صفحة خاصة بأعوان الشرطة الدفعة التكميلة و الدفعة الثانية

[rahim25000]

قسنطينة ما زال مل بان والو

[كمال1981]

المشاركة الأصلية كتبت بواسطة mabrouk19setif

صح يا سي كمال انا وليد بلادك في بوقاعة بصح 300 وراك تلقاني انفاس للسيبار تع سحنون عندي حانوت ثم وسقسيهم على البحري برك بصح انا راني معرفتكش حمادات ولى راني غالط

كيفاه يا مبارك من 300 و كيفاه حمادات ولا راك غالط
افتح الس ك ا ي ب راه عندي اسمك

[mabrouk19setif]

صخ كاينة راك تعرفني وانا مازال ما لقيتكش شكون هذا لي زايد في 81 وفوت معايا الكونكور وانا ما نعرفوش

[rahim25000]

واينكم يا اعوان النظام العمومي كاش جديد ولا والو

[كمال1981]

المشاركة الأصلية كتبت بواسطة mabrouk19setif

صخ كاينة راك تعرفني وانا مازال ما لقيتكش شكون هذا لي زايد في 81 وفوت معايا الكونكور وانا ما نعرفوش

حبيت تعرفني افتح الش ك ا ي ب نقولك شكون انا و نفتح لك لكام

[rahim25000]

واش كاش ما كاين

[كمال1981]

واش مبارك راك روطار يا صاحبي يخي عندك سك ا ي ب افتحه و خلاص ولا غدوة نتلاقاو و خلاص المهم انا راني نعرفك

[mabrouk19setif]

rani tefahtoo ya kamal aw rabi yeftah 3lina ajma3in inchalah

[الشوالي الكبير]

والذين لم يتم استدعائهم

[anobis32]

الشوالي الكبير يحرقون أنفسهم أصحاب افوق 25سنة أمــا لي أقل من 25
يعــاود يفوت

[كمال1981]

المشاركة الأصلية كتبت بواسطة anobis32

الشوالي الكبير يحرقون أنفسهم أصحاب افوق 25سنة أمــا لي أقل من 25
يعــاود يفوت

ههههههههههه الي فوق 25 يبعثونهم الى مزبلة التاريخ ولا كيفاه اصبر برك كاش ما يبان جديد هذه السمانة ولا مكانش انا نقول نذهب الى الحجار يرجعونا فراشط و مغارف خير من الانتضار في قائمة اخرى

[kamale60]

السلام عليكم كيف حالكم

[abdelhaai]

سلام عليكم يا اخواني الشرطة ليمزال معيطو لهمش ماهو مصيرهم هدي لا ليست فنال ولا مزال لا ليست اخري

[fateh019]

المشاركة الأصلية كتبت بواسطة كمال1981

شوف خويا فاتح انا منيش الطبيب بصح نقدر نعطيلك رايي الوزن تاعك راه راح مع الطول الله يبارك و بذلك انا نقول لا يوجد حتى مشكلة فيك بل العكس انا نقول بلي يحتاجو العباد لي كيما انت لا خاطر في الستاج راك تشيان و قد ما تشيان انت راك تطيح في المستوى المقبول و نقولك نصيحة لي راهم اصحاب الدفعة الاولى يقولو فيها و يعاودو ليفاريز و ثم ليفاريز هم الطبيب الوحيد هو ليفاريز و السيكاتريس في الجسم فاقول لك اجلس قدر المستطاع لان الوقوف يؤدي اليهم و خاصة في وزنك ان شاء الله يقبلوك و تنتهي الحكاية اميييييييييييييييييييييين يا ربي
ليفاريز هما = عروق في الرجل او وراء الركبة و لو نها ازرق و تكون ضاهرة بالعين المجردة فهذا الشخص مرفوض نهائيا و الحل لها هو الجلوس لاراحة الارجل و عدم ضهورها فمن هو مقبل على الدخول يرجى منه الجلوس حتى يمر الطبيب ( العب لعبك يا اخ فاتح )

شكرا خويا كمال
ان شاء الله مايكون غير الخير
اما لي فاريز الحمد الله معنديش مشكل وحتى العينين 10/10 والحمد الله و مكاين حتى سيكاتريس في جسمي
بقالي غير الهاجس تاع الوزن ولي راني نحارب فيه هاذ ليامات بالرياضة والريجيم و ربي يجيب الخير ان شاء الله

[kamale60]

المشاركة الأصلية كتبت بواسطة fateh019

شكرا خويا كمال
ان شاء الله مايكون غير الخير
اما لي فاريز الحمد الله معنديش مشكل وحتى العينين 10/10 والحمد الله و مكاين حتى سيكاتريس في جسمي
بقالي غير الهاجس تاع الوزن ولي راني نحارب فيه هاذ ليامات بالرياضة والريجيم و ربي يجيب الخير ان شاء الله

السلام عليكم
خويا كيما قالك الاخ متقلقش روحك
راه الله يبارك وزنك متناسق مع الطول نتاعك و زيد هو حسب القانون الوزن يجب ان لا يتعدى 100 كلغ و انت ماشك 100 كلغ
و زيد كاين جامعة كيما انت و قبلوهم و دخلو معانا نورمال متقلقش روحك
بالتوفيق لك و للجميع