ورشة الصباط التركي مع abir chemss - الصفحة 13

فاطمة شمس الاصيل · 2014-12-21, 10:13

صباح الانوار حبيبتى عبير الله يعطيك ما تتمني
ربي يبارك خدمتك ما شاء الله
تطبيق ان شاء الله لما نكمل كامل الصباط
وربي يحفظ الاخت كرونو ويرجعها بالف خير
لبنات تطبيقاتكم روعةوالالوان ما شاء الله
الله يعطيكم الصحة

بشيرة 13 · 2014-12-21, 16:17

يعطيكم الصحة ويعطيك الصحة حورية خدميلي واحد بصح كفاش يوصلنيييي؟؟؟

abir chemss · 2014-12-21, 16:21

درك رايحين انديرو الحافر تاع الرجل: نقسمو عدد الاعمدة 12+7+12 .نطلعو مع الـ 7 أعمدة اللي في الوسط بـ7 أدوار و نقصو الخيط

نخيطو الجوانب مع بعض .

الآن انديرو الدورين الاخيرين

ما بين كل عمود و عمود انديرو صدفة +1س حتى نوصلو للصدفة تاع الدور اللي قبل و نديرو صدفة +5س+صدفة في وسط الصدفة +5س +صدفة و نكمل ساير داير

انديرو الدور الاخير بنفس الطريقة

الشريط و التزيين ديروهم خاطر انا ما كانوش عندي

بالتوفيق للجميع

ان شاء الله ترجع الاخت كرونو و ما تكون غير العطلة اللي سرقتها منا

لحن الحياة. · 2014-12-21, 17:15

اقتباس:

المشاركة الأصلية كتبت بواسطة abir chemss

درك رايحين انديرو الحافر تاع الرجل: نقسمو عدد الاعمدة 12+7+12 .نطلعو مع الـ 7 أعمدة اللي في الوسط بـ7 أدوار و نقصو الخيط

نخيطو الجوانب مع بعض .

الآن انديرو الدورين الاخيرين

ما بين كل عمود و عمود انديرو صدفة +1س حتى نوصلو للصدفة تاع الدور اللي قبل و نديرو صدفة +5س+صدفة في وسط الصدفة +5س +صدفة و نكمل ساير داير

انديرو الدور الاخير بنفس الطريقة

الشريط و التزيين ديروهم خاطر انا ما كانوش عندي

بالتوفيق للجميع

ان شاء الله ترجع الاخت كرونو و ما تكون غير العطلة اللي سرقتها منا

شكرا عبير هنا ما فهمتش السطرين الاخيرين ساير داير عالصباط؟؟؟؟

ام حمزة22 · 2014-12-21, 17:40

اقتباس:

المشاركة الأصلية كتبت بواسطة abir chemss

اهلا ام حمزة واش راكي .......عندك الحق راهو نهار يهبل ما يتراطاش .............حتى اعمالك في الكريات السحرية في غاية الروعة ما عندي ما نقول و الله سخفتوني حسب الشوف راني رايح نلحقكم

وبيك اهل وسهلة اختي عبير
مشكورة
ان شاء الله ترجع الغالية فيفي و تشاركينا فالدورة
وان شاء الله يكون المانع خير على الغالية كرونو وترجع لينا بالسلامة

لحن الحياة. · 2014-12-21, 17:47

بنااااااااااااااااااااا ت جاني صغير !!!!!!!!!!!!!!!!!!!نقيس على رجلي و نكمل ننسج اسطر تاع 31 عمود ولا كفاه ندير ربي يحفظكم جاوبوني ضرك

abir chemss · 2014-12-21, 17:48

اهلا جيل .............
شوفي كي لميتي الصباط درك الالعمدة راهم بالعرض ..........فراغ ديري فيه صدفة+1س اللي بعدعا لا ...........يعني فراغ فيه صدفة و فراغ لا متى توصلي هنا

تعملي نفس الشيئ غير السلسلة تولي 5 س
ان تكملي ساير داير
و تعاودي تور اخر نفس الشيئ

ان ما فهمتيش قوليلي نعاودلك بالصور

abir chemss · 2014-12-21, 17:51

اقتباس:

المشاركة الأصلية كتبت بواسطة jill

بنااااااااااااااااااااا ت جاني صغير !!!!!!!!!!!!!!!!!!!نقيس على رجلي و نكمل ننسج اسطر تاع 31 عمود ولا كفاه ندير ربي يحفظكم جاوبوني ضرك

و الله نحير كي تقلي وحدة جاني صغير ...............غير ان تلبسي 40 في رجلك

اماه خيط خدمتي بيه و رقم الكروشي

اني عاودت رجعتلك يا جيل انا في الحرير كي درت السلسلة تاع 10س جاتني ضيق من الفوق كثرت في العدد تاع السلسلو درت بالاك 15 حتى جاني سوا

