~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[سمراء الدنيا]

[كاميلياس]

[حبيييبة]

صباح الخييييييييييير حبيبات قلبي
واش احوالكم ان شاء الله بخير
توحشتكم بزاااااااااااااااااااف
توحشتكووووووووووووم

اعتذر بشدة عن انقطاعي المفاجئ و الذي تبعه غياب مطول قليلا
سبب ذلك اني رجعت للعيش في بيت اهل زوجي
يعني 24/24
و يقيت نرجع لبيتنا خطفة
و لعندهم كاين انترنت لكن في غرفتي ما تلحقنيش
عليها ما كنتش قادرة ندخل للموقع

المهم عن احوالي انا بالف الف خير الف حمد و شكر لله
اموري تغيرت للاحسن 360 درجة بقدرة قادر
والله بقدرة قادر سبحانه انه قريب مجيب الدعاء
ما حدث اني اتخذت قرارا نهائيا بالبقاء في بيت اهل زوجي
مهما سمعت او شاهدت او حدث معي
و كانت حجتي اني خلاص اخذت عطلة و لم تعد لي حاجة في الذهاب يوميا الى بيتنا و البقاء فيه
و مكاني في بيت زوجي
و تم ذلك.. و كانت النتيجة ان ام زوجي تقبلت نوعا ما الامر و سلمتني الكثير من امور البيت
و زوجي الاسبوع القادم يأخذ عطلة مع دخول شهر رمضان المبارك باذن الله
و حتى انا في عطلة الى بعد العيد باذن الله

لي رجعة للتكلم عن التنظيفات باذن الله مرفوقة بالصور

الآن سارجع لاعمالي التنظيفية
على فكرة انا في بيت اهلي الى يوم الجمعة باذن الله
لي رجعة اليكم في المساء
احبكم يا اغلى الحبيبات ♥

[حياتي كلها امل]

اهلا حبيبة فرحت على تغيرات الاجابية الحصلت في حياتك وان شاء الله تزيد تتحسن اكثر واكثر ويارب نسمعو من عندك اخبار الخير

[نسمة صبح]

اهلا حبيبة عملتي عين العقل كيما يقولو هكذا متبقايش مقسومة و تحسي روحك صح متزوجة.. و هكذا حطيتي النقاط على الحروف و درتي بلاصتك..ان شاء الله الحماة يخف ضغطها عليك..انت طنشي فقط..

رب يسعدك كيما تحازلي دايما ادخلي السعادة للقلوب ..مجرد تكتبي ق الصفحات الكل يستبشر...

نحبك غاليتنا

[omelbanin]

السلام عليكم ،الحمد لله كي راكي بخير حبيبتي حبيبة والحمد لله كي اسنقريتي في بيت زوجك ،فرحتينا ،وانشالله يخلي ايامك القادمة كلها فرح وسعادة.

[omelbanin]

تقرير الفترة الصباحية:
نضت شربن الماء صليت،وليت لبلاصتي حتى 7:30وليدي يقرا على 10،طيبت قهيوة وشربنا، غسلت الاواني.ودرت الفطور باش نتهنامنو،درت لحوايج في المشينة، من داك نطل على وليدي عطيتلو تمارين في الفرنسية يحلهم.كمتهم نشرتهم ،راح وليدي يقرا ،حكمت الكتب ليكمل بيهم درتهم في ساشي باشنمدهم،والكراريس لي فيهم قران والاوراق لي فيهم ايات كامل حرقتهم ،قدام الباب تاع الدخلة ،والباقي رميتهم .وممبعدسيقت كلش .حطيت لفطور للاولاد فطروا وزوجي ايضا جا فطر .قلت نريح شوية ونوض نغسل الماعن ونرقدوليدي الصغير.

[غزالة1]

اهلا حبيبة الحبوبة فرحت انو تحسنت امورك ربي يوفقك

[ام صفصف]

صباح الخير لكل الفرشات

[ام آدم]

السلام عبيكم فراشاتي الحبوبات
ام هاجر الحمد لله على سلامةوليدك ربي يحفظو ويشفيه
حبيبة الحمد لله غلى الاستقرار وربي يدوم عليك ساعةالخير

[ام آدم]

انا غير امس وين كملت المطبخ
غسلت الثلاجة
والبوتاجي
والقاجوات تاع لماعن
وجبدت ماعن رمضان
وغسلت لي بوات تاع التوابل وعمرتهم

[ام آدم]

بالنسبة للقضيان الحمد لله شر يت كل للوازم مازال الدجاج واللحم اليوم ان شاء الله
شريت لفريك والثوم العربي و شمخت الحمص ويبست النعناع و رحيتو وخبيتو
مازال ندير شوي حميص ونخبيه

[ام آدم]

اللهم بلغنا رمضان لا فاقدين ولا مفقودين ياا رب

[حياتي كلها امل]

اهلا ام ادم يسقسي عليك الخير حبيبتي وشراكي يا غزالة قالتلي واحدة على لنيمي مليحة الروينة مع العسل الحر .
انا الحمد لله كنت درت الميناج قبل مايمرض وليدي قلت غدا نغسل الفريجيدان ويبقالي القضيان نكتب لزوجي وهو يجيبلي

[arwa alaa]

حبيبة درتي عين العقل وربي يوفقك في حياتك الزوجية يا رب العالمين