بيتك جنتك ورضاء ربك مبتغاك 2

[بنت الجزاير الغالية]

المشاركة الأصلية كتبت بواسطة **أم محمد يحي**

السلام عليكم اخواتي لي عندها ابناء في السنة اولى والثانية والثالثة ابتدائي عندي مجموعة كبيرة من الاختبارات نقدر نعاونكم بيهم

واش راكي أم محمد إن شاء الله تكوني بخير
أنا وليدي في الخامسة إذا عندك

[دعاء القلوب]

المشاركة الأصلية كتبت بواسطة سمراء الدنيا

ام منيب ما شاء الله عليك جبتيها 10 على 10 و الله غير راكم تفرحو

مينا (ياسمين) القطار وصل ...شفتيه... حتى انت ما عندي مانقول شاطرة بسلامتك

الله يدوم علينا هاذ النشاط و يقدرنا على شقانا و يجعلو في ميزان حسناتنا

فاتي وين راكي .... ياك لاباس ؟؟؟؟

منى ربي يشفيك ان شاء الله و ترجعيلنا و تنشطينا بردودك الجميلة

اشورة دخلتي في المعمعة و لا مازال و القاطو راني شفتو يهبل يعطيك الصحة ..... منين نتهنالك نهبلك بالاسئلة غير صبري شوي

كي صبحتي سمورتي ربي يجيبلك الشفا راكي تشوفي دخلت فيها ديراكت لا احم ولا دستور بيا موالفة فالدورات الي فاتو مع حبيبة جاتني ساهلة بصح مافهمتش هاداك الوقت اللي في البرنامج

المشاركة الأصلية كتبت بواسطة بنت الجزاير الغالية

أسعد الله صباح الجميع واش راكم كااااااااامل و نرحب بالجدد أهلا و سهلا بيكم في بيتكم الجديد
البارح دخلت بالسيف مافاتتلي مشاركة و اليوم ظهرولي الصور الله يبارك الله يبارك قاطوات أريج و صور سمورة و مشاركات البنات ربي يعطيكم صحيحتكم
و الله راني مبسوطة جدا و أنا معاكم ما تتصوروش
وفاء شكرا لولهتينا للإمتحانات بديت نطبق من البارح
اليوم نضت كالعادة مع 6 صليت و قريت جزء وصلت لسورة الزمر
بالنسبة للحفظ اليوم تم مراجعة سورة البقرة كاملة أدعولي يثبتها ربي في صدري و غدا بإذن الله نبدأ في سورة آل عمران
سمورة أمس حطيتي رابط للسنويتشات هايل حبيت نجربة عجبني بصح مالقيتش مقادير العجين إنت منين عرفت المقادير
إتس مي ربي يشفيك يالعوينة و يرجعك لينا سالمة
أم محمد يحي بداية مشجعة و ربي يعاونك و تبقاي معانا
أشورة باين البنات كامل يعرفوك المهم مرحبا بيك معانا
أم ملوكة حبوبتي واش خيطتي أمس حطيلنا نشوفوو شكرا عالجدول
حليمة صحيتي عالنصايح وربي يجازيك كل خير أنا و الله نعمل بيهم و ندعولك

اهلابيك اختي اييييييييييييييييييييييييه نص البنات نعرفهم ملييييييييييييييييييح

المشاركة الأصلية كتبت بواسطة وفاء سعاد

اختي سليمة عندو الحق ابنك راهو حفظ الصباح مع ساعات الفجر افضل راني البارح واين تاكدت من المعلومة هادي انا ولادي صغار نخاف الصباح ماينوضوش ولا يكونو النعاس قاتلهم وبالنسبة لوزني يخي كنت معانا في الدورات السابقة مع مريومة ودرنا التحدي باه نقصو انا كملت كان وزني 80كلغ وطولي 1.70سم والان راهو 72كلغ راني عدت نبان ضعيفة بقات كرشي ماحبتش تدخل راكي تعرفي الولادات واش تدير في المرا بصح انا جاتني انت افضل منى لانو عندك وزن زائد بزاف هو اللي ليه ليه يهبط وقادرة تنزلي بزاف في مدة وجيزة بصح تولي معرضة لكسبه في اقرب فرصه انا الطبيبة تاعي لقبها بوشارب هنا في قسنطينة تفهم لهادي الامور قالتلي وزنك راهو نصو عضلات صعيبة باه تهبطي بزاف وكومام كي رحتلها شبعت فرحة وقالتلي انا اللي عندهم وزن زائد بزاف هوما اللي يجيوها ساهلين امالا اتحداي نفسك وفي بيتك جنتك الخامسة نلقاك وليتي 80كلغ امشي بزاف لاشتة في الدار

