~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[روضة 88]

سمرا تبان مسابقة مليحة وسهلة لام مكانش تفاعل من العضوات

التحليات ديما فلان او محلبي بغير للفواكه

واذا كاين تحليات جدد ميقولوش لالا
الايسكريم موالفة ندير ونخليه في المجمد لي يحب يوكل يلقاه.

[حياتي كلها امل]

اهلا حبيبتي سمراء ان شاء الله يكون اكرامك للضيف في ميزان حسناتك وبصحتهم البنيات على اللبسه اما المسابقة حبيت انشارك وخفت شويا ضرك كي عاودتي شرحتيها ان شاء الله انشارك

[ام محمدْ ومريمْ]

المشاركة الأصلية كتبت بواسطة سمراء الدنيا

السلام عليكم و رحمة الله و بركاته .... كيفكم فراشات ؟؟؟
الحمد لله اليوم راحو الضياف للي كانو عندي و صبحت تعبانة خصوصا بعد يوم شاق البارح خرجنا يشرو ملابس العيد (تعبنا تعبنا ) و في الاخير ما شراوش
انا استغليت الفرصة و شريت لملاك و مريم روبات خفاف لانو كلشي غالي من بعد ان شاء الله نحط الصور

***************
الاخت وداد راهم عدلولك الاسم ان شاء الله يرضيك
اذا كاين سؤال ما شفتوش نتمنى تعاودوهلي او تراسلوني مشغولة شويا مع المسابقة

بالمناسبة شكون تقدر تشارك معانا راهي سجلت متسابقة وحدة فقط رغم انو التحديات سهلة و ما فيهاش صعوبة
كنت معولة على سيرين و ام صابرين و رايحة نزيد نراسل بعض العضوات و نبحث على للي تقدر تشارك معانا
ارجوكم للي تقدر تشارك ما تبخلش و راني هنا نساعدكم و ندعمكم

ربي يحفظك ويخليك اختي سمراء وفي ميزان حسناتك
ايه نقدر نشارك في مسابقتين

[حياتي كلها امل]

العادات في رمضان تصدقو ان رمضان انحسو ينظملي حياتي في جميع الميادين نرقد بكري ونوض بكري نخدم شغلي عادي ثم عندي قيلولة ونوض نعمل الفطور ونهبط عند عجوزتي داءما في المساء نقعد معاها وقريب يلحق الفطور نوجدو وثم بعد غسيل الاواني نقعد انا وزوج والاولاد يهبطو عند جداهم ثم يروح الزوج للتراويح وساعات نطيب لتاي ونهبطو للعند عجوزتي مع حلوى نقعد شويا ثم نرقد بكري ونوض للسحور عادي .

[حياتي كلها امل]

الجانب الديني في رمضان يا اخت روضة القران انانقرى داءما في السحور وبعد صلاة الفجر ثم بعد مانكمل شغلي في النهار نزيد نقرا وعندما نصلي التراويح في المنزل

[omelbanin]

السلام عليكم ،حبيبتي سمراء انا ما فهمتش المسابقة من الاول ،عمبالي كل اسبوع نحط التحديات بين تلاتة، لانو انا اصلا ما عنديش جنينة ،بصح كي قلتي اي نبتة ،نشارك ونحاول.
موضوع النقاش ،راني حاابة نحي عادة الاسراف ،بصح والله ما اناي زوجي لي يشوفها يشريها ،دايما نزقي عليه .
و العادة الحسنة لي اكتسبتها والله ملي دخلت معاكم هي الايجابية ،ما نكذبش عليكم انا كنت انسانة متشائمة ومقلقة من كلش ،بصح الحمد لله راهي بدات تروح ،وانشالله نبقى هكدا.

[حياتي كلها امل]

السلام عليكم وصبحكم الله بكل خير .
اصبحنا واصبح الملك لله والحمد لله ولا اله الا الله اللهم انا نسالك خير هذا اليوم وخير ما بعده ونعوذ بك من شر هذا اليوم وشر ما بعده

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[غزالة1]

صباح الخير حياتي كلها امل
صباح الخير لكل الملتحقات بعدي

[غزالة1]

بارك الله فيكم اختي سمراء على المسابقة انت و المشرفات انا لا استطيع المشاركة لانو لا اضمن الالتزام بسبب وليدي الصغير
المهم بصحة المشاركات و انا ساكون من فريق المشجعات هههه

[غزالة1]

ام متين وينك شريكتي راني نتخيل فيك تقضي على كل الاشغال قبل رمضان لابسة لبسة رياضية و تجري من مكان لاخر هههههه
ربي يرجعك بالسلامة

[غزالة1]

سلامي لكل الفراشات
وليدي اطلق صفارة الانذار نروح قبل لا يبدا يشنف

[omelbanin]

السلام عليكم ،صباحكم سعيد ،وايا مكم اسعد .اخواتي .
ام متين ،افتقدناك تع الصح ملي غبتي ولينا ما نشربوش القهوة كنت دايما انت تحطيهانا ،انشالله تكوني بخير انت والاسرة نتاعك.

[arwa alaa]

صباح الخير عليكم واش راكم يا فراشات

[كاميلياس]

السلام عليكم اصبحنا واصبح الملك لله البارح كتبت رد طويل للاسف مافاتش الكوناكسيون مكاش خلاص بالسيف ندخل اختي سمراء شكراً على الترحيب وعلابالي بضروفك والبنات ما قصروش ربي يعينك وبصحتهم بنياتك الكسوة شحال نحب تبسة جوزت احلى ايامي ثما عشت فيهاثلاث سنين روعة وعلى كتفي انا اصلا عندي لارني وزاد مع الميناج تاع رمضان صار عندي فتق الحمد لله على كل حال اما بالنسبة لموضوع النقاش العادات السيئة لي نتمنى نتخلص منها هي وبكل صراحة اني نعمر قلبي بزاف من هدرت الناس وتقعد تخدملي في راسي حتى يحكمني أكتئاب بصح نتعامل مع هذاك الشخص عادي وانا علابالي واش هدر بصح جامي نقولو هادي المواقف نحس روحي ضعيفة بزاف وماعنديش الجرأة نردهالو العادات الحسنة النظام في كلش الصلاة قراءةالقران وختمه ان شاءالله نداوم عليها و لازم يوميا نخرج الفطور للعازبين هنا وين نسكن وممنوع الاسراف في رمضان ان شاء الله يدخل علينا بالصحة والهناء