الجزء 137 من كوزينة واش طيبتي اليوم ((كوزينة النجاح في الدارين ))

[زهرة الريف*]

أم إسلام ربي يحفضلك ولادك ويبعد عليهم كل شر آمين
الحمد لله بنتي راهي بخير بصح عقبت شدة وخلعتنا معاها تطلعلها السخانة واش مادرنا ماتهبطش
دائمة دخلت وقالت احتاج منكم الدعاء هي بحاجتو الآن متنساوهاش في الدعاء ربي يفرج عليها وعلى كل مكروب

[زهرة الريف*]

روضة لخية انا كي نشوف روحي عايشة مليح والحمدلله ونتفكر معيشة ميمتي كلشي يسماط والدمعة تقعد بين الشفر
وخاصة راني قليلة الزيارة لأمي وين على وين باه نشوفها تقريبا غير في المناسبات

[almazalina22]

المشاركة الأصلية كتبت بواسطة ikram08

هذا ثاني درتو اليوم

ممممم بصحتك ادي دعاوي الخير من عند لميمة

المشاركة الأصلية كتبت بواسطة آسيا 27

صحة فطوركم
ان شاء الله راكم بخير
ماريا ام ياسين عازفة ام كاميليا ام طيري الجنة الرجاء الاماني الريفية ام تاجو
ام ساجد فطورك
اكرام بصحتها ميمتك
المازة صحة فطورك و لا موس تاع الجوزية هبال و صحيتي على القهوة جبتلك حاجة خير من الحلوة و القعاد في الدار شا قلتي كون نديكم للبحر حنا درجة الحرارة عندنا تقول تمنراست

روووووعة التحويسة بصح حنا عندنا راهي الشتاء شفتو رحمة ربي واااسعة

وين هذا البلاصة علابالي في الغرب راني جاية في الصيف لعين تيموشنت اول مرة ونجي نشرب قهوة عندك ههههه

المشاركة الأصلية كتبت بواسطة *سماح 94*

صح فطوركم البنات ربي يتقبل منكم
ام طيري الجنة هذا باروكي المتوااااضع والله ماني ندير في حاجة من الفشلة ههههههه قتلني التفنيين غير كي نسيق و نغسل المعان راه انجاز هههههههههه

بصحتك الانجاااز ههههه المهم ربي يفرحك بالنتائج

المشاركة الأصلية كتبت بواسطة آسيا 27

عازفة ام مؤمن تبارك الله على هاذا الخير
فرحت كي عجبتكم التحويسة
المازة الكيك درتو موضوع لعيونك يا غالية
https://www.djelfa.info/vb/showthread...post3993814151

موااااح موااااح ذرك نروووووح طلاااالة ههههه طياااار ة


اخواااتي الباقيات اطباااقكم روووووعة ام سااااجد وعزووووفتي وام اسلاااام وروضة والكل

واللي راهم يعاونو في امهاتهم ربي يعينهم ام اسلام وفضيلة والريفية والجميع ربي يجعلها في ميزان حسناتكم وراه من بر الوالدين


ام ياااسو موااااح انت العسل ياااحلو


ام تاااجو راهي تضرب في لاتاي من بعد تجي تقووولنا راسي خخخخخخ بصحتك التقليشة



ام مااااجد طلي واش دارو البنات والفنا نشوفو فطورهم

[أم هبوبة]

السلام عليكم و صح فطوركم
ام طيري الجنة الف مبروك اففتاح الكوزينة و حفلة نسرين ما شاء الله كل شيئ حضرتيه ةو حطيتيه روعة
المنتدى راه مهبلني ما راهش يحب يتحلي و ادا اتحل و كتبت ردود يرحوا لهدا ما رانيش ندخل كرهني
شكرا جزيل لام ياسين الزهراء ال تفكرتني تتفكرك الجنة و العافية و الصحة و ربي يخليك يعلم الله اني نحبك بلا ما نعرفك و تعجبني روحك و كلامك الحلو
دائمة الحمد ربي يفرج عليك و على جميع المسلمين في هدي الايام المباركة
لبنات كل الي حطوا طيابهم ما شاء الله كل شيئ روعة و حطة و بصحتكم
بخصوص قاطو العيد رايحة نعمل للعيد و في نفس الوقت لامي باش تدي معها لفرنسا لانه زوجة اخي ولدت من يومين و جابت ولد و أمي و ابي راهم رايحين ثاني يوم للعيد و كاين مناسبة ثاني اليوم في فرنسا خرجت نتائج شهادة البكالوريا و بنت اختي كانت من الناجحين ان شاء الله نفرحوا باولادنا الي فوتوا البكالوريا النتيجة ان شاء الله تبان يوم الجمعة الله يفرح كل الممتحننين
قطو العيد قلت ندير صابلي الكبريس لام اماني - قاطة المنقوشة و التشارك بالقلاصاج و حلوة ليمول و تارتوت بالنيسلي و قاطو السلطانية لام اماني هادوا الي قي بالي ادا ما غيرتش او اضفت نوع آخر و حابة ندير صابلي بريستيج لليزا و راني خايفة من الشوكولاطة البيضاء لا تغبني

[oum islem]

