شارك في اختيار الملكة قبل انتهاء التصويت - الصفحة 13

ليان نجمة البحر · 2013-10-23, 18:10

ههههههههه مضحكة لكن باش نستفاد فالازياء كيما مسابقة تالقي

ومواد التنظيف مانسيتهاش ساحضر الصور عما قريب

نور المستقبل · 2013-10-23, 18:27

اقتباس:

المشاركة الأصلية كتبت بواسطة omar007

يا اختي نور مابكي

والله راني حكيت بشكل جد عادي

يعني غاضاتك كي قلتلك لازم تنظموا رواحكم وحدكم..................

هيا ما تزعفيش........وراهو عندك bonus سقسي اللي تحبي

المهم ترضاي علينا

الشيئ اللي يعجبني فيكم.....ليه ليه تزربو في الانسحاب.....................

لو ماكنت راضية عليك ونحترمك والله ماندخل للمسابقة واذكر اني قلتلك في اول المسابقة المسابقات نبغيها بالرغم
انها توترني صدقني راني عارفة المسابقة اللي دابما تنضمهم يكونو في الاول غامضين من بعد تبان ابعادها تحس بالي راك داخل مغامرات كل يوم تشوف الجديد وتكتشف اشياء كانت غايبة انت اكان تشوف ردودى على الاعضاء دايما نحترمهم ونقدرهم ونحب اي عضو يعاملني بالاحترام زربت في الانسحاب صدقني غاضني الحال حتى بكيت موش من عوايدي ندخل طريق ونرجع فيها مكان حتى مشكل راك في مكان خويا الصغير باذن الله التطبيقات توصلك في اموعدنا متأسفة

ليان نجمة البحر · 2013-10-23, 18:32

اختي وامي نووور دموعها غالية وقلبها الرقيق والحساااااس ما تتقلقيــــــــــش والله انا تاني كيفك الدمعة تجري وبكاية ههههههه هايا قبلاااااااتي يا احلى واغلى نور

صاحب الامل · 2013-10-23, 19:02

فريولة ابتسام · 2013-10-23, 20:04

سلام البنات واش راكم نتمنى تكونوا بخير انا الحمد لله كملت الخياطة اتاعي بعد مجهود تاع ليل ونهر راني صورتهم امبعد نحطهولكم اما عن نهاري كيفاه جاز الحمد لله نضت صباح صليت الفجر علودت رقدت اومعد نضت شربت قهوتي وجدت دوزاني خملت فراشي راحت للمركز كي العادة من8حتى12و من1حتى4وربع واحنا نضفرو اليوم خدمنا حاملة الولاعة كي جيت للدار زوخت شوية بها امبعد راحت صورت الكوزينة وراحت للميكرو حطيتهم فيه وصغرتهم وبعثتهم للاخ عمر اما العشاء الرومانسي هههههههه وجدتو البارح في الليل وصورتو المهمة كانت بزاف صعيبة لاني غير كملت الخياطة اتاعي المزروبة راحت للعشاء على نفس
ابقالي مهمة العلكة والحليب غدوة نوجدهم ياجماعة والله الحليب ماعاد يدخل لدارنا احنا بالكل نشربوا قهوة كحلة منذ الصغر موروثة من اب عن جد يعني مانغسلوش الكاسرونات وضرك راني نحكي على نهاري كيفاه جاز باه نبعثو لمنتدى الجلفة هههههههههه

