اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 14

um alaa · 2015-09-21, 10:34

اقتباس:

المشاركة الأصلية كتبت بواسطة دائمة الحمد

ام الءالا كان تعملي تاع الكوشة انا نخدم بيه الا كان تاع المقلة ما نقدرش نجاوبك ما نعملوشو
لانو نحنا ما نعملوش الدشيشة في المقروض نعملو سميد رقيق بالصح يكون احرش

رايحة نخدم تع السنيوة

ام ساجد · 2015-09-21, 10:40

السلام عليكم ويوم سعيد

ام سواج مبروك الختان وضحكت حتى شبعت على الاولاد لي كلاو طوم وجيوي بصحتكم
وام ماسين يعطيها الصحة فحلة

رنيم اروى ربي يحل حزامك ويعمر حجرك بصغير يفرح قلبك وربي رحمتو واسعة

ام رفيف عسلامتك وربي ينولك لي بالك ويسهلك

ام رحاب ربي يشفيك حنونة واستحفظي بروحك المهم الصحة ابجل من العيد

ام باسم بصحتك الحلويات ومرحبا بيك معانا

ام جوجو يسقسي عليك الخير حنونة لاباس الحمد لله

ام ياسو يهبل البريوش وبواش دهنتيه لونو يسخف

زينب بصحتك المقروض وتلبقلاوة روعة

لينا حلويات تحفة وربي يشفيك ويرزقك الصحة والعافية

دائمة الحمد رانا كيف كيف انا تاني في العيد الصغير ما خدمتش ودركة ماشي نفحتلي
وقيلا من الهواء تاعنا هههههههههه

ام وابنة راكي تستني في حلوياتي ههههههه راني هذا وين ذوبت السمن معولة بقدرة
الله نعمل شوي غريبة وخلاص

ربي يفرج على كل مهموم ويرزق كل محروم ويريح بالنا ويصلحنا في وليداتنا

امين يا رب

غدايا مطلوع راو طاب وبوانية الصوص طاب ما زال نقلي البطاطا والباذنجان
وسلطة خضراء والحمد لله

الله اكبر كبيوا وتلحمد لله كثيرا وسبحان الله بكرة واصيلا

ام ساجد · 2015-09-21, 10:47

سيمسيم ربي يشفيلك وليداتك
والغيبة حطيها في الفريجيدان عادي حتى ولو تبات ما يصرالها واله بالعكس تجي خير

scorpionoir · 2015-09-21, 10:48

غدايا محجوبة الكسرة سخفتني فيها ام ياسين هذيك النهار هههههههههه .حقا ربي يبشرك بالخير ان شاء الله
رحيت الهريسة وبسست المقروظ ونخدمو في القايلة باذن الله
وراح نزيذ بنيون تاع ام الاء كيعاد مايطيبش وساهل كعور ومد اللعور ههههههههههه قصدي ما يتعبش برك .

دائمة الحمد · 2015-09-21, 10:49

صباح الخيرات ام ساجد ههههههه جبتيها واقيلا
امس العشية
خرجت رحت نشري حوايج لاميرة روحت راح نموت ما بقتش مرى في دارها
قالي مولا حانوت تاع القماش تاع الريدوات تاع سوق الفلاح نفس الوجوه تجيني يوميا
روحت فطرت وما قدرت ندير والو رقدت للعشرة نضت وطار النوم سهرة صباحي

دائمة الحمد · 2015-09-21, 10:51

سكوربيون بصحتك المحجوبة
انا راح نخدم المقروض وكايدني الغرس لا منقي لامرحي ربي يقدرني عليه

scorpionoir · 2015-09-21, 10:53

اقتباس:

المشاركة الأصلية كتبت بواسطة أريج-78

سلالالالالالالالالامي للجميـــــــــــــــــــــــــــــــــــــــــــــ ـــــع للقديمات و الجديدات للعجايز و البابيشات
ابدعتــــــــــــــــــــن يعطيكم الصحة و الله يبارك لكل وحدة في صحتها و زوجها وولادها ومالها
شكرا ليكم لاني تعلمت منكم الكثير
انا الحمد لله اليوم راني صايمة و غدايا ان شاء الله شخشوخة الرزام سخف عليها زوجي
وانقول لام تاج ربي يسهلك الولادة كي شرب الماء و نتمنى تدعيلي بالذرية الصالحة و السليمة و المعافاة انت و كل الاخوات اللي في الكوزينة

واش ندير اناذرك في محجوبتي نخليها ونجي نتغدا عندك مممممممممممممممم مورزايم عندي مدة مدرتهاش .فكرتيني فيها وعندي حتى الكابويا يمييييييييييييييييي .بصحتك اختي
وربي يرزقك بالذرية الصالحة ان شاء الله وكل المحرومات

ام ساجد · 2015-09-21, 10:55

دائمة الحمد بصحتها اميرة وربي يعاونك انا ما خلانيش نطلع نشري لبنتي بعثتها مع بنت عمها شرت ليها

