= ¦§¦ = شرح نظام lmd وكل ما يتعلق به = ¦§¦ = اي استفسارات تفضلوا بها هنا = ¦§¦ =

[الفراشة الرومانسية]

المشاركة الأصلية كتبت بواسطة سطايفية بكل فخر

والله البارح كنت نتحدث مع طلبة وقالولي بلي كاين قوانين جديدة اتدخل لهدا العام هي كانت مبازيا على الترتيب والمسابقة
قالولي بلي رايحين يديو 50 بالمئة من المسابقة والخمسين الاخرى من معدلات الماستر
اخي منيش متاكدة لانو مزلت مجبتش الخبر اليقين نسال ونخبرك
شيء فقط بالنسبة لكم اخي في احتمال يحدو نسبتكم في مقاعد الدكتوراة كيمات حدوها لصحاب deua لي قراو ليسانس ورايحين يسجلو ماستر يعني اخي عندكم نسبة محددة من مقاعد الدكتوراة تكلاسيو فيها وحكم والنسبة الاخرى يكلاسيو فيها صحاب ال ل م د على العموم متكسرش راسك بهدا الهدرة حتى نسقسيلك ونجيبلك الرسمي

meme moi jé posé le meme probleme ,,, veuillez m'expliquer mon frere!!!!

[سطايفية بكل فخر]

المشاركة الأصلية كتبت بواسطة الفراشة الرومانسية

meme moi jé posé le meme probleme ,,, veuillez m'expliquer mon frere!!!!

اولا انا اختك في الله السطايفية
ثانيا ساسل لكم بادن الله فقط انتظروني انا منهمكة مع بحوثي والتحضير للامتحانات
دعواتكم ليا واغعدروني على التاخير

[ღ♥ღأهمـ واحدღ♥ღ]

المشاركة الأصلية كتبت بواسطة سطايفية بكل فخر

والله البارح كنت نتحدث مع طلبة وقالولي بلي كاين قوانين جديدة اتدخل لهدا العام هي كانت مبازيا على الترتيب والمسابقة
قالولي بلي رايحين يديو 50 بالمئة من المسابقة والخمسين الاخرى من معدلات الماستر
اخي منيش متاكدة لانو مزلت مجبتش الخبر اليقين نسال ونخبرك
شيء فقط بالنسبة لكم اخي في احتمال يحدو نسبتكم في مقاعد الدكتوراة كيمات حدوها لصحاب deua لي قراو ليسانس ورايحين يسجلو ماستر يعني اخي عندكم نسبة محددة من مقاعد الدكتوراة تكلاسيو فيها وحكم والنسبة الاخرى يكلاسيو فيها صحاب ال ل م د على العموم متكسرش راسك بهدا الهدرة حتى نسقسيلك ونجيبلك الرسمي

ربي ينورك أختي دفعتي الحالية بها 04 ليسانس أل أم دي ونحن 11 مهندس فكيف يكون الاختيار وهل كل ماستر يتبعه تكوين في الطور الثالث ام لا ؟ ومامعني الامتحانات المتواصلة التي تضرب في 0.4 وا خري ف 0.6 صراحة نحن جدد وليس لنا دراية كاملة به مشكورة والله موضوعك مميز ومفيد

[سطايفية بكل فخر]

المشاركة الأصلية كتبت بواسطة أهمـ واحد

ربي ينورك أختي دفعتي الحالية بها 04 ليسانس أل أم دي ونحن 11 مهندس فكيف يكون الاختيار وهل كل ماستر يتبعه تكوين في الطور الثالث ام لا ؟ ومامعني الامتحانات المتواصلة التي تضرب في 0.4 وا خري ف 0.6 صراحة نحن جدد وليس لنا دراية كاملة به مشكورة والله موضوعك مميز ومفيد

اخي شوف انا وشا قالنا الاستاد بالنسبة لتخصصي قالنا بلي مثلا عدنا 10 مقاعد النسبة الكبرى من المقاعد تكون لل ل م د مثلا 70 بالمئة يرتبو فيها اصحاب ل م د وحدهم ويكلاسيوهم ومن بعد يهزو الاوائل هدا في الماستر في الدكتوراه كاينة المسابقة الكتابية
و30 بالمئية يكلاسيو فيها اصحاب الكلاسيكي فيما بينهم ونفس الشيء يحدث
وبما انو اصحاب ل م د توالكم 4 منظنش رايحين ياثرو عليكم بزاف
+
مفهمتش سوالك تاع كل ماستر يتبعه طور ثالث اعد طرحه علي بشكل اخر لاجيبك
+
فيما يخص الامتحانات اخي تقصد تاع التيديات ولي كونطرول ولا تاع المسابقة حددلي باش نشرحلك
+
وفيك بركة اخي واجبي اني نمد واش نعرف لاخوتي واخواتي

