موضوع مميز الجزء الثالث من وصفات حراير واش طيبتي اليوم - الصفحة 14

idron0 · 2016-04-05, 17:56

خبز lahna moka

إضغط هنا لرؤية الصورة بحجمها الطبيعي.

و أكيد ما نبخلش بالوصفة تفضلو

idron0 · 2016-04-05, 18:15

صبيعات ام عبدو و ملاك

درت نص صدر تاع دجاج طاب في الجلبانة ومن بعد فتتو وزدتلو حبة بطاطا مرحية وشوي فيوناشي ودبشة ومعدنوس مقطعين رقاق و3 فرماجات وملح وفلفل اكحل وخلطت كلش وكسرت فيها بيضة ودرتهم صبيعات ومرغدتهم طول في الشابلير وقليتهم جاو اممممممممممم.

idron0 · 2016-04-05, 18:29

بادنجال مشوي و مرولي ام ساجد

إضغط هنا لرؤية الصورة بحجمها الطبيعي.

idron0 · 2016-04-05, 18:37

تحلية oum ibrahim

الوصفة نتاع هذي التحلية هي تحلية ب3 طبقات شكولا سوداء و شكولا بالحليب و طبقة بالكابريس وعندي مدة ملي درتها
الطبقة الاولى
كاس و نص حليب +ملعقة اكل نشاء + 3 ملاعق سكر حسب الذوق + 100 غ شكولا سوداء نخلط بارد في بارد ثم فوق النار مع التحريك حتى تعقد ننزعها و نفرغها في كؤوس التقديم و نخليها تبرد و نحضر الطبقة الثانية
الطبقة الثانية
كاس و نص حليب +ملعقة كبيرة نشاء معمرة مليح +كمية من حلوى الكابريس كراميل ممكن نضيفو سكر للي يحبو الحلاوة بزيادة نخلط بارد في بارد و فوق النار حتى تعقد ننحيها و نفرغها على الطبقة الاولى و نخليها تبرد و نحضر الطبقة الثالثة
الطبقة الثالثة
كاس و نص حليب + ملعقة اكل نشاء معمرة +3ملاعق سكر حسب الذوق +100غ شكولا بالحليب نخلط بارد في بارد ثم فوق النار حتى تعقد و نفرغها فوق الطبقتين السابقتين و ندخلها الثلاجة تبرد مليح و نزينها بالشانتيي و شرائح الشكولا و قوفريط سيقار و الف صحة و هناء .

إضغط هنا لرؤية الصورة بحجمها الطبيعي.

على فكرة ممكن تزيدو في كمية الحليب و بالتالي تزيدو في كمية النشاء و السكر حسب عدد افراد عائلاتكم.

idron0 · 2016-04-05, 18:49

الفرفارة ام رويدة

250غ زبدة .نص كاس زيت .كاس سكر ناعم.2بيضات كاملين.باكي خميرة كيمياءية.نص كاس ميزينة .فرينة
الطريقة نخدم الزبدة والزيت والسكر والفاني بالباتور مليح ثم نضيف البيض ونستمر في الخلط ومبعد نضيف الميزينة والخميرة والفرينة
ونلم العجينة نتحصل على عجينة طرية نشكلها كريات ونبسطها شوية براحة اليد
نغمس طابع الفرفارة فالفرينة ونضغط على الكريات تاعي ونطيبهة على نار متوسطة
نخرجها ونخليها تبرد ونلسقها بالمعجون وندهنها من الاطراف بالمعجون والنوادكو
والوصفة هدي تقدري تديري بيها حلوة الفرشيطة .

إضغط هنا لرؤية الصورة بحجمها الطبيعي.

idron0 · 2016-04-06, 15:13

صوص المطاعم ام محمد تاج

إضغط هنا لرؤية الصورة بحجمها الطبيعي.

idron0 · 2016-04-06, 15:15

فلان كرامال تاع الفور ام نور الهدى 2014

حضري كرامال ب 200غ سكر و ديريها في لي رامكان تاوعك و ديري 1ل حليب يغلي و من جيهة اخرى جيبي 6 بيض كبار او 8 صغار ضرييهم مع 200 غ سكر و 1 م ك فاني مملوءة خلطيهم بالفوي برك
كي يغلي الحليب نحيه من النار و صبيه فوق خليط البيض بالعقل مع التحريك باش متيطيبش الحليب و بعدها صفيه و عمريه في لي رتمكان
ديرسهم يطيبو في حمام مائي في الفرن الماء ديريه سخوون و في فرن سخووون على 180د بالنسبة لي رامكان الصغار يطيبو حوالي 20 او 25 دقيقة كي تحركي الرامكان يبفى الوسط شوي يتحرك مش جامد انا هكداك نحيهم و كي يبردو راح يحكمو ارواحهم مليح و يجي يترعد خخخخخخخخ مش يطيب حتى يدير فقاعات و يولي اوملات .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2016-04-06, 15:26

الفول اليابس البحر الصافي

جبتلكم هاذي الطريقة تاع الفول اليابس عملية وغير متعبة بكري كانو يكسرو الفول بالرزام
والمهراس تاع النحاس والان زمن طور والحاجة ام الاختراع وحنا طبعا جيلنا موش تاع تهراس وتكسار راس عصر السرعة والتفنييين خخخ
نستعملو الفول في عدة وجبات تشيشة الفريك البركوكش بربوشة الحليب.

