط المدينة ولا تنزل عند الجامعة لانه واحد قال لي ننزل عند الجامعة بيناتهم طريق برك ممكن تعطوني فكرة واضحة ربي يستركم

[سطايفي19]

المشاركة الأصلية كتبت بواسطة sam pikso

جماعة حاب نسقسيكم لي رايح من سطيف لبجاية
لما يلحق وين لازم ينزل بالضبط المحطة موجودة وسط المدينة ولا تنزل عند الجامعة لانه واحد قال لي ننزل عند الجامعة بيناتهم طريق برك ممكن تعطوني فكرة واضحة ربي يستركم

من سطيف الى بجاية
كي تلحق تيشي ياك تعرفها تزيد الحافلة تمشي تخرج من تيشي الحافلة تلحق منطقة تسمى الجبيرة تحدر فيها وهدي المنطقة تقع قبل ما تلحق بشوي الجامعة والمطار الثكنة موجودة على حافة الطريق
روح للصفحة الاولى من هدا الموضوع يوجد مخطط توضيحي لمكان الثكنة
سلام