•« متحصل (ة) على الباكالوريا؟,,, طالب (ة) جامعي (ة) جديد(ة) ؟,,,, عرجوا من هنا للاستفادة من خبرة من سبقوكم »•

[سطايفية بكل فخر]

شكرا ليك اكرام بارك الله فيك غاليتي
تحياتي

[nina.16]

slm 3likom
svp 9ololi wech ndir rani 7ayra
est ce que ndir st technologie ou b1 vétérinaire
ma3al 3ilm je ne ss pas tr bonne f la langue française

[softy]

السلام عليكم
صحا فطورك اختي
حبيت نسقسيك على ماستر اوبتو ميديكال في قسطينة فتحوه هذا العام برك ولا كان كاين من قبل
وشحال نسبة القبول من الجامعات الاخرى
حابة نحط الماستر فيها بصح مزال مامدولناش الديبلوم في سطيف
اذا كان نقدر نحط نحط الملف ونقوللهم كيما يوجد الديبلوم نجيبلهم الفتوكوبي
شكرا لك

[كريم044]

السلام عليكم

وفقكم الله

[ماجد93]

شكرا لك سطايفية على النصائح و التوجيهات هاذي
عندكي افكار الله يبارك

رأي الوالد : نكمل ماستر في البرج و ندير حقوق في سطيف ; ; و نشوف كيفاه اذا كان البروقرام شارجي ندير حل نبلوكي ..الخ

للعلم نحب تخصص حقوق و حاب نخرج قاضي ههههه.... الله غالب كلها احلام و طموحات و اماني ")

الباقي يقلي اذا طارتلك المدرسة العليا متراطيهاش خاصة التعليم الثانوي (انجليزية-اجتماعيات-ادب)
فيه شك يهبط معدل القبول لانها مدرسة جديدة و نسجيل جهوي 3 ولايات بجاية جيجل سطيف
إذا فتحت في العلمة الموسم هذا راني بعيد عليها ب5 دقائق مشي فقط هههه
+
هاذو الشعب المسموحة لي نخير منهم 10 راني نحيت تخصصات الفنون التخصص الوحيد لي منقدرش نقراه الله غالب ههه
الباقي كامل مستعد ندرسو : و نلقى راسي فيه ان شاء الله °





+sport في قسنطينة تسخف ههههه
علم الاثار في الجزائر تبانلي مليحة بصح بعيدة المنال
درك لازم نرتب 10 خيارات بطريقة مدروسة ؟
مزالو ايامات و ربي يجيب الخير ان شاء الله
و شكرا

[المانجيكيو]

ما هي الحالات التي يرفض فيها الطالب الإلتحاق بالمدرسة العليا؟

[أسمهان الجزائر]

المشاركة الأصلية كتبت بواسطة سطـايفية بكل فخر

الاخت بداية ديري اعادة ادماج باش ترجعي طالبة ومن بعدها كي يقبلولك تحبي تكملي تخصصك او تحبي تحولي
اي استفسار اخر تفضلي بيه غاليتي

شكرا

وش هي الوثائق مع العلم معنديش سبب طبي

و في سبتمبر ندفعو و لا درك

[SoufianALG]

السلام عليكم، أشكرك أختي "سطايفية بكل فخر" على الموضوع المتميز المساعد للطلبة المتحصلين لشهادة البكالوريا لهذه السنة، جعل الله عملك في ميزان حسناتك إن شاء الله.
-أريد أن أسألك عن "المدرسة الوطنية المتعددة التقنيات ( Polytechnique ) " من حيث فرص العمل المستقبلية و جودة الدراسة بها. أعلم أن الإلتحاق بها يتطلب دراسة سنتين (02) في الأقسام التحضيرية للعلوم و التكنولوجيا، وفي نهاية السنة الثانية يتم إجراء مسابقة وطنية بغـية الإلتحاق بالمدرسة المذكورة سابقا، غير أنني لم أفهم جيدا طريقة إجراء تلك المسابقة و مدى صعوبتها، لأنها -بطبيعة الحال- ستحوي ما تم دراسته خلال سسنتين و لهذا أظن أنها ستكون صعبة نوعا ما..
-وعليه، فأرجو منك يا أختي التوضيح فيما يخص المسابقة "المصيرية" مع إعطاء الرأي فيما يخص فرص العمل بعد التخرج من المدرسة الوطنية المتعددة التقنيات.
...بارك الله فيك، انا في حاجة ماسة لهذه المعلومات. شكر مسبقا، وصح فطوركم...

