للإجابة عن استفساراتكم حول السنة الأولى '' تخصص الطب '' و كذا '' الطب العسكري ''

[.زَيْنْ الْدِيِنْ.]

المشاركة الأصلية كتبت بواسطة الطموحة نانا

اهلا انا تحصلت على معدل 15.33 لكن هل يقبلوني في كلية الطب كي زدت شفت المعدلات كلها عاليــــــــــــــة
و هل الطب يمدولك النقطة تاعك عادييي لانوا المعريفة تقلقني و صح تحفظوا برك ماكانش الفهامة
و مادا عنه في العاصمة شويا مخوفتني الدعوة لهيه

يقبلوك ان شاء الله ،،،
احنا في قسنطينة ،،سيستام QCM و الاوراق تصحح بالحاسوب ،، يعني الاستاذ ليس له دخل ،،، مايقدرش يزيدلك ولا ينقصلك ،،، غير انهم كي يحبو يتلاعبوا بالنتائج يرتكبوا اخطاء متعمدة فالتصحيح النموذجي ،،، و هاذي اللي هلكونا بيها فالثلاثي الاخير
بالنسبة للحفاظة ،،، و الله لازم تفهمي و ممبعد تحفظي ،، مي ماش كل المواد حفاظة كاين اللي تحفظي و تفهمي ،، و كاين اللي تحفظي حرفيا باه تجيبي نقاط مليحة لانهم يركزو على التفاصيل '' و هاذي تختلف من كلية لأخرى ''
بالنسبة للعاصمة يقولو صعيبة شوية فالسنة الأولى لأنهم يخدمو بنظام synthese يعني يتوجب عليك تكتبي ،، و منه لازم تكوني حافظة ملييييييييح ،،،

[Ryu Zaki 10]

المشاركة الأصلية كتبت بواسطة .زَيْنْ الْدِيِنْ.

بالنسبة للعاصمة يقولو صعيبة شوية فالسنة الأولى لأنهم يخدمو بنظام synthese يعني يتوجب عليك تكتبي ،، و منه لازم تكوني حافظة ملييييييييح ،،،

histo-embryo - biochimie
و في الفصل الاول anatomie
فقط الباقي كله qcm او qcs
انا طالب في كلية الطب بالعاصمة و نجحت في عامي الاول و الحمد لله

[~~يسرى~~]

المشاركة الأصلية كتبت بواسطة ryu zaki 10

histo-embryo - biochimie
و في الفصل الاول anatomie
فقط الباقي كله qcm او qcs
انا طالب في كلية الطب بالعاصمة و نجحت في عامي الاول و الحمد لله

السلام عليكم ،،

أخي انت من جيجل و تدرس بالعاصمة ، هكذا ؟

هل بعتوك لقسنطينة ثم بدلت او درت طب بالعامة بالاختيارات ؟

أجبني أخي ارجوك ،، اني حابة نقرا فالعاصمة و نخاف يبعتو الدفعة تاعنا لقسنطينة ،، سمعت بلي عام بعام

[abdelkader1996]

الطب العسكري .. من وينتا يبدا يتصلو بينا باش نفوتو الفحص الطبي ؟

[.زَيْنْ الْدِيِنْ.]

المشاركة الأصلية كتبت بواسطة abdelkader1996

الطب العسكري .. من وينتا يبدا يتصلو بينا باش نفوتو الفحص الطبي ؟

بعد ماتحط الملـــــف الأولي ،،، و يقبلوك تقنيا ،، يعيطولك باه تجوز الفحص الطبي

ماهي درجة الصعوبة فيها,?

والله ماش صعيبة لدرجة كبيرة ،، فقط مجهود متوسط بقليل من التركيز ،، راح تجيبي نتائج مرضية

سلام اخ زين
مشكور على الموضوع كيف هي احوال الدراسة معك ?

أهلا بك والله الحمد لله الدراسة ماشية top و انت كيف كانت تجربة السنة الاولى معك ؟

[Jessica_Joli]

[SIZE="6"]بارك الله فيك اخي زين استفدت كثيرااااا

لكن انا متحصله على البكالوريا ب 16 من ولالاية ام البواقي اريد طب لكن لم يمنح لي الا في جامعة باتنة مع العلم اني اريده في قسنطينة فمالعمل +++++++

لقد قلت بان علينا تسجيل المحاضرات بماذا...موبايل طابلاط.....هل ستكون جودة الصوت مفهومة

صح صحوركم شكراااااااااااا جزيييييييلا[/SIZE

++ هل يجب توفر pc ??????????? في ماذا نستعمله

++++اريد تحسين لغتي الفرنسية هل توجد مدارس خصوصية قريبة من الجامعة و هل ساجد الوقت للدراسة بها ام انها مجرد مضيعة للوقت ???????????

