~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 136

arwa alaa · 2016-05-31, 08:41

يسقسي عليك الخير هناء
جهينة ربي يعينك على الخدامة
وقلتي وجدتي حشوة الديول كيفاش

omelbanin · 2016-05-31, 08:52

السلام عليكم ،واش راكم ،انا اليوم راني غسلت كامل البلارات لي كانو عندي.واحدة راني درت فيها نعناع بعد ما يبستو ، والخبز راهو في الكوشة ضك نخرجو ونرحيه. عندي ختي تسكن في الجلفة هناتني من الفريك وراس الحانوت خدمتهم وجابتهملي الجمعة لي فاتت ، والبارح خدمت لي كورني بلابات فويتي وخبيتهم. وممبعد نجيب الصور .سلام الخبز راهو تحرق

omelbanin · 2016-05-31, 09:56

لقيت الخبز تحرقلي شوية، لي سلك سكرفجتو (ماعنديش رحيوة)، وغربلتو.
صورة ،نعناع يابس،فريك راس الحانوت ،شابلور ،لي كورني .
من غير الفلفل مشوي ،عصير الليمون، طماطم اتخدعت ،ما شريتش كي كانت رخيسة ،ضرك راهي غالية 12الف للكيلو. مازلتلي لي تارتولات.سلام .

حياتي كلها امل · 2016-05-31, 13:14

السلام عليكم شكرا لك هنا محمد باذن الله راني معولة ندير صدقة على وليدي والرسول عليه الصلاة والسلام يقول داوو مرضاكم بالصدقات انا تحضيرات رمضان راهي مؤجلة الى اشعار اخر والحمد لله كنت وجدت امور قبل ما يمرض وليدي يعني ممزاليش بزاف باذن الله اليومين الاخيرين نكملهم في العشية راهم جايني ضياف يطلو على وليدي
ام متين وين راكي يارب يكون المانع خير طلي طمنينه

نسمة صبح · 2016-05-31, 13:41

الأمطاار بغزارة
.اللهم صيبا نافعا

arwa alaa · 2016-05-31, 16:41

فراشات وين رحتوا

omelbanin · 2016-05-31, 16:44

ام هاجر ،ربي يقدرك على الضياف ،بصح المهم وليدك راهو قدامك وراهو بخير.

نسمة صبح · 2016-05-31, 16:51

أروى راني كنت في الدردشة

سمراء الدنيا · 2016-05-31, 16:54

السلام عليكم و رحمة الله و بركاته .... كيفكم فراشات ؟؟؟
الحمد لله اليوم راحو الضياف للي كانو عندي و صبحت تعبانة خصوصا بعد يوم شاق البارح خرجنا يشرو ملابس العيد (تعبنا تعبنا ) و في الاخير ما شراوش
انا استغليت الفرصة و شريت لملاك و مريم روبات خفاف لانو كلشي غالي من بعد ان شاء الله نحط الصور

***************
الاخت وداد راهم عدلولك الاسم ان شاء الله يرضيك
اذا كاين سؤال ما شفتوش نتمنى تعاودوهلي او تراسلوني مشغولة شويا مع المسابقة

بالمناسبة شكون تقدر تشارك معانا راهي سجلت متسابقة وحدة فقط رغم انو التحديات سهلة و ما فيهاش صعوبة
كنت معولة على سيرين و ام صابرين و رايحة نزيد نراسل بعض العضوات و نبحث على للي تقدر تشارك معانا
ارجوكم للي تقدر تشارك ما تبخلش و راني هنا نساعدكم و ندعمكم

سمراء الدنيا · 2016-05-31, 16:54

بالنسبة للمناقشات

وجبة السحور عندي تشبع للعشا ... يعني ياكلو اكل بسلامتهم لازم دايما سفة بالزبيب و الفواكه و تمر و حليب و بواقي الطواجن او لغراتان

انا نفضل تمر و حليب و قهيوة

بالنسبة للفطور راني تخليت على عدات كثيرة مثل اكل الحلويات .... خصوصا اننا ما نسهروش ابدا نرقدو بعد التراويح مباشرة

تخليت على المقليات بنسبة كبيرة

ايضا نقصت من التحليات كنت نعملهم يوميا نوع ... لقيتها زيادة تعب و غير صحية و مكلفة .... عوضتها بالفواكه و الغالبية ناكلو دلاع بين لفطو ر و لعشا
و مرات ندير فلون و مرات ايس كريم

نسمة صبح · 2016-05-31, 17:07

اهلين سمراء نورت الدنيا بطلتك..في ميزان حسانتك ضيافتك..بصحتك ما شريتي للاولاد.

انا كنت ناوية على التحليات هذا الشهر لكن صدقت متعبة و مكلفة و بلا فايدة..الحياة بسيطة و حنا نعقدوها يعني احسن شيء فواكه و عصائر طبيعية و أكل مفيد و مغذي..