[ღ♥ღأهمـ واحدღ♥ღ]

أقصد هل كل ماستر يفتح له دوكتوراة ؟؟

واقصد شرح تقييم التنقيط والامتحانات حنا قالولنا 04 فروض + احتبار

[سطايفية بكل فخر]

اخي دخلت في وقتك والله كنت نحوس على وحد الوثيقة من الجامعة ولقيت قانون تاع الدكتوراه فعلا عدلوه في اكتوبر اليك نسخة واي نقطة مش مفهومة فيه فيما يخص ال ل م د سقسيني نجاوبك
https://ft.univ-setif.dz/externe/arretes/Doct-CFD-fr.pdf

[سطايفية بكل فخر]

المشاركة الأصلية كتبت بواسطة أهمـ واحد

أقصد هل كل ماستر يفتح له دوكتوراة ؟؟

واقصد شرح تقييم التنقيط والامتحانات حنا قالولنا 04 فروض + احتبار

مش بالضرورة لكن تقريبا كل ماسترات الجزائر عندها دكتوراة ولكن ليس في كل الجامعات كل مرة تتفتح الدكتوراه في جامعة
+
في,3 و0,7
المهم لدي رد فيه شرح الحسابات تفضل

UOTE=سطايفية بكل فخر;12169916]وفيك بركة اخي
+
بخصوص اسئلتك ابدها سوال بسوال
1)في نظام ال ل م د ليس شرط ان تخرج كل مقياس ب 10 لانو هدا النظام فيه سيستام الكومبونساسيون بين مقاييس الوحدة الواحدة وبين الوحدات في بعضهم
يعني بالمختص المفيد كي يكون عندك المعدل العام 10 يالوكان ديت 0 في كاش موديل تنجح ومتدخلش الراترباج
+
2)الوحدة الاساسية فيها المواد لي عندهم اكبر المعاملات ولي هم اساسيين فالتخصص تقريبا تكون فيها ثلاث او اربعو مواد ومتفوتش هدا الحد
معدل الوحدة
معدل الوحدة =مجموع معدلات المقاييس
لي عندك فيهم تيبيات وتيديات
معدل المقايس =((نقطة التيدي+نقطة التيبي)/2) 0,3x+نقطة الامتحان في 0,7)xالمعامل
لي عندك فيهم تيدي برك
معدل المقياس =(نقطة التيدي 0,3x+نقطة الامتحان في 0,7)xالمعامل
لي معندهمش لا تيدي ولا تيبي
معدل المقياس =نقطة الامتحان فالمعامل
المعاملات عموما متساوية فالوحدة الواحدة مي ساعات تلقاهم وحدة واحدة ومش متساويين وهداك 0,3 و0.7 خاصيين بمعهدنا قادريني يتبدلو في جامعتكم
ملاحظة اخرى كايين تيبيات ميتحسبوش فالمقياس ويتحسبو على اساسا انهم مقياس قائم بحد داته
على العموم علابالي الحسابات مخلطة شويةمن بعد نشرحها بمثال حي
+