stayfiya · 2013-10-23, 20:46

ليان يا ختي يومياتك هرج في هرج يعييو لي يعود يقرى فيهم هالتسياق ها الطرولي هالقرايا يعني ربي يكون في عونك لحبيبة انا كون يعطيوني الملايير منوليش نقرا اخلايا سييرتو نتي بعيدة بصح حاجة وحدة نقدر نتعلمها منك الإصرار و المثابرة احسنت يااا ليـــــونة
ام هدولة حبيبتي باينة كنتي شو ي متقلقة و قريتي الرد عاودي أضحكي و واقرايه تلقايه عادي صح هو الاخ عمرة طريقتو في لكلام ناشفة و ديريكت ماتنسايش هو راجل و حنا النسا قلوبنا حنان و نسمة لهوا تقيسنا هههههه وانتي مولات القلب لحنين و الروح الخفيفة و العقل الموزون الله يبارك لا نعطيك بعين هههه و يقولك المستر اااااا واشمن غزوة درتيلي لعشا على جالها ههههه يا حبيبتي سبق و قتلك المسابقة هاذي عندها غاية و هدف مدروس و انا شخصيا تعلمت منها الكثير
تعلمت النظام و ترتيب الاولويات من فريولة و العطاء دون مقابل من نور و الاعتراف و الشكر و التقديرللوالدين من عذراء حب الخير للجميع مهما كانت علاقتنا معاهم من ليان واكيد و الاهم ندية دارتلي روفريش في جانبي الروحي والديني الف شكر حبيباتي

stayfiya · 2013-10-23, 20:48

فريولة ربي يكون في عونك لخية هههه مع ورطات معاً الي الله دبري راسك اشري شكارة حليب و ديريلنا شوي فلون ههههه

معاً إلى الله · 2013-10-23, 20:54

اقتباس:

المشاركة الأصلية كتبت بواسطة فريولة ابتسام

سلام البنات واش راكم نتمنى تكونوا بخير انا الحمد لله كملت الخياطة اتاعي بعد مجهود تاع ليل ونهر راني صورتهم امبعد نحطهولكم اما عن نهاري كيفاه جاز الحمد لله نضت صباح صليت الفجر علودت رقدت اومعد نضت شربت قهوتي وجدت دوزاني خملت فراشي راحت للمركز كي العادة من8حتى12و من1حتى4وربع واحنا نضفرو اليوم خدمنا حاملة الولاعة كي جيت للدار زوخت شوية بها امبعد راحت صورت الكوزينة وراحت للميكرو حطيتهم فيه وصغرتهم وبعثتهم للاخ عمر اما العشاء الرومانسي هههههههه وجدتو البارح في الليل وصورتو المهمة كانت بزاف صعيبة لاني غير كملت الخياطة اتاعي المزروبة راحت للعشاء على نفس
ابقالي مهمة العلكة والحليب غدوة نوجدهم ياجماعة والله الحليب ماعاد يدخل لدارنا احنا بالكل نشربوا قهوة كحلة منذ الصغر موروثة من اب عن جد يعني مانغسلوش الكاسرونات وضرك راني نحكي على نهاري كيفاه جاز باه نبعثو لمنتدى الجلفة هههههههههه

سلااام الله على الجميع ..
أتمنى أن تكون أحوالكم بخير ..

مممم إذن لستم من مستهلكي الحليب .. و فريولة واش تشرب ؟

راح نسهّلك المهمة ما عليش ..
في عوض ما تغلي الحليب ..

أخدميلنا بيشامال .. و ماذابيك تخليها تلصق مليح في الكاسرونة ..

صاحب الامل · 2013-10-23, 20:56

اقتباس:

المشاركة الأصلية كتبت بواسطة stayfiya

فريولة ربي يكون في عونك لخية هههه مع ورطات معاً الي الله دبري راسك اشري شكارة حليب و ديريلنا شوي فلون ههههه

ههههههه

يا بنتي نتي راح تزيدي عليهم

معاً إلى الله · 2013-10-23, 20:57

اقتباس:

المشاركة الأصلية كتبت بواسطة stayfiya

فريولة ربي يكون في عونك لخية هههه مع ورطات معاً الي الله دبري راسك اشري شكارة حليب و ديريلنا شوي فلون ههههه

فكرة رااااائعة ..

المهم نحب نشوف الحليب لاصق في الكاسرونة ..
و الطريقة السهلة لي يقدروا ينظفوا بها الكاسرونة في رمشة عين ..

سلااامي لك أختي سطايفية و للجميع ..

