موضوع مميز مسابقة ادارة السجون 2013 (إعلان النتائج) - الصفحة 136

~~Azzeddine Dz~~ · 2013-08-04, 21:02

اقتباس:

المشاركة الأصلية كتبت بواسطة garahh

اخي الكريم في بالي سالتني اكثر من مرة هذا السؤال وفي بالي ما حبيت تسمع نصيتي
اذن كي تدخل قلهم بلي عندك سهادة فالاعلام الالي وخليهم يخدموك بااااااااااااااااااااااااااااااااااااطل ويحرثو عليك وثماك ماكلاه تتفكر هدرتي وتقول كون غي قعدت كيما خاوتي
كون علابالي نتا هكا مانجاوبكش
ياك نتا حبيت تدخل ادارة السجون عون تخدم كيما خاوتك اخدم وخليها على ربي ومع الوقت كي تشوف بلي مصلحتك كي تدفع دبلومك ادفعوا بصح مش ونتا فالستاج

ونقولهالك لي يحب خدمة الشكامة يخدم فالادارة كونك راجل واجري كي خاوتك ياك هوما خالصيين عليها ونتا تخدم خدمتهم الله لا تربحهم

.........
يا والله غير ندير عليك قالك احقض الميم تحفصك وانا راني نهدر يعد الستاج اسكو الديبلوم انفعك

garahh · 2013-08-03, 12:28

نظام العمل الكسل والملل

الضباط عادي يخدمو 8 ساعات يوميا من 8 لل12 ومن 1 ,30 حتى لل5 كل 5 ايام عمل يدي يومين ومش شرط ايام الراحة الجمعة والسبت يعني يمكن تكون اثنين وثلاثاء او هكذا
عن كل يوم عمل مناوبة ليلة تدي نهار يعني مرة مرة تخدم 5 وتدي 3 ايام راحة هذا كي تخدم بارمانونس

يعني يمكن تخدم في الادارة او فالكارتي وكلخدمة وكيفاه

الاعوان العمل يكون الدور الاول برومي تور تدي نهار وتخدم من 8 حتى 10 قل ربع وامبعد من 12 حتى 1,30 وامبعد من 5 مساءا حتى 00,30 ليلا وامبعد تروح ترقد ومنو غدوة تدي نهار ولا تكمل منو غدوة تخدم سارفيس وتلايم نهار
موراها تخدم الدور الثاني دوزيان تور عادي صباح تخدم سارفيس عادي من 8 لل 5 وفالليل تبدا من 00,30 ليلا حتى 8 صباحا وتدي يومين وكي تلايم مع نهار تاع الدور الاول برومي تور تدي 3 ايام
وكل مؤسسة وكيفاه تخدم
ولي مافهمش يقول

mathilda · 2013-08-03, 15:58

اقتباس:

المشاركة الأصلية كتبت بواسطة garahh

نظام العمل الكسل والملل

الضباط عادي يخدمو 8 ساعات يوميا من 8 لل12 ومن 1 ,30 حتى لل5 كل 5 ايام عمل يدي يومين ومش شرط ايام الراحة الجمعة والسبت يعني يمكن تكون اثنين وثلاثاء او هكذا
عن كل يوم عمل مناوبة ليلة تدي نهار يعني مرة مرة تخدم 5 وتدي 3 ايام راحة هذا كي تخدم بارمانونس

يعني يمكن تخدم في الادارة او فالكارتي وكلخدمة وكيفاه

الاعوان العمل يكون الدور الاول برومي تور تدي نهار وتخدم من 8 حتى 10 قل ربع وامبعد من 12 حتى 1,30 وامبعد من 5 مساءا حتى 00,30 ليلا وامبعد تروح ترقد ومنو غدوة تدي نهار ولا تكمل منو غدوة تخدم سارفيس وتلايم نهار
موراها تخدم الدور الثاني دوزيان تور عادي صباح تخدم سارفيس عادي من 8 لل 5 وفالليل تبدا من 00,30 ليلا حتى 8 صباحا وتدي يومين وكي تلايم مع نهار تاع الدور الاول برومي تور تدي 3 ايام
وكل مؤسسة وكيفاه تخدم
ولي مافهمش يقول

.................................................. اسكو كاين ترقية من عون لضابط و ما هي الشروط؟انا خريجة جامعة 2011 ليسانس حقوق

garahh · 2013-08-04, 15:15

اقتباس:

المشاركة الأصلية كتبت بواسطة mathilda

.................................................. اسكو كاين ترقية من عون لضابط و ما هي الشروط؟انا خريجة جامعة 2011 ليسانس حقوق

فالوقت الحالي مكاش

برك نصيحة ذا حبيتي تترقاي لرتبة ضابط وانتي عونة عادي شاركي فالمسابقة كي يفتحو رتبة ضابط اناث وماتهدريش واذا نجحتي استقيلي من الرتبة الاولى وديري ستاج من جديد

واذا تبدل القانون في وقت لاحق او جات تعليمة راح تعرفي واستفادي من الامر
برك هذا الكور داير هكا مايساعدش على الترقية بزاف وحتى لو ضابط باه تترقى لضابط رئيسي يا حسراه واش راك تقول

~~Azzeddine Dz~~ · 2013-08-03, 12:34

راني حشمان لا نقول مفهمتش العمل تاع الاعوان

garahh · 2013-08-03, 12:37

خاوتي الهاتف كارت ميموار ولا راديو كاميرا راهم ممنوع ويحجزوهلك حتى نهاية التربص

برك ردو بالكم وادو هواتف عادية وتاع كام خبوه طفوه كي تدخلو وخبوه في اماكن ممنوعة هههههههههه

Nabil.23 · 2013-08-03, 12:58

خــويا garahh قولي واش من جهة راك خدام إذا حبيت ، بالاك راهم معاك جماعة صحابي تهلا فيهم

garahh · 2013-08-04, 15:13

اقتباس:

المشاركة الأصلية كتبت بواسطة nabil.23

خــويا garahh قولي واش من جهة راك خدام إذا حبيت ، بالاك راهم معاك جماعة صحابي تهلا فيهم

انا راني فالغرب وفالحبس مكاش هذيك العقلية كونك راجل كونك راجل واتحمل مسؤوليتك واعرف قدرك اصنع بلاصتك لروحك الريح ومايقيسكش شكون يحكي معاك ماتخليش الهدرة عليكم وخطيكم من الدسارة ماراح ينفع حتى واحد لا مدير لا ضابط عندك خدمتك وعندك ايام راحتك اديهم بلا مزيتهم فوق هذا ماتحوسش تفهم والله غير تدخل اللعب معاهم راهم يلعبو بيك

wahab0009 · 2013-08-03, 14:02

اقتباس:

المشاركة الأصلية كتبت بواسطة garahh

خاوتي الهاتف كارت ميموار ولا راديو كاميرا راهم ممنوع ويحجزوهلك حتى نهاية التربص

برك ردو بالكم وادو هواتف عادية وتاع كام خبوه طفوه كي تدخلو وخبوه في اماكن ممنوعة هههههههههه

merci bcp khouya garrah 3andi juste un question apre le stage fe edebat win yeba3touk takhdem fi wilaya ta3k win teskan wla ayba3douk bzaaf et saha ftorak et merci