لحن الحياة. · 2014-12-21, 17:59

نلبس 37 هههههههههههههه و الخيط المسلك تاع الصدور خدمت بيه مدوبلي بصح خدمتي مزيرةة ............. هو الطول تاع الرجل ماجانيش كي درت 8 ادوار تاع 31 عمود

abir chemss · 2014-12-21, 18:04

اقتباس:

المشاركة الأصلية كتبت بواسطة jill

نلبس 37 هههههههههههههه

و الخيط المسلك تاع الصدور خدمت بيه مدوبلي بصح خدمتي مزيرةة ............. هو الطول تاع الرجل ماجانيش كي درت 8 ادوار تاع 31 عمود

هههههههههههه مالا كيفي......صح اللي خدمتو مزير راهو ينقص في الحجم ان كان ماجاكش في العرض الفوقاني تاع الرجل كبري السلسلة تاع 10 راهو يجيك و ان ضيق من البداية عاودي ديري 34 او 36 عمود

حورية38 · 2014-12-21, 18:20

اقتباس:

المشاركة الأصلية كتبت بواسطة بشيرة 13

يعطيكم الصحة ويعطيك الصحة حورية خدميلي واحد بصح كفاش يوصلنيييي؟؟؟

الله يسلمك ان شاء الله حنونة خاطرك وكيفاش يوصل انت لي تعرفي سقسي قووووووووووووووووووووووووووقل

crono · 2014-12-21, 18:56

اقتباس:

المشاركة الأصلية كتبت بواسطة حورية38

صباح الانوار لكل البنات
والشكر الجزيل للاخت عبير على الورشة وجعلها الله في ميزان حسناتك حبيبتي والاخت كرونو
وهدا تطبيقي للورشة قد تم بحمد الله

نتمنى نكون توفقت فيه

اقتباس:

المشاركة الأصلية كتبت بواسطة souma.sousou

السلام عليكم واش راكم الكل .الشكر الجزيل لعبير وكرونو ربي يحفظكم ويجازيكم خير .هذا هو تطبيقي ان شاء الله يعجبكم .ورشة ممتعة وساهلة والفظل يعود لكم ........ونقولكم راهي عندي 3 طلبيات من هاذ المودال كل مانخدم واحد نبعتلكم تشوفوه .بارك الله فيكم ......وتحية لكل لي شاركو ونقولهم يعطيكم الصحة تطبيقاتكم هايلة .......نسيت راهي باقية الحاشية مشريتهاش كي نشريها نديرها ......

اقتباس:

المشاركة الأصلية كتبت بواسطة فاطمة شمس الاصيل

هذا تطبيقي في ميزان حسناتك حبيبتي الله ينور عليك
تسلمي والله يسعد قلبك
ويفرحك باولادك يا رب

اقتباس:

المشاركة الأصلية كتبت بواسطة ملاك26

[/url]
هذا تطبيقي اختي كورنو. نضن بعثتلي رسالة غير ماخرجتليش عاودي ابعثلي وسامحيني في اشقاك ربي يجزيك خير انتي وكامل لبنات

اقتباس:

المشاركة الأصلية كتبت بواسطة farawla01

لبنات هذا تطبيقي راني نخدم الفردة 2 اختي كرونو حطيلنا الجزء الاخير لبنات الي كملو خرجولكم 444444444444444 تتهناو بيهم

اقتباس:

المشاركة الأصلية كتبت بواسطة abir chemss

بصحتك اختي فرولا جاوك هايلين .......................نداء الى الاخت كرونو كمليلهم برك الجزء الاخير ......

.

بصحتكم البنات اجاوكم هايلين

دوك نكملكم الجزء الاخير

farawla01 · 2014-12-21, 19:09

بارك الله فيك اختي عبير اختي كرونوعلى سلامتك راه وصلتني رسالتك بارك الله فيك اختي جيل انا درت 11دور في طول القدم لانو8 جاني صغير نلبس 38 انتي قيسي على رجلك واخدمي

crono · 2014-12-21, 19:14

سمحني طولت عليكم هاد االايام راني معا البنيان و الماصو في الدار مانيش نقعد
مع الاولاد في العطلة علبالكم راني بدالة باش نقعد في الميكرو
هاد اوين قدرت ندخل
والله كنت حاسا بيكم تستنو في الجزء الاخير

abir chemss · 2014-12-21, 19:16

اهلا اختي كرونو على سلامتك ................عرفتها قلت حالة عطلة و اشغال ...............راني تهليت فيهم في غيابك