جزء ****138***من واش طيبتي اليوم ---عيد سعيد وكل عام وانتم بخير ----

[أم أيوب 11]

عيد مبارك سعيد عليكم أخواتي كل وحدة باسمها

مبروك افتتاح الكوزينة اخت شمس في هاد الايام المباركة ما شاء الله الاخوات تحفوها بالحلويات الله يحلي أيامهم

[ام و ابنة]

الملتزمة باذن الله ام يزن ما شاء الله عليك اُسلوب راااااقي كلامك يفرح و يريح ربي يريح قلبك

الاخت الغالية المحترمة ادرونو ناكد لك بانو كلام الاخت الملتزمة عبر عما في داخلي حتى لو لم تخطه أنامللي من قبل لك مني جزيل الشكر و خالص الود و الاحترام

زينب و الله تقطع قلبي على جارتك ربي يحفظلها ولدها و يسترو و يرجعهولها سالم معافى ربي يطيحو في يدين ولاد الحلال

ام فاطيمة ما شاء الله تبارك الله صالونك مشروح ربي يشرح قلبك دايما

ام وداد و كل اللي علقوا على حفلة ولدي ربي يعيشكم و يفرحكم جميعا

روضة و وردة الشمس و وداد راني نشوف الغاشي الكل طاح عالبيتزا و السقايط و الله السخانة و زاد ما زال ما راحش تعب رمضان و العيد باذن الله بشوية نعاودو نرجعوا للطيابات و الافكار انا اضحكوا عليا غذانا وعشانا بيتزا طلبتها اختي و عجبت اولادي و راجلي عاودتهالهم

ام ياسين نعم هي نفسها عجينة التزيين و ربي يقدرك لحفلة بنتك فعلا الفرح مليح و ماشي خسارة بصح التعب واعر خصوصا اللي ما عندهاش المعونة

الأماني المجد يتوحشك الخير اختي و الله سقسيت عليك و خليتي فراغ بصح اكيد كنت مشغولة في العيد

اولادي و صدفات و ام امنية و وردة الشمس ماشاء الله تبارك الله يالحراير

ام أيوب و كل اخواتي الحاضرات و الغايبات سلامي لكن جميعا دون استثناء

[ام سهام 02]

المشاركة الأصلية كتبت بواسطة أم محمد تاج

الف اهلا وسهلا ام امنية حنوونة وصح عيدك واش راهي المازيتا يادرا تلاقيتو ولا مازال??? سلامي لاختك ولبناتها ولالمازيتا
هههههه ام ياسووو يا خرابي لازملك مالا عمليات تجميل مايش نيو لوك آهاهاهاااااااا

هههههههه يا ام محمد راني نضحك بالدموع عليك وحدك

[ام سهام 02]

المشاركة الأصلية كتبت بواسطة وردة الشمس

هاكم عشا خفيف لي ملقاتش واش تدير لعشا تعبي منا

امممممم بصح مانقدرش ناكل راني رجيم هههههههه

يعطيك الصحة ركي قايمة بالواجب

[دائمة الحمد]

صحة عشاكم لبنات وبصحتكم الخيرات لي تحطو فيها
ام وابنةعيد ميلاد سعيد لوليدك كل عام وهو بخير
ام ياسو مانيش عاملة حفلة لاميرة ما حبتش حابة تروح تحوس في تونس حواسة فور وانا لازمني نروح مشية اضطرارية حج وحويجة

[fadila34]

مساء الخير روضة وحصا عيدك وكيفه راه البوقوس تاعك

[دائمة الحمد]

صحة عشاكم روضة فضيلة اميرة هي لي ماحبتش الحفلة قاتلي تعباتة حابة نرتاح عندها عقلية وحدها ههههههههه كون جت اسينات راهي بدت تشطح تموت على الزهو

[fadila34]

المشاركة الأصلية كتبت بواسطة روضة 88

اهلا بفضيلة وانت كذلك صحة عيدك وابني راه لاباس عند اعراض انه يحوس ينبت وانا قلقت حابة نوكلوا البارح وين قفل 5اشهر

ربي يحفظولك ويخليه ويطول فى عمرو 5اشهر تقدري توكليه شربة بلحليب او بيضمقلى فى ماء معدني ولاحبيتي نعطلك الطريقة

[fadila34]

المشاركة الأصلية كتبت بواسطة دائمة الحمد

صحة عشاكم روضة فضيلة اميرة هي لي ماحبتش الحفلة قاتلي تعباتة حابة نرتاح عندها عقلية وحدها ههههههههه كون جت اسينات راهي بدت تشطح تموت على الزهو

الله يسلكم دائمة الحمد وصحا عيدك ومبروك على اميرة ولعقوبة لاليسونس يارب

[دائمة الحمد]

يبارك فيك فضيلة وربي يفرحك بابنائك

[وردة سطيف]

زينب طمنينا على وليد جارتك ان شاء الله خير
اختي وردة الشمس يعطيك الصحة انا تعشيت بصح كي شفتهم سخفت
اممممممممممممناكل منهم كامل

[fadila34]

امين ربي العالمين دعوة ما شاء الله من عند اختي دائمة الحمد

[عازفة الناي]

حبيباتي شرفوني بالزيارة

https://www.djelfa.info/vb/showthread.php?t=1838223

[صدفات]

مساؤكم سعيد لبنات
وردة حبيبتي شكرا على الترحيب وما تخافيش مازلت رجيم و القاطو خلاص
قسمته و تهنيت ما نسخف ما تندم ههههه.

[صدفات]

قبل ما نقول لكم تصبحون على خير حبيباتي إذا ممكن تعطوني طريقة الكعك
التركي نضن الأخت أولادي هي التي وضعت الصورة و شكرا مسبقا.