╣☼╠★★ الصيدلة -اطرح سؤالك وساجيبك ان شاء الله-ا ★★╣☼╠‏

[oussama dzilus]

السلام عليكم
الاخت حبيت نسقسيك حول الفارماسي
في العاصمة وين نقراوها
وكدلك الدراسة فيها لزملها تعب كبير يعني مكاش كامل الراحة حتى لويكاند ومتريحيش و لا عادي تقراي وكاين لوقت+ لفارماسي كي تكملي الدوكتوراة تاعك تقدري تخدمي كاش حاجة وتكملي التخصص لي حاباتو ولا متقدريش كامل تخدمي ولا شيء يعني يا تقراي التخصص ولا تخدمي
وكدلك الفارماسي هل فيها مجال للبحث و اكتشاف الادوية وهل بها يمكنك افتتاح مخبر للتحاليل وبالنسبة للمخبر هل الدولة توجهك امكان افتتاحه مقل المحل الصيدلي ام لكي حرية الاختيار؟
وجزاك الله خيرا ارجو ان تجيبي ان عرفتي الاجابة وان كانت لديك اي اضافات عن الفارماسي ايجابية او سلبية اعطيني اياها معليش وشكرااااااااا

[باك2012]

السلام عليكم
من فضلك اريد ان اعرف لما ندرس 6سنوات صيدلة ماذا نستطيع العمل بالشهادة ؟ هل فتح صيدلية وبيع فقط
ثم اني لست مقتنعة بالدراسة طول هذه السنين ثم تصبح هذه المهنة مجرد تجارة .اضافة الى قلقي حول عدد المناصب لانه في ولايتي لم تعد متوفرة مناصب هل يجوز لي ان اتامل فتح مناصب جديدة الى حين تخرجي؟
وهل حقا نسبة النجاح في الامتحانات ضئيلة وخصوصا الامتحان الاخير؟
سؤال اخر اخي :هل من الناحية المادية صيدلي او جراح اسنان احسن؟
ارجو ان لا تظن اني انقد الصيدلة بل لانها المرشح الاول الذي يمكن ان اختاره ولذلك جمعت هذه الاسئلة والانتقادات لاعرف مدى صحتها وارجو منك ان تجيبني على كل سؤال وبصراحة مهما كانت الاجابة .
وبارك الله فيك وجزاك الله الف خير

[باربي الأصيلة]

المشاركة الأصلية كتبت بواسطة oussama dzilus

السلام عليكم
الاخت حبيت نسقسيك حول الفارماسي
في العاصمة وين نقراوها
وكدلك الدراسة فيها لزملها تعب كبير يعني مكاش كامل الراحة حتى لويكاند ومتريحيش و لا عادي تقراي وكاين لوقت+ لفارماسي كي تكملي الدوكتوراة تاعك تقدري تخدمي كاش حاجة وتكملي التخصص لي حاباتو ولا متقدريش كامل تخدمي ولا شيء يعني يا تقراي التخصص ولا تخدمي
وكدلك الفارماسي هل فيها مجال للبحث و اكتشاف الادوية وهل بها يمكنك افتتاح مخبر للتحاليل وبالنسبة للمخبر هل الدولة توجهك امكان افتتاحه مقل المحل الصيدلي ام لكي حرية الاختيار؟
وجزاك الله خيرا ارجو ان تجيبي ان عرفتي الاجابة وان كانت لديك اي اضافات عن الفارماسي ايجابية او سلبية اعطيني اياها معليش وشكرااااااااا

و عليكم السلاآم و رحمة الله

سأسأل زملائي طلبة سنة ثانية صيدلة بالعاصمة و أجيبك أين يدرسونها بإذن الله
الدراسة مكثفة نوعا ما لكن يبقالك الوقت عادي جدا إضافة أنه لازم عليك من الأول تكون حاضر في الصورة يعني مش تماطل في مراجعة الدروس و حل التيديات عندما تكون منظم روحك تلقى كل شيء سهل و يبقالك الوقت للترفيه عادي جدا
أما التخصص كي دير التخصص تخدم و تخلص و في نفس الوقت راك تقرا
فيها مجال بحث واسع جدا و الله أنا أرى فيها مستقبل رائع عندي أساتذتي متخرجين و عندهم شهادات عليا و عالمية و آخر مرة كان عندنا مؤتمر في الكلية نشطه أول مؤسس لشركة خاصة من الأدوية و مدرس في جامعة أمريكية و عنده أبحاث خاصة و معترف بها دوليا مجال البحث فيها واسع جدا لكن يتطب مكافحة جد و مثابرة و استعانة بالله ..
لا أنت لي تطلب مكان فتح الصيدلة أنا ابن عمتي صيدلي متخرج لم يجد مكان في باتنة فطلب الجلفة لأن فيها أماكن شاغرة و راه حال الآن صيدلية و يخدم و يستطيع التحويل إلى باتنة عادي جدا
أفضل أنك تطرح الأسئلة و أنا أجيبك إن شاء الله

