تجهيزاتنا للشهر الفضيل

[ام هزار]

[COLOR="DarkOrchid"]اهلا بالجمييييييييييع
كرونو ما شاء الله راكي حرة حراير من القمح اووووووووووووووووووولا الى بقية التحضيرات و ما شاء الله على ماعنك بقداه شريت السرفيس هداك
اما السلة الخضراء اللي قدام القارس و مخدومة بالكروشي ما خلاتش فيا الله يبارك و يزيد ما شاااااااااااااء الله
جهينة بصحتك الالقدرة و بصحتهم ضيافك العصير انا جربتو مرة جا هايل بصح يديا جمدو من لاقلاص
اروى شكرا على الوصفة بصح ما قلتيليش قداه نديرو الفلفل و هل هو حار او حلو و هل نقدرو نستغناو عن الهريسة و قداه يبقى للاستهلاك
ام هاجر الحمد لله على تكملتك الشغل و تدابيرك رائعة
انا عندي تدبيرة من واقعي المعاش كي نعجز بزااف على حاجة او نخاف منها نوض في وثبة شجاعة ليها و ما نترددش و نبدا فيها بمجرد ما نبدا يتنحالي الخوف و يحل محلو الشعور بالرضى و الفرح و نديرها ثاني مع بعض الضغوطات اليومية اللي تصاحبني في الدنيا
ام هارون يا طيييييييييييييبة ربي يتقبل منك ما درتي لشيخك و يتقبل منو العمرة ثاني و لينل يا رب في اقرب الاجال
رندة شكرا على الصور التوضيحية و بصحتك النظافة و الترتيب
قريوجة بصحتك التنظيف العميق
كونو بالنسبة للوصفات انا راني في بحث مستمر كل ما سمحتلي الفرصة عن الاكل الصحي و ادا ما لقيتش نكيف الوصفات على مرادي و نكتب في كراس مخصص عندك الحق باه ما نضيعوش فرص التعبد في هدا الشهر الكريمCOLOR]

[arwa alaa]

اهلا فراشات
رندة بشحال تدير شفتها في النت بصح مساومتها
ام هزار الفلفل حار تحطي ثلاث قرون
وتقديري تستغني على الهريسة كيما قلتي تكيفي الوصفة على عاداتك كيما انا والاولاد منكلوش الحار متديررش في جزء والجزء الآخر للزوج نديرلك الحار والهريسة
وتقعد في الفريجيدار ١٥ يوم وهذيك هي المدة الي تاكل فيها
انا في العادة ندير كل سمانة نص رطل زيتون يكملي السمانة لاني ناكلو بزاف حتى في بلارة حليب لعشية مع كسرة ولا خبز

[arwa alaa]

جهينة وين راكي من الصباح

[nina hnina]

بارك الله فيك اختي

[arwa alaa]

اهلا بيك معانا اخت نينا حنينا

[رندة.]

أروى لقيتها تتباع ب 330 ألف
اهلا وسهلا نينة. مرحبا بيك معانا

[جهينة اليقين]

راني غير هنا اروى برك النت ما راهيش مليحة
ام هارون مبروك على شيخك العمرة والعاقبة لينا ويعطيك الصحة على المعارك والرفيس

[قرويجة]

السلام عليكم فراشات
زوجي جابلي كمية كبيرة من الفلفل حلو حبيت نخبي منو لشهر رمضان الكريم
قولولي كيفاش نديلو واش أحسن نشويه و نخبيه أو نقشرو أو نقدر نخدمو حميس من ضرك و نخبيه في الكونجيلاتور
فيدوني جزاكم الله كل خير

[arwa alaa]

صباح الخير فراشات
قرويجة انا موالفة نشويه ونقشرو ونخليه يقطر ونقسمو في ساشيات ونحطو في المجمد ونهار نسحق نجبد نخليه يذوب ونشوي الطماطم ونخلطها معاه

[جهينة اليقين]

اصبحنا واصبح الملك لله ولا اله الا الله وحده لا شريك له يحيي ويميت بيده الخير وهو على كل شيء قدير

[جهينة اليقين]

قرويجة طريقتي نفس طريقة اروى نشويه ونقيه ونخليه يقطر وندير في ساشيات وكي تحبي تديري سلاطة ولا حميس اجبدي

[arwa alaa]

فراشات وين راكم
انا اليوم درت تنظيف عميق للارضيات
الغداء عندي نسخن برك
وانتوما واش درتو

[crono]

السلام عليكم اصبحنا واصبح الملك لله ولا اله الا الله وحده لا شريك له له الملك وله الحمد وهو على كل شيء قدير
سمحوني لبنات وليدي راه بالحمة غير تحبطلو راني نخبركم واش درت براح ونرد على كل وحدة
في لليل بدتو راه غير بتزنة حتى الفطور درتلو شربة بحبش يكول قلي غليني نرقود سمحوني سلام

[قرويجة]

السلام عليكم خواتاتتي
صبحكم الله بأنوار النبي العربي
شكرا على طريقة تخزين الفلفل ....الحلو

[قرويجة]

المشاركة الأصلية كتبت بواسطة crono

السلام عليكم اصبحنا واصبح الملك لله ولا اله الا الله وحده لا شريك له له الملك وله الحمد وهو على كل شيء قدير
سمحوني لبنات وليدي راه بالحمة غير تحبطلو راني نخبركم واش درت براح ونرد على كل وحدة
في لليل بدتو راه غير بتزنة حتى الفطور درتلو شربة بحبش يكول قلي غليني نرقود سمحوني سلام

ربي يشفيه
ديريلو تقاشر بالمازهر ....ولزمي عليه ياكل باش يشرب خافظ حرارة