نعطيك مثال حول الكومبونساسيون لاني نسيت ممديتولكش مقبيل
مثال فالوحدة داتها
مثلا فالوحدة كاينين ثلاث مواد هوما الرياضيات والكيمياء والفيزياء
نفتارضو اني جبت معدل الرياضيات 14 والكيمياء 8 والفيزياء 9
هنا عندي زوج مقاييس مش لاحقين ال10 نولي نكونبونسيهم بالرياضيات لانو عندي 4نقاط فوق 10 فيها
نغطي النقص لي الفيزياء وهي نقطة والنقص لي فالكيمياء وهي 2 وبالتالي نكون خرجت هدي الوحدة فوق 10
مثال اخر على الكومبونساسيزن تاع الوحدات في بعضاهم
نفترض انو الوحدة تاع الرياضيات والكيمياء والفيزياء مخرجتهاش لاني ديت 8 فالرياضيات و9 فالكيمياء و10 فالفيزياء
المهم معدل الوحدة خرجلي 9 فاصلة حاجة
وفي وحدة اخرى مثلا متكونة من انجليزية ورسم صناعي واعلام الي معدل الوحدة كاملة خرجلي 15
واش نولي نحسب
معدل الوحدة الاولى فالمعامل تاع الوحدة نفتارضو انو 6
كي نضربو 6 ف 9 نلقاو54 والوحدة باش تخرج لازمها 60
اد تخصنا 6 نقاط
فالوحدة الثانية نفرضو معاملها 2
2 فال15 تمدلنا 30 والوحدة تخرج ب 20 يعني 10 كاملة زايدة
نديو منها 6 نقاط ونخرجو بها الوحدة الاولى
ولي بقاو نخرجو بيهم وحدة اخرى
+
3)فيما يخص وحدة الاستكشاف تلقا فيها مادة او 2 تعرفك بالتخصص
مثلا انا قريت بصريات وميكانيك الضبط وحدة الاستكشاف تاعنا قرينا فيها وةج مواد
ديكوفارت 1 حول البصريات وديكوفارت 2 حول الميكانيك قرينا فيهم تاريخ العلم واش فيه يعني بالمختص انو بطاقة تعريفية للتخصص وهوما راهم مقياسين دير فيهم كونطرول عادي وعندهم معامل ضعيف 1 او 2 فقط
+
4)القرض كاين تاع الوحدة وكاين الاجمالي لي هو مجموع قروض الوحدات
من بعد نحكي عليه بالتفصيل
وشا نحبك تعرف اخي انو لما تخرج الوحدة ب10 يكون عندك كامل قروض الوحدة
ولما تخرج المعدل العام ب10 عندك اخي ثلاثين كريدي تاعك
محبيتش نديتاييلك اخي حتى تفهم الحسابات تاع المعدلات لاني علابالي بلي كثرت الهدرة وخفت تتخلطلك
على العموم انت اقرا ردي وحاول تفهمو وادا مفهمتش كاش حاجة قولي نعاود نههمهالك وكي تفهم بيان نولي نحكيلك على القروض
+
اي سوال اخر اطرحو عليا اخي لانو معظم الطلبة يعانون من عدم فهم ال ل م د ومهمش غير صحاب لكلاسيك راهم يقراو ل م د ومش فاهمينو
ونزيدلك ميزة يتميز بيها ل م د على الكلاسيك مكانش النقطة الاقصائية هديك لي عندكم كانت 5
حنا تجيب في موديل 0 نورمال المهم تضمن المعدل الاجمالي 10[/QUOTE]


نقطة نضيفالك اخي ولي تخص الماستر انو االفصول متكونبونسيش بعضاها
يعني لازم عليك تخرج السداسي الاول والسداسي الثاني كل واحد على حدا

[yacine-08]

بخصوص الدوكتراه ، بعد حديتي مع استاذ المشرف على قسم تخصصي

اخبرني انه لن يعود هناك فرق بين الكلاسيك او ال لام دي ، قال لي الان كلكم تدرسون ماستر و اصحاب المعدلات الكبيرة + نتائج المسابقة هم الدي سيكون لهم الفضل للمرور .

قال لي الان انتقلتم من الكلاسيك الى ال لام دي و لو احد كان ليسانس كلاسيك و جلب معدل في الماستر افضل من شخص درس ليسانس ال لام دي و تفوق عليه لا يعقل ان يتم هضم حق هدا الشخص في مواصلة الدراسة بمجرد انه كان نظام كلاسيكي .

يعني من هدا الجانب لا يوجد فرق لكن الشروط الاخرى يجب ان تتحقق متل عدم دخول الراتراباج في سنوات الماستر و معدل العام في المساتر و نتائج المسابقة .

[سطايفية بكل فخر]

المشاركة الأصلية كتبت بواسطة yacine-08

بخصوص الدوكتراه ، بعد حديتي مع استاذ المشرف على قسم تخصصي

اخبرني انه لن يعود هناك فرق بين الكلاسيك او ال لام دي ، قال لي الان كلكم تدرسون ماستر و اصحاب المعدلات الكبيرة + نتائج المسابقة هم الدي سيكون لهم الفضل للمرور .

قال لي الان انتقلتم من الكلاسيك الى ال لام دي و لو احد كان ليسانس كلاسيك و جلب معدل في الماستر افضل من شخص درس ليسانس ال لام دي و تفوق عليه لا يعقل ان يتم هضم حق هدا الشخص في مواصلة الدراسة بمجرد انه كان نظام كلاسيكي .

يعني من هدا الجانب لا يوجد فرق لكن الشروط الاخرى يجب ان تتحقق متل عدم دخول الراتراباج في سنوات الماستر و معدل العام في المساتر و نتائج المسابقة .

