الجزء 30من واش طيبتي اليوم؟؟للفحلات تاع المنتدى - الصفحة 13

عطرالذهب · 2013-10-02, 10:18

صباح الخير لافحل البنات طياباتكم الكل يسخفو يعطيكم الصحة و للسكرتيرة الصغيرة نقوللك راكي 4444444 قايمة بيها وزيادة سلميلي على ليدي بصحتكم الحمص

ساندي 28 · 2013-10-02, 10:19

صباح الخير مبروك االكوزينه الجديده ان شاء الله تكون خير فال خير علينا يارب
كنت مع الميناج كبير نتاع العيد وبخرت الدار وحطيت سورة البقرة رااائعه
ودركي قلت نشوفكم فطورى اليوم قوفريط ههههههههههههه
الهام صباحو عسل دركي نحط لمجه نجمو ياخذها للمدرسه نروح نوجد شويه الغداء ونرجع

nihale89 · 2013-10-02, 10:20

حاندر للغداء سلاطة خضرة مفورة والحمد لله

إلهام07 · 2013-10-02, 10:23

هههههههههههههههههه طمطومة هههههههههههه العبي براحتك بصحتك خخخخخخخخخخخخخخ

ام نجم وعطر صباحكم سكر على قولة كاظم الساهر ههههههههههههههههه

ام الهضاب · 2013-10-02, 10:25

راهي وجدت الغريبية الآن هههههه

عطرالذهب · 2013-10-02, 10:25

صباح الخير يا مدلل على قول نبيل شعيل يا لهووووووووومة اللهلوبة

ilbeldelmondo · 2013-10-02, 10:28

Parfum شكرًا حبيبتي انت و لهومة
واش جديد العيد

عطرالذهب · 2013-10-02, 10:29

انا البارح كملت قاطوات العرس اووووووووف واليوم جت مولاتهم باش تديهم عجبوها بالزااااااااااف حووحووو هههههه واليوم قلت نرتاح شوي باش نبدا نحضر للعيد وغدايا قليان امممممم ومطلوع

tokio hotel · 2013-10-02, 10:32

شكرا اختى امنيات و ام ابراهيم شديتى اسمى ههههربى يبارك فيكم و يعطيكم ما تتمناو فى هاد العواشر

إلهام07 · 2013-10-02, 10:34

أنا ناس ملاح غضتوني هاكو تشوفو واش لبزت بصح هذي غير الحلقة الأولى برك :

البارح العشية ماقدرتش ندخل للمنتدى وليت رحت لعمي قوقل هزيت وصفة نتاع الزهر نتاع فوكاتشيا وطبقتها للعشاء
طبعا الفوكاتشيا راهي خبز خوكم رجعها "فطيرة " يعني وجبة رئيسية ماشي خبز
راهي اقتصادية وخفيفة تهبل والله ماتو عليه وتفاجأت مابانش خلاص فيه ريحة زيت الزيتون وعجبهم بزاف بزاف قالولي خير من البيتزا واي واي واي راحية ندير بيه حالة

شوفو درت الخبز عادي بصح حاولت نديرو رقيق مع ذلك طلع بزاف وجا خفيف ريشة مع أنو مافيهش بيكاربونات غير خميرة الخبز ودرت شوية نتاع صوص طومات دهنت بيها وجه الخبزة وكنت قليت باذنجان شرائح حطيتو من فوق ( لازم يكون هبي ماشي محمر باش مايتحرقش ) ودرت من فوق زعيترة ويزت زيتون وقطع جبن كامومبير وزيتون أخصر شرائح وزيتون اسود طبعا كل شيء لازم تغرسيه في العجين
طبعا عاودت خمرتها قبل الطياب وسخنت الفرن مليح ودخلتها للفرن
ونقوللكم عفسة مليحة طيبو بيها الفوكاتشيا وكل أنواع الخبز : ديرو ماعون فيه شوية ماء يغلي تحطوه في الرف السفلي نتاع الفرن باش البخار يساعد العجين ينتفخ أكثر تخليوه غير 15د الأولى نتاع الخبز ومن بعد تنحيوه

هنا بعد مازينتها و قبل لاتخمر :

كي طابت من تحت زدت جبدتها رابيت عليها شوية شيدار من فوق وحمرتها من فوق :

انا درت غير حبة وحدة باذنجان بانتلي بزاف بصح ظهرتلي من بعد قليل المرة الجاية ندير 2 حبات
أنتوما ديرو واش تحبو أنا رايحة اليوم إذا ماتبدلش البرامج نديرها بالاسكالوب والشامبينيون وشرائح البصل والجبن جي

أنتوما ديرو أي حاجة تحبو والله فكرة هايلة غير شوية تزيين من فوق وخلاص راهي اقتصادية وساهلة ماهلة

مازالت حاجة أخرى جربتها واليوم نطيبها وإذا جات مليحة نقوللكم عليها

ilbeldelmondo · 2013-10-02, 10:35

ام الهضاب ماشاء الله سخفتيني لكن انا حابة نجرب واحد الوصفة تاع الغريبية الإيرانية تجي بيضاء و مقرمشة بلاك نديرها اذا سمحت الحكومة ههههه راهي رجعت من السوق
ام نجم يعطيك الصحة يا الفحلة

إلهام07 · 2013-10-02, 10:40

أم الهضاب الغريبية تهبل سخفتوني لازم نديرها
بصح الصور نتاعك كباااااااااااااااااااااااار

أم ماجد · 2013-10-02, 10:43

لبنات راني رجعت
الهام سخفتيني واعععععع وقلبي راهو يوجع بزاف ماعرفتش علاه ؟
ام ريمة ربي يسهل لريمة قلبي معاك اه يا الام واش تعاني
لبنات الطماطم انا نشويها ونقشرها ونحيلها البذور ونرحيها وفي علب او اكياس بلاستيكية الى المجمد مباشرة
الهام مازال الرفيس تاع البارح كي اجي روزا تغداي معاها ماتحبش العدس ام تشرط بزاف
ورايحة نبعث لحارس الحي صحن

ilbeldelmondo · 2013-10-02, 10:44

لهومة خرجلك هايل يشبه للبيتزا البضنجال

ilbeldelmondo · 2013-10-02, 10:45

مرحباً بيك ام ماجد واش راكي