إضغط هنا لرؤية الصورة بحجمها الطبيعي.

idron0 · 2016-04-06, 15:29

تحلية اللوز ام وابنة

رحت نحمص شويا لوز لاولادي تحمرلي بزاف امالا رحيتو مليح
خلطت زوج علب ياوورت فواكه مع علبة ياوورت طبيعي مع ثلاث ملاعق حليب بودرة خلطتهم مليح و طلعت بيهم الشانتيي تقريبا قيس زوج علب ياوورت
حطيت في لي كوب طبقة مليحة اللوز المحمص مرحي و منبعد طبقة كريمة ثم طبقة اخرى لوز ثم طبقة كريمة ثم غطيت الوجه باللوز و زينت بالنوادكوكو عجزت ندير الشانتيي و نعمل بيها وردات.

mon poupon · 2016-04-07, 16:44

شخشوخة الشواط البريكية

بالنسبة الفتات
دقيق ماء ملح
تعجني العجين مليح لازم يجيك شوي طري ماشي قاسي كيما الكسرة
و طيبي خبزات صغر و رقاق شوي على نار قاوية شوي باش ما يقندلكش و يجيك ساهل في التقطاع نتاعو
و كل ما تطيب قرصة فتيها مباشرة و هي سخونة تجيك اسهل

نجيو للصوص
شدي 3 حبات بصل صغار قطعيهم رقيق و 1 طماطم كبيرة مقطعة ،ملح + م ك راس الحانوت+ 1/2 م ك عكري+ 4 سنات ثوم + حبات فلفل اخضر+ فلفل دريس حسب الذوق نتاعك ( حطيه في ماء سخون و ارحيه مع الثوم )+ 2 م طماطم مصبرة و زيدي كابوية تجي بنة روووعه = تكتكيهم مع شوي زيت ثم مرقي بالماء و خليها تغلي مليح ثم وطئ النار و خلي الكابوية تطيب
كي تطيب قطعي حشيش مقطفة( دبشة او كصبر اخضر) و لحيه بعد ما تطفي على النار و غطي القدرة نتاعك
ثم سقي الفتات نتاعك و زيدي شوي زيت زيتون
بنة عظيمة

ان شاء الله يكونو خرجولك الصور

Hillin · 2016-04-07, 21:42

درت عشا ليوم :
بطاطا مقلية ف لفور( م ك زيت+كركم+فلفل اسود+ ملح+ثوم بودر)
طاجين خرشف
خبز ام اماني

~~nasima02~~ · 2016-04-08, 13:48

بارك الله فيك

idron0 · 2016-04-09, 08:48

القاطو غريك(grec) انا هي رزيقة

في إناء عميق( انا استعملت مرميطة لأنو الخليط راح يتضاعف حجمه) نحط كاس مشي معمر سكر و كاس عسل و 200 غ مرغارين و نحط المرميطة فوق حمام مريم و نبدا نخلط بملعقة خشبية حتي يذوب السكر تماما مع المرغارين و يتجانسو مع العسل. من جهة اخرى تكوني حضرتي 4 صفار بيض خلطيهم مليح مع ملعقة كبيرة بيكاربونات . كي يذوب خليط المرميطة تماما ارمي عليه صفار البيض و كملي خلطي بالملعقة الخشبية و هو دائما على حمام مريم رايحة تلاحظي انو الخليط تضاعف حجمو حوالي 3 مرات .

نحي الخليط من على النار و ارميه في قصعة تكون كبيرة شوية عينك ميزانك و غربلي عليه الفرينة و خلطي بييدك حتى تتحصلي على عجينة طرية مثل الصابلي حذاري متيبسيهاش. و قسميها الى 3 بولات. حضري بلا رايح الى الفرن و رشيه بشوية فرينة او فرشيله ورق الطهي . تكوني شاعلة الفور تاعك. حلي العجينة الاولى بالحلال عوني روحك بشوية فرينة الا لقيتيها تلصق بصح هي سهلة جدا في الخدمة . حليها على حساب البلا و حطيها فيه و سقميها . البلا هو من الحجم الكبير لي يجبي مع الفور العادي .ثم الى الفرن . متروحيش بعيد لان القاطو يطيب ثم ثم . في هذ الاثناء تحلي العجينة الثانية . كي تشوفي العجينة الاولى ولات ذهبية نحيها استناي حوالي دقيقتين ثم قلبيها برفق على طرشونة كبيرة. و عاودي فرشي ورق الطهي او شوية فرينة و حطي العجينة الثانية و هكذا حتي تكملي . نعاود و نقولك متروحيش بعيد القاطو يطيب ثم ثم . كي تبرد الطبقات الثلاث نحيلها الحواشي بالموس برفق رايحة تستعمليهم للطبقة الفوقانة. لصقي الطبقات الثلاث بطبقة رقيقة من الكونفيتور اي نوع متوفر عندك المهم متكونش ثقيلة بزاف يعني تمشيها بسهولة فوق طبقة القاطو . و زيدي طبقة من الكونفيتور فوق الطبقة الاخيرة و غربلي فوقها هذوك الحواشي بعد متكوني فتتيهم ما بين يديك . و استمتعي باحلى قاطو. على حساب صاحبة اختي هما يقدموه بزاف مع العصائر و القازوز في المناسبات . حنا رافقناه مع لحليب و جا امممم و هو طري جدا و هشوش و كل ميقدام يولي هشوش اكثر و زيد يقطع بزاف . مثلا هذ الكمية قطعت حوالي 50 قطعة .

إضغط هنا لرؤية الصورة بحجمها الطبيعي.

idron0 · 2016-04-09, 09:34

الكايك ام محمد تاج

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2016-04-09, 09:38

البراج ام محمد تاج

إضغط هنا لرؤية الصورة بحجمها الطبيعي.