[.زَيْنْ الْدِيِنْ.]

المشاركة الأصلية كتبت بواسطة Jessica_Joli

[SIZE="6"]بارك الله فيك اخي زين استفدت كثيرااااا

لكن انا متحصله على البكالوريا ب 16 من ولالاية ام البواقي اريد طب لكن لم يمنح لي الا في جامعة باتنة مع العلم اني اريده في قسنطينة فمالعمل +++++++

لقد قلت بان علينا تسجيل المحاضرات بماذا...موبايل طابلاط.....هل ستكون جودة الصوت مفهومة

صح صحوركم شكراااااااااااا جزيييييييلا[/SIZE

++ هل يجب توفر pc ??????????? في ماذا نستعمله

++++اريد تحسين لغتي الفرنسية هل توجد مدارس خصوصية قريبة من الجامعة و هل ساجد الوقت للدراسة بها ام انها مجرد مضيعة للوقت ???????????

اممممم سجلي في باتنة و ديري تحويل لقسنطينة
والله بالنسبة لتسجيل المحاضرات ،،، مآش واجب عليك ،،، فقط اذا كان حبيتي ،، و الا ركزي أثناء المحاضرة و اكتبي ملاحظات برك ،،
-- ال PC ماش محتم ،،، ممكن تقراي منو LES diapo ولا تشوفي لي كونترول هذا ماكان
اللغة الفرنسية ان اردت تحسينها ،، عندك العطلة ،، اما خلال العام فلا داعي ،، مضيعة للوقت برك

هل عندك مقاييس الاختصاصين للسنة الاولى؟

شوف الموقع اللي في توقيعي

السلام عليكم ، قبل كل شيء صح رمضاكم ، انا حاب ندير الطب ان شاء الله ، أخي زين الدين ممكن تفهمنا حول تحميل الملفات من الموقع https://coursdmedecine.blogspot.com هل نحمل كل الملفات أم فيها تكرار
ثانيا : عندي نقص ملحوظ في اللغة الفرنسية كيف أتغلب عليه
و جزاك الله كل خير .

مرحبا اخي ،، لاحمل كل الملفات ،،، مافيهاش تكرار ،، فقط الحاجة اللي تحملها حطها في مكانها

أخي بالنسبة للطب العسكري
رأيت انهم يطلبون المعدل من 12 فما فوق

يعني هل كانوا معكم في شرشال طلاب تحصلوا على الباك ب 12 و 13 و 14 أو من 15 و16 فما فوق ؟؟

باه تدخل للطب العسكري ،، لازمك تكون مقبول فاحدى كليات الطب ،،، و هذا مستحيل بمعدل 12

السلام عليكم و رحمة الله و بركاته
من فضلك انا اطلعت على الاحصاءئات لهذ السنة و كانت حسب رايي مبالغ فيها في عهد بن بوزيد و ماشي هك مع العلم انه نسبة النجاح منخفضة فهل تتوقع ان معدل الطب يطلع الى 15 او يتوقف في 14

والله مانقدر نقولك أي شيئ ،، لأني الاحصائيات و ماشفتهاش

مادا كنت ستندم ادا اخترت طب الاسنان ؟ ارجو ان تكون الاجابة بالتفصيل يعني ما هي سلبياتها بالتفصيل و بارك الله فيك

والله أنا كنت ،، هربت من الطب لطب الاسنان ،،، لأني كنت خايف من الحفظ و خايف نقرا 7 سنوات و مانقدرش نكمل ، قلت ندير طب الاسنان ،،، لأنو عصفور فاليد خير من 10 على الشجرة ... و بعد الحاح من الوالدة ،،، درت طب ،، كي دخلت لقيت الحفظ فيها فيها سؤاءا فالطب ام في طب الاسنان ... كما أنو امتحان التخصص ماش بالحاجة المستحيلة يعني اللي يقرا يجيب ... و الحمدلله قنعت بالطب عادي ...

[نسرين سامي]

المشاركة الأصلية كتبت بواسطة .زَيْنْ الْدِيِنْ.

