الجزء90 من واش طيبتي اليوم **مبارك علينا الشهر الفضيل**

[lilouchaf]

salam lebnet ouch rakoum ou saha ramdankoum touahchtkoum bezef
mabrouk alikoum kouzinet ramdan fateni bezef bessah allah galeb kanet dourouf

[lilouchaf]

صح رمضآنكم توحشتكم موت

[حبي لأمي]

مبروك لكل الناجحين في البيام اللي حنا فطورنا حريرة، طاجين الحلو، الزيتون، البوراك ، السلاطة ، الفلان، راني نسيي في قلب اللوز للاخت ليليا30 ان شاء الله ينجح، صح فطوركم ومبارك عليكم الشهر

[zahra30]

مبرووووك العتبة الجديدة اختي ام سلام واية ويوسف وربي يحفظهولك ويكبرو في طاعتو
ما شاء الله كلش هاااايل ويشهي ربي يبارك في النعم ويسلم اليدين اللي خدموهم ياااارب
اول يوم من رمضان الكريم ربي يقبل منكم ومنا الصيام والقيام وصالح الاعماااال يااارب ويحط البركة في كل نعمة من نعمو رزق صحة هناء اولاد وووو يااارب
تستاهلي بارووك للاسف جربت اختي قلب اللوز بصح ماخرجلهاش ملييح والبنة امبعد نذوقو ونشوفو ونحطهولكم ان شاء الله
وهذا من الارشييف






دائمة الحمد مبرووووك عليكم المزيود يتربى في عزكم ان شاء الله وربي يشفى الحبيبة اسينات هذا وين شفت الخبر ههههههه والله فرحتلك من قلبي وعقبااال لكل حاامل

[fatalim]

هذا وين كملت درت شربة فريك وبوراك ومطلوع اول يوم ماناكلوش بزاف ودوكا حبيت ندير قلب اللوز باللبن وراني خايفة نفشل

[ladymillion]

ملاك مالا كيعاد ماعندكمش لحم الحلال اشريو السمك وكولوا وادي معاك منا القديد ههههههه هكذا وخلاص المهم ربي يهنيك حنونة حقا قوليلي هذاك النهار قلتيلي وانا ماتباركيليش ؟؟؟ قوليلي باش نفرحوا معاك

شاوية حرة الله ستركم وربي يشافييييييييييكم ويبعد عليكم البلاء لازم تصدقوا لدفع البلاء وتقراو سورة البقرة وتكثرا من الدعاء وقراءة القرآن أكيييييييييييييد راح تتحسنو الله يكون معاك حبيبتي وندعيولك ولكل المسلمين امة محمد نبينا الصادق نتمنى من كل قلبي ربي يخفف عليكم ويشافيكم يارب الله يهنيييييييييييييييك ويفتح عليك ابواب الخير لحبيبة رحمة ربي واسعة

ليزابيل حنا لازم أول يوم يكون البوراك ههههههههه مادة من الدستور لا يجب تغييرها

[أم فاطيمة]

السلام عليكم
فطورنا اليوم انشاء الله حريرة و بوراك و لحلو و مرقة بيضاء بالشونبينيو و لسكالوب و لورداف و فواكه و لجو
وزلابية و سيقار مع الفهوة
و الحمد لله اللهم ادم النعم و احفظها من الزوال
اخني شاوية حرة لباس عليك ربي يشفيك و يشفي خوك كثرو الصدقة و قراءة القران و حصني نفسك

[zahra30]

المشاركة الأصلية كتبت بواسطة شاوية حرة 05

صحا رمضانكم كامل والف مبرووووووووك الكوزينة الجديدة ومبرووك للناجحين حبيباتي راني نطلب منكم طلب نتمنى ما ترودنيش خايبة ارجوكم ادعولي باالشفاء الايام لي فاتت ضربتني التريستي انا واختي الصغيرة منعنا من الموت با عجوبة والحمدلله تكسرت من رجلي ومن يدي والكارثة تحرقت رجلي واختي تحرقو يديها وصابو لطا ونسيو تاع قلبي 4 على 10 قالي الطبيب لوكان ماشي اختك لي هزت عليك النص كنت ميت المهم البلاء من عند الله والحمدلله والبارح خويا تاني ضربتو طومبيل راه في حالة ارجوكم نحتاج لدعائكم امانة

