مع سآجد خذ العلامة الكاملة في العــلوم..أدخل..أجب..إسأل..حآول..المرآجعــة الشآملــة للثلاثي الأخير.. - الصفحة 13

ريحآنة الوفآء · 2012-05-16, 17:51

ايه صح نعمة لانك كيما تولي تكتبي تنسي مضمون السؤال و تحطي واش فاهمة الكل
و أنا نحط وش فهمت من الدرس المأخوذ منو السؤال
بصح العلوم انت تكوني فاهمة حاجة و لكان تطرقتي لحاجة اخرى من خلال السؤال المطروح يولي كلش غالط العلوم لازمها الدقة

==============
عقبة قلقت لينا نودا
ههه علابالنا تعبت و انت تكتب و تقرى باين عينيك خرجو

نودا ماتقلقيش و علابالك عندي حاجة راح نقولهالك باين مهيش راح تفرحك هي عادي مي ...نعرفك انت حساسة

زكرياء ابن الجزائر · 2012-05-16, 17:52

السلام عليكم شباب لقد عدت هل بإمكانك أن تنسخوا لي الصفاحات التالية لأني لم أجدها في كتاب من الصفحة 177 إلى 192 من فضلكم راني محتاج الكتاب + إذا متقدروس أعطوني رابط تحميل الكتاب من فضلكم و يكون شغال

lamismissa · 2012-05-16, 17:52

اقتباس:

المشاركة الأصلية كتبت بواسطة نجمة المستقبل

أخي فلتعطنا الاجابة و لننتقل لبنية العصب كي نستفييد أكثر

لم يعد بمقدووري البقااء أكثر و لكن بودي المراجعة فلتسرع فضلا لا أمرا

صح عنك الحق خويا ازرب اعطينا الاجابة النموذجية باش ننتقلو لحاجة خرى قبل ماتزيد طيح عليا حاجة ونظطر نروح

سآجدْ للهْ · 2012-05-16, 17:59

الحل صآآي كتبتو

ريآن ما قلقتها ماوالو
وعينيا أصبحو كالطماطم ههههههههه
لا بأس لا علينا

نعمة إقرئي جيدا واش كتبتي ظرك تكتشفي الخطأ

اقتباس:

الاستنتاج: نستنتج أن قطع الأعصاب الودية يؤدي إلى تبطيء في الوتيرة القلبية، وقطع الأعصاب قرب الودية يؤدي إلى تسريع الوتيرة القلبية. ونه نجد أن الأعصاب الودية دورها هو تسريع الوتيرة القلبية، ودور الأعصاب قرب الودية هو تبطيئها.

سآجدْ للهْ · 2012-05-16, 18:00

المهم جهزو أنفسكم سأطرح الأسئلة الخآصة بالعصب...

زكرياء ابن الجزائر · 2012-05-16, 18:02

في إنتظاركم .

ريحآنة الوفآء · 2012-05-16, 18:02

تفضّل عقبة ..........

نجمة المستقبل · 2012-05-16, 18:02

اقتباس:

المشاركة الأصلية كتبت بواسطة ريحآنة الوفآء

عقبة قلقت لينا نودا
ههه علابالنا تعبت و انت تكتب و تقرى باين عينيك خرجو

نودا ماتقلقيش و علابالك عندي حاجة راح نقولهالك باين مهيش راح تفرحك هي عادي مي ...نعرفك انت حساسة

=============

lamismissa · 2012-05-16, 18:03

اسئل اسئل انا راني نستغل الاخطاء تاعي باش من بعد نراجع علابالك راني والو

سآجدْ للهْ · 2012-05-16, 18:03

...

مآهي بنية العصب ؟؟

تتميز الظواهر الكهربآئية بانها صغيرة السعة قصيرة المدى لذلك يستخدم لتسجيلها جهآز
مـــآ هو هذا الجهآز ؟؟
ويستخدم لقيآس موجة من الشحن المآرة بالعصب
بماذا تعرف هذه الظآهرة ؟؟

ماهو كمون الرآحة؟؟
+ كمون العمل؟؟
+ وضح ؟؟

ماهو مفهوم السيآلة العصبية ؟؟

ماهو الإدمآج العصبي ؟؟

إذا نسيت نقآط ما تكلمتش عليهم فكروني لأن الكرآس ماهوش عندي
وبعد ذلك إن شآآء الله ننهي الوحدة الثآنية

سآجدْ للهْ · 2012-05-16, 18:06

اقتباس:

المشاركة الأصلية كتبت بواسطة نجمة المستقبل

هه راكي تشوفي واش داير فيا و أنا ساكتة لو هههه بصح معلييش لازم نصبر في خاطر العلووم
*** رياان علابالك بلي ولا راسي يضرني كي نقعد بزاااف عند الميكرو و الطبيب قالي لازم تريحي بصح راكي عارفة اختباراتي قربوا ***

ايييه معلييش غير قولي كل حاجة من عندك تفرحني حنونتي
اييييه علابالي بلي هو تاني راه تعب رربي يبارك فيه و يوفقوا

ما درتلك والو اختي نودا
انا أيضا راني تعبآن لبآرح راني ما رقدتش تقريب على 1:30 باه رقدت أنا أيضا راني تعبآآن يآآآسر..

وفيك بآآآرك الله ووفقك

ريحآنة الوفآء · 2012-05-16, 18:06

هه خلاص هو يعاون فينا و نحنا نقولو يقلق فينا
المهم ربي يخليك خليك من الحاجة تاعي راهي تافهة باه نطمنك بيها خلينا منها مبعد

التمرين عقبة في انتظاره

نعمة القدوس · 2012-05-16, 18:06

عقبة راني كتبت نفس اللي كتبنااه في الدرس

وهاك شوف بعينييك

lamismissa · 2012-05-16, 18:10

نقولك خويا انا لازملي مراجعة علابالك راني ماني فاهمة والو هاذو مانظنش درناهم ستنى نسقصي صاحبتي ونجاوبك والله حنا رانى كارثة في العلوم كعدت غير التغيب و من بعد تجي ديرلنا 4 دروس في حصة وحدة .....مليح درت المراجعة هذي انا ننسحب خير الظاهر راني 00000سمحلي على الزعاج
لي عودة بصح حتا نتاكد حتى الكلاسور ماوش عندي .........غدوة نحطلك شوي استفسارات ارجو الاجابة عنها

سآجدْ للهْ · 2012-05-16, 18:13

اقتباس:

المشاركة الأصلية كتبت بواسطة نعمة القدوس

عقبة راني كتبت نفس اللي كتبنااه في الدرس

وهاك شوف بعينييك

الإجابة نتاعك صحيحة
راني دخت نسيت ما قريتش [ قطع الأعصآب الودية] لذآ قريتهآ [ الاعصآب الودية ]

قلة تركيز فقط
آسمحيلنا على الخطأ المطبعي