♥♥واش طيبتي اليوم ؟؟؟؟؟؟؟؟؟الجزء23♥♥ - الصفحة 13

أم محمد تاج · 2013-08-20, 12:21

صباحووووووووووو بناويييييت نشالله تكونو لاباس
لهوووومة الغالية شكرا وألف شكر ليك والله خيرك ما ننساهش مدى الحياة
وراني عاودت التشراك بعجينة أم اماني وحشوة كاكي كيما انت وقلاصاج تاعي تعلمتووو من عند وحدة خبيرة الحلويات والله يذوب في الفم وماييبسش طول راني مجرباتو من قبل وخرجلي هايل مبعد نحط الصور
ولمخبز كي شاحت لعجينة جا يهبل ثاني وطري غاية نستعمل طريقتي في المخبز وماييبسش طول
راني اتبعت نصايحك حنونة وخرجلي التشاراك ماشاء الله كيما انت نحبك يا أحلى صديقة وأخت

ام ندى 87 · 2013-08-20, 12:26

صباح الخير اليوم كنت ناوية نحدم شوية رشة نخبيها وقلت نحطلكم الصور على المباشر نضت الصباح لقيت وليدي بالحمى مسكين معليش مخلوفة

*بيتي مملكتي* · 2013-08-20, 12:29

لبنات كاينة عقدة نتاع التشاراك و أي قاطو يتحشى باللوز شفتها لبارح في قناة سميرة قالتلك ما تيبسش و ما يتبدلش ذوقها مع الوقت و تمد بنة للوز حبيت نشارككم بيها سيرتو نشوف فيكم تحوسو على عقدة ما تنشفش

قاتلك ديري 3 كيلات لوز مطحون بكيلة سكر و كيلة ماء عادي و مغرفة صغيرة زبدة و رشة ما وراهو السر في الطريقة

تحطي السكر و الماء و الزبدة في طاوة ثقيلة على النار حتان يغلي و من بعد تلوحي اللوز نتاعك و تخليه على نار هادية مع التحريك ساعة على ساعة حتان يولي عجينة طرية نحيه و خليه يبرد و احشي بيه كامل الحلويات اللي بغيتيها تتحشى

قالت كي يطيب اللوز يمد بنة هايلة و قالت القرفة ماتضيفوهاش للحشوة لأنها مع الوقت تمد بنة قديمة

*بيتي مملكتي* · 2013-08-20, 12:31

راني ندير في مطلوع الكوشة نتاعك يا أم محمد

يا ربي يصلحلي

إلهام07 · 2013-08-20, 12:32

اقتباس:

المشاركة الأصلية كتبت بواسطة أم محمد تاج

صباحووووووووووو بناويييييت نشالله تكونو لاباس
لهوووومة الغالية شكرا وألف شكر ليك والله خيرك ما ننساهش مدى الحياة
وراني عاودت التشراك بعجينة أم اماني وحشوة كاكي كيما انت وقلاصاج تاعي تعلمتووو من عند وحدة خبيرة الحلويات والله يذوب في الفم وماييبسش طول راني مجرباتو من قبل وخرجلي هايل مبعد نحط الصور
ولمخبز كي شاحت لعجينة جا يهبل ثاني وطري غاية نستعمل طريقتي في المخبز وماييبسش طول
راني اتبعت نصايحك حنونة وخرجلي التشاراك ماشاء الله كيما انت نحبك يا أحلى صديقة وأخت

العفو عزيزتي حتى أنتيا ديما نهبلك معايا ههههههههههههههه
حقة القلاصاج اللي راكي تهدري عليه فيه البيض ولا بالحليب ؟

اقتباس:

المشاركة الأصلية كتبت بواسطة المبتدئة

صباح الخير اليوم كنت ناوية نحدم شوية رشة نخبيها وقلت نحطلكم الصور على المباشر نضت الصباح لقيت وليدي بالحمى مسكين معليش مخلوفة

ربي يشافيه حنونة ماتستهزايش ف الحمى الماكلة مخلوفة

أم محمد تاج · 2013-08-20, 12:33

أم ماجد بصحتك التحويسة رانا نستناو ما جادت به كاميرتك ههههه
أم نجموووو حنونة أهلا بيك وغداك روووعة بصحتكم أن كليت بيتزا تاع براا ممممم مع كوكا تهبل
أم اياد حنونة واش راكي ليك وحشة ماكيش تزورينا في المطبخ بزاف علاش يا جميل؟؟؟؟؟
المبتدئة سلالالالالالام
أم اسلام وآية مرحبا حنونة واش راكي واش تغديتي؟؟؟؟ ولا الدمار تاع لبلاد أسكتي برك خلي الطابق مستور
ولبنات كامل توحشتكم أمووورة تيتة الغالية أم ياسوووووووو سطوفة كاكي وبروووووقة الرقيقة أم ابراهيم كامل ليكم وحشة ما تصوروش نحبكم كامل يا أحلى شلة