ربي يهون عليها ويفرج عنها همها وييسر امورها اللهم امين

امين يارب العالمين ولك بالمثل اختي الريفية

روضة وش من مواجع هذو المواقف منذ الازل حتى حنا كي نكبرو نولو كما عجايزنا وامهاتنا وعرايسنا ما يعجبهمش الحال
خاصة انا كي جي عروستي ما نخليهاش تقعد خلاص باه ما نخرجش من كوزينة الجلفة نسكن فيها خخخخخ شريرة

ربي يسعد الجميع ويخفف عليهم ويفرج على كل مكروب ومهموم ويشفي كل المرضى يا رب استجب

صح سحوركم

الى وقت لاحق بحول الله

[almazalina22]

سمااااااح نسيت نسقسيك بواش حشيتي الشوكولا



الريفية علاه حنونة تسكني بعيدة ولا الظروف ماتسمحش ربي يكون في عونك

[oum islem]

عادي الريفية ماعندنا ما نديرو غير ربي يهنينا
انا نسكن تقريبا في نفس الحي مع اهلي وما نروحش بالاشهر امي بصحتها والحمد لله عمرها 52 سنة ربي يطول في عمرها
ويخليها تاج على روسنا بصح بزاف عليها ديما وحدها والدار كبيرة

المازة صح فطورك الوالد بعد العيد يجي لتمنراست كاش ما نبعثلك؟؟؟

روضة انا درتو وكملت بقاتلي غير الكريمة ونقلاصي ما يصرالو والو
ما تخبيهش في السخانة برك

[ikram08]

أختي الريفية شكرًا حتى انا نحب القاطو جديد بصح بديت بكري لأنو نخدم لدارنا و لعجوزتي و لداري حتى انا أمي وحدها ومريضة و مرات نحس أني مقصرة في حقها و لكن مع التربية الله غالب . بالنسبة لي طلبوا الوصفة ديت فكرة الشكل من وصفة ام أماني السلطانيات واستعملت كيلو كاوكاو 400غ سكر قلاصي و لميت بأربعة بيض تقريبا فانيلا و نشكل كريات نضعهم في بياض البيض تم في كاوكاو خشين وتزين بالورود و نطيبهم على نار متوسطة تم نعسلهم في عسل ما يكونش تقيل بزاف

[أم ماجد]

صح فطوركم جميعا
المازة بيقسي عليك الخير حنونة
كنت عند واحدة صديقتي سهرنا وشبعنا شياخة وجينا
للاسف ماصورتش اليوم لفطور لانه مافيه حتى حاجة جديدة خخخخخخخخخخ

[آسيا 27]

راني وليييييييييييييييييييييييت سامطة الله غالب :d :d :d :d
علي حسب ماراني نشوف كملتو الحلوة تاع العيد احنا مازال قررناش الانواع اللي رايحين نديروها زعمة نستنا تحطو كاش حاجة جديدة انا ننقل برك الابداع 0000000000000000 ههههه
الغيابات كثرت هاذو يومين ان شاء الله خير ليزا دائمة الحمد اسيل....و القائمة طويلة صحة سحوركم
باااااااااااااااااااااااااااي

[almazalina22]

واااااع ام ماااجد انت شايخة وانا نستنى في فطووورك المشكل هذاك هي حلاوة فطورك ببساطتو معليش ماتنسايناش غدا وبصحتك السهرة



ام اسلاااام شكرا حبيبتي انا نهبط ل ماما وندير فاكونس الصيف راكي تعرفي بحر ومناسبات وفي سبتمبر نرجع واكييييد نطل عليكم من دارنا اذا قدرت

اكرااام ربي يقدرك انت والريفية

روضة كي تروحي ل ماماك ديريلها القاطو


ام الااء اسمحيلي نستك طاجين الجبن جااااك فوووووور وعجبتني طريقتك واطبااااقك رووووعة


ام هبووووبة الف مبرووووك المزيووود وبالشفاااء للام وطريق السلامة للوالدين وربي يقدرك وتعاونيهم وسلااامي ل سمية


ليزا مابانتش واقيلا هي تاني سااااهرة وااااع درك نفقس فيهم خخخخخخخ

[almazalina22]

اسيا روحي جاوبيني على الكيك غدوا بلاك نديرو ازربي هزي روووحك

[أم عبد الله ياسين2]

السلام عليكم صح فطوركم كل يوم نجي نقرعج شوية و روح ليوم قلت نسلم عليكم و جبت حاجة في يدي وجيت

\
}

{\ \
}

[almazalina22]

انا كنت رايحة نبدا ومن بعد قلت مازال الحااال لانو ياكلوه قبل مايلحق العيييد خخخخخخ

وجدت برك الدوزان والكاوكاو ووووو وراني نستنى


حبيت نسقسيكم هذيك الشوكولا اللي تتباع كاريات كباااار كيفاش تذوب يعني عااادي

بلاك ذرك نصورها ونجي

[أم هبوبة]

المشاركة الأصلية كتبت بواسطة روضة 88

لبنات لي رايحين يدير قاطو الكابريس للغلية ام اماني مكمش خايفين من الكريمة انتاع الزبدة ؟

انا عن نفسي رايحة نلصقه بشوية نيسلي و نوتيلا انا في الاصل ما نحبش كريمة الزبدة