~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 134

ام صفصف · 2016-05-30, 19:32

مساؤكم سعيد ايتها الفراشات
ام البنين فيما يخص السحور ومع هاذ السخانة عموما يكون حليب وتمر ،محلبي او فلون اوياؤوغت او اي تحلية نكوون حضرتها ،وفواكه يعني نتجنبو الاشياء الثقيلة والحلويات الي تعطش ،وعموما كامل نحس الدوخة فالصباح تاع القهوة وتاع قلة النوم حتى لو مانسهروش الليل قصير وربي يعينا انشاء الله

ام صفصف · 2016-05-30, 19:34

اخت كلميليا كان عندنا تقريبا نفس الافكار

روضة 88 · 2016-05-30, 19:50

انا قليل وين نتسحر مش الشهر كامل بصح بما انه رمضان يجي مع السخانة نفضل الفواكه خاصة الدلاع و البطيخ الاصفر و الخوخ الله يبارك فيهم كمية من الماء تخليك متعطش .

منحبش المسفوف،والكسكس لانهم يخليوك تشعر بالجوع،والعطش.

ممكن حليب تمر فلان
...هذو لحوايج لخفاف
اكيد راح نبتعدو عن العصائر و الحلويات بانواعها ونعوضوهم بشرب الماء.

اخواتي هل هناك برنامج روتيني انتاع رمضان.

حبيت نشكر كل وحدة فيكم على تشجيعاتكم على همتكم ونشاطكم
ربي يحفظكم بفضل الله وبفضلكم هجمت اليوم على منطقة ساخنة كرهتلي حياتي كنت ديما نشوفها ونقول من بعد نجي ليك و منرحلهاش لاني،نثقال عليها بصح اليوم تحديتها والحمد لله تهنييييييت.

حياتي كلها امل · 2016-05-30, 20:07

بنسبة لوجبة السحور عليكم بالتمر فهو فيه سكريات تساعد الانسان لكي يقعد فترة مايحسش بالجوع وسكريات التى يحتويها مفيدة غير مضرة مثل الحلويات وعليكم ايضا بالفواكه خاصة التي تحتوي على الماء مثل الدلاع فهي تمنع شعورك بالعطش واجتنبو المملحات مثل الزيتون في تجعل الجسم يطلب الكثير من الماء

omelbanin · 2016-05-30, 20:49

انا وجبة سحور كيما راكم تتكلمو ،عندي التمر ما نستغناش عليه والحليب ولازم نشرب فنجال صغير قهوة مع انو القهوة تسبب العطش ،بصح الله غالب والفتها
.والمالح ما ندورش بيه ،وزوجي نطيبلو طعام بصح ما ناكلوش.

جهينة اليقين · 2016-05-30, 21:17

سلام فراشات الاخت نسمة ديريالماعن فالكراطن كيم قالت الاخي وديري بيناتهم الجرنان او ملابس والثلاجة عادي تروح واقفة فالكاميون ويروحو زوج باش يشدوها

غزالة1 · 2016-05-30, 21:19

السلام عليكم
ان وجبة السحور احيانا مسفوف (كسكس بالزبيب) واحيانا اخرى حليب و بريوش زائد الفاكهة زائد الماااااااااااائ

جهينة اليقين · 2016-05-30, 21:21

اما السحور فهو سنة ولو كان تمر وماء يجعل ربي فيه البركة واحنا كل واحد واش ياكل انا والزوج فواكه الموسم مثل الدلاع والبطيخ ونمووووووووووووووت على اللبن وخبز الدار فقط والاولاد قهوة حليبومحلبي

نسمة صبح · 2016-05-30, 21:24

اهلا حبيباتي ..ام صفصف ..شكرا على الافكار الجميلة خاصة اني نلوي لحوايج بزاورة قديمة والله رحلنا من قبل و تكسرتلي رخامة تاع شمبرا..

كاميلياس شكرا حبيبتي على الافادة

بصح ارواحو نقلكم رجع عيطلي الزوج قالي لقى لكرا équipé و حنا كنا ماويين نهبطوهم و يخليهم عند صاحبو..مش دايرة في بالي اصلا نروح يعني خلطلي لحساابات ..كل مرة هك.. لي ترحل راهي جربت..

لازمني نقلب لخريطة ذرك...ههههه

حبيباتي السحور انا نحب نسحر على ثمرة فاكهة..موز ..تفاح..خوخ اللي متوفر ..ولا ناكل ياؤورت منحملش الحليب سخون و لا ماكلة سخونة..

ساعات ندفي شوي طاجين كلو زبيب و برقوق يعني و نتسحر وساعات سلطة متستغربووووش يوه يوه

غزالة1 · 2016-05-30, 21:24

نسمة بصحتك الانتقال مع زوجك العاقبة للاستقرار
البنات كفاو في الاجابة حبيت نوصيك فقط انو خوذي الاشياء الضرورية و في كل مرة تروحي زيارة خوذي اشياء اخرى يعني مش لازم كلو على مرة واحدة

غزالة1 · 2016-05-30, 21:26

ام هاجر ربي يقدرك اختي على القيام بوليدك و الضيوف و الحمد لله على سلامته

غزالة1 · 2016-05-30, 21:26

مرحبا بكل الجديدات الدار نورت بيكم اخواتي

oum sabrin · 2016-05-30, 23:40

السلام عليكم و رحمة الله
واش راكم مع تحضيراتكم
اختي ام هاجر الحمد لله لتحسن حالة ابنك طهور ان شاء الله
راجعت الصفحات الاخيرة بسرعة مرحبا بالوافدات الجديدات
اشكركن على النشاط و الموضوع المتناول الخاص بالسحور انا و زوجي نشربو قهوة حليب حليب و تمر و شويا بريوش و فواكه و ماء نصبح خفيفة لوكان ناكل حاجة اخرى نصبح ثقيلة .
تارت الليمون راهي اممممممممممم يعطيك الصحة اختي سيرين و ربي ييسر امورك العملية و ترجعي انشاطك.
هناء محمد شكرا على ادعيتك
نسمة ربي ييسرك الرحيل انا شخصيا ما عنديش تجربة و لكن الاخوات ما شاء الله راهم وفاو بافكارهم .
سمراء الله يعطيك صحتك و يقدرك على فعل الخير شكرا على الروابط ما شاء الله المسابقات رائعة و ان شاء الله نقدر نشارك معاكم.
حبيباتي كل واحدة باسمها ربي يحفظكم و يحفظ لمتنا الطيبة

oum sabrin · 2016-05-30, 23:48

تقرير الاحد و الاثنين
يوم الاحد بعدما قطرو الزرابي لي غسلتهم نشرتهم يجفوا وقمت بتنظيف الحمام و المرحاض اكرمكم الله الان راهو باقيلي غير الكولواغ و الدروج و نجوز خفيف على المطبخ لانو مغسول
اليوم الاثنين رحت لبيت اهلي و من ثم قضيت شويا لرمضان فريك و عينة و غيرها و في المساء رجعت .
الى الغد تصبحن على خير

arwa alaa · 2016-05-31, 04:30

صباح الخير عليكم يا فراشات
اسمحولي مقدرتش ندخل البارح العشية
انا السحور ناكل ديسار وحليب بارد بالبريوش والزوج يتسحر محلبي وشوية سقايط بعد التراويح الصباح ينوض يصلي ويشرب الماء يقولك نثقال وانا نصبح خدام وانت نسخف على المسفوف بصح نتفنين نديرو ليا وحدي