شوف اخي ممكن تتغير هدي لما يعمم الماستر ويروح الماجيستير وهدي كاينة في بعض الشعب راح فيها الماجيستار هنا صحاب الكلاسيك عندم غير الماستر وتولي مكانش الاولوية لكن الان راهم يخدموا بالاولوية وزيد الدكتوراه مفيهاش مشكل لانو تقدر تسجل في اي عام حبيت
+
سمعت خبر اخر ومنيش متاكدة منو انو الماستر ثاني تقدر تسجل وقت ما حبيت مش كيما الان لازم سنة الليسانس هي سنة التسجيل بالماستر
ان شاء الله تكون صح لان ليسانس ل م د هو حبر على ورق

[yacine-08]

المشاركة الأصلية كتبت بواسطة سطايفية بكل فخر

شوف اخي ممكن تتغير هدي لما يعمم الماستر ويروح الماجيستير وهدي كاينة في بعض الشعب راح فيها الماجيستار هنا صحاب الكلاسيك عندم غير الماستر وتولي مكانش الاولوية لكن الان راهم يخدموا بالاولوية وزيد الدكتوراه مفيهاش مشكل لانو تقدر تسجل في اي عام حبيت
+
سمعت خبر اخر ومنيش متاكدة منو انو الماستر ثاني تقدر تسجل وقت ما حبيت مش كيما الان لازم سنة الليسانس هي سنة التسجيل بالماستر
ان شاء الله تكون صح لان ليسانس ل م د هو حبر على ورق

الله اعلم اخت السطايفية

فنحن متلا عن التسجيل في الماستر قدمنا تعهد بعدم تسجيلنا لدراسة اي برنامج ماجيستير او ماستر

يعني ااننا سنكون قبلنا الاستمرار بهدا النظام الجديد

لكن فعلا هناك بعض الافضلية لنظام الكلاسيك فيمكنهم المشاركة في مسابقات الماجيستير .. مع دلك اعتقد انه لن تكون هناك اولوية لنظام ال لام دي في الدوكتراه فعند انتهاء السنة كلنا سنكون حملة شهادة الماستر وليس هناك فرق .

وكما قال الاخ نحن في دقعة فيها 22 فقط ليسانس ال لام دي و طلبة الكلاسيك في الدراسة افضل بكتير من ال لام دي .

[سطايفية بكل فخر]

اخي والله بلادنا خلطتها والمتضررالاول هم طلبة ال ل م د لانو مش معتارفين بشهادتهم انتم على الاقل اصحاب لكلاسيك عندكم شهادة وخدمتو بيها
+
حتى الدراسة راك شايف بعينينك لاشارج من جيهة والسابوطاج من جيهة ويقلك اقرا وحدك
وسينورمال تلقا طلبة الكلاسيك معدلاتهم احسن من ل م د بسبب الظروف لي راهم فيها ونظن لهدا السبب دارو الاولوية وان كان كيما قلت انت كلكملما تخلصو تكونو ماستر 2
انا واش نقلك اخي جاتكم فرصة متتعضش وهي انكم توليو دكاترة في 4 سنوات فينما كنتو بكري متجي وين تولي دكتور يروح نص حياتك في الدراسة
استغلوا الفرصة واقراو باش تكلاسيو ومتتاثرو بحتى قانون لانو وزارتنا تبات بقانون تصبح بقانون
+
شوف الرابط لي راهو في مشاركتي الفوق واقرا الفيشي لانو خاص باخر قوانين الدكتوراه اكتوبر 2012 لي في احتمال يزيدو يغيروه

ربي يجيب لخير لبلادنا ويتصلحو جامعاتنا ابتداء من الطلبة لمهمش واعيين باهمية هدي المرحلة في حياتهم وانتهاء بالمسوولين لراهم يحطموا فينا

[yacine-08]

فعلا اختي هناك اختلال كبير في تنظيم الانتقال من النظام القديم الى الجديد ، ولنا متال حول ما حدت هده السنة في مسابقات الماستر من تجاوزات وبعض الشروط التعجيزية .فكل جامعة كانت تضع الشروط على مزاجها .

ليس هناك سياسة واضحة تبين كيفية العمل وتعطي كل دي حق حقه . وحتى ان حدث خطأ او هضم حق احد فيتم الرجوع الى القانون الدي ينص على هده الاشياء ، لكنه لا يوجد .. اتى فقط مرسوم يسمح بفتح الماستر لطلاب الكلاسيك ودلك على حسب ما تستوعبه قدرات الجامعة .

وهداك الفيشي قريت بعض النقاط فيه ، لم ارى اي جملة تبين تفضيل نظام ال لام دي على الكلاسيك .

