التحضير البسيط لرمضان و ما بعد رمضان

[OM DHOHA ANES]

مساء الخيرات والمسرات على أحلى فراشات.
وفيكم بارك الرحمان أخواتي ولا شكر على واجب, وربي يبارك فصحتكم على كل ماتقدمنه لعائلاتكن.
اختي رويدة والله لاتعلمين كم نحن بأمس الحاجة إلى صديقات وأخوات في الله مثلك يأخذن بأيدينا ويذكرننا بديننا وسنة حبيبنا عليه افضل الصلاوات وأزكى التسليم.فواصلي ونحن بإذن الله معك...

[OM DHOHA ANES]

وانا بدوري احب ان اضفي بعض من التغيير لكن في المطبخ هههههه
لذلك تفضلن بعض صور من اطباق تصلح لرمضان ان شاء الله.


هاذي جلبانه عادي بالخرشف والقرنون والدجاج ولكن أين الدجااااجههههه هنا كي يتفتتلك او جاك قليل او بغيتي تغيري مثلي درتو ديكخوكات

[OM DHOHA ANES]

وهاذا طاجين الجبن اقتصادي بالدجاج والبطاطا لكن بتقديم فردي

[ام شمسو محمد]

لكل الصائمات في رمضان احتسبن النية و ابتغين الاجر والله لا يضيع تعبكن

[رندة.]

المشاركة الأصلية كتبت بواسطة جهينة اليقين

شكرا ام ضحى على فكرة الورق في التجميد بصح نظن علب البلاستيك الي فيها مثلت وفيه رقم 5 صالحة للتجميد
الثوم كل طرق تجميده ما عجبتنيش يتغير ذوقو راني نخليه طبيعي نعلقو ونخليه ييبس ونستعملو طول العام حتى يلقى خوه

يا أختي جهينة أنا الثوم كي نخليه هكاك باش ييبس وحدو كيما قلتي ينشف ونلقاه فارغ من داخل مانيش عارفة علاه؟؟
يعني أنتي كيفاش اديريلو باش يبقى محافظ على روحو ويبقاو حبّات؟؟.

[OM DHOHA ANES]

هذا ليكويس تاع الدجاج محشيين رااائع بنييين ونضمنلكم بللي راح يحمرلكم وجهكم كيما حمرلي وجهي قدام ضيافي



وهاذي الطريقه للي خدمتو بيها للي حاب يدي فكره.

[IMG]ط[/IMG]

[ام شمسو محمد]

يعطيك الصحة ام ضحى الوصفة مليحة باش نرحي الجاج و ندوزنو و نطيبو مباشرة في رمضان ان شاء الله

الوصفات ماظهروليش

[OM DHOHA ANES]

[ام شمسو محمد]

شكرا جزيلا للتوضيح ام ضحى و الصوص وش درتي فيها ؟

[ام هزار]

الله الله على الغوالي كي يدخلو و يفحفحو الصفحات بالروائح المسكية الطيبة من دين و دنيا فبارك الله فيكن جميعا و زادكن علما على علم اميييين
جهينة لحبيبة مادا بيا نجي عندك و ندوق كلش يا الفحلة ميش غير الحريرة اما عن لفاح فاحنا و نتكلم على عائلتي نديو مثلا عبار كصبر مرحي و نص عبار زريعة البسباس و ربع عبار كروية و ربيع عبار او اقل شوية حبة حلاوة و كاين اللي يزيد الفلفل الاسود وطبعا هدات ينفع للمراقي الحمرا و صدقيني ريحتو تضرب من بعيد و نسيت ثاني اللي يزيدلو و هدا اختياري شوية فلفل احمر حلو احنا ما نديرهش في دارنا نزيدوه و حدو بالمناسبة الاخت اسمهان ربي يدكرها بالخير راهي مدايرة عليه موضوع مفصصل راااائع ممكن تطلعي عليه راهو بالصور ضمن سلسلة التحضير لشهر رمضان الكريم و زايدة تحضيرات اخرى كالثوم مع الكصبر المدقوق و اليابس خصيصا لشربة الفريك و فعلا شربتها تبان روووووعة ما شاء الله
عزيزتي ام ضحى يا خي قتلك راكي مكسب مميز للدورة اليس كدلك ما شاء الله عليك
ام شمسو ربي يطمنك كيما طمنتيني انا قريب بكيت كي شفت لغبار طاير و السما حمرا و بالمناسبة اليوم بعد الظهر درت تنظييييييييف عمييييييق للارضيات مع مسح للغبار و شكرا على المعلومة الخلدونية
رندة انا مع الغبار يهبطلي المرال نحس ما درت والو
ام هاجر ربي يعينك و تكملي اشغالك يا رب واللي نسيتها تسمحلي
سلااااااام يا احلى رفقة

[جهينة اليقين]

والله يا رندة كتبت جرنان وراح كلشي*
المهم قلت لك نشري كمية مليخة من الثوم لما يوصل مليح ويكون ثمنه معقول* ونعلقو في مكان فيه الظل والهوا* ونبقى نستعمل فيه* ايه صح الايام الاخيرة نلقاه فارغ بصح ماشي بزاف ويوجد الجديد*
وقلت لك شفت واحد الطريقة ما شفيتش وين شفتها وهي وضع الثوم قبل ما يفرغ في بلارة مع زيت الزيتون عجبني* وديبانيت بيه الايام الاخيرة* وراه صحي كذلك*

[جهينة اليقين]

شكرا ام ضحى عجبوني الافخاذ المحشيين* شحال درتي من فخذ ؟

[رندة.]

مساء الخير عليكم
شكون إلي راهي دايرة مكان خاص للصلاة في دارها؟؟

هذا المكان نخصصّوه للصلاة بشكل دائم، بحيث أنو يفضّل حجز رُكن خاص بالصلاة يكون داخل غرفة هادئة من غرف المنزل، كغرفة النوم مثلًا، كما يفضّل أن يكون بجانب النافذة إن وُجدت. وباش نحددّو ونبيّنو هذا الركن تاع الصلاة، نقدرو نستخدمو فاصلٍ تقليدي، أو ألواح خشبيّة أو ألواح من الكرتون مقصوصة يدويًّا على هيئة مسجد. ومن أجل تحديد جدار القِبلة، يمكن أنو نقومو بلصق صورة أو إطار تعبّر عليه.
شوفو هاذو بعض الأفكار

[ام هزار]

جزاك الله خيرا اختي رندة فعلا نحن بحاجة ماسة الى مثله مكانا طاهرا نقيا تسمو و تصفو فيه ارواحنا من كدر الحياة و لغطها
بادن الله كون يعود عندي ليستاع غي شوي برك اكيد و بادن الله رايحة نديرو غير مترددة ......................

[رندة.]

بارك الله فيك يا جهينة على الإجابة، أنا ثاني سمعت بيها تاع تخبي الثوم حب في زيت الزيتون.
كاين طريقة ثاني تستعملها أمي هي أنو تخلي الثوم بقشورو وتعمرو في قرعة بلاستيكية وتحطو في الثلاجة مش في المجمد، صدقيني يقعدلها عام ما يصرالو والو.
بالمناسبة المرة الجاية كي تكتبي رد طويل ديريلو نسخ copier وأمبعد اعتمدي اذا فات الرّد خلاص، وإذا مافاتش ديري لصق coller راح بتعاود الرّد تاعك كيما كتبتيه وزيدي اعتمدي المشاركة للمرة الثانية وراح يفوت ان شاء الله.