ليان نجمة البحر · 2013-10-23, 21:16

ههههههههههههههههههههههههههه يا اختي معا الى الله طريقتي للي باش نحي الحليب مضحكة ههههههه والشينقوم مزال ما مضغتش يا ويلي يا ويلي

سطوفة ههههههههههه عياوك وزادو تلمو مع بعضاهم وبانو شغل راني في حرب ههههههه سلامتك يا البي

stayfiya · 2013-10-23, 21:18

اهلييين معا الى الله قبيل جيتي في بالي فت على نتاع لي بلونت و خممت نصورلك المنظر ااااااووووووووو تحفة بربي نشالله نديرها وقت الوحدة ينقص الموفمون و نصورلك العفسة

فريولة ابتسام · 2013-10-23, 22:05

اقتباس:

المشاركة الأصلية كتبت بواسطة معاً إلى الله

سلااام الله على الجميع ..
أتمنى أن تكون أحوالكم بخير ..

مممم إذن لستم من مستهلكي الحليب .. و فريولة واش تشرب ؟

راح نسهّلك المهمة ما عليش ..
في عوض ما تغلي الحليب ..

أخدميلنا بيشامال .. و ماذابيك تخليها تلصق مليح في الكاسرونة ..

نزيد نخسر مقادير تاع بيشامال شكون ياكلها ايا خسارة شكارة حليب خير

معاً إلى الله · 2013-10-23, 22:20

اقتباس:

المشاركة الأصلية كتبت بواسطة ليان نجمة البحر

ههههههههههههههههههههههههههه يا اختي معا الى الله طريقتي للي باش نحي الحليب مضحكة ههههههه والشينقوم مزال ما مضغتش يا ويلي يا ويلي

سطوفة ههههههههههه عياوك وزادو تلمو مع بعضاهم وبانو شغل راني في حرب ههههههه سلامتك يا البي

معليش خلينا نضحكو معااااك ..
أمضغيه و لصقيه مليح .. عندك تتحايلي ..

اقتباس:

المشاركة الأصلية كتبت بواسطة stayfiya

اهلييين معا الى الله قبيل جيتي في بالي فت على نتاع لي بلونت و خممت نصورلك المنظر ااااااووووووووو تحفة بربي نشالله نديرها وقت الوحدة ينقص الموفمون و نصورلك العفسة

.. أهلين بيك حبيبتي ..
أوووو تعرفي نسيت ما حكيتلكش ..
ياك مور العيد بيومين رحت ليه ..
و اشتريت من عندو نبتتين ..
واحدة عاملة كي النخلة قالي اسمها [ سيكا ] ..
و الأخرى كي الوردة الكبير نسيت اسمها ..
و أعطاني وحدة باااطل كهدية .. نظن اسمها [ جيرانيوم ] ..

لاحقااا راح نصورهولكم في الحديقة ..

و من كرمه بقى يوزّع في الورود على أولادي ..
قالك العيد و دار الورد سبيسيال للتوزيع ..

أما عن القلااات الفخارية قالي أنو جاب الأسبوع لي قبل العيد لكن خلاصو .. و قال أنو بعد العيد راح يجيب ..

زهري ..

ديما نلقى الكبار و انا حابة الصغار ..
خليها للمكتوب كاش نهار تدينا طريق نعاودوا نجوزوا ان شاء الله هناك ..

ننتظر أن تصوّري لنا جديده في حديقتنا .. تهلاااااي ..

اقتباس:

المشاركة الأصلية كتبت بواسطة فريولة ابتسام

نزيد نخسر مقادير تاع بيشامال شكون ياكلها ايا خسارة شكارة حليب خير

.. أضحك الله سنك يا أختي ..

و هاذ الصور في خااااطرك ..

فريولة ابتسام · 2013-10-23, 22:25

ماتخلاصش هذه المسابقة حتى نولو نساء تاع الصح ولا نبطلو نكونو نساء

مشاهدة نتائج الإستطلاع: لمن تصوت لافضل اطلالة اسبوعية 2013 MISS DJELFA
ندية الجوري	22	28.95%
ليان نجمة البحر	17	22.37%
فريولة ابتسام	15	19.74%
نور المستقبل	11	14.47%
عذراء الجبل	11	14.47%
المصوتون: 76. أنت لم تصوت في هذا الإستطلاع