جيـــــــناااكم على الحسب و النسب نخطبوا بنتكم لوليـــــدناااا .... هههه

[أمـــ الجزائرـــــــــال]

المشاركة الأصلية كتبت بواسطة *الفتى الصغير*

شكرا اختي ام انفال

راني اتصلت بالوالدة و قالتلي بان التقاليد هاذي ماشي موجودة عندنا

لا طبق و لا شيء

اخي الكبير تزوج

راحت امي و خالتي و اختي الكبيرة و زوجة عمي(ما عنديش عمتي ..ههه))

و هوما دارو كلش و اختي هي اللي دارت الخاتم

لا حفلة لا كاميرا و لا رقيص و لا شطيح

ههههه

هكذا كل شيء بسيط






======================

و كيما قال جهاد اذا العقلية صح هكذا انا بطلت

aou ntou madoirou oualou

lhala habssa 3andkom

ou chkoun hadi li takbal madirch hafla ou kamira ou

smahli nkolak hna lokan maydiralhach 3arss btba3 matakbalch bih

al inssan yatzaouaj mara f hyatou alors lazam idir l3arss b chan

hada rayi


tahiyati akhi lkarim


ou rabi ya3tik matatmana

[أمـــ الجزائرـــــــــال]

maoudou3ak oukhti aktar min moumayaz

ya3tik saha

al 3adat ta3na presque kif kif mais
la premiere fois ki irouhou yakhatbou mayrohch la3riss trouh yamah ou babah ou khtou ou mart khouh lakbir

ila 3ajbathoum
ki yaraj3o la 2eme fois irouh

ila 3ajbatou imadalha draham machi khatam

ki idirou tbak li ymadalha khatam et b1sur manansaouch lajhaz ta3 tbak

ou b1 sur koul mounassaba b les cadeau dyalaha c pr ca mlih li yakhtab df chta ou ydir l3arss f sif hhhh

nhar lhana makach had l3ada ta3 louiz

ou lbaki kif kif


tahiyati oukhti

[أمـــ الجزائرـــــــــال]

المشاركة الأصلية كتبت بواسطة *الفتى الصغير*

اواه ختي ام انفال انا وين راني عايش

؟؟؟؟
ههههههه

احنا الجهاز يجيبوه نهار العرس

كي تجي العروس يجي الجهاز معها فالكورتاج

و لا راني غالط يا جماعة؟؟؟؟

=============================

و زيد اهل العروس ما يجوش عند اهل العريس

اطلاقا

الا يوم العرس

؟؟؟؟

ih rak galat


hhhhhhhhhhhhhhhhhhhh

aouah nta l3alam li rak 3ayach fih ouahdou


llajhaz irouh makbal l3arss bach iratbouh kamal f dar la3roussa

bach ki tji ldarha talka koulach bien

salam

[thorpe]

اولا اريد من خلال هذا الموضوع تقديم تحية جد جد جد جد جد ج د جد كبيرة لاختي المحترمة والموقرة واول انسان اعرفه من المنتدى (( فرفورة )) (( ام انفال )) (( الامل القادم ))
ربي يحفظها لوليداتها يا رب

