الجزء 148 من واش طيبتي اليوم كوزينة الاحباب و التفنن في الطبخ - الصفحة 14

ام عبدو و ملاك · 2015-10-09, 07:04

صباح الخير يا وجوه الخير كل واحدة باسمها
راني صبحت مع الخبز تاع ام ساجد زدت عاودتو درت شوي مسوس باه نديه لعجوزي و راني مع الغدا
درت حميص و شيفلور وحمرت شوي لحم
دارنا يلحقو على العشرة يعني لازم نخلص كلش قبل لا يوصلو
هيا سلام نكمل اشغالي

البحر الصافي · 2015-10-09, 07:30

اقتباس:

المشاركة الأصلية كتبت بواسطة أم محمد وسيم

مساءالخير علليكم ليكم وحشة كيما العادة ندخل نطل لكن المشاركة مكانش غير فيالليل نلقا روحي كيرقدو ولادي
البحر الصافي نتي من بسكرة؟ فهمت هك نظن مانيش غالطة
نقول لام محمد تاج مبروك عليك وربي يحفظلك مموشتك وتتربى في عزك لعقوبة للي مزالو تصبحو بخير كاامل

ايه ما شيكي غالطة ونتي منين
امعبدو وملاك صباح الخير وربي يعاونك

اسمهان79 · 2015-10-09, 07:40

صباح الخير لبنات
ام عبدو ربي يعينك حبيبتي وَيَا فرحت قلبك بقدوم الأهل بصحتك
البحر الصافي احلى صباح حبيبتي

البحر الصافي · 2015-10-09, 07:41

صباح الخير على الجميع

الرجاء الاماني المجد · 2015-10-09, 07:42

البحر الصافي · 2015-10-09, 07:43

اسمهان صباح الخير روحي راجعي واش صرا فينا البارح ونتي لا خبر
الرجاء الاماني المجد صباح الخير الحمد لله راكي معانا اليوم

الرجاء الاماني المجد · 2015-10-09, 07:45

صباح الخير المعلمة الجديدة ربي يعونك
صباح الفل البحر الصافي
صباح الورد اسمهان اول مرة نشوفك على الصباح

wahibaazel · 2015-10-09, 07:52

اختي ام مؤمن مبارك العتبة الجديدة ،اطباقك روووعة عاودتهم شحال من مرة.
البنات ماساء الله عليكم رووووعةواش حطيتو كل وحدة باسمها.
حبيباتي حبيت نسالكم ،عملت البقلاوة في العيد لكن الطبقات لي من فوق يطيرو من الحبة يعني الجزء العلوي انتاع البقلاوة مايلسقش في الحبة ما فهمتش علاه.وربي يحفظكم كامل.

نور الإسلام26 · 2015-10-09, 07:53

سلام عليكم
اختي مبروك عليكم كوزينة الا حباب
في ميزان حسناتك وربي قدرك عليها
بتوفيق ان شاء الله

ام و ابنة · 2015-10-09, 07:55

صباح النور جمييييييييييعا

المعلمة ربي يجمعك باهلك على خير ياخي يباتو ؟

ام اماني و عبدو شفت عشاك البارح يعطيك الصحة يالفحلة و كثريلنا الصور شوفي اختك ما تشبح ما تسقم مباشرة من السنيوة او الطنيجرة او البلا خخخخخ

انا البرنامج راهو مخربط شويا راجلي موالف يخدم شويا بالجمعة كي راهو البرد و الشتاء ما حبش ينوض قالي نريح و الله ما علابالي ضرك وش ندير و وش ما نديرش
وقيلا نروح نبدا في الخبز تع ام ساجد و القاطو منبعد كي نشوف وش راهو معول نديسيدي

الرجاء الاماني المجد · 2015-10-09, 07:59

ام وابنة صباحك سعيد حتى راه لبرنامج مخلط مع الصباح البرد والمطر وانا هدا الجو يقلقني

ام و ابنة · 2015-10-09, 08:20

الرجاء انا عكسك نموت عالجو هكذا يا ربي برك ما تروحش التريسيتي خاطر كي يكون الريح و الشتاء دايما تروح

راني خلطت الخبز تع ام ساجد و خليتو يخمر

و الغذاء بقالي الروز بلي بولات و ممكن جدا نفطرو في دارنا خاطر بالاك عالطناش ندي اولادي لدارنا يشوفو بابا توحشهم من العيد ما شافهمش كي يروحو للدار ما يكونش بصح بالجمعة يفطر او كيما تقولو يتغذى في الدار

Simassim · 2015-10-09, 08:21

السلام عليكم

صباح الخير ونهاركم مبروك.

ليزا . اللوز بدلتو بلاصتو راه مقابلني فالايتاجير كل مانجبد البيبرون نقولو قعد لتم كنت ناوية على قاطو تاع عازفة الناي بصخ الصغار حرنو وهو يدي الوقت وراجلي كان خدام الويكاند لي فات وهاد الوكاند تاني مايكونش هنا والويكاند لي موراه يجي السبت فاليل ونشوف الاحد كي ندير يعني راه زاد شهر كااامل حتى الطوابع كومنديتهم من النت ماوصلوش ورجعولنا الدراهم خخخخخخخخ حكيت رواية على اللوز . مشتاقة هدرة الله غالب

فطورنا اليوم جلبانة بالدجاج ونزيد حبة بطاطا حلوة معاها اممممممممم بنينة

نروح للاشغال الشاقة قبل ماينوض هيثم يبكي يسف راه هنااليوم

Simassim · 2015-10-09, 08:22

كوكا طولت الغيبة. ولهنا راها من 1 اكتوبر مادخلتش.
ماقدرتش نبعتلهم رسائل.

ام و ابنة · 2015-10-09, 08:32

سماسم ربي يعينك التربية صعييييبة كي يكونو زوج صغار على بعضاهم خاصة اللي ما عندهاش المعاونة من الأهل

فعلا لهنا و ام امينة غايبات و خاااصة ام امينة ماشي موالفة خلاص تغيب و كذلك فضيلة

اختي وهيبة ما عنديش خبرة كبيرة في الباقلاوةا ربي يفيدوك البنات