[salah.177]

انا متحصل على معدل 12.59 تقني رياضي هل هناك اي تخصص غير تكونولجيا استطيع الالتحاق به اريد استثمار معدلي لان التكنولجيا فقط ب 10
وهل هناك امل في مدرسة عليا علما انهم اعطوني مدرسة عليا مسيلة ظمن الرغبات *علوم دقيقة متوسط وثانوي *
وايظا *تارخ وجغرافيا * متوسط وثانوي في قسنطينة *
*ومعلم ادب في مسيلة لغة عربية *

[yassefe]

شكرا لك اختي السطايفة والاخت اكرام ايضا علي المساعدة

[سطايفية بكل فخر]

المشاركة الأصلية كتبت بواسطة nina.16

slm 3likom
svp 9ololi wech ndir rani 7ayra
est ce que ndir st technologie ou b1 vétérinaire
ma3al 3ilm je ne ss pas tr bonne f la langue française

السلام عليكم
اذا كنتي تحبي تقراي العلوم غاليتي وتحبي الحيوانات اقراي فيتيرينار
لكن اذا كنتي تحبي الرياضيات والفيزيا والكيميا خيري التيكنو
شوفي انت وشا تحبي
+
مشكل الفرنسية اعيد واكرر مديروهش في بالكم لانو الفرنسية تقنية وساهلة كلمات المجال وتزيدولهم افعال بسيطة ونتوما رايحين
رايحة نديرلكم موضوع لقدرني ربي بخصوص هذا باش واحد ميخاف
انا كنت تحت الزيرو ودخلت وقريت بالفرنسية والحمد لله راني نسلك راسي
اللغة تكتسب فمتخليوهاش عائق
ربي يوفق

[" سرحات "]

سلام عليكم
اختي سطايفية انا انتظرك في موضوعي
وشكرا
هههههههههه

[سطايفية بكل فخر]

المشاركة الأصلية كتبت بواسطة softy

السلام عليكم
صحا فطورك اختي
حبيت نسقسيك على ماستر اوبتو ميديكال في قسطينة فتحوه هذا العام برك ولا كان كاين من قبل
وشحال نسبة القبول من الجامعات الاخرى
حابة نحط الماستر فيها بصح مزال مامدولناش الديبلوم في سطيف
اذا كان نقدر نحط نحط الملف ونقوللهم كيما يوجد الديبلوم نجيبلهم الفتوكوبي
شكرا لك

على حسب علمي كاين ابتو الكترونيك ابتو ميديكال مسمعت بلي كاينة اصلا في الجزائر
لمن تابعة هي وشا سمعتي عليها باش نسقسيلك صديقاتي لي يقراو ثما
+
نظن قسنطينة الديلي تاعها رايح يخلاص لحقي روحك
+
انت جربي هكا دارو العام لي فات مدولهم الديبلوم بعد الديلي ما خلص وملحقوش بيها رغم انو عندهم معدلات بزاف
لحقو بالجي ومقبلوهمش لحقو بوهران وتلمسان وقبلو منهم

+
في الجامعات كل عام قداش مقعد يحلو معلاباليش هذا العام وشحال
ربي يوفقك سجلي فيهم كامل وزيدو انسيستيو على المعهد يزربو يخدموهلكم

[سطايفية بكل فخر]

المشاركة الأصلية كتبت بواسطة كريم044

السلام عليكم

هل يمكن لأساتذة التعليم الابتدائي خريجي المدرسة العليا للأساتذة اجتياز الماستر؟

أرجو الجواب وجزاكم الله خيرا

نعم اخي كاين قانون يخولكم ذلك لكن نكذب عليك نقلك كيفاش تسجلو
انا قريت القانون مرة صدفة فقط
عندو عامين ملي صادقو عليه
ربي يوفق

[كريم044]

السلام عليكم

وفقكم الله