~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 135

arwa alaa · 2016-05-31, 04:32

نسمة ربي يلمك انتي والزوج على خير
مرحبا بالوافدات الجديدات القديمات ههههههههه كل الفراشات يعطيكم الصحة والعافية

arwa alaa · 2016-05-31, 04:33

حياتي كلها امل ربي يوقف وليدك على خير ويعينك

omelbanin · 2016-05-31, 06:33

السلام عليكم ،وصباحكم سعيد،اخواتي.

غزالة1 · 2016-05-31, 06:41

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

oum sabrin · 2016-05-31, 07:13

صباح الخييييييييييييييييير على احلى لمة
اروى ام البنين غزالة و كل الملتحقات بعدي صباحكم عسسسسسسسسل
بدا العد التنازلي للشهر الفضيل ان شاء الله يلقانا صحاح و مهنيين
شدوا الهمم و قوواالعزيمة و كملوا اشغالكم من الاكثر استعجالا الى الاقل حتى تلقاوا رواحكم كملتوا
ربي يوفقكم و يهنيكم حبيباتي

omelbanin · 2016-05-31, 07:20

الامطااار ،اللهم صيبا نافعا .

أم شروفة · 2016-05-31, 07:21

صباح الخير ....دائما متتبعة معكن ...حابة نسألكم عى المطرح نتاع السرير كيفاش يتغسل ...لان ابني حشاكم بالي ثما

جهينة اليقين · 2016-05-31, 07:36

السلام عليكم كيف اصبحتم حبيباتي مرحبا بالجديدات بالنسبة للاخت الي سالت على الماطلا عمي ما نغسلها هذي الثانية عندي في رحلتي الزوجية هههه كي كانو اولادي صغار ناخذ احتياطاتي نكوشهم او نحط بلاستيك وضرككي كبرو دايما نعس في بنتي لا تحط ابنها بلا كوش شوفي بالاك الاخوات يفيدوك

حياتي كلها امل · 2016-05-31, 07:45

اصبحنا واصبح الملك لله صباحكم مشرق وطيب صباح السعادة والهناء صباح الصحة والعافية
اهلا اروى وشكرا لك وشراهم فليلساتك اهلا ام هارون وام صابرين وام راضية وكل الفرشات الطيبات
ربي وفق الممتحنين وكن في عونهم يارب

جهينة اليقين · 2016-05-31, 07:47

اليوم ما نضتش حتى للسادسة صليت قريت الورد اليومي شربت الماء وطيبت القهوة شربت انا والزوج ولخرين ما زال ما لتحقوش التحضيرات نقيت لوبيا ماشطو غليتها لمدة دقيقتين ودرتها فالماء البارد وخليتها قطرتودرتها في اكياس التجميد شويت فلفل حلو وحار والى المجمد واولمرة نجرب التوم قطعتودواءر ودرتو فوق ورق الزبدة في سنيوة ة كي ندير حاجة تطيبفالكوشة ونطفيها نحطوحتى يبس رحيتو خرج لي روعة طيبت شوي حشوة تاع اليول وخبيتها باقيلي الحميصة ما شمختهاش

حياتي كلها امل · 2016-05-31, 07:49

الاخت التى سالت على الماطله اذا كانت تاع البونج نحيلها الغلاف الفوقاني وغسليها عادي بالماء والصابون والجافيل وانشريها طول في النشاف لكن اذا كانت تاع الصوف لازم تفتحيها وتغسلي الصوف وتعاود طرحيها بعد ما ينشف الصوف

جهينة اليقين · 2016-05-31, 07:52

شفت واحد الاختهدرت على القديرة تاع الفخار قالت نديرها ربعة وعشرين ساعة مغمورة فالماء وننحيها ونخليها تيبسلمدة ثلات ايام ثم ندهنها من الداخل وبرى بالشحمة والثومونخليها تنسف ثم نفيض فيها الحليب ونستعملها راني درت قديرتي تتنقع البارح ونكمل الاجراءات

جهينة اليقين · 2016-05-31, 07:58

بقاو لي الحشايشراني يبستهملكن ما صبتش قرطوفة يا سمراء بالاك غدوة ان شاء الله نرحيهم وكذلك التوابل اما التنظيفات صففففففففففففففففففففففففر الخدامة ما خلاولي حتى مضرب بلا غبرة ننظف خفافي فقط لو كان غير يخلصولي يا لو كان في رمضان ونتعاون انا وبنتي على سعدي

hanamohamed · 2016-05-31, 08:31

صباح جديد صباح جميل صباح كله امل وتفاؤل إن شاء الله
جهينة الله يعنيك وهي فترة وتمر ويكملو الخدمة ويعطيك الصحة على التوجاد وبالبركة
ام هاجر الحمد الله على سلامة وليدك وعلى الكبيرة وعليك بالصدقة و المعروف دائما اوصي نفسي بهم ولو نخرج برادة قهوة معروف
ام متين مبنتش ان شاء الله خير
اروى حبيبتنا توحشناك ياسر يعني بزاف كماتقولو وام البنين النشطة ماشاء الله عليك وغزالة ونسمة وسمراء وام صابرين وامل طمنينا عليك دائما نحب نسال عليكم ولمتنا في رمضان احلى ان شاء الله نحفز بعض على قراءة القران مع وضع تقاريرنا و ذكر الطبخات اليومية ان شاء الله ومرحبا بالملتحقات ....

arwa alaa · 2016-05-31, 08:34

واش راكم يا فراشات
انا مزالي الكوزينة راهي نظيفة نجوز عليها برك بعد مانكمل تحضيرات راح نرحي الفاحات ومنبعد نكمل