بالتوفيـــــــــق

[باربي الأصيلة]

المشاركة الأصلية كتبت بواسطة باك2012

السلام عليكم
من فضلك اريد ان اعرف لما ندرس 6سنوات صيدلة ماذا نستطيع العمل بالشهادة ؟ هل فتح صيدلية وبيع فقط
ثم اني لست مقتنعة بالدراسة طول هذه السنين ثم تصبح هذه المهنة مجرد تجارة .اضافة الى قلقي حول عدد المناصب لانه في ولايتي لم تعد متوفرة مناصب هل يجوز لي ان اتامل فتح مناصب جديدة الى حين تخرجي؟
وهل حقا نسبة النجاح في الامتحانات ضئيلة وخصوصا الامتحان الاخير؟
سؤال اخر اخي :هل من الناحية المادية صيدلي او جراح اسنان احسن؟
ارجو ان لا تظن اني انقد الصيدلة بل لانها المرشح الاول الذي يمكن ان اختاره ولذلك جمعت هذه الاسئلة والانتقادات لاعرف مدى صحتها وارجو منك ان تجيبني على كل سؤال وبصراحة مهما كانت الاجابة .
وبارك الله فيك وجزاك الله الف خير

و عليكم السلاام و رحمة الله

عند التخرج ان شاء الله لك عدة اختيارات

1-فتح صيدلية
2-العمل بالدولة بالمستشفى او endimed
3-delegue medical
4-دفع ملفك باي labo
5-فيزاااااااا
6-اضافة الى عدة مسابقات في مجال الصحة

إن شاء الله تتحسن الأمور تفاءلوا خيرا تجدوه .. صحيح أنه يوجد معاناة و ضغط في عدد المناصب لكن بامكانك أن تذهبي إلى أي ولاية ليس فيها ضغط ثم بعد مدة عام أو أقل بامكانك التحويل الى ولايتك

ربما تقصدين امتحان التخصص résidanat ؟؟ هو صعب لكنه ليس بعيد المنال .. الجد و المثابرة يحققان المستحيل ..
من الناحية المادية فصيدلي له صيدلية خاصة به أفضل من الناحية المادية و من ناحية الجهد أيضا ..
أما جراحة الأسنان فهي رائعة لكنها متعبة جدا فعمتي جراحة أسنان تعود منهكة جداااا

بالتوفيــــــــــــق

[nounou23000]

السلام عليكم
معدلي 16.12 وكنت حاب ندير صيدلي ومن طلعت للثانوية وأنا أتمنى نكون صيدلي بصح بعد ما ديت الباك كثرت الهدرة وولات تبانلي لا أمل في الصيدلة عند التخرج فأنا نسكن في عنابة وباه يعطيوك تحل ما كانش منها وباه يعطيوك في ولاية أخرى نظن كيف كيف ما كانش منها
إدن واش راح ادير؟؟؟؟؟
انصحونيي من فضلكم فأنا مقدم على اختيار طب وأنا غير مقتنع به جيدا فأنا أحب صيدلــــــــــــــــــــــة وما يتركني بعيدا عنها هو مستقبلهااااااااااااااا
افيدوني من فضلكممممممممممممممم

[shadow159]

اخــــي الكريم لا تدع سحب الغد تحجـــب شمس اليــــوم فغدا ليـــس مثل اليوم و من يدري ربما تفتح الوزارات خيارات عمل قي القريب الآجل

لذا انصحك ان تتبــع حلمك و كما رفعت شعار التحدي في البكالوريا سترفعه في التحديات الاخرى

+

انصحني هل
15.90 قادر ندير بيها فارماسي هههههههه

من فضلك

[nounou23000]

نعم ان شاء الله ادير بيها ما تخافش اي محسوب 16 والعام اللي فات فارماسي 15.74 والعالم ادا ان شاء الله اطيح

[tark.hbb18]

هل تخصص الصيدلة يقراوه بالفرنسية فقط

[MOKHTAR LANISTE]