اصلا مانع عليا سوق الفلاح نطلع غير لاكومين ولا يديني لطريق قسنطينة فقط

قالولي سوق الفلاح ما تلقيش وين توقفي خاصة نهار السبت يديرو السولد

scorpionoir · 2015-09-21, 10:57

اقتباس:

المشاركة الأصلية كتبت بواسطة دائمة الحمد

سكوربيون بصحتك المحجوبة
انا راح نخدم المقروض وكايدني الغرس لا منقي لامرحي ربي يقدرني عليه

الله يسلمك حبيبتي .انا الغرس نحكم نرحيه كلو مرة وحدة ونرجعو في البيدون باش كي نحب نخدم نلقاه ساجي . كون جيتي قريبة ليا نبعثلك بدون اخدمي بيه وارتاحي

دائمة الحمد · 2015-09-21, 11:02

احسن هدية سكوربيو ههههههه كون جيتي قريبة
ام ساجد والله عندو الحق انا تحتمت نشري القماش من ثم وصاحبات اميرة الكل يشرو من ثم وما تروحش وحدها اكي تعرفي العقلية

lyzzabel · 2015-09-21, 11:27

اقتباس:

المشاركة الأصلية كتبت بواسطة رنيم أروى

اللهم اني صابرة كما امرتني
فبشرني كما وعدتني
قالو عني اني عقيم فقلت لي رب رحيم
ربي لا تذرني فردا وانت خير الوارثين محتاجة لدعواتكم اخواتي

السلاام عليكم و رحمة الله

كنت نراجع و حبست هنا ،، الدمعة ما بغااتش تحبسلي تأثرت بزاف بالكلاام لي كتبتببه ،، و راكي قلتيها ،، إن لك رب رحيم ،، أسأل الله في هذه الأياام المبااركة أن يرزقك ذرية طيبة تقر بها عينك و تأنس بها روحك و يفرح بها قلبك ،، اللهم إني أسألك بكل اسم هو لك سميت به نفسك أو أنزلته في كتابك أو علمته أحدا من خلقك أو استأثرت به في علم الغيب عندك أن تستجييب لدعاائي و لدعااء أختي رنيييم عااجلااا و ليس آجلاا و أن ترزق كل أخوااتيي اللوااتي تتمنين الأموومة ،، اللهم لا تحرمهن من هذه النعمة يا أرحم الرااحميين ،، آميين يا رب العالمييييين

lyzzabel · 2015-09-21, 11:37

صبااح الخييير حبييبااتي الغاليااات و نهاااركن طيييب

سمووووحة الف مبرووووك الكوزينة الجديييدة و ياارب تكوون فال خيير علينا قاااع و طيابااتك راااائعة بدووون تعليييق تسلم ايديييك يا الفحلووولة و ربي يفرحك و يسعدك و يكملك لي رااه في قلبك اللهم آمييين

حنووونتي حنااان كوزيينتك فاات صارووووخ هههه بصح راااائعة ربي يكملك بالخييير و يفرحك بقرة عييينك و يحفظك و يستركم نتيا و مييينوو ياااارب

سكروورتيي ما تخافييش لي حصلها يسلكهاا و رانا قاع ندعوولك يالعمييرة و كليووم كي نصلي الفجر ندعييلك ربي موااااااااح كبييييرة

بنااات يعطييكم الصحة قااع شا حطييتو حرااير تااع الصح الله يبااارك و لي رااهم مرضى ربي يشفيييهم مازاال ما كملتش المرااجعة راني مشغوووولة لشووشتيي على قوولكم خخخخ ربي يعااوني و يعااونكم غواااااليييي

فطوورنا جوااز بالجااج و البطاطا و البسبااس و سرديينة ما درتهااش يامس درت الماغلون و سلااطة و الحمد لله على نعمه

سمووحتي من بعد نجييب البارووك بإذن الله ،، أحلى سلاااام للجميييييه

الله أكبر الله أكبر لا إله إلا الله ،، الله أكبر الله أكبر و لله الحمد
أستغفر الله الذي لا إله إلا هو الحي القيوم و أتوب إليه

ام أمينة · 2015-09-21, 11:39

صح غداكم وصايمين ربي يتقبل
رنيم ربي يرزقك الذرية الصالحة يارب العالمين اختي ادعي ربي راه حنين كريم وراني حسه بيك
كول وحده تتمنى الذرية ربي يرزقكم وتفرحو ونفرحو معاكم امين يارب العالمين

ام أمينة · 2015-09-21, 11:41

اهلين وسهلين بلحبيبة ليزا ربي يعونك حنونة وبصحتك لجواز شحال نحبو ومعاه البسباس مممممممممم

أم ماجد · 2015-09-21, 11:41

سماح روزا تبعثلك السلام
وقاتلك هاكي باروكي

راهي تبعثلي في الصور تفوخ عليا تفكرت دائمة الحمد واسينات خخخخخخخخخخخ

وهاذي هدية سماح لروزا في عرسها للاسف الصور رديئة لاعندك صور مليحة حطيها سموحتي الزينة الباهية