~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[سمراء الدنيا]

اسعد الله صباحكم
ربي يوفق جميع الممتحنين

[omelbanin]

انا اليوم باذن الله ، راح نغسل لكويزينيار ،خليتها الاخيرة في المطبخ لاني كنت مترددة باش نفتحها ، شربتها الصيف لي فات ،وخفت نفتحتها نتوخد فيها.
نتوكل على ربي ونفتحها،بسم الله.......

[hanamohamed]

لأرواحكم النقية أجمل تحيات الصباح
صباحكم والبشرى بغدٍ يخْلو من الهموم بإذن الله
اللهم إنا نسألك التوفيق والسداد لجميع ابنائنا
كيف احوالكن جميعا اختي ام هاجر الحمد لله على سلامةابنك طهورا ان شاءالله
اختي ام احلام الله يعافيك ويشفيك إن شاء الله اللهم إني أسألك من عظيم فضلك و لطفك و كرمك و سترك الجميل أن تشفيهم جميعا وجميع مرضى المسلمين

[سمراء الدنيا]

كنت نقرا في الردود و لحد الان قلبي راهو يخبط من الخلعة نتاع ولد ام هاجر لا شر عليه ان شاء الله ربي يشفيه عاجلا غير اجل و ربي يقويك و يعينك و هذو هوما الاولاد ما يكبر راس حتى يشيب راس و هاذي هي الام في جهاد حتى تستحق الجنة تحت اقدامها ... و شكرا للبنات للي لقاتهم معاها في هذاك التوقيت و كل للي دعاو معاها ربي يجازيكم بكل خير

للي عندهم امتحانات قلبي عندكم ... راني مجربة هاذيك الحالة ربي ينزل عليكم السكينة يا رب و يفرحكم ان شاء الله

ترحيب كبير بسرسورة ان شاء الله تكوني بخير انت و البنوتة فرحت كي عرفت بانك متابعة باهتمام و الله نفرح كي نحس انو الدورة عندها فايدة و انو تعب لبنات في كتابة يومياتهم ماراحش يضيع ... و شكرا على الفكرة راح نتعمقو في مناقشتها

نرحب ايضا ب ام احلام و اهلا وسهلا بيك معانا و راهم لبنات جاوبوك على النزيف و ان شاء الله ما تزيديش تشوفيه

تحية تقدير لكل من حطت يومياتها و لكل من حطت فائدة و ان شاء الله لكن بكل حرف حسنة

[سمراء الدنيا]

اختي غزالة جاوبتك في الدردشة على العصير و اسفة على التاخير

بالنسبة للمسابقة فيها 3 تحديات ل 3 اسابيع و الاسبوع الرابع للتصويت و النتائج
عما قريب رايحين نطرحوها و تشوفو التحديات بسيطة و في المتناول اتمنى انكم تشاركو و تنافسو باقي الاقسام
و ممكن تشاركو في تحدي اخر مثل قسم الخياطة او الطبخ الخ (يعني تشاركو في مسابقتين في نفس الوقت) و ان شاء الله راح نشارك معاكم بتطبيقات تشجيعية

[سمراء الدنيا]

كنت ترددت باش نقول على سبب غيابي لكن رجعت و قلت نكتب احسن يخف عليا الضغط شويا


يوم الجمعة كانو عندي ضيوف اخي و صحابو جاو يشرو الخيل لجمعية ثراتية ... الحمد لله فوتها مليح
امس جاو عندي ضيوف اخرين ........ معلمات مكلفات بالتصحيح لشهادة التعليم الابتدائي ... عشية عملت رفيس و كيكة شكولا و لعشا حريرة و لحم محمر و فلفلة و سلاطة
و الصباح طيبت لاتاي و القهوة بكري و رحت وصلتهم للمدارس و خلاو اولادهم عندي ... راني غير نساعف (اه ىيا راسي)
كلموني الان انهم ما يجوش للغدا هذاك علاش قعدت معاكم شويا
راني نخمم لعشية واش نوجد و للعشا