*بيتي مملكتي* · 2013-08-20, 12:35

أم محمد أسكتي برك راني هذا وين لحت لولة و قاعدة نطل ونعاود نستنى إذا راح تنتنفخ كيما انت ولا واش راح يصرالي

أم محمد تاج · 2013-08-20, 12:37

المبتدئة ربي يشفي وليدك نشالله يارب
لهووومة القلاصاج فيه: بياض بيضة فنجال زيت نصو زيت ونصو زبدة ذايبة وفنجال حليب واكستخي تاع اللوز مغرف كبيرة ومغرف صغيرة فاني وملون أبيض لازم باه كي تضيفي الملون لي حابتيه يخرج هو بعد ما يخرجش باهت وتضيفي السكر قلاصي مغربل والله تحفة وماييبسش خلالالالالاص درناه في عرس سلفتي وخبينا سهمة سلفتي وحدة كانت في الطاليان والله فات الشهر وماراح ماجا هو هو على ضمانتي حنونة
أم اياد حنونة قصدك نمطلوع الكوشة تاع الطاجين تاع الطين؟؟؟؟؟

*بيتي مملكتي* · 2013-08-20, 12:37

واي واي راهي قاعدة تتنفخ يا ربي يصلح و لا اليوم يحاوزني صاحب السمو هيهيهيهيهيهيهيهي

إلهام07 · 2013-08-20, 12:38

شكرا أم إياد فكرة جديدة
انا البارح كي كنت نوجد في العقدة فكرت قلت ياخي اللي يخلي العقدة تيبش هو السكر وعلاه مانذوبش السكر في ماء الزهر ونخدم بيه بصح تفكرت بالي السكر أكبر من كمية الماء مايذوبليش وليت فكرت قلت بالاك في المستقبل نرحي السكر باش يزرب يذوب ومايبقاش حبيبات ومن بعد كي يدخل للفرن ييبس
بصح هذي فكرة جديدة والله تعلمت من قناة سميرة بزاف حوايج
شفتها ثاني قالت التشاراك تثقبو في الوسط ثقبة بالكيردان وفي الأطراف يعني 3 ثقبات باش يخرج الهواء ومايتنفخش ويحافظ على شكلو بص مازال ماجربتهاش خفت ييبس الحشو أو يخرج

أم محمد تاج · 2013-08-20, 12:38

ههههههههههههههههههه أم إياد يعطيك الربح لوكان يتنفخ كيما أنا خلات عليك اليوم يحاوزك زوجك ههههههههههههههه

*بيتي مملكتي* · 2013-08-20, 12:39

لالا الخبز المطلوع اللي درتيه في الكوشة

ام ندى 87 · 2013-08-20, 12:40

ام اياد عجبني الحشو هادا لي يطيب ابعثيلي شوية مطلوع نحبو ونخافو مايصلحليش شجعوني باه نديرو

*بيتي مملكتي* · 2013-08-20, 12:42

أم محمد راني نقصد خبز الكوشة اللي داراتو أم إبراهيم شفتي من الخوف لا ما يصلح حتان ودرت صاحبة الوصفة هيهيهيهيه

اسمحيلي دوخت معايا حنونة

ساندي 28 · 2013-08-20, 12:43

لهومتى ولاتزعل يا جميل كولي مع دادو ياك صاحبتك ههه خسارة راحت بلا ماتغدات كولي وخبيلها لغدوى
ام اياد شكرا حنونه وربي يحفظك والله شفت البارح هدا الحشو وصلت معاه غير مع الاخير دارتو خديجه وقلت خسارة مشفتوش علا خاطر انا تاني درت تشاراك ام اماني ودرت حشو اللوز عادي نتاع بكري بصح يبسلي ولا حجر مش متعوده يدير هكا المهم هنيتونا انتى والهام والف شكر كي فكرتينا بالوصفه عجبتنى بزاف نولي نجربهلا ان شاء الله ونردلكم لخبر
ام تاج اهلا بيك يا غاليه بصحتك البيتزا انا نجمو يحبهل بزاف وكي يطلبها لازم نديرهالو درتها عندي يومين ياكل ويتبنن اممممم يا ماما تهبل وراح جتى لعمو ودالو حقو منها يحبو بزاف ربي يحفظهم لبعض