كاميلياس · 2016-05-31, 17:09

السلام عليكم اخواتي ماقدرتش ندخل الصباح رحت للطبيب روحت على الحداش والله جوزت على الدنيا بالريسبيراتور وقعدت راني في حالة من كتفي وتغديت وغسلت لماعن وصليت جابتلي جارتي ولدها وبنتها قاتلي رايحة للطبيب هادا وين داتهم قلقت من القعاد ادعولي تعيشو ربي يشفيني من كتفي اخت سمراء مافهمتش المسابقة مليح رايحة نرجع نقراه اذا نقدر اكيد نشارك

سمراء الدنيا · 2016-05-31, 17:09

كنت قلتليكم انو عندي موضوع للنقاش نتمنى نسمع اراءكم فيه

_ عادات سيئة تتمني تتخلصي منها في رمضان

_ عادات حسنة اكتسبتيها و تودينا المحافظة عليها

[IMG]https://t0.gstatic.com/images?q=tbn:ANd9GcQcEqtuMw8lrBuNN6SG04UZbOGcahQZZ VgtXNBA_zsv7Mnmcq26EiwwZgA[/IM

سمراء الدنيا · 2016-05-31, 17:21

اقتباس:

المشاركة الأصلية كتبت بواسطة نسمة صبح

اهلين سمراء نورت الدنيا بطلتك..في ميزان حسانتك ضيافتك..بصحتك ما شريتي للاولاد.

انا كنت ناوية على التحليات هذا الشهر لكن صدقت متعبة و مكلفة و بلا فايدة..الحياة بسيطة و حنا نعقدوها يعني احسن شيء فواكه و عصائر طبيعية و أكل مفيد و مغذي..

اهلا بيك و ربي يخليك نسمة .... حتى انا كنت متعبة روحي بزاف .... و السنة للي فاتت ما عملتش تحليات ما صرا والو ههههه ..... بالعكس الفاكهة احسن بكثير

اقتباس:

المشاركة الأصلية كتبت بواسطة كاميلياس

السلام عليكم اخواتي ماقدرتش ندخل الصباح رحت للطبيب روحت على الحداش والله جوزت على الدنيا بالريسبيراتور وقعدت راني في حالة من كتفي وتغديت وغسلت لماعن وصليت جابتلي جارتي ولدها وبنتها قاتلي رايحة للطبيب هادا وين داتهم قلقت من القعاد ادعولي تعيشو ربي يشفيني من كتفي اخت سمراء مافهمتش المسابقة مليح رايحة نرجع نقراه اذا نقدر اكيد نشارك

و عليك السلام الاخت كاميلياس و اهلا و سهلا بيك معانا .... اعذرين اختي ما رحبتش بيك انت و بعض الاخوات الجديدات لكن الفراشات ربي يخليهم قامو بالواجب
ربي يشفيك من كتفك و لازم تشوفي من واش يوجعك ممكن يكون برد و لازم تعالجي عليه قبل لا يستفحل

بالنسبة للمسابقة هي بسيطة جدا
كل اسبوع عندنا تحدي .. مثلا التحدي الاول انك تصوريلنا شيء نظفيه تحضيرا لشهر رمضان و تحكيلنا على المنظف للي استعملتيه
و الاسبوع الثاني تعطينا تقرير على جهاز مثل باتور او روبو او حاجة اخرى مساعداتك في البيت و تقولي على حسناتها و سيئاتها

و الاسبوع الثالث تختاري نبتة من بيتك حتى لو كانت دالية او نعناع تصوريها و تتكلمي على طريقة العناية بيها

و في الاسبوع الرابع نديرو تصويت على احسن موضوع و تعطيكم الادارة جوائز و اوسمة للناجحين

من بعد نزيد نشرح اكثر على كيفية طرح الموضوع لانو الزوج دخل نروح نطيبلو لاتاي نتاعو

روضة 88 · 2016-05-31, 17:26

لبنات ممكن تحطولي رابط المسابقة نطل عليه.

سمراء اهلا وسهلا كيف الحال بصحتهم بنياتك الروب يلبسوهم بالصحة والهنا ياك انت العضوة لي من زمان حطيت وصفة الخبز العربي.

بالنسبة لموضوعك معفتش وش نكتب لانه عادات كامل سيئة واولهم السهر
انا نسكن في العائلة ضرك بلا رمضان ونرقدو على 1 تحوسي في رمضان ...هذي عادة سيئة جدا والصباح منوضوش لل10.....

كذلك في رمضان منقدرش نوض للسحور نجاهد نفسي غير باه نوض نصلي الفجر ونقرا القران

كل رمضان نجاهد نفسي انه نختم القران وما نلحقش..

سقسيت العضوات الامس اذا فيه روتين يوني لشهر رمضان باه نتبعو معاكن ما لقيتش اجابة

وكما قلت سابقا راني ربة بيت مبتدئة جدا و نحاول اني نتغير ونغير من عاداتي وذلك من خلال يومياتكم وتشجيعاتكن ونصائحكم.