[سطايفية بكل فخر]

المشاركة الأصلية كتبت بواسطة yacine-08

فعلا اختي هناك اختلال كبير في تنظيم الانتقال من النظام القديم الى الجديد ، ولنا متال حول ما حدت هده السنة في مسابقات الماستر من تجاوزات وبعض الشروط التعجيزية .فكل جامعة كانت تضع الشروط على مزاجها .

ليس هناك سياسة واضحة تبين كيفية العمل وتعطي كل دي حق حقه . وحتى ان حدث خطأ او هضم حق احد فيتم الرجوع الى القانون الدي ينص على هده الاشياء ، لكنه لا يوجد .. اتى فقط مرسوم يسمح بفتح الماستر لطلاب الكلاسيك ودلك على حسب ما تستوعبه قدرات الجامعة .

وهداك الفيشي قريت بعض النقاط فيه ، لم ارى اي جملة تبين تفضيل نظام ال لام دي على الكلاسيك .

وي عندك حق راني قتلك انت تفاديا لاي موضوع حاول تخرج السداسيان تاوعك بمعدل مليح باش متتاثرش باي قانون كان ولان ميكنبونسيوش بعضاهم وان شاء الله تكون علاماتك ومعدلاتك في النظام لكلاسيكي ملاح باش يخدموك وتدخل دكتوراه
ونزيد نوصيكم متضيعوش الفرصة من يديكم
+
وي الفيشي مفيه والو ونورمالمون راهو موحد لكن المشكل كل جامعة تغني في غناها والدليل انو لاحظت في جامعتنا كاينين قوانين مكانش في جامعات اخرى وهدا بعد ما تناقشت انا وبعض الاعضاء هنا
ربي يوفقنا هدا ما نتمناو

[الفراشة الرومانسية]

المشاركة الأصلية كتبت بواسطة سطايفية بكل فخر

وي عندك حق راني قتلك انت تفاديا لاي موضوع حاول تخرج السداسيان تاوعك بمعدل مليح باش متتاثرش باي قانون كان ولان ميكنبونسيوش بعضاهم وان شاء الله تكون علاماتك ومعدلاتك في النظام لكلاسيكي ملاح باش يخدموك وتدخل دكتوراه
ونزيد نوصيكم متضيعوش الفرصة من يديكم
+
وي الفيشي مفيه والو ونورمالمون راهو موحد لكن المشكل كل جامعة تغني في غناها والدليل انو لاحظت في جامعتنا كاينين قوانين مكانش في جامعات اخرى وهدا بعد ما تناقشت انا وبعض الاعضاء هنا
ربي يوفقنا هدا ما نتمناو

يا أختي الله يخليك لوكان برك تقسيلي اسكو حنا معنيين بالدراسة في هاد السداسي أو لا ( انا ماستر2 ) أم نحن مكلفون بالتحضير للمدكرة؟؟؟؟ لان هنا كل أستاد و واش يقول تقدري تقولي حال الطلبة لي متلنا هناك كيفاش راهم دايربن؟
للعلم انا نظام كلاسيكي "مهندسة دولة" و الان ماستر 2...شكــــــــــــــــرا مسبقا وربي ينجحك ان شاالله...

[سطايفية بكل فخر]

المشاركة الأصلية كتبت بواسطة الفراشة الرومانسية

يا أختي الله يخليك لوكان برك تقسيلي اسكو حنا معنيين بالدراسة في هاد السداسي أو لا ( انا ماستر2 ) أم نحن مكلفون بالتحضير للمدكرة؟؟؟؟ لان هنا كل أستاد و واش يقول تقدري تقولي حال الطلبة لي متلنا هناك كيفاش راهم دايربن؟
للعلم انا نظام كلاسيكي "مهندسة دولة" و الان ماستر 2...شكــــــــــــــــرا مسبقا وربي ينجحك ان شاالله...

كيفاش مش معنيين بالسداسي ختي وعلاه مكيش تقراي؟
اختي حنا صحاب الماستر 2 تاوعنا راهم يقراو بشكل عادي وعطاوهم المدكرة ونظن ليموديل تاعهم في الفصل الثاني مكانش يعني يتفرغو للمدكرة
واصدقائي كلهم العام لي فات قراو فصل اول كامل والفصل الثاني مكانوش يقراو تفرغو للمدكرة
في معهدي ثلاث تخصصات ماستر 2 وكلهم يقراو
قوليل انت ولش من تخصص بلاك انتم معندكمش ليموديل بزاف؟