بعد ماتحط الملـــــف الأولي ،،، و يقبلوك تقنيا ،، يعيطولك باه تجوز الفحص الطبي



والله ماش صعيبة لدرجة كبيرة ،، فقط مجهود متوسط بقليل من التركيز ،، راح تجيبي نتائج مرضية


أهلا بك والله الحمد لله الدراسة ماشية top :d و انت كيف كانت تجربة السنة الاولى معك ؟

سلام هدا العام كان اسوء عام في مشواري الدراسي لكن الحمد لله انو مر على خير

[bastori27]

فكرة ابتعادي عن البيت تؤرقني خاصة انا ما نعتامدش على نفسي كثيرا هذا اول مشكل
معظم من اعرفه لم يتحصل على معدل مليح فانا احس بالوحدة من الان زد الى ذلك اني مجبرة
على الدراسة في وهران
واعاني من نقص في الفرنسية لكن ارادتي من فولاذ و الحمد لله
ولا املك اي فكرة عن الطب كل ما اعرفه عنه هو انني اعشقه و يمكن ان اتخلى عن اي شيء مهما كان من اجله
ولن اتردد عن ذلك ولا لحظة
رجاءا من كل طلاب وهران التفاعل حتى لا اشعر بالوحدة
و النصائح من الاخ الكريم رعاك الله

[amine 1995]

المشاركة الأصلية كتبت بواسطة bastori27

فكرة ابتعادي عن البيت تؤرقني خاصة انا ما نعتامدش على نفسي كثيرا هذا اول مشكل
معظم من اعرفه لم يتحصل على معدل مليح فانا احس بالوحدة من الان زد الى ذلك اني مجبرة
على الدراسة في وهران
واعاني من نقص في الفرنسية لكن ارادتي من فولاذ و الحمد لله
ولا املك اي فكرة عن الطب كل ما اعرفه عنه هو انني اعشقه و يمكن ان اتخلى عن اي شيء مهما كان من اجله
ولن اتردد عن ذلك ولا لحظة
رجاءا من كل طلاب وهران التفاعل حتى لا اشعر بالوحدة
و النصائح من الاخ الكريم رعاك الله

انا من ولاية وهران و ساتفاعل معكم ان شاء الله ........... و الشكر الكبير الى الاخ زين الدين على موضوعه الاكثر من الرائع

[bastori27]

المشاركة الأصلية كتبت بواسطة amine 1995

انا من ولاية وهران و ساتفاعل معكم ان شاء الله ........... و الشكر الكبير الى الاخ زين الدين على موضوعه الاكثر من الرائع

متشرفين اذا ممكن سؤال هل اخترت الطب

[amine 1995]

المشاركة الأصلية كتبت بواسطة bastori27

متشرفين اذا ممكن سؤال هل اخترت الطب

.............................

[amine 1995]

المشاركة الأصلية كتبت بواسطة bastori27

متشرفين اذا ممكن سؤال هل اخترت الطب

نعم اخي تحصلت على معدل 16 و اخترت الطب الحمد لله

[bastori27]

المشاركة الأصلية كتبت بواسطة amine 1995

نعم اخي تحصلت على معدل 16 و اخترت الطب الحمد لله

انا ايضا اخترته معدلي كان 17 لنا لقاء ان شاء الله في الجامعة
هل انت من وهران

[وَ بشّر الصّابرين]

المشاركة الأصلية كتبت بواسطة bastori27

فكرة ابتعادي عن البيت تؤرقني خاصة انا ما نعتامدش على نفسي كثيرا هذا اول مشكل
معظم من اعرفه لم يتحصل على معدل مليح فانا احس بالوحدة من الان زد الى ذلك اني مجبرة
على الدراسة في وهران
واعاني من نقص في الفرنسية لكن ارادتي من فولاذ و الحمد لله
ولا املك اي فكرة عن الطب كل ما اعرفه عنه هو انني اعشقه و يمكن ان اتخلى عن اي شيء مهما كان من اجله
ولن اتردد عن ذلك ولا لحظة
رجاءا من كل طلاب وهران التفاعل حتى لا اشعر بالوحدة
و النصائح من الاخ الكريم رعاك الله

السّلآم عليكم

أنا طالبة طب بوهران ، أي سؤآل سأكُون في الخدمة ...

مشْـكلة الابتعـآد عن الأهْــل ،لسْــــتُ أنــآ من ينصحـكـ عنْهــآ ...........أنــا أحتــاجُ منْ يُوجّهني

شخْصيّــــا أثّرت كثيــرا علَى الحجْــم السّـاعي الذي أجْــلسُه بالقرب من دروسي !

بالتّوفيق ،سلآمـ