كوزينة حراير المنتدى

[فاتي 05]

اختي idemi16 البريوش درتو بالزيت برك و مشكورة على كلامك الحلو حبيبية

[RIMA.87]

صح عشاكم اختي فاتي و البريووش رووووعة بصحتكم

اهلين رزيقة بصحتك العطلة استمتعي و ريحي حتى ترجعي بقوة و نشاط و حماس ،و بصحتكم البيتزا راكي عذبتينا بالصور ههههههه

[RIMA.87]

السلام عليكم و رحمة الله و بركاته
صباحكم سعيد يا احلى لمة ،
اختي ديما بسم الله ما شآء الله اطايبك رووووعة خاصة التحلية تشهي و بصحتكم،

اختي ملاك و البدرية ما شاء الله عليكم راكم مع مهرجان الطماطم على قول ام اسلام ربي يحفظها راهي غايبة علينا و مشكورين على الافكار لي قدمتوها،
بالنسبة لقناة الاخت بيبا زرتها ما شاء الله عليها و جزاها الله خيرا وصفاتها مضمونة ، و عندي قناة ام اسيل لي نتبعها و طبقت منها بعض الوصفات ناجحة ما شاء الله جزاها الله خيرا هي الاخرى،

اختي ام مهدي بالنسبة لوصفة الكرواصون تلقاي الفيديو في اليوتوب فقط هي دارت الحشو بالجبن و انا درتو بشكولا الطلاء ،
اكتبي في خانة البحث كرواصو بالجبن لمسة شهرزاد و الفيديو الاول في نتيجة البحث هذاك هو ، كما موضح في الصورة



يوم موفق للجميع

[idem16a]

مساء الخير عليكم يا الحراير،كيفاه احوالكم،،
ان شاء الله بخير،،،جاو في بالي :طيور الجنان(سعيدة)والله توحشتها بزاف،،كنت نراجع في كوزينة نهال واش فاتني،،نضن وليدها كان مريض،ان شاء الله تكون تحسنت حالتو يا رب وتكون بخير،،،ام هدول،،بيان،طيموشة،نهال،سوسو،ام فاطمة،كيف احوال زوجها واسماء كثيرة،اسمحولي ما ذكرتش اسماءهم،،،،وليدي راهو يوعوع عند راسي،،،الكتيبة تلفت،،،،هذا القاطو كملتو درك للقهوة،وصح قهوتكم تفضلو
وريمة يعطيك الصحة الحبيبة على الوصفة،درك ندخل،شكرا

[idem16a]

عشانا غراتان بطاطا بالبيشاميل،والفواكه
والحمد لله

[RIMA.87]

السلام عليكم
صح عشاكم اخواتي في الله
عشانا اليوم حساء الخضار و فواكه و الحمد لله على نعمه.

[RIMA.87]

اختي ام مهدي هذه الصور ديالك كتبتلك اسم عضويتك عليها
ما شاء الله القاطو باين هشوش و اكيد بنين،
و القراتان خفيف يوالم في السخانة بصحتكم

[حميدحليم]

ماشاء. الله تبارك الحمان

[ملاك ملاكي]

سلااااامو حبيباتي كي راكم قااااع غااااية.... خلي نقرعج شوي ونرجعلكم

[حياة نور الدين]

اسلام عليكن واش راكم حبيباتي اسمحولي على الغياب النت مكانش عندي وشكرااا على مشاعركم النبيلة حبيباتي قلتلكم نعم الاخوات ربي يحفظكم ولكن حضن كبيييييير

ريمة ماشاء الله عليك وشكراا على وصفة البتي فور وراكي قائمة بخياتك ربي يحفظك

اسومتي الف مرحبا البحر ينور ههه بطلتك وربيي يخليك بابيشتي لحلوة في انتظار اطباقك ومقترحك نزيدوا نخلوا شوية ونشوفوا التفاعل اوكي

ملوكني الزينة البيتزا تهبل قوليلي جربتي الوصفة لي حطيتها صدقيني مغ فرامجها جي كما احسن من تع برااا وربي يوفق زوجك ويعلي مراتبه يا رب الدس من يديك يهبل هههه

ديما ربي يعلي مقدارك ويحفظك اطباقك روووعة شكرااااا حنونتي

بنت خالتي تامني بربي نمت دخلت ولقيتك حطيتي بيتزا وبعدها تلمينا وكلينا منها بصحتك الفاكونس وفرحت تحقق حلمي ودخلتي في انتظار عودتك حنونة

ام مهدي حسبي الله ونعم الوكيل واسمحيلي اخنتي قلبت عليك المواجع وربي يهديهم واطباقك رووووعة بصحتكم حنونتي

فاتي على سلامتك واطباافك رووووعة حنونتي يعطيك الصحة

البدرية اهلااا ويعطيك الصحة فحلة الله يبارك عليك

البنات ربي يخليكم نورتوا الكوزينة وفرحتوني

سعيدة ة ...ام رحاب... مريوم.....اسيا.......ام هدول......جازية..... ام فاطمة .....امنية........والقائمة طويلة نورونا بطلتكم حبيباتي

[حياة نور الدين]

تفضلوا عشايا واسمحولي ادا الصور كبيرة او غير واضحة مزال نوالف نحدم بالميكرو درت جوت ومقرون حااار ينحي الدمار

[فاتي 05]

[idem16a]

المشاركة الأصلية كتبت بواسطة فاتي 05

صباحك اسعد حبيبتي فاتي،،واسعدتنا والله بالادعية، ربي يفرحك،،ويسعدك،،وينورلك دربك يا رب

[idem16a]

المشاركة الأصلية كتبت بواسطة rima.87

اختي ام مهدي هذه الصور ديالك كتبتلك اسم عضويتك عليها
ما شاء الله القاطو باين هشوش و اكيد بنين،
و القراتان خفيف يوالم في السخانة بصحتكم

صباحك سعيد ريما،وربي يجازيك،والله افرحتني بوضع اسم عضويتي على الصورو،،ربي يفتحها عليك اينما كنتي حبيبتي،،،وبالصحة على الحساء والفواكه

[idem16a]

المشاركة الأصلية كتبت بواسطة حياة نور الدين

تفضلوا عشايا واسمحولي ادا الصور كبيرة او غير واضحة مزال نوالف نحدم بالميكرو درت جوت ومقرون حااار ينحي الدمار

اهلا حياة،كيفاه راكي،،ان شاء الله بخير،،الله الله على طبق الحوت،،،والماقرون ههههه،ضحكتيني كي قلتي حار ينحي الدمار،،،،غسيتي والله،،،الله يفرجها ويفتحها عليك يارب يا رب يا رب،،،،،