سعاد حنونتي واش راكي لاباس و الله ليك وحشة خيتي انتي تحوسي تنقصي ف البوا تاعك ماعندكش حاجة تزيد فيه

[/زهرة عصفور الجنة/]

المشاركة الأصلية كتبت بواسطة بنت الجزاير الغالية

واش راكي أم محمد إن شاء الله تكوني بخير
أنا وليدي في الخامسة إذا عندك

عندي شوية اذا عندك س ك ا يب ابعثيهولي في رسالة خاصة

[/زهرة عصفور الجنة/]

راني الحمد لله شوية الحساسية برك وكي يمرضو الاولاد نمرض معاهم انتقلت عدوى الجدري لمريم وابني..راني مقلقة هذو اليامات فترة اختبارات ومنى وابني راح يروحولهم الدروس والتقويمات

[شموخ امرأة]

المشاركة الأصلية كتبت بواسطة **أم محمد يحي**

السلام عليكم اخواتي لي عندها ابناء في السنة اولى والثانية والثالثة ابتدائي عندي مجموعة كبيرة من الاختبارات نقدر نعاونكم بيهم

اختي انا ولدي السنة الثالثة ابتدائي

[oummalak]

لبنات ما تنساوش اليوم خصصو نصف ساعة لترتيب ديبارة ولا بلاكار ولاغسيل مكوم ولا كوي مكوم ولما تكمل النصف ساعة ما تزيدوش عليها باه ما تملوش

[/زهرة عصفور الجنة/]

وانا أقوم بأعمالي المنزلية احب الاستماع الى القرأن او الاذكار او الدكتور احمد النابلسي ما شاء الله عليهwww.youtube.com/watch?v=HHuegu6VY5Y للي قالت على مشروع حفظ سورة الكهف انا معكي واليوم ان شاء الله راح نبدى

[/زهرة عصفور الجنة/]

المشاركة الأصلية كتبت بواسطة ام عبد اللطيف

اخي ان ولدي السنة الثالثة ابتدائي

ابعثيلي سكا يب تاعك في رسالة خاصة

[الدر المكنون 7]

السلام عليكم ورحمة الله تعالى وبركاته
سلامي لكل الحراير لي مرو من هنا ما شاء الله عليكم ،عجبني النشاط نتاعكم حبيت نعاندكم قلت نبدا بالكوزينة
بالأمس بعد ما درت الغدا يطيب شمرت على يديا وتوكلت على ربي
جبت هادي
وبديت نقي البلافو

ومن بعد الجدران

شوفو الحالة خلف الكويزينيار

جبدتها ونقيت الجدران خلفها وهذي النتيجة

وهذي هي بعد ما نقعتها بالمكشط ونقيتها بالماء والازيس ورجعتها لبلاصتها

ومن بعد نقيت الماشينة لافي ومسحتها

رجعت كل حاجة في بلاصتها وسيقت وجففت ،حطيت الستائر في المشينة يتغسلوعلى خاطر كنت مطفية الكونتار تاع الكهرباء، لحق عليا وقت المغرب صليت ووجدت العشاء
كان يوم متعب لكن النتيجة كانت روعة كلشي ولى يبرق ،واليوم ان شاء الله رايحة نقي لي بلاكار من الداخل ونرتب الأواني ،الله يعيني
سلام

[/زهرة عصفور الجنة/]

المشاركة الأصلية كتبت بواسطة oummalak

لبنات ما تنساوش اليوم خصصو نصف ساعة لترتيب ديبارة ولا بلاكار ولاغسيل مكوم ولا كوي مكوم ولم تكمل النصف ساعة ما تزيدوش عليها باه ما تملوش