المهم يا خويا فارس هاو ليك ردي على وضوع الاخت ام انفال

المشاركة الأصلية كتبت بواسطة thorpe

والله خاطيني البوليتيك نتاع النسوان يا اختي مي ماعليش ضرك نحكي واش نعرف
انا حظرت خطبة نتاع صاحبي وكنت مع الرجال قاعد نصور
دار حديث بين الرجال يعني عادي راكي تعرفي
هههه قبل ما يبداو فالموضوع يحكو على السياسة والبالو وحوال الدنيا والباطاطا هه وووووو ههههه
ياو انا طقيت وليت نقول لصاحبي هيا يا ولدي خلينا نروحو قولو يدخل فالميفيد
لاني ما كنتش مرتاح يعني راكي عارفة في بيت غير بيتك وناس ما تعرفهمش وكنت نحس بلي رانا تحت الرقابة من الكمرات النسائية ههههه يعني لازم
كي تضحك ما تكشخش باش ما ينتاقدوكش
وكي تاكل ما تنساش على روحي كول غير بالشوي كلام النساء واعر ههههه
ايا من بعد قالو اب صديقي
شوف يا سي فلان
رانا جيناك طالبين يد بنتك فلانة ليد وليدنا فلان بالحلال
انا حشمت هههههه وجهي حمار وكنت قاعد نصور
والد البنت عدل روحو فالقعدة من بعد قالو على الرحب والسعة خيار النسب
تصقيني والله العظيم توترت وكاني انا هو الي قاعد نطلب في يد البنت ماشي اب صاحبي
دورت شفت مع صاحبي لقيتو حمر في وجهو من الحشمة ههه نغزتو برجلي وقلتلو اييييه يا وجه الحيا انت تحشم انت هههه تبسم وقالي اسكت عيا وهو يضحك بيعنيه هههه
ايا قال اب صاحبي واش تشرط ي خويا
واش هي شروطكم وان شاء الله سنوفق في تلبيتها
اب العروس قالو والله يا خويا ما نشرطو غير الهنا والي تقدرو عليه مرحبا بيه
قالو اب صاحبي
شوف انا زوجت 2 بناتي وهاد البنت الي جاي نخطبها لوليدي رايحة تكون بنتي
وانا شروطي في بناتي الاثنين
10 ملاين و زوج قناطر صوف
قالو اب العروس على الرحب والسعة رايك والباراكة
ايا هكا شوي لقينا التزغريد قام
هههههه يوويوويويويوويييييييييي
عرفتها انا بلي كنا تحت الرقابة الدولية نتاع النساء
ايا من بعد قالو للعريس هيا روح لبسلها الخاتم وكولو القاطو من يدين بعضكم
قالي صاحبي العريس هيا باش تصورني
لثم انا وليت مانيش عبد وحكيت على طبيعتي
ههههه قلتلو انت مريض والل ما نجي وسط النساء
مديت الكاميرا لاخ العريس الصغير وفهمتو كيفاش يخدم بيها وهو راح في بلاستي وانا قعدت مع الرجال وقعدت ناكل فالقاطو براحتي لانو كامل راهم تشغلو سور
هههههه
هذا ما نعرف اختي انا وانشاء الله نكون قد وفقت في اثراء موضوعك الرائع ولو بالقليل

اسمع حبيت برك نقولك
الخطرة الجاية دير الشاب جزائري والبنت المانية
الشام اسمو حسين والبنت ماريا
اوكي ؟
هههه

[ايمان العرب]

السلااام عليكم و رحمة الله و بركااااته
لما شفت هذا الموضوع...طلع في الصفحة الاولى نتاع قسم الترحيب
رجع بيا للوراء تقريبا ب 5 او 6 اشهر
كنت نتابع فيه لانو ام انفال الله يبارك عليها عرفت كيفاش تصيغو
و كنت شاركت فيه مرة
و في الاسفل راه مشاركتي و الرد نتاع ام انفال
بصح....كان فااال خير عليا....هههههههههه
لانو لحد الان مريت على كل المراحل الواحدة تلو الاخرى تماما كما في الموضوع...بقات التالية برك
ادعوووولي ربي يتمم على خير
و عقباال الي مازالوا
ايا الي حبت تمر على المراحل دير مشاركة و ام انفال تدعيلها دعاوي الخير
.
.
.
.
.
.ههههههههههههه
.
.
.
.
.
.
.:d:d:d:d:d:d:d:d:d
راني نتمسخر معاكم كل شئ بالمكتوب نتاع ربي سبحانو
بصح عقبال الي مازالو
.
.
.
.
.
في المرة المقبلة ان شااااء الله نحكيلكم انا ثاني بالتفصيل كل الخطوات:

المشاركة الأصلية كتبت بواسطة الأمل القااااادم

و عليك السلااام و رحمة الله و بركااااتـــــــــــــــــــــــه

مروووركِ هو الأروع غاااليتي إيماااان

ان شاااء الله ربي يزين سعدك و يبعثلك ولد الحلااال لي
يسعدك و يعرف قيمتك



يااا ريت تشاااركينااا و تحكيلنااا عن بعض عاااداااتكم

و ابقي متتبّعة
فالعديد من المفاااجآاااات في المراااحل الآاااتية

فلااا تفوّتيهااااا

المشاركة الأصلية كتبت بواسطة ايمان العرب

السلام عليكم و رحمة الله و بركاته
موضوع رائع ام انفال...حنا ثاني عندنا هذي التقاليييييييد اثناء الخطبة....بصح حاليا راهي بزااااف مكلفة..راهم ينقصو بعض الامورر....اووووووو...انا كي قريت برك...تخيلتها تصرالي ...
اياا رانا نستناو...في الصح نتاع الصحح.....العرس
بانتظار المزيد
سلاااااااااااااااااااام