المشاركة الأصلية كتبت بواسطة nounou23000

السلام عليكم
معدلي 16.12 وكنت حاب ندير صيدلي ومن طلعت للثانوية وأنا أتمنى نكون صيدلي بصح بعد ما ديت الباك كثرت الهدرة وولات تبانلي لا أمل في الصيدلة عند التخرج فأنا نسكن في عنابة وباه يعطيوك تحل ما كانش منها وباه يعطيوك في ولاية أخرى نظن كيف كيف ما كانش منها
إدن واش راح ادير؟؟؟؟؟
انصحونيي من فضلكم فأنا مقدم على اختيار طب وأنا غير مقتنع به جيدا فأنا أحب صيدلــــــــــــــــــــــة وما يتركني بعيدا عنها هو مستقبلهااااااااااااااا
افيدوني من فضلكممممممممممممممم

مبروك عليك حبيبي
هاك خويا دروك الصيدلة ماشي بيان اوكي ونقولك لابروف ياك الديفيرونس بينها وبين الميدسين عام ياك الور علاهش ماديرش ميدسين سي ميو ومام لي بوست تاع ريزيدانا لاميدسين خير فهمتني سارت لقراية تاع الميدسين مزيرة على الفارناصي مي بالنسبة لي انا لاميدسين خير ونت واش راك حاب
بغيت نفهمك شوية علابالك ماتقدش تقرى حاجة ونت قلبك في حاجو وحدخرة علابيها خمم غايا و استخير بالله وربي يكمل نشالله

المشاركة الأصلية كتبت بواسطة shadow159

اخــــي الكريم لا تدع سحب الغد تحجـــب شمس اليــــوم فغدا ليـــس مثل اليوم و من يدري ربما تفتح الوزارات خيارات عمل قي القريب الآجل

لذا انصحك ان تتبــع حلمك و كما رفعت شعار التحدي في البكالوريا سترفعه في التحديات الاخرى

+

انصحني هل
15.90 قادر ندير بيها فارماسي هههههههه

من فضلك

هههههههههه مام نت حبيبي مبروك عليك
ديجا نت باغي يخبروك على لافاك بلعباس ياك
هاك لي موديل الجدد ماعلاباليش شازادوكم اوكي
انا نقولك شاقريثنا من العام الاول للخامس
الاول لي موديل لي عدبوني انا
بيو اينمال وشيمي اورقانيك
وكاين الفيجيتال والفيزيك ومات وانفورماتيك شيمي جينيرال
العام التاني جينيتيك بوتانيك شيمي مينيرال واناليتيك وهادوم قاع تزيرو
ونت هاك بازي على العام الاول وسلكه من بعد تعرف كلش اوكي بويسك كون نقولك كلش يطيحلك المورال شاوا كلش يسلك
اوكي خويا وقرا الفرونسي بيان

المشاركة الأصلية كتبت بواسطة tark.hbb18

هل تخصص الصيدلة يقراوه بالفرنسية فقط

وي بيان سير
ربي يسهلكم

[shadow159]

شكـــرا اخـــي ان شاء الله نكون مع القافلــــة

[oussama dzilus]

الاخت باربي يعطيك الصحة
قوليلي بالنسبة للقراية غير حفيظة مفيهاش كامل دكاء نبقى غير نحفظ مكاش تاع التخمام
و تانيكباش نحل لابوراتوار وش لازم تخصص و لا واش ؟

[shadow159]

اخــــــــــي الكريم انا لا اصــدق قصـــة الحفيـــظة لو كانت حفيظة ما يديروهاش علمية

ان اردت الحفظ فشوف كلية القانون والله تهبل من راسك

بالنسبة في الحفيظة في مهنة الطب اظـــن انـــك تحفظ فقط المصطلحات العلمية الجديدة ولازم تحفظها ولا تخاف انت هتفحظها لانـــها تعاد كل

يوم بالتكرار تقريبا مثل قوانين الفيزياء لسنة الباكالوريا تلزم حفظ لكن مع تكرارها مع الاستاذ في القسم تحفظها وانت لا تدري

لذا كـــن مطمئتــن وان شاء الله يكتبنا الله من طلبة الطب او الصيدلـــة آميـــــــــــــــــ،ن

[oussama dzilus]

يا خو نتا وش راك حاب كثر ميدسين ولا فارماسي ؟؟

[shadow159]

اخــــي الكريم اان اميــــل كثيـــرا الى فارماسي لكننــــي لست متاكدا بانهم سيعطوني اياها بمعدل 15.90

والله لا اعلم ان كانو سيعطوهالي و لالا

[oussama dzilus]

وانا 15.84 وراني حابها هي كثر و نظن نقدرو نديروها لانو الطب هاد العام راهو الطلب عليه كثر و الصيدلة راهم خايفينها زعما
ليوم قالي واحد عندو فارماسي في القبة قالك يدخل 10 ملاين في النهار
+
بصح انا الطموح تاعي نكمل ندير تخصص
و ان شاء الله يمدوهالنا