ما عندي ما نمل قلت لليوم نخخصصو للحوايج وترتيب خزانتي.لان الثلاجة نظيفة وماعنديش اجهزة اخرى للتنظيف

[وفاء سعاد]

شوفي الحاجة الاولى اللي نصحتني بيها الاوربي ترايك باه كي نهبط في الوزن نبقى مشبوحة ماشي مترهلة وراهي الان الطابي احسن وافضل لانو يهبط الوزن في ساع كل يوم نصف ساعة تولي جلاوط هاهاها وماعطاتنيش رجيم محدد على خاطر مراهيش اخصائية غدائية بصح روعة كون تجيني لعندها تهنيك تبقاي ساعة وانت معاها تقول بسيكولوغ المهم وجبة الحليب قالتلي ماتفرطيش فيها العجائن في الليل ممنوع ولاسخفت ندوق زوج مغارف ونمضغهم مليح باه المخ يسجلهم ومنبقاش سخفانة الماء بكترة لانه هواللي يساعد على الحرق وزيد شفت البنات هنا يزيدو معاه القارص روعة وراني بدلت دواء منع الحمل واحد جديد ورايحة في الصيف ندير اللولب خرج جديد مراهوش هرموني يدير بمليون ونصف ولاطاي تاعك يعدلهالك عند طبيبة واحد هنا في قسنطينة لافامي تاع راجلي اكل عندها شوفي سليمة كون تحطي حاجة وتحبي تديريها راكي تديريها قنعي نفسك برك وخلي العقل الباطن تاعك تدخلو مليح وحاجة اخرى قالتلي كي تعودي جيعانة استناى 10دقائق واشربي الماء والله غير تروح فكرة الماكلة لانو الجسم احيانا كي يعود يحوس عل الماء يبعت اندار خاطئ وان شاء الله ربي يوفقك

[/زهرة عصفور الجنة/]

تحيا النظافة شحال نحب نشم ريحة النقى. ربي يجعل عملك في ميزان حسانتك ولوجهه الكريم

المشاركة الأصلية كتبت بواسطة ghalemmm

السلام عليكم ورحمة الله تعالى وبركاته
سلامي لكل الحراير لي مرو من هنا ما شاء الله عليكم ،عجبني النشاط نتاعكم حبيت نعاندكم قلت نبدا بالكوزينة
بالأمس بعد ما درت الغدا يطيب شمرت على يديا وتوكلت على ربي
جبت هادي
وبديت نقي البلافو

ومن بعد الجدران

شوفو الحالة خلف الكويزينيار

جبدتها ونقيت الجدران خلفها وهذي النتيجة

وهذي هي بعد ما نقعتها بالمكشط ونقيتها بالماء والازيس ورجعتها لبلاصتها

ومن بعد نقيت الماشينة لافي ومسحتها

رجعت كل حاجة في بلاصتها وسيقت وجففت ،حطيت الستائر في المشينة يتغسلوعلى خاطر كنت مطفية الكونتار تاع الكهرباء، لحقعليا وقت المغرب صليت ووجدت العشاء
كان يوم متعب لكن النتيجة روعة كلشي ولى يبرق ،واليوم ان شاء الله نقي لي بلاكار من الداخل ونرتب الأواني الله يعيني

[وفاء سعاد]

اشورة حبيبتي حابة تسماني راهي عندنا في قسنطينة هنا مانعرف لاعندكم انتم اولاالمسمنة السحرية عبارة عن خلطة من اعشاب وعسل ومانعرف واش تاني تاع زين الاتات شوفي البنات كامل داروها ولاو بتاتا هاهاها راهي مفعولها عجيب بصح الاصلية راهي كاينة تقليد ماتدير والو

[وفاء سعاد]

ام محمد راهي ليلي اللي عندها في السنة الاولى والتانية وكدالك الرابعة انا عندي الرابعة ابتدائي نتشاركو في وحدة لكان عندك تاع الرابعة شفتي جيتي تديري الخير حصلتي هدا هو الشعب الجزائري

[وفاء سعاد]

انا تاني معاكم في حفظ سورة الكهف نشوفو البنات لايوافقونا نبداو