الحمد لله على سلامتكم وربي يجيب الشفى لخوك عاجلا غير اجل كثرومن الدعاء والصلاة والاستغفار وفي هذا الشهر الكريم بالمعرووف وربي يقبل منكم ومنا صالح الاعماااال يارب

المشاركة الأصلية كتبت بواسطة أم لجين 28

السلام عليكم
رمضان مبارك وتصوموه بالصحة والهناء والله يتقبل منا صالح الاعمال
لقد طال غياب عليكم عام تماما والان قد عدت وان شاء الله ساشارككم موائدكم وحاجة اخرى ما ننساهاش والله توحشتكم بزاف

اهلا بالحامل والمحمول على قول وحدة العزيزة توحشناها الحاجة بروووووقة

المشاركة الأصلية كتبت بواسطة دائمة الحمد

كيا اسينات راني رايحة ليها للكلينيك منبعد شوي نديلها غداها راهي راح تنضم لشلة ام امنية ربي يشافيكم جميعا وادعولنا دعوةالمريض مستجابة
مازال ماتخرجش على جال السيزاريان
ام ساجد ابعثيلي شوي مطلوعة نموت عليها ومايحبوهاش في رمضان يحبو كسرة كوشة والا رخساس

الف الف مبروووك ياجدة موااااح وربي يشفي اسينات

فطورنا ان شاء الله شربة فريك ومطلوع ورخساس وطاجين الحلو وسلاطة وديسار وفلون والحمد لله

[omomnia15]

سلام حبوبات راكم شاطرين الله يبارك ويقويكم انا رقت ونضت دايخة ولاتونسيو نظن راهي طالعة وحاشاكم رجليا منفخين مزالت الشربة موجدتش ولحم الحلو راهو يعقد شكون تقولي اذا نقدر نحشي لسوفلي بالبطاطا وفرماج ومعدنوس موالفة ندير بيه البوراك بصح السوفلي جامي

[omomnia15]

شاوية حرة لباس عليكم حنونة ربي ستركم خرجي صدقة وربي يشافيكم

[مرام 1987]

ربي يعينكم على الطياب والكوزينة

[zahra30]

نقولكم صح فطوركم كااامل وربي يقبل منكم ومنا صالح الاعمال حتى انا ولد اختي اخر العنقود انتاعها انجح في البيام والحمد لله
وكانت عندنا وفاة نهار الجمعة وخلات بنات ماشي مزوجات ربي يصبرهم والله غاضوني وربي يرحم جميع موتى المسلمين ويشفي جمييع مرضاه يا حنيين كريم يااارب
راني راجعت شوية راكم كامل في بالي الهامووو وام ابراهيم ماري وملاك نووور وليزابال وام ياسو وام محمد تاجوووو وووووووووو القائمة عريضة وطويلة صح صيااامكم وربي يقبل وسلامي لكل وحدة فيكم

[أم إناس]

السلام عليكم اخواتي
وجدت الشربه فريك. والفلفل اي الحميس. وطجين الحلو وحشو البوراك بصح مازال ماعمرتوش والخبز راه يخمر والحمدولله
ام امنيه صحه رمضانك وشراكي مع الحمل. والسوفلي مي تعمريه. بالبطاطا والل فرماج يجيك ثقيل ياسر المعزة البطاطا نشويات. والعحينه كيف كيف. وانت وش تحبي
وصح فطورك.
زهرة حنونه. صح رمضانك والصحه كيفاش راه. ويعطيك الصحه على الحلويات راه اممممممممم
شوية حرة الحمدولله ربي ستر وصح فطوركم
ليدي وطومه صح فطوركم
ماري صح فطورك والله يشافيك
مبروك على مل الناجحين ولعقوبه للباك وأعلى الشهدات
واليوم راني تعبانه رجليا مقدرتش نهزهم واو نمشي درت الميناج للكوزينه واااااع
والحمدولله

[omomnia15]

راني متفاتنة انا وبناتي على السوفلي كل وحدة تقول بعدي راني نعرف ولا القط يعلم بوه النط

[مرام 1987]

المشاركة الأصلية كتبت بواسطة omomnia15

راني متفاتنة انا وبناتي على السوفلي كل وحدة تقول بعدي راني نعرف ولا القط يعلم بوه النط

هههههه ام أمنية ضحكتيني
روحي ترتحي وخليهم يلبزو كيما يعرفو ههههه