[سمراء الدنيا]

https://www.djelfa.info/vb/showthread.php?t=1953268

[hanamohamed]

اهلا وسهلا بك سمراء الرائعة ياسر عليك الله يكون في العون في ميزان حسانتك ان شاء الله
ام متين جهينة ام البنين .....كيفكن و لكن وحشة رفيقتياتي جميعا

[سيرين 5]

صباح الخير عليكم لبنات ان شاء الله تكونو بخير قريت شويا من الردود و اليوميات لي فاتوني
الصراحة ما عنديش خاطر نشارك لأني عندي ظروف في العمل الله يجعل الخير و خلاص ؟
نبقيكم بالسلامة حتى يفرجها ربي ان شاء الله

[غزالة1]

السلام عليكم
صباحكم خير و سعادة
اللهم وفق ابناء المسلمين في امتحاناتهم
الحمد لله على سلامة وليدك يا ام هاجر و راهو وليدنا كامل
سلام

[omelbanin]

حبيبتي سمراء ربي يكون في عونك انشالله، وضيافك راكي قمتي بيهم الله يبارك ،ولعشا ربي يديرلها حل انشالله.
هنا محمد سقسي عليك الخير حبيبتي ،حنا ايضا توحشناك.
سيرين ختي راكي مسامحة ،انشالله تفريها في خدمتك

[سرور2]

سلام لبنات وشراكم

الي مريض ربي يشفيه والي مهموم ربي يفرج عليه والي تعبان ربي يريحو والي يشتغلو ربي يعنهم

نضت اليوم على 5.30درتسبور ومنبعد سيقت الحالة من الغبار انتاع البارح وعودت مسحة للبوطاجي وكملت طيبت لفطور ومن بعد طيبت لغدى شربة فريك ودرت دوش

راح الزوج جابلي مصروف فرزتو في الثلاجة وجابلي البرقوق خدمت منو لرمضان احسن منشريه (فورتو في كسكاس ومن بعد ذريت السكر وكبرد درتو في المجمد )لطاجين حلو لكتب ربي وطيبتو

ودرت سلاطة وفلفل كعدت قريب نكمل جات العين عمرت السترنة والبتية وغسلت القش تهنيت منو وعودت سيقت لحواش وفرزت الحالة وجيت قلت نرتاحج شوي لبين مجاو يتغداو هذا يومي

العشوة منعرف كشماتخرجلي خدمة اخرى واذا مكانش ندير سبور ونرتاح

[سيرين 5]

أم البنين شكرا ربي يفرحك و على الزعاف البارح درت تارت تاع القارص جات تهببببل ههههههههههه الله يجعل الخير و خلاص

[hanamohamed]

سيرين يعطيك الصحة وماشاء الله عليك جاءت روعة استعملت عجينة الهام
ام البنين من فضلك ذكريني بالعجينة راك تستعملي فيها لترتولات
اليوم راني مع غسيل غش الشتاء والمضرب راني متاخرة كثير لضروف المرض ومع التحاليل والامس نزعت الضرسة
الله يبعد المرض والبلاء عنكم و على كل مسلم

[omelbanin]

هنا محمد ،انا لعجينة كنت ندير وحدة تشبه وصفة الكروكي ،
بصح كي جربت نتا الهام خير اقتصادية وهشيشة، اليك المقادير:
4كيلات فرينة ،كيلة زيت،حبة بيض ، كيس خميرة كيميائية ، قرصة ملح ، زوج مغرف سكر رطب،ماء وماء الزهر.
طمي العجينة عادي وديريها في تلاجة نص ساعة ، وممبعد شكلي كريات قيس لي مول لي عندك و كسليهم وديريهم فيها. واتقبيهم بالشوكة ،وعودي رجعيهم للتلاجة ربع ساعة. بعدها طيبيهم كي يولو الحواف برتقالي نحيهم ،كي يبردو احشيهم كيما تحبي،
ملاحظة : بهده العجينة تقدري ديريهم دي كيش ،ما ديريش السكر.
وتانيك هي كيلت بغرفية نتاع الحليب خرجتلي 7تارتولات ولا زوج كبار.