[الزبرجد]

كان فااال خير عليا....هههههههههه
لانو لحد الان مريت على كل المراحل الواحدة تلو الاخرى تماما كما في الموضوع...بقات التالية برك
ادعوووولي ربي يتمم على خير
و عقباال الي مازالوا
ايا الي حبت تمر على المراحل دير مشاركة و ام انفال تدعيلها دعاوي الخير

انا سكنت هنا بصح ما بان والو لحد الساعة

[ايمان العرب]

المشاركة الأصلية كتبت بواسطة الزبرجد

انا سكنت هنا بصح ما بان والو لحد الساعة

اذا مشاركتك ضعييييفة
او ام انفال الشو نتاع الدعاء كان قليل كي دعاتلك



ربي يجيب الفرج ان شاء الله...و يسعدك كل ابناء المسلمين
.
.
.
.
.

[هند الجزايرية]

المشاركة الأصلية كتبت بواسطة imi02i

موضوع غاية في الروعة
أما بالنسبة لي أنا راح نختصر لكم قصة زفاف اخي
كالعادة لحق 27 سنة قال لماما لا زم .نتزوج راني وليت راجل
وقالها أخطبيلي على نظر عينك اللي ترضاي عليها انتي هذيك اللي نحوس عليها
ماما كانت حاطة عينها على وحدا قريبة لينا
في يوم من الأيام رحت لبنت خالي وهذي الفتاة اللي رايحين نخطبوها تكون أخت زوج بنت خالي
رحت ليهم
شفتها وعرفتها
ومن بعد ماما راحت هي وجدتي زيارة لبنت خالي وفي نفس الوقت راهم يشوفوا في الأجواء
"غير من التحت للتحت "
أيا ومن بعد اتصلنا بالعائلة نتاعها
وراحت الوالدة وأفراد من العائلة نتاعنا والوالد وأخي الكبير و....و....
شافو البنت "قصدي النسا برك هوما اللي شافوها"
ومن بعد تفاهمنا على النهار اللي يجي فيه العريس باش يشوف الطفلة
خويا كان متحير بزاف واش يدي معاه هدية
كل واحد في دارنا يدبر عليه ويقلو واش تدي معاك
الوالد قالو اشري خاتم نتاع ذهب واديه معاك
إذا عجباتك لبسولها وإذا معجباتكش متوريهش كامل رجعو معاك "هههههههههههه"
وفي الأخير شرينا هدية خفيفة
ورحت أنا وخويا وجدتي لأهل الطفلة
شافها خويا وعجباتو وتمت الموافقة من كلا الطرفين
هو رجع للبيت قاتلو زوجة أخي الأكبر
كفاه الأحوال ؟
قالها غير زغرتي برك....
أيام قليلة عولنا باش نروحو ندفعو المهر
ومن العادة المهر يتفقو عليه قبل العرس
وكاين اللي ميدلوش يوم العقد وشحال المهر
****
**
*
كالعادة حددنا موعد الخطوبة
رحنا لبيت العروسة
كان في يدينا الشرط والخاتم وحقيبة من الأقمشة
استقبلونا استقبال مليح هوما وكل المدعوين اللي عندهم
كلينا وشربناو في وقتها الرجال عقدوا العقد الشرعي ودفعو المهر
ومن بعد درنا الحنة للعروسة تحت الزغاريت والولاويل
فترة ثلاثة أشهر
العروسة راهي تحضر والعريس راه يحضر
أعلنا موعد الزواج
ولحق نهار العرس
وزفت العروس إلى زوجها
أما أنا من بعد العرس مرضت مرض شديد منعني من الذهاب إلى الامتحانات
ههههههههه
وهذه القصة بكل اختصار

قصة هايلاااااا

[الزهرة السمرة]

احنا في جيجل نهار العرس يجي لعريس يدي لعروسة ماشي بوه